+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: حول الحدث (http://www.nadyelfikr.com/forumdisplay.php?fid=64)
+--- الموضوع: هذه هى قائد الثورة الحقيقى أسماء محفوظ (/showthread.php?tid=41505)
هذه هى قائد الثورة الحقيقى أسماء محفوظ - الحكيم الرائى - 01-31-2011
الى كل المنافقين والمتسلقين الى كل أحزاب مصر وجماعة الأخوان الى البردعى والسيد البدوى ومرشد الأخوان الى المشائخ والقسوس هذه الفتاة جزمتها برقبتكم كلكم هى من فجر الثورة وقادها
![[صورة: Asmaa-Ma7-322x200.jpg]](http://elbadil.net/wp-content/uploads/2010/11/Asmaa-Ma7-322x200.jpg)
![[صورة: 812%D8%A7%D8%B3%D9%85%D8%A7%D8%A1%20%D9%...%D8%B8.jpg]](http://www.alnaharegypt.com/nhar/upload/812%D8%A7%D8%B3%D9%85%D8%A7%D8%A1%20%D9%85%D8%AD%D9%81%D9%88%D8%B8.jpg)
اسماء هى من أطلقت شرارة الثورة هى من دعت اليها هى من تقف الأن فى ميدان التحرير فلينكفأ كل المتسلقين,وليرفع الجميع يده عن ثورة الشعب ويتركها لأصحابها الحقيقيين.
وهذا هو نداء الثورة التى أطلقته
الرد على: هذه هى قائد الثورة الحقيقى أسماء محفوظ - thunder75 - 01-31-2011
سمعت عنها كثيرا يا حكيم
لكن كم هو عمرها وما هو تعليمها وخبرتها في الحياة
الرد على: هذه هى قائد الثورة الحقيقى أسماء محفوظ - الحكيم الرائى - 01-31-2011
27 عاما تنتمى للطبقة فوق المتوسطة خريجة الجامعة الأمريكية قسم ادارة أعمال تم أعتقالها أكثر من مرة بسبب دعواتها للاضراب وحملأتها على العسف الأمنى والفساد السياسى ,خرجت اسبوع قبل أنفجار الثورة وحدها تقف فى ميدان التحرير تهتف ضد النظام وتصرخ فى الشارع كفاية بقى فوقوا حاولت أمن الدولة أعتقالها فى ميدان التحرير واعتدوا عليها بالضرب المبرح انقذها المارة من براثن أمن الدولة حتى تركوها وصرخت فى طريقها موعدنا 25 يناير ,يوم 25 يناير خرجت فى الشارع مع مجموعة شباب وهى تهتف فى الشباب لو رجالة أنزلوا كفاية بقى عيشة الذل لو رجالة أنزلوا
أسماء هى القائد الحقيقى للثورة
الرد على: هذه هى قائد الثورة الحقيقى أسماء محفوظ - بسام الخوري - 01-31-2011
from 07.04.2010
أسماء محفوظ تكتب : بنات مصر أرجل من النظام اللي أجر حرامية يسرقوا فلوسنا
الخميس, 8-04-2010 - 12:24الأربعاء, 2010-04-07 18:19 | أسماء محفوظ
* مصر
إلغاء التقييم
ضعيف
مقبول
جيد
جيد جداً
ممتاز
أحد البلطجية سرق موبايلي لكن مدير الأمن لم يسكت.. صرخ بعلو صوته: هاتولي البت دي!
