+- نادي الفكر العربي (http://www.nadyelfikr.com)
+-- المنتدى: الســـــــــاحات الاختصاصيـــــة (http://www.nadyelfikr.com/forumdisplay.php?fid=5)
+--- المنتدى: أقــلام ســاخـرة (http://www.nadyelfikr.com/forumdisplay.php?fid=82)
+--- الموضوع: هرتله (/showthread.php?tid=27260)
هرتله - neutral - 07-06-2005
الزميل كاتز
أنا ساعات كنت بحمد ربنا إني دخلت ظابط لما كنت بشوف معاملة العساكر
المضحك إن كان ليه واحد صاحبي جاب واسطة ودخل عسكري وتم توزيعه أيضا علي أحد لواءات الجيش الثالث كطبيب للوحدة وكان مبلطج وقاعد في بيتهم وساعتها كان موضوع حلايب بين مصر والسودان وفوجئ بأن اللواء جاله أمر تحرك من السويس لحلايب ويكفي أقولك إنهم علشان يوصلوا لهناك أستمرت الرحلة أربعين يوم مابين قطر حربي وعربيات جيش وقعد شوية هناك ورجع في أجازة وأنا كنت في أجازة لقيت أمه بتتصل بيه وهي بتعيط وبتقولي ألحقني يانيوترال الواد أتجنن وهيروح مني وفعلا رحت لقيته قاعد في أوضة وقافل علي نفسه ولما فتح الباب لقيته قاعد بيعيط زي العيال وحكالي عن الأهوال التي قابلها هناك وإنه قرر ألا يرجع مطلقا لهذا المكان وليحدث مايحدث وفعلا أهله حفيوا لغاية لما شافوله واسطة كبيرة نقلته من هناك لوحدة من وحدات الكعب العالي بمصر
المحاكمة
بمرور الوقت الواحد خلقه ضاق وبدأت تراودني أفكار جنونيه زي إني أمسك رشاش وأفرغه في جتتهم وكان قانون الأجازات ينص علي أنه من حق الظابط مدة أجازة تعادل ثلث المدة التي قضاها بالوحدة وكنت أنا قاعد في الوحدة بقالي شهر مما يعني أن لي الحق في أجازة عشرة أيام وفوجئت برئيس العمليات يعطيني أجازة ثلاثة أيام فقط وكالعادة تطور الأمر لمشادة كلامية ورحت واخد الأجازة ونازل مصر وكنت أعرف نائب بأحد المستشفيات العسكرية والحقيقة الراجل قام معايا بالواجب وزيادة وتم فبركة مصيبة كاملة لي مدعومة بالأشعة والتحاليل والأجازات التي أمتدت شهرين ورحت راجع اللواء بعد ماأعصابي هديت وطبعا لقيت سبع البرمبة في إنتظاري علي أحر من الجمر وأدعي أنه أرسل لي عسكري لمعرفة ماحدث لي وطبعا أنا مشفتش حد بس رحت موريله ورق المستشفي والأجازات لكن سيادته قالي المستشفي لم تبلغنا بشئ وبما أن غياب ظابط عن وحدته ولو يوم واحد يحال لمحاكمة عسكرية فقد تم تحويلي لمحكمة عسكرية قلتله نو بروبليم معاك للأخر
تم تحويلي لمحكمة السويس العسكرية وكان في نفس الوقت في صف ظابط من اللواء بيحاكم بتهمة تبديد عهدة المهمات ورحت معاه أول يوم لقيته بيقولي أنت داخل من غير محامي قلتله أنا معايا ورق رسمي من مستشفي عسكرية ومحدش هيقدر يلمسني قالي برضه ألعب في المضمون وهات محامي ولو معندكش خد المحامي بتاعي أستاذ رمضان متولي قلتله ماشي
نزلنا السويس أنا وهو وكنت معتقد إننا هنروح نقابل المحامي في مكتبه لقيته بيقولي لأ أستاذ رمضان متولي ملهوش مكتب وبيقعد علي قهوة قصاد المحكمة وفعلا رحنا القهوة لقينا المتر قاعد ومنهمك في كتابة عريضة وعمال يشرب شيشة وبعد عرض القضية عليه وافق علي قبولها رغم صعوبتها:lol: وسألت صف الظابط أديله كام لقيته بيقولي أستاذ رمضان راجل مهاود وبيقبل بأي حاجة جوز جنيهات ساندوتش علبة سجاير وقد كان وتم ترويش أستاذ رمضان
موضوع المحكمة العسكرية رئيس العمليات أفتكر أنه هيكسرني بيه ولكن تأتي الرياح بما لاتشتهي السفن وبقت حجتي المفضلة للهروب من أرض الميعاد يعني رايح فين يانيوترال رايح المحكمة كنت فين يانيوترال لسه جاي من المحكمة والموضوع قعدله بتاع شهرين بالمنظر ده والسويس بينها وبين مصر ساعة ونص بالبيجو أروح ناطط في البيجو مقضي اليوم في مصر وأرجعلهم بالليل إلي أن تم تحديد ميعاد لجلستي وفعلا رحت وقعدت هناك طول اليوم وبدأت في الإستماع لقصص الموجودين وكلها أشياء من قبيل التغيب عن الوحدة اللي سارق ورك فرخة اللي ضارب الصول بتاعه وشوية لقيت وكيل النيابة بيندهني رحت ساحب رمضان متولي وداخله الأوضة ولسه بيسألني إيه اللي حصل لقيت أستاذ رمضان بدأ يتكلم أتاري وكيل النيابة عارفه ولقيته بيقوله أخرس يارمضان بدل ما أحبسك :D المهم رحت مطلعله ورق المستشفي لقيته بيقولي أمال فين المشكلة ليه محولينك لمحكمة إذا كان معاك مستندات قانونية قلتله أسألهم وخلال دقيقتين تم إخلاء سبيلي
