+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: الجزائر تفقد إستقلالها مرة أخرى أمام مالوى (/showthread.php?tid=36019)
RE: الجزائر تفقد إستقلالها مرة أخرى أمام مالوى - مجدي نصر - 01-19-2010
(01-19-2010, 03:00 AM)المروءة والشهامة كتب: الصديق مجدي
تحية
شوف واحد م المشرفين يتاكد من شخصية المراهقة دي
احلف لك انه مش مغربي
لان تعبيره لا علاقة له بالمغرب فلم اجد له كلمة مغربية في نفاياته التي ينشرها هنا
وفي احسن الحالات ان كان مغربي هو المافون سيء الذكر
يتقمص شخصية قواد ويتقرب الى زمرة الغرزجية بكيل الشتايم والتفوه بكل قبيح
قهل اصيب بالبواسير مثل صاحبه
ربنا يشفي
والله يا صديق مروءة أنا هنا زيي زيك عضو جديد لا حول له ولا قوة، وليس لي أي معرفة أو صلة من أي نوع بأي مشرف هنا، وياليت يا صديقي كان بيدي شئ، فصدقني لم أكن لأتواني عن التصرف بمنتهى الحزم مع هذا التخريب العابث.
وبل والأظرف من هذا هو أني أصبحت - هكذا أشعر وربما كنت أبالغ - تقريباً من المنبوذين بالمنتدى، وخصوصاً من الزملاء المصريين، ما دمت قد عارضت زعيم العصابة
، اللي انتا عارفه طبعاً 
شئ غريب فعلاً إن يبقى اسمه نادي الفكر العربي، ويبقى في نفس الوقت المكان الأمثل للتشاحنات القطرية
وعموماً يا ريت يكون لنا نقاش بعيد عن هنا، لأن وجودنا هنا غير مرغوب فيه.
RE: الجزائر تفقد إستقلالها مرة أخرى أمام مالوى - مجدي نصر - 01-19-2010
(01-19-2010, 07:05 AM)neutral كتب: يازميل مجدى, الزميل حسينو عرض عليك فتح موضوع جديد حتى يستطيع التحدث براحته بعيدا عن الحملة القذرة ضد الجزائر التى أتشرف بقيادتهافى هذا الموضوع وأنا لو مكانك أفتح بالفعل موضوع جديد علشان أشوف أخره إيه , وممكن نلاعبه أنا وأنت بنج بونج بمعنى أنت تلعب معه دور الgood guy وأنا الbad guy وتحقق معه بأسلوب حضارى ومهذب ولو عصلج فى حاجة أثناء التحقيق تستدعينى أشفف له وأنا تشفيفى سام ومن النوع الخبيث والعياذ بالله وهكذا نقدر نطلع بحاجة مفيدة أما بخصوص هذا الموضوع فأعتبره موضوع تافه لشخص مهووس كروى وكبر دماغك منه.
دا انتا بتطردني بالأدب بقى
لأ وكمان بتوجهلي تهديد مُضمر
ماشي يا سيدي، أنا أساساً معدتش ناوي أرد هنا تاني، بس انتا تسكت بس
وعموماً، متقلقش نفسك بالموضوع الجديد، هوا موجود فعلاً وانا منتظر الزميل حسينو وكذلك الزميل مروءة وأي حد عنده كلمة تفيدنا في حل المشكل ده، لما تخلصوا وتجيبوا آخركوا، والا انتوا مش ناويين تزهقوا ؟
(01-19-2010, 07:05 AM)neutral كتب: ممكن نلاعبه أنا وأنت بنج بونج بمعنى أنت تلعب معه دور الgood guy وأنا الbad guy وتحقق معه بأسلوب حضارى ومهذب ولو عصلج فى حاجة أثناء التحقيق تستدعينى أشفف له
توزيع أدوار يعني
أنا راجل دوغري يا باشا
وعموماً ثنك يو مستر نيوترال، وعمرنا مهنستدعيك، لأننا زي ما قولت لك واقفين الموضوع بسبب الموضوع بتاعك اللي مش عايز يخلص ده، لأ وكمان رايح تفتح مواضيع جديدة، روح منك لله.
RE: الجزائر تفقد إستقلالها مرة أخرى أمام مالوى - neutral - 01-19-2010
اقتباس:دا انتا بتطردني بالأدب بقىبالظبط كده.
