![]() |
الشاعر حسني مبارك .. - نسخة قابلة للطباعة +- نادي الفكر العربي (http://www.nadyelfikr.com) +-- المنتدى: الســـــــــاحات الاختصاصيـــــة (http://www.nadyelfikr.com/forumdisplay.php?fid=5) +--- المنتدى: أقــلام ســاخـرة (http://www.nadyelfikr.com/forumdisplay.php?fid=82) +--- الموضوع: الشاعر حسني مبارك .. (/showthread.php?tid=10728) الصفحات:
1
2
|
الشاعر حسني مبارك .. - discovery2 - 06-08-2007 ياشعبي حبيبي ياروحي يابيبي ياحاطك في جيبي يابن الحلال ياشعبي ياشاطر ياجابر خواطر ياساكن مقابر وصابر وعال ياواكل سمومك يابايع هدومك ياحامل همومك وشايل جبال ياشعبي اللي نايم وسارح وهايم وفي الفقر عايم وحاله ده حال احبك محشش مفرفش مطنش ودايخ مدروخ واخر انسطال احبك مكبر دماغك مخدر ممشي امورك كده باتكال واحب اللي ينصب واحب اللي يكدب واحب اللي ينهب ويسرق تلال واحب اللي شايف وعارف وخايف وبالع لسانه وكاتم ماقال واحب اللي قافل عيونه المغفل واحب البهايم واحب البغال واحب اللي راضي واحب اللي فاضي واحب اللي عايز يربي العيال واحب اللي يائس واحب اللي بائس واحب اللي محبط وشايف محال واحبك تسافر وتبعد تهاجر وتبعت فلوسك دولار او ريال واحبك تطبل تهلل تهبل عشان مطش كوره وفيلم ومقال واحبك تأيد تعضض تمجد توافق تنافق وتلحس نعال تحضر نشادر تجمع كوادر تلمع تقمع تظبط مجال لكن لو تفكر تخطط تقرر تشغلي مخك وتفتح جدال وتبدأ تشاكل وتعمل مشاكل وتنكش مسائل وتسأل سؤال وعايز تنور وعايز تطور وتعمللي روحك مفرد رجال ساعتها حجيبك لايمكن اسيبك وراح تبقى عبره وتصبح مثال حبهدل جنابك واذل اللي جابك وحيكون عذابك ده فوق الاحتمال وامرمط سعادتك واهزأ سيادتك واخلي كرامتك في حالة هزال وتلبس قضيه وتصبح رزيه وباقي حياتك تعيش في انعزال حتقبل ححبك حترفض حلبك حتطلع حتنزل حجيبلك جمااااال الشاعر حسني مبارك .. - -ليلى- - 06-09-2007 قال يا فرعون إيه فرعنك قال مالقيتش اللى يصدنى :rose: الشاعر حسني مبارك .. - -ليلى- - 06-09-2007 وصلتنى رساله بنفس المعنى تقريباً اعتقد مكانها هنا بدل فلان الفلانى هى .... مذكرات حاكم عربي
مشهد 1 لا ادري مدى صحة الحديث النبوي كما تكونوا يُولّى عليكم ولكن المعنى صحيح اذن فانا الوجه الاخر لعملة شعبي وحين تشتمونني تشتمون أنفسكم اجيبوني.. كيف ينجب شعبا شيطانيا حاكما ملاكا؟ ******* مشهد 2 تريدونني ان اصبح مثل عمر.. انام تحت ظل شجرة؟ فكرة رائعة عرضت الامر على اجهزتي الامنية فافادتني بالتقرير التالي إن رعية عمر كانت علي وعثمان فحق له ان ينام ملء جفونه دون ان يخشى قنبلة موقوته او تفجيرا انتحاريا هل أفحمتكم؟ إذن اصمتوا ******* مشهد 3 أرق على ارق ومثلي يأرق لم انام لأن امرأة في اطراف الارض صاحت: واااااامعتصماه لامست سمعي ولم تلامس نخوة المعتصم ولكن مستشاري لشئون التأصيل ذكّرني فجأة بأن اسمي ليس المعتصم فاصدرت فرمانا ثوريا بتحويل النداء الى قبر المعتصم ونمت نوم قرير العين هانيها ******* مشهد 4 من على شرفة قصري الفخم غازلتني سحابة همست لها بعشق امطري حيث شئت فسيأتيني خراجك ثم دعوت الى اجتماع عاجل مع الاخ مدير الضرائب ******* مشهد 5 من بغضنا حتى اصابه