أسماء محفوظ.. اللجنة الإعلامية لحركة 6 أبريل
أسماء محفوظ.. اللجنة الإعلامية لحركة 6 أبريل
«6 أبريل» اليوم الوحيد اللي عيني توقفت فيه عن العياط، مقدرتش أعيط إلا آخر اليوم بعد كل اللي حصل وبعد الضرب والإهانة، لأن العياط وقت الضرب كان معناه الضعف وبنات مصر و6 أبريل أثبتوا أنهم أرجل من النظام واللي بيقولوا عليهم رجالته، النظام اللي سرق حلمنا، والبلطجية اللي خطفوا شبابنا، والحرامية اللي سرقوا موبيلاتنا، سحل في الشارع وسرقة لأجهزة الموبايل وفلوسنا وكل ده علشان مطالبنا وحقنا، 3 مطالب كنا بنام وبنحلم بيها وكانت بالنسبة لينا مفتاح الحرية لأكثر من 3 شهور، بنظم ونفكر ونحدد ثلاثة مطالب، تغيير في 3 مواد من الدستور يقدر بيها كل مصري يترشح لانتخابات الرئاسة ونلغي قانون الطوارئ ويتناقش قانون مباشرة الحقوق السياسية اللي قدمه 100 نائب لمجلس الشعب، رفضنا أن نكون تنظيماً سرياً أعلنا لكل الدنيا مطالبنا وقلنا للداخلية هنعمل وقفة أمام مجلس الشعب وبعتنا لهم إخطار بالمسيرة وحددنا يوم 6 أبريل الساعة 12 الظهر موعداً لإعلان مطالبنا، توقعت أن الأمن كالعادة سيمنعنا من الوقفة أو علي الأقل سيعتقل شباباً من الحركة قبلها بيوم لكن الأسوأ حصل من الساعة 8 الصبح، عرفت إن إسماعيل الشاعر - مدير الأمن - كان في الميدان بيباشر بنفسه توزيع الأمن والبلطجية، اتحركت من البيت واتفقت أقابل ندي ونيللي وعواد قدام جامع الفتح في رمسيس وأنا في الطريق جالي اتصال بيقولي مترحيش علي رمسيس أي وجه معروف بيتقبض عليه، انتظرت لحد معاد المظاهرة الساعة 12 وشوفت قد إيه الأمن كان مستعداً بالفعل، جميع مداخل ومخارج التحرير والقصر العيني وشارع الفلكي مغلقة فقررنا إننا نتجمع في الشوارع الضيقة لحد ما وصلنا عند مجلس الشوري لقيناهم بيعملوا كردون من عساكر الأمن المركزي، كردون ضيق كأنهم مش عايزين عددنا يزيد علي كده، وبكل عنف.. بدأنا نهتف 5 دقايق وفجأة حسيت أن فيه كباسة بتكبسنا في بعض.
إحساس بشع وإحنا في مفرمة، شايفة ناس كانوا هيموتوا وكل شوية يشدوا واحد يطلعوه برة ويسيبوه وسط 10 بلطجية يكسروا فيه، شوفت إنجي بتتشد من شعرها ومن ملابسها، وبنات تانية كانت واقفه معانا لأول مرة أشوفها بتنضرب بالشلاليت، منتهي الوحشية والقذارة رغم الضرب والعنف، كنا مصريين نكمل وكنا بنحاول نصمد، وعملنا أكتر من مسيرة وإحنا بنهتف، وفي نفس الوقت بننضرب، ولما وصلنا لحد المجمع اتلموا علينا من كل مكان بلطجية وقيادات وأمن مركزي بعصيان وعربيات ترحيلات جابوها ولقيتها بتركن ولقيت مرة واحدة 10 بلطجية بيضربوا بنتين حاولت أشدهم فجأة بصيت حواليا ملقتش حد من الناشطين الشباب وملقتش عربية الترحيلات كانوا اتاخدوا خلاص اكتشفت أن الأمن نازل يضربنا ويسحلنا ويسرقنا، يسرق حلمنا وكمان يسرق فلوسنا وموبايلاتنا وأنا بتكلم في التليفون لقيت واحد شد الموبايل مني بشكل عنيف كأنه كان بياخد وشي كله.. وطلع يجري زي الحرامية، والظباط حموه ولقيت ظابط مباحث بيقولي عايزة موبايلك؟؟ تعالي معانا هنوديكي ليه، ولقيتهم بياخدوني وبصيت لقيت مخبرين وبلطجية وظباط حواليا وإسماعيل الشاعر بميكرفون وهو بيقولهم هاتولي البت دي.. ولقيت هشام العراقي بيقولهم سيبوها سيبوها تمشي ولقيت ناس نشطاء أخدوني.