اقتباس:وعموماً، متقلقش نفسك بالموضوع الجديد، هوا موجود فعلاً وانا منتظر الزميل حسينو وكذلك الزميل مرءوة وأي حد عنده كلمة تفيدنا في حل المشكل ده، لما تخلصوا وتجيبوا آخركوا، والا انتوا مش ناويين تزهقوا ؟هذا الموضوع سيستمر حتى نهاية الدورة الأفريقية لمتابعة المباريات والتعليق عليها.
RE: الجزائر تفقد إستقلالها مرة أخرى أمام مالوى - neutral - 01-19-2010
اقتباس:ما دمت قد عارضت زعيم العصابة ، اللي انتا عارفه طبعاً
عصابة إيه وزفت إيه على دماغك أنت وهو?
أنت معتقد بقى إنى قاعد عامل تشكيل عصابى هنا ومقضيها رسائل خاصة وماسنجرات وتليفونات إلخ?
أنا لاأراسل أحد على الخاص إلا نادرا ولابدخل ماسنجر ولا بتصل بأحد ومن أعرفهم هنا أعرفهم على صفحات هذا المنتدى وفقط وحتى من تعتقد أنهم "شلتى" كوضاح وسيستانى وفارس علاقتى بهم كذلك أى هنا وفقط لكن من الواضح إنى عامل كالو فى دماغ ناس كتير للدرجة التى وصلت بهم لمرحلة الهلاوس والضلالات!
أنا شخصيا علاقاتى محدودة بالمنتدى وحديثى فى غالبه مع مجموعة بعينها فقط وهى مجموعة لديها نفس الattitude بتاعى وهى إننا قاعدين على قهوة نتفك بكلمتين وإذا تطلب الأمر بعض الجدية فمفيش مانع لكن مش على طول علشان العملية مش ناقصة والواحد مينفسنش أما إذا كان الattitude الخاص بجلالتك هو تحضير رسائل دكتوراه فى منتدى إنترنتى فنو بروبليم وعلى الرحب والسعة لم أمنعك من شئ وأتفضل جلالتك حضر كل رسائل الدكتوراه التى تريدها لكن أطلع من دماغى أنا مش ناقصك!
للذكرى الخالدة
http://www.youtube.com/watch?v=mQuCURxFfac
RE: الجزائر تفقد إستقلالها مرة أخرى أمام مالوى - الحكيم الرائى - 01-19-2010
أتصل بى صديق سنغالى من دمنهور أنما من النوع الفخم جدا ,وهذا الصديق ألتقيته فى مؤتمر للالترا فى نيويورك حيث كنا نحضر سويا دورة دراسية فى سيكولوجية الباذنجان بعد قليه ,وطبعا مقابلتى له كانت سببا جوهريا فى تغيير رأييى فى السنغال وعلاقتها بالكرة الشراب ,لكن لفت نظرى أن رغم عدائه الشديد للجزائر فان ايمانه بالوحدة العربية لم يهتز قيد أنملة ,ومازال مصر أن جاز العرب للعرب وأن جوز موزة لابد أن يتخلى عن حق الجاز لشعب بولاق الشقيق,لم اشعر أن 48 ساعة مضوا وانا مندمج فى الحديث معه على التليفون الا بعدما سمعت شخيره الذى ذكرنى بأغنية أدلع ياعريس يا ابو لاسة نايلون...
RE: الجزائر تفقد إستقلالها مرة أخرى أمام مالوى - thunder75 - 01-19-2010
http://www.youtube.com/watch?v=469CbgQ7Jz0
RE: الجزائر تفقد إستقلالها مرة أخرى أمام مالوى - مجدي نصر - 01-20-2010
(01-19-2010, 09:41 PM)neutral كتب:اقتباس:ما دمت قد عارضت زعيم العصابة ، اللي انتا عارفه طبعاً
عصابة إيه وزفت إيه على دماغك أنت وهو?
أنت معتقد بقى إنى قاعد عامل تشكيل عصابى هنا ومقضيها رسائل خاصة وماسنجرات وتليفونات إلخ?
أنا لاأراسل أحد على الخاص إلا نادرا ولابدخل ماسنجر ولا بتصل بأحد ومن أعرفهم هنا أعرفهم على صفحات هذا المنتدى وفقط وحتى من تعتقد أنهم "شلتى" كوضاح وسيستانى وفارس علاقتى بهم كذلك أى هنا وفقط لكن من الواضح إنى عامل كالو فى دماغ ناس كتير للدرجة التى وصلت بهم لمرحلة الهلاوس والضلالات!
