إضافة رد 
 
تقييم الموضوع :
  • 1 أصوات - بمعدل 5
  • 1
  • 2
  • 3
  • 4
  • 5
عاوز تتأكد أنك من الجيل الموكوس ؟
الكاتب الموضوع
dan_alix غير متصل
مهندس اتصالات مرفوع مؤقتا من الخدمة
***

المشاركات : 160
الإنتساب : May 2009
مشاركات : #1
عاوز تتأكد أنك من الجيل الموكوس ؟
منقول


عاوز تتأكد أنك من الجيل الموكوس ؟ اذا كنت عشت الحاجات دي كلها او جزء منها تأكد انك من الجيل

راجع معايا كده:



1.اذا كان لبسك الصيفي في يوم من الايام مكون من مجموعة تيشرتات (كيلفن كلاين) مضروبة وبناطيل تلجي شارل ستون (يا حبذا لو كانت ماركة انتربول التركية كنت تبقى ملك).



2.اذا كان لبسك الشتوي في يوم من الايام مكون من مجموعة مختلفة من (الهاي كول) ترتدي فوقها قميص كاروهات أو جاكيت هافان.



3.اذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة فيهما ثم فوجئت عند مشاهدهما على الفضائيات ان التليفزيون المصري كان يخدعك طوال هذه السنوات ويعرض لك (ربع المسرحية).


4.اذا كانت الخيارات المتاحة امامك لمشاهدة فيلم في السينما هي فيلم نادية الجندى (نجمة الجماهير) وفيلم نبيلة عبيد (نجمة مصر الأولى) وفيلم عادل امام (مكانش بقى زعيم لسه).


5.اذا كانت الخيارات المتاحة امامك لمشاهدة مسلسل في التليفزيون هي مسلسل أحمد عبد العزيز التاريخي أو مسلسل أحمد عبد العزيز الرومانسي أو مسلسل أحمد عبد العزيز الصعيدي.


6.إذا كانت كل البنات من حولك معجبين بأحمد عبد العزيز ويرينه فارس أحلامهن (رغم قصر قامته وشنبه اللي مش عاطفي اطلاقا).


7.اذا كنت متابعا جيدا لسهرات التليفزيون الممتعة (اخترنا لك - تاكسي السهرة - بانوراما فرنسية)


8.اذا كنت شاهدت اثنين او اكثر من حفلات ليالي التليفزيون والتي كان الاعلان عنها يصحبه رقم الليلة (ليالي التليفزيون..الليلة السادسة والعشرين)..حتى جاء الاختراع اللى اسمه مارينا وقرروا ينقلوا الحفلات فيه لتقضى نحبها وتدفن بمقابر الساحل الشمالي.


9.اذا كنت تشاهد عند عودتك من المدرسة أو الجامعة برنامج (أماني وأغاني) لتشاهد أحدث الكليبات المكررة يوميا متحملا في سبيلها سماجة مذيع البرنامج (احمد مختار).


10.اذا كنت تنتظر بلهفة برنامج (كلام من دهب) رغم مذيعه الأكثر سماجة طارق علام.


11.اذا كنت عاصرت مشكلة ادمان الهيروين وحاصرتك تماما في الافلام والمسلسلات والاعلانات والصحف (جميع نجومنا ونجماتنا تقريبا لعبوا دور المدمن وتألموا وهم يطلبون "شمة واحدة" رغم ان المتعاطي لا تصبح حالته بهذا السوء إلا بعد أن يتعدى مرحلة الشم لمرحلة الحقن!).


12.اذا تكون عاصرت انحسار مشكلة ادمان الهيروين بعد ادراك الشباب لاخطاره واتجاه العاقلين منهم للحل السحري الأكثر أمانا ومتعة (الحشيش)!!!


13.اذا تكون شاهدت على الحجار مرتين في يوم واحد على نفس القناة...مرة العصر مرتديا التيشرت والشورت والنضارة الشمس وهو يغنى (يا اسكندرية يا مدوبانى) ومرة الفجر مرتديا الجلباب والجبة وهو يغني (صلينا الفجر فين).