وكفاية أن كل واحد ضرب بنت أو شد شعرها أو اعتدي علي ناشط هييجي يوم عليه وفي نفس المكان والناس هتعمل فيه أكتر من اللي عمله.
RE: هذه هى قائد الثورة الحقيقى أسماء محفوظ - الحكيم الرائى - 01-31-2011
ودول بنات مصر
RE: هذه هى قائد الثورة الحقيقى أسماء محفوظ - بسام الخوري - 01-31-2011
رسالة الناشطة أسماء محفوظ نقلا عن الوعى المصرى
أنا اسماء محفوظ عضو بحركة شباب 6 ابريل عندي 10 أعمام و9 خلان كل واحد فيهم عنده متوسط 5 ابناء وكلهم تقريبا اتجوزو يعني العدد اتضاعف وكمان خلف يعني اتضاعف 4 مرات
يعني ممكن نقول مثلا في بتاع 400 فرد في شجرة العيلة
كل واحد فيهم في منصب مختلف ودراسة مختلفة وفكر مختلف
مباحث أمن الدولة ابتدت بوالدي كل يومين مكالمة تليفونية من مباحث امن الدولة عايزين حضرتك في موضوع يهمك بخصوص بنتك تيجي انت برجلك ولا نجيبك احنا بطريقتنا؟؟؟
وطبعا الإجراء إلي بيعملوه ده غير قانوني ووالدي رفضه.
وهديوا شوية
رجعوا تاني بمخبرين في كل مكان يلاحق كل فرد في اسرتي يسأل عنهم وهذا اثار ضيقة اسرتي.
ابتدوا يهددوا اخواتي
هددوا اخواتي عن ايقافهم من العمل وليس هذا فقط
بل هددوهم ايضا انهم لو ذكروا اي شيء عن هذا التهديد هيسجنوهم
وبعد التهديدات طلبوا اقرار مني مكتوب بخط ايدي باني لن يكون اي علاقة من بعيد او قريب بالسياسية وتحديدا في حركة شباب 6 ابريل
وكمان اطلع على صفحات الجرائد واقول اني ندمانة اني كنت عضوة في حركة شباب 6 ابريل
ولو مقدروش يخلوني اعمل كده .. طلبوا تزوير شهادة صحية تفيد باني مختلة عقلية
وطبعا سببوا لي مشاكل جثيمة في البيت وقلق شديد لاهلي
وانا قررت إني لن أتنازل عن دوري الوطني من أجل بلادي
راحوا هددوا اخي وقالوا له : طيب متزعلش مننا بقى لما نجرجر اختك من بيتها بواسطة زوار الليل الساعة 3 الفجر وهنجيبها عندنا وانت اكيد فاهم كويس ممكن نعمل ايه في بنت
فلمصلحتك ولسمعتك متجبرناش اننا نعمل كده
الكلام ده من شهرين وطول الفترة دي الاقي كل شوية فرد من العيلة يكلمني يقولي اتصل بي فرد من الحزب الوطني وقال لي ابلغك انهم عايزين يقعدوا معاكي عشان يحموكي من اللي حصل بمجرد انك تقولي انك ندمانة من معرفتك بشباب 6 ابريل
ورفضت
راحوا غيروا الطلب احنا عاملين لجنة وعايزين نتكلم معاكي ياتقنعينا بنشاطك يانقنعك احنا بنشاطنا
وبردو قد رفضت الحديث معهم تماما
وهديوا شوية سواء بتوع الحزب الوطني او مبحاث امن الدولة
فجأة تليفون من أمن الدولة يطلبوا زيارة اخي لهم ورغم اني نصحت أخي بعدم الذهاب لهم فقد ذهب بالفعل اليوم
كانو عايزين بس يقولوله كلمة واحدة
ابن خالك تقدم لوظيفة في وزارة الخارجية ووهو يصلح لها بعد ان نجح في كل الاختبارات بجدارة بس للاسف هو اترفض بسبب اسماء محفوظ تعد فرد من عائلته الكريمة
إلي كل الهيئات التي تعمل ضد راحه أهلي
أنا أسماء محفوظ أقر بأني أفخر بمصريتي وببلادي وأبزل كل الجهد من أجل تحسين وطني وتطويره ونقله إلي مرتبه الرقي والقوة .. بدلا من الظلام والإستبداد والضعف والوهن الذي نعيشه …
وأني لن أتنازل عن حلمي الذي أحلمه كل يوم لمصر بأن تكون مصر القوة والأمان
اعطوا لكل فرد حقه وانا اوعدكم باني هبطل نشاطي السياسي
أسماء محفوظ
11.05.2009
عضو بحركة شباب 6 ابريل
برأي مشرف صفحة كلنا خالد سعيد ب 400,000 مشارك هو الجندي المجهول وقد أقسم بأن لامطامع له ولو نجحت الثورة سيبقي إسمه مجهولا ....تحية له...