أنا شخصيا علاقاتى محدودة بالمنتدى وحديثى فى غالبه مع مجموعة بعينها فقط وهى مجموعة لديها نفس الattitude بتاعى وهى إننا قاعدين على قهوة نتفك بكلمتين وإذا تطلب الأمر بعض الجدية فمفيش مانع لكن مش على طول علشان العملية مش ناقصة والواحد مينفسنش أما إذا كان الattitude الخاص بجلالتك هو تحضير رسائل دكتوراه فى منتدى إنترنتى فنو بروبليم وعلى الرحب والسعة لم أمنعك من شئ وأتفضل جلالتك حضر كل رسائل الدكتوراه التى تريدها لكن أطلع من دماغى أنا مش ناقصك!
للذكرى الخالدة
http://www.youtube.com/watch?v=mQuCURxFfac
يا عم هدي أعصابك، منفعل أوي كده ليه؟؟
صحتك بالدنيا، الموضوع مش مستاهل
كل ده عشان كلمة شاردة قيلت على سبيل التهكم
أولاً : كل الكلام ده ما جاش في بالي نهائياً، وهو برضه ميثبتش إنك مش متزعم الشلة، بلاش نقول العصابة اللي مزعلاك أوي دي.
ثانياً : أنا معاك في إن المنتدى لا يعدو القهوة، تفتكر يعني أنا جاي أشارك في المنتدى هنا وفي دماغي إني هحضر الدكتوراه زي مابتقول سيادتك، ولعلمك بقى أنا سجلت في المنتدى لأول مرة من حوالي سنتين ومشاركتش نهائياً لأسباب كتير، وسبب إنضمامي ومشاركتي في المرة التانية هو وجود شئ من الفراغ مع عدم رغبة في أي نشاط، تقدر تقول كده حالة اكتئاب وانعزال وتضييع وقت على ما اخلص حاجات معينة وساعتها هارجع لحياتي الطبيعية ويمكن ماتشفونيش هنا تاني، يعني ارتاح، لا دكتوراه ولا قهوة يلزموني.
ثالثاً : مسخرة فعلاً كلامك عن الدكتوراه، أنا فعلاً أخطط للدراسات العليا، ولكن هل تتصور أني أخطط أن أخذها من هنا
، راجع مشاركاتي يا أستاذ وستجدها في الغالب، بما فيها المناقشات الفكرية، تتوزع ما بين إثارة التساؤلات أو الرأي المختصر، فحتى لو لدي الرغبة، فلا يمكنني المشاركة بمداخلات طويلة بعد عمل إثنى عشرة ساعة، والقيام بأعبائي المنزلية المملة؛ حيث أعيش بمفردي.رابعاً : ناس مين يا عم اللي حاطينك في دماغهم، هي ايه البرانويا دي؟؟، هوا انا اعرفك أصلاً، دا انتا يادوب شايف إسمك هنا من تلت أشهر، فأياً كان وضعك هنا - اللي الواحد مبينكروش - فأنا مفيش حاجة بيني وبينك ولا بيني وبين أي حد هنا، بل أنا يمكن معرفش هنا غير 5 أو 6 أعضاء معظم مدخلاتي معاهم، وزي حالاتك لا باستخدم مسنجر ولا بفتح إيميل "أساساً، اللهم إلا كل شهرين مرة لما افتكره.
خامساً : أنا سبب اهتمامي بالرد عليك في الفترة الأخيرة هو حربك الهزلية على دولة وشعب عربي شقيق، صحيح العملية مش مستاهلة؟، والعملية كلها موقع على النت وكلمتين لا هيودوا ولا هيجيبوا، لكن المسألة مسألة المبدأ نفسه، دا غير إن في مجتمعاتنا الفاشلة دي توقع أي حاجة، يعني كلمة تافهة يكتبها أي حد على موقع مالوش لازمة ممكن تستخدم وتستغل لإحداث كوارث حقيقية، وطبعاً انتا سمعت عن نظرية الشواش Chaos Theory؟؟
كمية الاختلاف الضئيلة في نقاط بداية المنحنيين كانت صغيرة جدا لدرجة تشبيهها بخفقان جناح فراشة في الهواء لكن آثارها كانت عظيمة لدرجة التنبؤ بإعصار يضرب منطقة من العالم.