14.اذا كنت اعتدت ارتداء الكاسكيت بشكل مقلوب حاميا قفاك من الشمس ولم يكن شكلك (بتاع انابيب)!


15.اذا كنت تمتلك مجموعة من روايات رجل المستحيل وملف المستقبل وتعتبرها قمة فى الادب..وكنت تقوم باستبدالها من المكتبة باعطاءه العدد وربع جنيه لتحصل على عدد آخر.


16.اذا كنت قد عاصرت الصراع على قمة مبيعات الكاسيت بين عمرو دياب ومحمد فؤاد

17.اذا كنت تترقب بشدة أى حفلة بها فقرة (عزب شو) وتستمتع بحمود عزب وهو يقلد محمد منير ومحمد نوح!


18.اذا كنت شاهدت فيلم (جحيم تحت الماء) أكثر من عشر مرات واستمتعت برائعة سمير صبري الكارثية (اضحك يابو علي يا خفيف الدم)!!!!


19.إذا كان قمة الثقافة والعلم في رأيك ان تشاهد بانتظام حلقات برنامج د.مصطفى محمود (العلم والايمان).


20.اذا كنت قد مشيت في شوارع المعمورة لتجدها كلها تستمع لأغنية (عبد القادر) للشاب خالد أو (حوا) لمجدي خوري أو شريط (سحراني) لايهاب توفيق.


21.اذا كنت قد حضرت فرحا او اكثر اسمتعت فيه لاغنية (بدنا نتجوز عالعيد).


22.أن تكون قد عاصرت قنبلة (كابوريا) التي جعلت كل الشباب يزيل الشعر من جانبي رأسه ليبدو مثل (حسن هدهد) .


23.ان تكون (امعانا فى الثقافة الموسيقية) قد اشتريت اصدار او اكثر من شريط الكوكتيل الغربي (واتس ناو).


24.ان تكون قد شعرت بحرج بالغ عندما شاهد والدك او والدتك احد حلقات مسلسل (فريندز) معك لما يحتويه على كلام جنسي بذئ (بمقاييس وقتها طبعا!).



25.ان تكون شاهدت كليب المغنية حنان الشهير (اضحك بقى وافرجها ياعم)..واطلقت على المغنية بينك وبين اصدقائك لقب (المعزة).


26.اذا كنت تمتلك البومين أو أكثر لتجميع الستيكرز (صور لاعبين كرة أو شخصيات كارتون حسب ميولك وقتها).


27.اذا تكون قد منعت لعدة أيام من اللعب في الشارع بسبب خوف أهلك عليك من (السلعوة)!


28.إذا كنت قد تابعت بشغف واحد من مسلسلات (ذئاب الجبل - المال والبنون - ليالي الحلمية - من الذي لا يحب فاطمة)


29.اذا تكون قد شربت أكثر من مائتي زجاجة كوكاكولا في شهرين من أجل رحلة (البحث عن الجادون).


30.اذا اعتدت في الصيف ان تشغل الكاسيت بصوت عالي عصرا وتقف في البلكونة بالفانلة الداخلية والسلسلة وفي يدك كوب الشاي والسيجارة (لو كنت مدخنا) مستمتعا بسماع الموسيقى ومعاكسة البنات وانت متأكد من أن الحوار الدائر بينهن يدور حول وسامتك!


31.اذا تكون قد استخدمت علبة جيل الشعر كلها مرة واحدة (لو كنت ابن ناس ومعاك فلوس) او قمت بفرد شعرك بكريم جلات (لو كنت ابن ناس برضه بس مش معاك فلوس) لتقوم بزحلقة شعرك ليبدو مثل عمرو دياب في أغنية نور العين.


32.اذا كنت قد لعبت في طفولتك باحدى اشكال لعبة (الميكانو).

33.اذا كنت قد حضرت امتازت فيه أسماء الشهرة للسيارات الفاخرة بالرومانسية الشديدة (الخنزيرة - التمساحة - البودرة
- الشبح).