RE: هذه هى قائد الثورة الحقيقى أسماء محفوظ - Blue Diamond - 01-31-2011
صحيح هي التي قامت بالدعوة الى الثورة
وانا حطيت فيديوهاتها كلها في موضوع خالد سعيد قبل اسبوع من 25 يناير تقريبا
لكن لا اعتقد انها رشحت نفسها للرئاسة اعتقد ان هذا البوستر صنعه شخص متحمس لها
وبعدين لسه بدري على حكاية الترشيح خالص
فامريكا ومبارك واسرائيل والسعودية وغيرهم اطراف كثيرة يحاولون الآن خنق الثورة
ولكنها حتى الآن اقوى منهم جميعا
وعلينا الانتظار بقية الايام القادمة
RE: هذه هى قائد الثورة الحقيقى أسماء محفوظ - الحكيم الرائى - 01-31-2011
•قلت لنفسي لو خفت وغيري خاف يبقى عليه العوض في البلد دي
أسماء محفوظ (25 عام) طالبة بإحدى الجامعات الخاصة، وناشطة بحركة شباب 6 أبريل،تقول” تعرضت وأهلي لمضايقات من الأمن لا نهاية لها، كانت تصلهم تهديدات بأني يجب أن أمتنع تماما عن المشاركة في السياسة، واخواتي اتهددوا في شغلهم إني لازم أبطل وكل ما حد من عائلتي يروح يقدم في شغل يقولوا له مينفعش عشان في عائلته ناشطة سياسية!، ومش عارفه ايه مدي الخطورة اللي بيمثلها نشاطي ومشاركتي السياسية عشان يحصل لأهلي كل ده..كل هذا سيرد في التقرير السنوي لحقوق الإنسان والذي تصدره الشبكة العربية لتوضيح ما يفعله الأمن في الناشطات سياسيا..أحنا كان بيتقال لنا في المظاهرات تهديدات صريحة مثل “أنتم بنات..خافوا علي نفسكم.”
“أنا بدأت نشاطي السياسي من شبكة الإنترنت وتحديدا من علي موقع الفيس بوك الاجتماعي حيث كنت عضوه في مجموعة إضراب 6 أبريل عام 2008 كشأن باقي أعضاء الحركة..فضلت شويه أشارك من بعيد لغاية ما نزلت أول مظاهرة..طبعا كنت خايفه جدا كانت المظاهرة أمام نقابة الصحفيين ومكنتش عارفه حد، بس نزلت وشاركت واتعرفت علي الناس ورجعت أوصف للناس علي الفيس بوك ما حدث وأشجعهم ينزلوا للواقع، في الأول بابا كان خايف عليّ أوي وأهلي حاولوا يمنعوني كتير..كنت عارفه كويس الأمن بيعمل ايه وبيقدر يخوف البنات أزاى..بس كنت بقول لنفسي لو أنا خفت وغيري خاف هنفضل زي ما أحنا ومش هنتغير ولا هنعمل أي حاجه ويبقى عليه العوض في البلد دي.”