http://ar.wikipedia.org/wiki/%D9%86%D8%B8%D8%B1%D9%8A%D8%A9_%D8%A7%D9%84%D8%B4%D9%88%D8%A7%D8%B4
سلام يا حج، وأرجو متجبرنيش آجي هنا تاني
وبلاش البرانويا وجنون العظمة دول والنبي
(01-19-2010, 09:52 PM)الحكيم الرائى كتب: أتصل بى صديق سنغالى من دمنهور أنما من النوع الفخم جدا ,وهذا الصديق ألتقيته فى مؤتمر للالترا فى نيويورك حيث كنا نحضر سويا دورة دراسية فى سيكولوجية الباذنجان بعد قليه ,وطبعا مقابلتى له كانت سببا جوهريا فى تغيير رأييى فى السنغال وعلاقتها بالكرة الشراب ,لكن لفت نظرى أن رغم عدائه الشديد للجزائر فان ايمانه بالوحدة العربية لم يهتز قيد أنملة ,ومازال مصر أن جاز العرب للعرب وأن جوز موزة لابد أن يتخلى عن حق الجاز لشعب بولاق الشقيق,لم اشعر أن 48 ساعة مضوا وانا مندمج فى الحديث معه على التليفون الا بعدما سمعت شخيره الذى ذكرنى بأغنية أدلع ياعريس يا ابو لاسة نايلون...
وادي يا عم الناس بتوعك اللي حافظين، ومش فاهمين.
وإيه اللي دخلهم أساساً في حوار محدش طلبهم ولا استداعهم له؟ إلا إذا كانوا مجرد قوم تُبع وإمعات (ما دمت انتا ملكش تأثير مباشر).
وبالله عليك ولا بالمادة إيه وجه الشبه بيني وبين الأستاذ المحترم إبراهيم عرفات ؟؟
ولا أكونش أنا المقصود بالشخص المُلاحظ عدائه الشديد للجزائر مع التمسك بالوحدة العربية ؟؟
RE: الجزائر تفقد إستقلالها مرة أخرى أمام مالوى - neutral - 01-20-2010
الموضوع ببساطة يتلخص فى أنه إذا كنت تشعر تجاه مواضيعى ومداخلاتى بعدم إرتياح لأى سبب من الأسباب كل ماعليك فعله هو أن تتجاهلها وتتجاهلنى وبهذا تتخلص من عدم الإرتياح الذى تسببه لك?
هل فى هذا شئ صعب أو غير مفهوم?
هل أنا أعترضت طريقك فى فتح موضوع تتحاور فيه كما تريد مع أصدقائك سواء جزائريين أو غيره?
موقفى من الجزائر سيبقى ليس فقط لسنوات ولكن لعقود قادمة فحاول أن تتعايش مع هذا الأمر.
RE: الجزائر تفقد إستقلالها مرة أخرى أمام مالوى - الحكيم الرائى - 01-20-2010
تصدق محدش أمعة غيرك يامجدى وبقيت مملل ومقرف,لم أقصدك من قريب أو بعيد ولو قصدتك لقلتها لك فى وشك بدون لف أو دوران,ولأنك جديد ومتعرفش أعضاء النادى ومتعرفش تفرق بين هزار وجد,فكان عليك أنك تتعلم الصبر حتى تعرف الناس أذا كانت ناوى تعمر هنا..
RE: الجزائر تفقد إستقلالها مرة أخرى أمام مالوى - neutral - 01-20-2010
كبر دماغك ياحكيم, عايزين نركز ونستعد علشان مذبحة يوم الأحد فى إقليم كابيندا المتنازع عليه بين ..... بين مين? أكيد مجموعتين أو أكثر من البهايم , بين أفيال ساحل العاج وجراد الصحراء( مفروض الجراد يبقى الحشرة الرسمية للمنتخب الجزائرى وهذا لعدة أسباب موضوعية منها إتخاذ الجزائر اللون الأخضر لونا لها ومش عارف ليه رغم إنها صحراء جرداء!! ولأن لون الجراد أخضر ويحب اللون الأخضر وللتأثير الذى يحدثه المنتخب والجمهور الجزائرى فى أى دورة ومكان يحلون بهم)
الزميل مجدى رجل حسن النية وربنا يوفقه فى مساعيه الشاقة من أجل إقناع الأشقاء الجزائريين بالجلوس على مائدة المفاوضات والوصول لإتفاقية سلام مع بربور البربر والذين معه ولانريد أن نكون حجر عثرة فى طريق صانعى السلام وكما قال رب المجد فى كتابه الكريم "طوبى لصانعى السلام" صدق الله العظيم ولكن فى نفس الوقت يجب أن نكون على أهبة الإستعداد بكيبورداتنا لدحر أى عدوان ورده على أعقابه وما النصر إلا من عند الله .