34.اذا كنت قد اشتريت (بلوفر تملى معالك) بالوانه الشهيرة الابيض والاسود والاخضر.


35.اذا شاهدت يوميا بعد الافطار في رمضان برنامج (بدون كلام) الذي يقدمه الممثل حسن مصطفى والذى اعتاد ان يستضيف زوجته ميمي جمال في أحد الفريقين وان يتحيز للفريق الذي تشارك فيه ويقوم بتغشيشهم.


36.ان تكون قد لاحظت حسن مصطفى وهو يميل على اذن فيفي عبده ليقرأ لها اسم الفيلم في الورقة (لم تكن قد تعلمت القراءة بعد).


37.اذا شهدت النجاح الساحق لاغنية حمدي باتشان (ايه الاساتوك ده..اللى ماشي يتوك ده).


38.اذا شهدت تحويل نفس الاغنية لاعلان مسحوق غسيل سافو بمشاركة حمدي باتشان والموديل الأشهر في مصر وقتها
(نسرينا).


39.اذا كنت قد شهدت انحدار ذوق ذكور مصر لدرجة جعلت وفاء عامر ملكة للأغراء ونهلة سلامة نموذج للأنوثة


40.اذا كنت قد شاهدت نادي الزمالك يترك أفضل لاعب في مصر (رضا عبد العال) يرحل للغريم التقليدي الأهلي بسبب رفض طلبه لزيادة راتبه السنوي برقم ضخم للغاية (خمستاشر ألف جنيه!!!)


41.اذا كان المسلسل الكوميدي المفضل لك في الابتدائية هو (بكيزة وزغلول) وفي الأعدادية هو (وانت عامل ايه) وفي الثانوية (يارجال العالم اتحدوا)..خاصة شخصية بطرس منقريوس التي لعبها النجم حسن حسني.


42.اذا طاردتك ايمان الطوخي لفترة من حياتك..تجدها صباحا بطلة لمسلسل الأطفال (كوكي كاك) وعصرا مغنية تقول (انا من النظرة الأولى شفت الدنيا بلون الورد) ومساءا ممثلة تلعب دور استر بولونسكى فى رأفت الهجان.


43.اذا كانت الألعاب الألكترونية المتاحة لك تتراوح بين الاتاري الاسود (ابو دراعين كبار) او كومبيوتر صخر التعليمي (صاحب الالعاب السخيفة) أو الاتارى الفاميلى (سوبر ماريو وكابتن ماجد طبعا) أو الأميجا أبو ديسكات (ولعبته الشهيرة سينس بول).


44.اذا كنت قد تابعت بشغف مسلسل (الرقص على سلالم متحركة) وتحدثت مع اصدقاءك عن شخصياته (دينا طحن ووديدة صاروخ وناصر اورجنايزر).


45.اذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي.


46.اذا شاهدت مسلسلا للمخرج حسام الدين مصطفي ورأيته في أخر التتر بصلعته اللامعة وسلسلتة الذهبية ينظر للكاميرا بابتسامة غريبة وهو يشير بابهامه لأعلى.


47.اذا كان مسلسل الأطفال المفضل لديك في رمضان يتراوح بين (سلاحف النينجا) و (باور رينجرز)..


48.اذا قمت بتركيب (موتور) لتحريك الاريال فوق السطوح وقمت بتزويده بجهاز (بوستر) لتقوية الاستقبال وسهرت في ليلة صيفية تحرك الاريال بحثا عن قنوات المستقبل والام تي في وسيجما واسرائيل الثانية!!



49.اذا كرهت الشخصية التي لعبتها تيسير فهمي في مسلسل (أبناء ولكن) والتي تسببت في تحويل حياة جميع الشخصيات الأخرى إلى جحيم..وفوجئت بها في الحلقة الأخيرة تندم على افعالها وتتحول لحمل وديع ويتصالح الجميع ولا عزاء لمرارتك المفقوعة.


