نادي الفكر العربي
مبارزات زجلية ... - نسخة قابلة للطباعة

+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: مبارزات زجلية ... (/showthread.php?tid=26422)

الصفحات: 1 2 3

مبارزات زجلية ... - الياس رفيق - 07-25-2005

اقتباس:طارق - حضرتي- ضم سمرا حلوة كانت بالسهرا
ثم باس أبو إبراهيم بوسةً شنعاء، ومنها اشتعلت شرارة الحاقدين والشامتين والغيرانيين.

والمايك معكم.

رأى - حضرتنا - الصورة التي ذكرها طارق فوق (وكان بها يضم البنت ويبوس الشاب) ، فقام بالتعليق التالي عليها:

محاولة "تفسيرية" "بردة زجل":


حتى نحكي شو اللي كانْ
بِهالقعدِه العمراني

منّي إلكُن يا إخوانْ
هالتفسير العلماني

---------------

طارق شبّ وقلبو هبْ
وْقعّدنا جَنْبو سَمرا

وِقْبالو "بشر" المِنحبْ
والدكتور بهالسكره ...

ودار الكاس وسِكْر الربْ
وطارق مع طعم الخمره

ضَمْ البنتْ وباس الشبْ
وهيك الفهْم "الحوراني"


مبارزات زجلية ... - EBLA - 07-25-2005


رح نرجع للبدايات
بأسلوب نضيف وهادي

أصل القصة يا حضرات
بلشت برّات النادي

أصل القصة تبويسات
وكان القداح البادي

قدح البوسة، وخود هات
وعلقت أشعار تنادي

إستنكار، وتطليعات
وغيرة وتشبيح زيادة

والبوسات الأخويات
أمرا معروف وعادي

بس الخمرة يا خيـّـات
بتدوِّخ زلم بلادي

نقلو القصة الستايلايتات
وبثوها بجو النادي

فاتو وعرفو التفصيلات
الأعضا الرايح والغادي

والمنباس لسّه ما فات
بيستاهل ألف زيادة

برأيي: البايس والمنباس
الواحد أحلى من التانـــــــــــي ... :D

;)

مبارزات زجلية ... - طرفة بن العبد - 07-25-2005

حلفت برب القوافي
غرق هالنادي أشعار

و كاسي شربتو عالصافي
و راح خلي هالليل نهار

دينا تهدّي و لا تخافي
راح ولعها الليلة نار

يا وردة حب و صافي
و خلي الـ بدّو يغار يغار


تهدي تاخلّي الطوفان
يغرق هالعاملّي زير

بيوزع حب و حنان
مفكر حالو شي أمير

شعروا مكسور الأوزان
مكسور مكسّر تكسير

تحداني هيدا السكران
و مش عارف في قبلو كتير

ركعوا قدامي فرسان
و ما عندي كبير و لا صغير

ببحور الشعر الحيتان
بتعرفني و بتخاف كتير

و وحوش الغابة كمان
و لما بدّي طير … بطير


و قولوا لـ"غرامشي" الانسان
يسلملي … عالعلماني

(f)

مبارزات زجلية ... - نزار عثمان - 07-25-2005

يا طرفة وعليت كثير
وهالقصة صار بدها حل

الكاس اللي شربتو عصير
بينرد بهالليلة خل

وطوفانك لو جاط صغير
ما يبن فيه ولا يضل

لا نقطة ولا بحر كبير
تروي واحد كيف تبل

وخيك طارق بدر كبير
لما يوقف شمس تهل

وفرسان اللـ ركعوا بكير
هولي من خيالات وظل

لو عرفوا مين الأمير
ما ركعوا من الخوف الكل

وحيتان الخافوك كثير
بصيحة ما تلاقي اللي دل

بصوتي العالي صوت الزير
برعبهم ليصيروا طل

مثل النحل اللـ بالقفير
برجعهم صوبك بالذل

صوتك اللـ سمعتوا فقير
لا تعربش ع حيطاني

(f)




مبارزات زجلية ... - ابن سوريا - 07-25-2005


طرفة يا العامل رجال
ومتل السبع البغابي

برجليك بترعد أوصال
متل الـ شايف إرهابي

بشعرك جندي صال وجال
متل الحربة بدبابي

لكن أشعارك أبطال
بينتقتلوا عالسبابي

ما رح أعمل قيل وقال
شفقة لدمي اللي حاني





مبارزات زجلية ... - طرفة بن العبد - 07-25-2005

غرامشي فايق عبكرا
و معبّي النادي غبرا
رشوا مية تا نقرا
يا جيبوا واحد تاني

بيهددني و يتوعد
و بس قرب منو بيبعد
بتمو بيزبد و بيرعد
و متحامي بالحوراني

و طارق بيتلفت حولو
خايف يوقع من طولو
و العالم صاروا يقولوا
واحد أجبن من التاني

نعجة و كلب و ديك و فار
و نملة و دبور و صرصار
و دودة و برغوتين كبار
و في نحلة و في دباني

(f)

مبارزات زجلية ... - نزار عثمان - 07-25-2005

يالعامل حالك مختار
وعم بتدحرج روس كبار
بزندي وبصوتي الجبار
رح بتروح خليفاني

يا طرفة اللي فيي احتك
خليتو ع راسو شك
ع خوفو للباسو فك
وفرّغها للملياني

يالراسم لوحة فخار
بكلب ونعجة وديك وفار
بكسّرها بخلّي الشحتار
ياكلها ع العمياني

تحت المطر بعز الصيب
لما اشتعل براسك شيب
قطعّتك نص بلا ريب
ونص حرقتو بنيراني

(f)



مبارزات زجلية ... - ابن سوريا - 07-25-2005

قبل ما نرجع لخيي الزغير، ونكسر راسو بهالليل
يسمحلي إلياس رفيق، إنشر ردي اللي كان وكان موجه لشعارو


يا شباب اللي احتدوا
وقلبوا عالي بواطيها

لا تحتدوا وانهدّوا
هيدي القصة وما فيها

----

المنقعد سمرا حدو
بينسى الدنيا ومافيها

ولما الكاسات انعدّوا
طارق قرّب حديها

ضم السمرا اللي بدو
كان يبوس بخديها

ولما الشفاف امتدوا
ارتدوا البوسات الفيها

وهيدا الحلو مين قدو
وجناتو طلعت فيها

متل البدو وما بدو
الهيئة الفرحة مخبيها


مبارزات زجلية ... - أميرة المحبة - 07-29-2005

[CENTER]انا وصلت يا شباب
وبدي رحب بالاحباب
جيت وما دقيت الباب

[صورة: grape_vine.gif]

عجبتني المباريات
نزلت وبلشت الأهات
رديتولي الذكريات

[صورة: grape_vine.gif]

الزجل اللبناني بحبو
وما في حدا من قدو
وللي بيتحدا بهدو

[صورة: grape_vine.gif]

زجلكن كلو حنان
محبة بروح الإنسان
بيحمل نكهة عنفوان
نساني ارضي لبنان
[صورة: grape_vine.gif]

واعذروني يا خلان

[صورة: AH01.gif]

***

مبارزات زجلية ... - أميرة المحبة - 07-29-2005

[CENTER]اعتذر منكم اردت اصلاح هذا البيت لانه سينسجم اكثر مع الواقع الذي نعيشه في لبنان


زجلكن كلو حنان
محبة بروح الإنسان
بيحمل نكهة وعنفوان
نساني [U]القهر بلبنان

[صورة: dfgdfg.gif]

مع تحيات الأميرة

***