+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: ليلى والذّئب .... النسخة الأردنية الكركية (/showthread.php?tid=19287)
الصفحات:
1
2
ليلى والذّئب .... النسخة الأردنية الكركية - كمبيوترجي - 03-29-2006
ليلى الكركية
كانت ليلى بتتبرطع مع الغنم في الوطاة ورا الدار لمّا سمعت أمها في الحوش بتنادي عليها: "ليلاااا! تعي جاي!"
أجت ليلى وقالت ليها: "ويش أدّك يمّا؟"
قالت أمها: "خذي هاللّبنات وديهن لجدّتكي تمرسهن عشان ودنا نطبخ منسف بكرى"
ردّت ليلى: "حاظر يمّا".
أخذت ليلى اللّبنات بالسّلة وبدت تمشي وهيّه تهيجن, ومافي شوي ولاّ ليلى بتسمع صوت بقول ليها: "قوكي ياخيّة!"
اتطلّعت وقالت: "قويت, بس منو إنت؟"
قال ليها: "أنا, ويش أدكي فيّي, وين موجها؟"
قالت ليه: "عند جدّتي"
فكّر شوي و قال ليها: "هانا اقرب ليكي من الطريق تبعتكي, شو رايكي تيجي من هانا معاي؟"
قالتله: " روح يا رجل فكني من شرك و امشي من قدامي احسن لأصمتك بزعموط اللبن أجيبك أرض"
قاللها: "يا بنت الأوادم, هاي الطريق بتوصّل اسرع لجدتكي, ردي عليّ وخلينا نطيح من هان أقرب لينا"
قالتله: "اسمع ترى منا شايفه الظو , إقلب وجهك!"
ولمّا شاف التشلب انّو ليلى معيّه ترد عليه راح ركاض من طريق قريبة و سبق ليلى على بيت الجدّة.
وصل البيت ودفش الباب بإجره ودخل, قالت الجدّة (بخوف واستغراب): "منو هاظا؟!"
لفّت وجهّا و لمّا شافت التشلب, قالت ليه: "البين يطسّك خرّعتني, وشّو اللّي جابك يا مسخّم؟"
قاللها التشلب: "مالك انطبزتي؟ هو انشبي عاد واسكتي!" نط عليها ودملها بين اللّحف و حشاها بلخزانة!
لبس التشلب ثوب الجدّة ونام مطرحها.
وما شوي ولا ليلى بتدق الباب. وقال التشلب (بصوت الجدة): "افتح الباب وفوت!"
فتحت ليلى الباب و قالت: "هاذي أنا يا تيتا!"
قال التشلب: "اقربي جاي! أنا تلفانه, مني قادره أقوم!"
قرّبت ليلىِِ عند الجدّة و هي متعجبة وقالتها: "شايفيتك كايسه! شو مال صوتك مبحوح؟"
قال التشلب بصوت الجدّة: "أيوا يا تيتا, امبارح نمت متكشفه!
قالت ليلى: "هاي فهمتها, بس لويه أذانكي كبار؟"
جاوب التشلب وقال: "عشان اسمعكي مليح"
قالت ليلى: "اه اه اه, طب و علام عيونكي, كبرانات؟"
قال التشلب: "عشان اشوفكي كويّس, مهو الكبر عبر يا تيتا"
قالت ليلى: "سالامتكي يا تيتا, بس لاويه زقمك كبير هيه؟"
قال التشلب: "عشان ازلطك فيه!" ونط التشلب على ليلى وبدو يوكلها!!!
صرخت ليلى على طول صوتها:
"ويلييي, يا غبصة يا حزينة!!! ساعدوني .....!!!"
ولحسن حظ ليلى كان أبوها قريب في السيل بتصيّد, و لمّا سمع صراخها: "ساعدوني ساعدوني!" تناول البارودة و راح يحجل حجل عل عرقوب و ركاظ على بيت الجدّة!
شاف التشلب ناط على ليلى بدو يوكلها, هو شاف هيك طار ظبان عقله, ويهكّة دمسه عفرخ الهام وإنه مجحّظ.
بعدين راح لا ليلى وطلّعو الجدّة من الخزانة!
و ثاني يوم طبخوا مناسف و شرّبوا لبن و سمن و عاشوا مبسوطين
:D
ليلى والذّئب .... النسخة الأردنية الكركية - العلماني - 03-30-2006
اقتباس:شاف التشلب ناط على ليلى بدو يوكلها, هو شاف هيك طار ظبان عقله, ويهكّة دمسه عفرخ الهام وإنه مجحّظ.
.....
و ثاني يوم طبخوا مناسف و شرّبوا لبن و سمن و عاشوا مبسوطين
هذه الجملة "عربية" يا "كمبيوترجي"؟
(f)
رائع ...
واسلم لي
العلماني
ليلى والذّئب .... النسخة الأردنية الكركية - كمبيوترجي - 03-30-2006
اقتباس: العلماني كتب/كتبت
اقتباس:شاف التشلب ناط على ليلى بدو يوكلها, هو شاف هيك طار ظبان عقله, ويهكّة دمسه عفرخ الهام وإنه مجحّظ.
.....
و ثاني يوم طبخوا مناسف و شرّبوا لبن و سمن و عاشوا مبسوطين
هذه الجملة "عربية" يا "كمبيوترجي"؟
(f)
رائع ...
واسلم لي
العلماني
والله يا علماني أنا علمي علمك :D اللهجة الكركية صعبة جدا وتستعصي على كثيرين من أهل الأردن :confused:
(f)
ليلى والذّئب .... النسخة الأردنية الكركية - ريمة - 03-30-2006
كيف ممكن لفظ القاف؟
بالقاف أو بالكاف أوبالـGـاف ... بس لحتى نعرف نحكيها للأولاد
جميلة جدا شكرا لك..