50.اذا كنت قضيت ايام و ليالي بتسمع اغنيه "دي دي" بتاعه الشاب خالد الي كانت مكسره الدنيا و لما كانت تخلص تجيبها تاني من الاول

51.اذا كان كل مصروفك ضايع علي الفيديو جيم خصوصا لعبه الديناصورات بتاعه مصطفي و حنان , و عمرك ما قفلتها لحد دلوقت


52.اذا كنت ضيعت تحويشه سنه علي سماعتين بايونير بيضاوي و ايكوليزر جينسن و ركبتهم في عربيه ابوك الي كنت بتقلبها منه بليل


53.اذا كنت بتبقي قاعد مستني حلقه مازنجر و بمنتهي البساطه و انت مندمج في الاحداث يقطعوها عشان يجيبوا مجلس الشعب


54. اذا كنت دخلت فيلم "تيتانيك" اسطوره الرومانسيه و شفت البنات و هي طالعه من السينما منهاره و بتعيط من احداث الفيلم و انت طالع بتعيط علي فلوس التذكرة



راجع نفسك كدة
حتحس ان كنت عايش عيشة غريبة


[صورة مرفقة: n1047366024_393892_6115083.jpg]

[صورة مرفقة: n1047366024_393896_2309513.jpg]

[صورة مرفقة: n1047366024_393890_1571589.jpg]

[صورة مرفقة: n1047366024_393884_938193.jpg]

[صورة مرفقة: n1047366024_393889_2186552.jpg]

[صورة مرفقة: n1047366024_393881_4428725.jpg]


[صورة مرفقة: n555429746_962273_6057.jpg]

[صورة مرفقة: n555429746_1080426_6954.jpg]

[صورة مرفقة: n555429746_962274_6392.jpg]



[صورة مرفقة: n1425735947_30283593_2592793.jpg]





اللى ماعش الفترة دى
أكيد فاتته حاجات كتير جدا

[صورة مرفقة: fakrwy8.jpg]
05-22-2010 09:28 PM
عرض جميع مشاركات هذا العضو إقتباس هذه الرسالة في الرد
عاشق الكلمه غير متصل
فل من الفلول
*****

المشاركات : 6,000
الإنتساب : May 2007
مشاركات : #2
RE: عاوز تتأكد أنك من الجيل الموكوس ؟
(05-22-2010 09:28 PM)dan_alix كتب :  17.اذا كنت تترقب بشدة أى حفلة بها فقرة (عزب شو) وتستمتع بحمود عزب وهو يقلد محمد منير ومحمد نوح!

طيب واللى كان بيستمتع بمحمود عزب وهو بيقلد سمير الاسكندرانى وكرم مطاوع ومفيد فوزى يبقى ماعش الفتره دى ؟

(05-22-2010 09:28 PM)dan_alix كتب :  45.اذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي.

واللى كان بيستمع الى اوتار الليل بصوت محمد وفيق يبقى معاش الفتره دى ؟؟

(05-22-2010 09:28 PM)dan_alix كتب :  اللى ماعش الفترة دى
أكيد فاتته حاجات كتير جدا

اكيد طبعا فاته حاجات كتير اهمها :

1 - برنامج ماما نجوى ومعاها بقلظ

2- برنامج فكر ثوانى واكسب دقايق وخصوصا حلقه الراجل البسيط اللى طلب يقابل الريس والريس استجاب لطلبه وقابله فى مكتبه .

3 - برنامج حديث المدينه للسمج مفيد فوزى

4 - اقتناء شريط " لولاكى " للمغفل على حميده والترديد الدائم لتلك الاغنيه التافهه .

وكفايه كده علشان نسيب حاجه لغيرنا

24 24

لو حطيت صور اللى حصل فى تونس والسودان والعراق ومصر والبحرين واليمن وليبيا وسوريا أمام كائن له أربع أرجل وديل سيفهم أنه مخطط لتقسيم الدول العربية وليس صدفه !!.