السل لم يجد منا شرا.. ومن ابدى لنا سريرته قطعنا عنقه هذه الحكمة الذهبية هي للحجاج بن يوسف الثقفي وهي تطربني حتى الثمالة لذا أمرت ان تكتب بماء الذهب وتعلق على جدران القصور ومداخل الجسور ونقاط العبور ليعلم الناس أن الاستبداد له جذور وان الحزم تجارة لن تبور ******* مشهد 6 حين وصفني صحفي بالغباء امرت ان يحاكم بتهمة التطاول على الذات الملكية وفوجئت به يحاكم بتهمة افشاء اسرار الدولة ******* ستارة.. انتهى الفصل الاول ![]() الشاعر حسني مبارك .. - discovery2 - 06-10-2007 ادام لنا الله بريدك ورسائلك :97: المفارقه انها مضحكه مبكيه في نفس الوقت انا اؤمنيت حياتي اني اشوف خلقه جديده رئيس للجمهوريه غير الي من ساعه ما اتولدت وهوه لابد فيها هل تتحق امنيتي :26: الشاعر حسني مبارك .. - -ليلى- - 06-10-2007 ديسكافرى والله انا حظى احسن منك بكتير عدى عليا 3 رؤساء لدلوتنا المعظمة:D صحيح الأول ما افتكرش منه غير جنازته لكن التانى فاكراه كويس جداااااااااااااااا بخطبة اللى كانت بتقعد بالساعات:15: اما التالت فخلاص تعبت منه و ياريت يتغير:d: يجيب جمال يجيب متأل اى حد حتى لو ابو جلامبوا نفسه بس يمشى بقى :duh: الشاعر حسني مبارك .. - discovery2 - 06-11-2007 يا بختك (f) وعقبال ما يعدي عليكي 6 كمان بعد رئيسنا المظفر بس الواحد هيزعل علي الانجازات الي كل يوم كانت بتحقق في عهده :25: الشاعر حسني مبارك .. - بهاء - 06-11-2007 Array قال يا فرعون إيه فرعنك قال مالقيتش اللى يصدنى :rose:[/quote] أكثر كلمة بتجننى , هى الكلمة دى يعنى عايزين الشعب الأعزل يخرج يمسك فى قوات نظامية مدربة على القتال , ويقتحم قصر الجمهورية , ويعلق الحاكم على عمود السوارى ! شئ فى منتهى العجب , والتخلف من أمتى أجتمع المصريين على مشروع رجل واحد ؟ طول عمرنا شعب بيجرى وراء أوهام , وبيتعلق عليها , وبيبنى عليها بيوت وسد عالى وسد واطى سيبوا دين أم الشعب فى حاله ( ليلى لا أقصدك أنت بالكلام , لكن أقصد المتخلف عقليا اللى طلع الجملة دى )(f)(f)(f)(f) الشاعر حسني مبارك .. - discovery2 - 06-11-2007 انا الصراحه شايف ان احنا ناقصنا واحد زي غاندي او مارتن لوثر كينج يكون عنده الشجاعه لمواجهة النظام بدون عنف بس المشكله ان الظروف دلوقتي ما تسمحش نظرا لتفشي الجهل والفكر الوهابي والاخطر مسانده الكنسيه والازهر للنظام وعدم اقتناع الناس بالدوله المدنيه يعني لو حسني اتكل مفيش غير الاخوان المجرمين البديل يعني خربانه خربانه الشاعر حسني مبارك .. - -ليلى- - 06-11-2007 بهاء Array أكثر كلمة بتجننى , هى الكلمة دى يعنى عايزين الشعب الأعزل يخرج يمسك فى قوات نظامية مدربة على القتال , ويقتحم قصر الجمهورية , ويعلق الحاكم على عمود السوارى ! [/quote] بهاء تعرف إحنا ليه شعب أعزل مش لأننا عزلاء من السلاح اللى نقف بيه قدام القوات النظامية- مع ان دا مش الحل لأنها مجرد ديل الحية - لكن لأننا ما عندناش إراده شعب سلبى بننجر ورا كل شىء بمنتهى السهولة مش كلنا لكن كتير مننا للاسف لأنى ما اقدرش اعمم كلامى على الكل لو قرأت القصيدة بشكل متعمق يمكن تبكى منها مش تضحك شعب بيهرب من المواجهه لأى شىء يلهيه ينسيه خيبته و سلبيته هاديك مثال ابسط شىء من فتره كان الكلام عن الدروس الخصوصية و كادر المعلمين شفت المهزلة اللى حصلت فيه لو المعلمين مع بداية السنة الدراسية اخدوا موقف و رفضوا يدرسوا لحد ما يدوهم مرتبات تعيشهم زى البنى ادمين يبقوا بصحيح يستاهلوا نسميهم معلمين و نسلم لهم ولادنا و احنا مغمضين عينينا و ساعتها هايقدروا يوقفوا الحكومة عند حدها تفتكر هايعملوا كدا؟؟؟؟؟؟؟؟؟؟؟ لاء طبعا بس ليه لأنهم مش عارفين و لا مش عايزين لا ناقصهم ايد و لا رجل و لا لسان لكن طبعا الدروس الخوصية فلوسها اكتر و السلبية طبع كتير منا و يمكن كمان الخوف احنا ممكن نعمل كتير جدا لو عايزين لكن احنا بنستسهل للاسف المثل اللى انا قلته صحيح للاسف و زيه فى مثل بيقول سكتناله دخل بحمارة مش لازم لا نعلق الحاكم و لا حاجه لا على عامود و لا مشنقة لكن لازم نجبروا انه يحكمنا بصورة فيها آدمية شعوب كتيرة افقر منا لكن عندهم إرادة و ايجابين اتمنى نوصل لنص اللى هما وصلوله العيب مش فى حكامنا يا بهاء العيب فينا احنا Arrayشئ فى منتهى العجب , والتخلف من أمتى أجتمع المصريين على مشروع رجل واحد ؟ طول عمرنا شعب بيجرى وراء أوهام , وبيتعلق عليها , وبيبنى عليها بيوت وسد عالى وسد واطى سيبوا دين أم الشعب فى حاله [/quote] و لحد امتى هانفضل كدا Array( ليلى لا أقصدك أنت بالكلام , لكن أقصد المتخلف عقليا اللى طلع الجملة دى )(f)(f)(f)(f)[/quote] صدقنى بهاء ما قالش الكلام دا من فراغ لو بصيت لحياتنا اليومية هتلاقى كلامة صح لما تسكت لانسان مفترى من اول مره هايركبك و يدلدل رجليه و ساعتها بيكون من الأصعب انك تقف قدامه مره تانية لكن لما بتعافر من اولها حتى لو ما اخدتش حقك بيتعمل لك الف حساب و حساب يمكن تقول على كلامى الكلام سهل لكن انا بكلمك عن تجربة انا كنت من النوع السلبى بشكل ينقط بصراحة و لسه فيا جزء من السلبية دى لكن لما جربت اقول لاء فرقت معايا كتير على الأقل حسيت انى ليا لزمة و ليا قيمة و لو قدام نفسى:) طولت عليك اعذرنى discovery2 Arrayيا بختك وعقبال ما يعدي عليكي 6 كمان بعد رئيسنا المظفر [/quote] بتدعيلى و لا بتدعى عليا:D يعنى قدامى كمان 25 * 6=150 سنة :blink: :97::wr::redrose: الشاعر حسني مبارك .. - -ليلى- - 06-11-2007 Array انا الصراحه شايف ان احنا ناقصنا واحد زي غاندي او مارتن لوثر كينج يكون عنده الشجاعه لمواجهة النظام بدون عنف بس المشكله ان الظروف دلوقتي ما تسمحش نظرا لتفشي الجهل والفكر الوهابي والاخطر مسانده الكنسيه والازهر للنظام وعدم اقتناع الناس بالدوله المدنيه يعني لو حسني اتكل مفيش غير الاخوان المجرمين البديل يعني خربانه خربانه [/quote] و جيمى راح فين ؟؟؟:D جبتولى إكتأب اكتر من اللى عندى حاليا الله يسامحكم لو انتم يا شباب بالشكل دا امال احنا يا عواجيز نعمل ايه بقى :21: اعتقد انى هاروح اخبط راسى فى الحيط زى ما هتقولوا لحسنى لاء هتقولوا لغيروا لو مشى على نفس المنوال برضوا لاء بالعكس احنا مش متفشى فينا الجهل العلم اكتر من الهم على القلب طلاب الجامعه اكتر من الهم على القلب احنا متفشى فينا السلبيــــــــــــــــــــــــــــــــــــة احنا مش ناقصنا حاجه كل اللى ناقصنا إرادة و ايجابية بس مش اكتر :( |