أسماء لا تنوي التوقف عن السياسة فتقول بإصرار” أنا مش هبطل..وهكمل إلي أن يحدث التغيير..أنا حضرت استقبال الدكتور محمد البرادعي في المطار رغم إن كل الناس كانت بتحذر من خطورة الحضور، وبدأت أعمل في جمع التوقيعات من الشارع لعمل توكيلات للدكتور البرادعي لتغيير الدستور، بننزل نفهم الناس أهمية تغيير الدستور وأهمية تولي البرادعي ونجمع توقيعاتهم، وبحضّر مع زمايلي مؤتمر هنغير الدستور ونصلح الطريق.”
تضيف أسماء بفخر”كل التهديدات اللي إتعرضت لها دي معملتش أي حاجه غير كونها خليت صوتي بقي أعلي عن قبل كده وأنا بهتف في المظاهرات والوقفات الإحتجاجية وبنادي بالحرية والتغيير.”.. وكل ما ترغب في فعله الأن هي أن تتمكن من إيجاد طريقة تستطيع بها مراقبة الإنتخابات في عام 2011 “أنا دلوقتي بقيت فاهمه إن الحكاية مش مظاهرات وصوت عالي، لأن لو علي الصوت العالي فهما هيغلبونا وأحنا بالنسبة لهم مالناش صوت أصلا، أحنا محتاجين نفكر بعقل لأن الفترة الجاية لو مقدرناش نعمل حاجة مش هنبقي ضرّينا نفسنا بس، هنبقي ضرّينا ولادنا كمان ضرر مينفعش يسامحونا عليه.”
http://elbadil.net/%D8%A3%D8%B3%D9%85%D8%A7%D8%A1-%D9%85%D8%AD%D9%81%D9%88%D8%B8-%D8%A7%D9%84%D8%A7%D9%86%D8%AA%D8%B1%D9%86%D8%AA-%D9%83%D8%A7%D9%86-%D8%B7%D8%B1%D9%8A%D9%82%D9%8A-%D9%84-6-%D8%A7%D8%A8%D8%B1%D9%8A/
RE: هذه هى قائد الثورة الحقيقى أسماء محفوظ - Blue Diamond - 01-31-2011
(01-31-2011, 10:43 PM)بسام الخوري كتب:
برأي مشرف صفحة كلنا خالد سعيد ب 400,000 مشارك هو الجندي المجهول وقد أقسم بأن لامطامع له ولو نجحت الثورة سيبقي إسمه مجهولا ....تحية له...
هو ليس مجهولا ولا حاجة هو اسمه وائل غنيم
وقد نشرت الدستور منذ قليل انه اختفى في ظروف غامضة منذ يوم جمعة الغضب
وصفحة كلنا خالد سعيد لم تعد تنشر اي شيء فعلا منذ الجمعة
RE: هذه هى قائد الثورة الحقيقى أسماء محفوظ - بسام الخوري - 02-01-2011
وصفحة كلنا خالد سعيد لم تعد تنشر اي شيء فعلا منذ الجمعة
كلنا خالد سعيد
أنا نازل التحرير، مش راح ارجع قبل ما اخد حقي، هننزل لأن كرامتنا وحريتنا وحقوقنا لازم نحارب عشانها .. مستعد أموت شهيد عشان حقي .. مش هاتراجع
وصيتي ليكم مصر ... مصر
not correct
he has written vor 11 hours and he is now in al-tahrir squer
كلنا خالد سعيد للناس
الي سألت أنا شبكت على النت ازاي ؟ أنا شبكت عن طريق دايل اب عن الرقم 07777000 أو 07777770, الخط بطئ و مش دايما شغال
أنا موجود فيالتحرير بس بروح اطمن على أمي كل فترة