حسب الله الكفراوى وزير الأسكان المصرى الأسبق .
05-22-2010 09:55 PM
عرض جميع مشاركات هذا العضو إقتباس هذه الرسالة في الرد
dan_alix غير متصل
مهندس اتصالات مرفوع مؤقتا من الخدمة
***

المشاركات : 160
الإنتساب : May 2009
مشاركات : #3
RE: عاوز تتأكد أنك من الجيل الموكوس ؟
اضيف كمان ابله فضيله وبوجى و طمطم والكابتن ماجد وليالى الحلميه والمال والبنون والبندقيه الى فيها فله 2424

[صورة مرفقة: fakrwy8.jpg]
(آخر تعديل لهذه المشاركة : 05-22-2010 10:21 PM بواسطة dan_alix.)
05-22-2010 10:19 PM
عرض جميع مشاركات هذا العضو إقتباس هذه الرسالة في الرد
THE OCEAN غير متصل
عضو متقدم
****

المشاركات : 609
الإنتساب : Oct 2009
مشاركات : #4
RE: عاوز تتأكد أنك من الجيل الموكوس ؟
(05-22-2010 09:28 PM)dan_alix كتب :  [صورة مرفقة: n1047366024_393896_2309513.jpg]

[صورة مرفقة: n1047366024_393890_1571589.jpg]

[صورة مرفقة: n1047366024_393889_2186552.jpg]

[صورة مرفقة: n555429746_962273_6057.jpg]

"تلك أيام خلت"
05-23-2010 07:07 PM
عرض جميع مشاركات هذا العضو إقتباس هذه الرسالة في الرد
بهاء غير متصل
ممنوع 3 أسابيع
*****

المشاركات : 3,101
الإنتساب : Oct 2004
مشاركات : #5
RE: عاوز تتأكد أنك من الجيل الموكوس ؟
إقتباس :53.اذا كنت بتبقي قاعد مستني حلقه مازنجر و بمنتهي البساطه و انت مندمج في الاحداث يقطعوها عشان يجيبوا مجلس الشعب
لازالت المرارة فى قلبى .... كان ذلك فى وقت من يمتلك الفضائيات يمتلك الكثير !
05-23-2010 08:29 PM
عرض جميع مشاركات هذا العضو إقتباس هذه الرسالة في الرد
قطقط غير متصل
عضو رائد
*****

المشاركات : 4,722
الإنتساب : Oct 2004
مشاركات : #6
RE: عاوز تتأكد أنك من الجيل الموكوس ؟
حياة فقط محورها الفرجة على التليفزيون ؟؟؟؟!!!! ، فين الشغل ياأولاد المدارس ؟

هأمشى أعلنها بين الناس .. بيسوع وحده الخلاص
05-23-2010 09:46 PM
عرض جميع مشاركات هذا العضو إقتباس هذه الرسالة في الرد
dan_alix غير متصل
مهندس اتصالات مرفوع مؤقتا من الخدمة
***

المشاركات : 160
الإنتساب : May 2009
مشاركات : #7
RE: عاوز تتأكد أنك من الجيل الموكوس ؟
(05-23-2010 09:46 PM)قطقط كتب :  حياة فقط محورها الفرجة على التليفزيون ؟؟؟؟!!!! ، فين الشغل ياأولاد المدارس ؟

الشغل موجود بس الى يشتغل

[صورة مرفقة: fakrwy8.jpg]
05-23-2010 09:50 PM
عرض جميع مشاركات هذا العضو إقتباس هذه الرسالة في الرد
قطقط غير متصل
عضو رائد
*****

المشاركات : 4,722
الإنتساب : Oct 2004
مشاركات : #8
RE: عاوز تتأكد أنك من الجيل الموكوس ؟
غير المتعلمين يعملوا ، أما المتعلمين فيلعبوا

هأمشى أعلنها بين الناس .. بيسوع وحده الخلاص
05-23-2010 10:00 PM
عرض جميع مشاركات هذا العضو إقتباس هذه الرسالة في الرد
سيسبان غير متصل
New Life
****

المشاركات : 664
الإنتساب : Mar 2008
مشاركات : #9
RE: عاوز تتأكد أنك من الجيل الموكوس ؟
(05-22-2010 09:55 PM)عاشق الكلمه كتب :  
(05-22-2010 09:28 PM)dan_alix كتب :  17.اذا كنت تترقب بشدة أى حفلة بها فقرة (عزب شو) وتستمتع بحمود عزب وهو يقلد محمد منير ومحمد نوح!