(f)
ليلى والذّئب .... النسخة الأردنية الكركية - bassel - 03-30-2006
:lol::lol:
ليلى والذّئب .... النسخة الأردنية الكركية - كمبيوترجي - 03-30-2006
اقتباس: ريمة كتب/كتبت
كيف ممكن لفظ القاف؟
بالقاف أو بالكاف أوبالـGـاف ... بس لحتى نعرف نحكيها للأولاد
جميلة جدا شكرا لك..
(f)
بالـــGـــاف :D
ليلى والذّئب .... النسخة الأردنية الكركية - SonofSun - 03-30-2006
هاظ حكي ما بعدو حكي..
أبصرش..:D
لازم ينسميها رائعة كمبيوترجي
:rose:
ليلى والذّئب .... النسخة الأردنية الكركية - أبو خليل - 03-30-2006
يحكى أن ليلى, وخلال تجوالها في الغابة, رأت الذئب وراء شجرة فقالت: أأنت الذئب؟
فقال الذئب: نعم, أنا الذئب
ثم رأته يقبع في مغارة فسألته مجددا: أأنت الذئب؟
فقال الذئب: نعم, أنا الذئب
ثم رأته يجلس خلف صخرة فقالت: أأنت الذئب؟
فقال الذئب: نعم أنا الزفت, أنا الخرا, ك* إختك, ممكن تحلي عن ط*زي وتخليني أعرف شخ (أبول)
:lol:
ليلى والذّئب .... النسخة الأردنية الكركية - Nils - 03-30-2006
جاري البحث عن مترجم كركي-عربي
ليلى والذّئب .... النسخة الأردنية الكركية - بسمة - 03-30-2006
ابتسم فأنت في الأردن
>إذا مشيت بالشارع يوم من الأيام ... وشفت سياره تكسي صفرا
>من جوا ضو أزرق ... وسي دي معلق على المراي ... وجواتها شب مربي سكسوكه ولابس
>بنطلون كونز ومعبي السيارة من برا تعليقات وملصقات ... فأنت تسير في شوارع
>الأردن
>إذا كنت واقف على الإشارة ولما تصير صفرا بتسمع سبعين واحد بيزمرو وراك ....
>فأنت في الأردن
>إذا كنت ماشي وعلى بعد 200 متر إشارة خضرا .. وشفت كل السيارات بتتجاوز عنك عن
>اليمين .. عن الشمال ... مش فارقه .. المهم يلحقوا الإشارة خضرا .... بتكون في
>الأردن
>إذا دخلت أي دائرة حكومية وشفت الموظف قاعد ماد بوزه ومكشر ووجهه فلتبتسم لانك
>في إحدى الدوائر الحكومية في الأردن
>اذا سمعت الحوار التالي
>- ألو
>- ألو
>- مرحبا
>- هلا .. هلا
>- كيف الحال
>- والله الحمد لله ... انت شو أخبارك
>- تمام الله يسلمك
>- شو فيه ما فيه
>- والله صافيه وافيه .. مين معي
>- انت الطالب .. مين حضرتك
>- مش تليفون ابو غازي
>- لا يا خوي النمره غلط
>- آه ... حقك علي يابه
>- ولا يهمك .. كسبنا سماع هالصوت
>- يا سيدي الله يحي اصلك .. من وين انت
>- انا من الملاطشه
>- هاظا احنا قرايب
>- يا سيدي حياك الله ... مع السلامه
>- هلا .. هلا .. الله معك
>طبعا اذا سمعت مثل كل هذا الحوار ... والنمره غلط ... فأنت أكيد في الاردن
>اذا كنت تتحدث مع شخص عن أسعار الاراضي ... وقالك انه الارض الفلانيه اللي
>بعبدون كانت لجده وكان يزرع فيها بندوره وفقوس .. وباعها بثلاثمية ليره
>بالستينات ... فأنت اكيد في الاردن
>اذا كنت ماشي بالشارع ... وشفت واحد بيجح بخلقتك .. هيك بدون سبب ... لا هو
>مسلِم .. ولا هو مبتسم لك ... بس بيجح كانك قاتل ابوه .... فانت ماشي في
>الاردن
>اذا رن عليك واحد مش شايفه صار لك عشرطعشر سنه ... وساعه وهو يسلم عليك ويمدح
>فيك وآخر اشي سألك : بالله وين محول راتبك .... اكيد بتكون بالاردن
>اذا كنت قاعد بمكان عام ... وكل اللي حواليك ماسكين موبايلاتهم وسمعت .. "
>بالله شغل البلوتوث .. بدي أبعث لك شغله طقع " ... بتكون بالاردن
>اذا سمعت كلمة صافيه وافيه ... وهي لا صافيه ولا وافيه .. بتكون بالاردن
>اذا شفت بكم ديانا موديل الف وتسعميه وخشبه محمل بندوره والشوفير شاد الشماغ
>على راسه ومش شايف لا شمال ولا يمين .. ويا أرض اشتدي ما عليكي أدي .. بدي
>أسبق كل التكاسي .. بتكون بالاردن
>اذا الدنيا رشت شوية بَرَد ...ووزارة التربية علَقت الدراسه .. والحكومة اعلنت
>عطلة رسمية بسبب خوفها من الثلج الغادر .. والتلفزيون بث مسرحية العيال كبرت
>.... معناته انت كمان بالاردن
> اذا شفت الجو ..هَه .. برشرش ثلج والناس بتقدر تركظ عالخبز والكاز بس ما
> بتقدر تروح تداوم ... برضه بتكون بالاردن
> وبالرغم من كل اللي بالاردن
> بنضل نحكي .... ومن قلوبنا ... شو حلوه يا بلدي