طيب واللى كان بيستمتع بمحمود عزب وهو بيقلد سمير الاسكندرانى وكرم مطاوع ومفيد فوزى يبقى ماعش الفتره دى ؟

(05-22-2010 09:28 PM)dan_alix كتب :  45.اذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي.

واللى كان بيستمع الى اوتار الليل بصوت محمد وفيق يبقى معاش الفتره دى ؟؟

(05-22-2010 09:28 PM)dan_alix كتب :  اللى ماعش الفترة دى
أكيد فاتته حاجات كتير جدا

اكيد طبعا فاته حاجات كتير اهمها :

1 - برنامج ماما نجوى ومعاها بقلظ

2- برنامج فكر ثوانى واكسب دقايق وخصوصا حلقه الراجل البسيط اللى طلب يقابل الريس والريس استجاب لطلبه وقابله فى مكتبه .

3 - برنامج حديث المدينه للسمج مفيد فوزى

4 - اقتناء شريط " لولاكى " للمغفل على حميده والترديد الدائم لتلك الاغنيه التافهه .

وكفايه كده علشان نسيب حاجه لغيرنا

24 24
5-مشاهدة برنامج سينيما الاطفال صباح كل يوم جمعه تقديم المذيعه السنيحه عفاف الهلاوى مع متابعة حلقات الكلبه لاسى ثم بعد ذلك "بعد صلاة الجمعه" مسلسل الارض نادت و قالت غناء انغام و بعدها عالم الحيوان Big Grin
6- انتظار برنامج نادى السينما ليلة السبت مع الدكتوره دريه شرف الدين
7- الاستماع الى اغنية يا ليلة العيد انستينا و لبس بجامة العيد الجديده"طبعا بعد الحُمايه المتينه" مع الاحساس الشديد بالحزن لذهاب رمضان و الفرحه العارمه لحضور العيد
8-انتظار الفيلم الهندى بلهفه يومياً فى العيد الكبير

وجدت سـكوتي متجرا فلزمتــه ..إذا لم أجد ربحا فلست بخاسر
وما الصمت إلا في الرجال متاجر ..وتاجره يعلو على كل تاجــر
الامام الشافعى
05-24-2010 01:18 AM
عرض جميع مشاركات هذا العضو إقتباس هذه الرسالة في الرد
ATmaCA غير متصل
Maximum Security
*****

المشاركات : 2,936
الإنتساب : May 2005
مشاركات : #10
RE: عاوز تتأكد أنك من الجيل الموكوس ؟
أيام !

أنا حضرت التسعينات بداية من 91 لفترة كبيرة فى مصر قبل الطيران الى تركيا والعودة مرة اخرى.
الجميل فى التسعينات بداية من 1991 وإنت طالع ؛ أن ال tv كان ثابت وبه قنوات محددة ؛ تفتح الtv تلاقى القناة الأولى والثانية حتى تصل إلى التاسعة ؛ فكانت الحياة بسيطة والبرامج محددة وكنا نتابعها يوميًا لسنوات طويلة حتى إنتهت ؛ ولذلك تشعر بهذا الحنين تجاهها وكأنها ماتت. أما الأن فتجد ألف قناة وكل قناة تتحدث فى شىء مختلف وكأنه مولد وصاحبه غايب ..


ونذكركم أيضًا بـــ :

[صورة مرفقة: CabinetLarge-hercules.jpg]

http://www.youtube.com/watch?v=GFjgQ0CGl...re=related
05-24-2010 04:21 AM
عرض جميع مشاركات هذا العضو إقتباس هذه الرسالة في الرد
إضافة رد 


التنقل السريع :


مستخدمين يتصفحوا هذا الموضوع: 1 ضيف