بعد خلاصي من موضوع المحاكمة بدأت في شغلانة جديدة ألا وهي تكهين العهدة وكان من ضمن العهدة أمبولات مورفين منتهية الصلاحية وطبعا هما بهايم مش فاهمين حاجة ويسمعوا كلمة مورفين ومخدرات جتتهم تتلبش وبدأت رحلات مكوكية بين اللواء والمعامل المركزية للجيش بصلاح سالم وكل مرة أخدلهم أمبول أكهنه وأقعدلي عليها تلت أيام في مصر وبعد تشطيبي علي المورفين بدأت أكهن في باقي الدوا يعني شريط مضاد حيوي قرص أسبرين شكله مش عاجبني قزازة جلوكوز مش عاطفية لدرجة أنهم حفظوا وشي في المعامل المركزية
المشروع -هبل في الجبل
هو عبارة عن تدريبات بالذخيرة الحية وهو شئ يحدث كل سنتين علي الأقل وطبعا جه علينا الدور نطلع مشروع وأنا هناك وفعلا تحركنا وبالنسبة للجيش الثالث فيتم عمل المشاريع خلف الإستراحة الموجودة في منتصف طريق مصر السويس ويستغرق الأمر حوالي 4شهور وطبعا لما وصلنا هناك أكتشفت إني كنت قاعد في قصر مقارنة بظروف المعيشة في المشروع ومما لفت نظري هناك إن الفئران حجمها ضخم بخلاف الفئران الموجودة في مقر اللواء بالإضافة إلي أنها بجحة يعني الفار في مقر اللواء أول مايشوفك يطلع يجري لكن فار المشروع يقفلك بمنتهي التناكة بالإضافة لعدم وجود كهرباء في المشروع والميزة الوحيدة هو قربه من مصر مما أدي لتصاعد وتيرة رحلاتي المكوكية للمعامل المركزية
الحقيقة في بعض الأشياء التي أرتكبتها في الجيش لست فخورا بها ولكن بسبب الضغط النفسي والعند حدثت بالإضافة إني كنت معتبر نفسي مسجون ومحتجز ضد إرادتي فكنت بتصرف علي هذا الأساس
في كل صيف يوزع الجيش أمصال لتطعيم العساكر ضد الأمراض المعدية كالكوليرا وفعلا إستلمت الأمصال في أول سنة وطعمت اللواء بالكامل وطبعا بعد التنبيه علي العساكر بأن البعض ممكن يعاني من إرتفاع طفيف بدرجة الحرارة أو إسهال أو ألم بسيط مكان الحقنة وطبعا ولاد القحبة لقوها فرصة يعملوا عيانين ويستهبلوا ولقيت طابور لانهائي من العساكر واقف قدام العيادة بالليل بيستموتوا وطبعا كانت ليلة سودا وكان صيدلي الكتيبة الطبية الذي أصرف منه الدوا والأمصال صاحبي وكنت قاعد معاه بحكيله اللي حصل لقيته بيقولي هو أنت طعمتهم بجد قلتله أيوه أمال هطعمهم بهزار قالي لا مؤاخذة أنت حمار قلتله ليه سعادتك قالي إن هو لما بيستلم الأمصال بيرميها ويطعم العساكر بمحلول ملح ـيعني ميه من الحنفية ـ علشان يشتري دماغه من الصداع وبصراحة بعد اللي حصلي الفكرة عجبتني وفي السنة التالية قررت تطبيقها وقد كان والمضحك إن برضه بعض العساكر لقيتهم جايين يستموتوا قدام العيادة بالليل وطبعا كنت عايز أزعق فيهم وأقولهم ياولاد دين الكلب ده أنا حاقنكم بشوية ميه لكن قلت الطيب أحسن بدل ما أتحاكم تاني
أثناء المشروع كان اللواء بيطلع الصحراء من الساعة السادسة صباحا وألاقيهم راجعين الساعة واحدة ليلا وفي الأول كنت أنا مبلطج ولا بروح ولا باجي وكنت ببعت أحد أعضاء الفريق الطبي معاهم بشوية شاش وقطن وشوية أنتبهوا لغيابي ولقيت رئيس العمليات بيقولي أنت لازم تطلع معانا تأمين طبي قلتله ماشي وقلت بالمرة أتفرج ولاد الهبلة دول بيعملوا إيه وفعلا طلعت معاهم في عربية الإسعاف وقعدنا ماشيين في الصحرا وشوية راحوا معسكرين وبدأ الضرب بالذخيرة الحية وأنا مع أول قذيفة وداني صفرت رغم إني كنت حاشيها قطن ورجعنا بالليل وطبعا عقدت إجتماع طارئ للفريق طبي لدراسة الموقف وفي هذا الإجتماع أتخذت قرار تاريخي بإفساد عربية الإسعاف بلا تأمين طبي بلا زفت وفعلا تم توكيل سائق العربية بالجزء التنفيذي من الخطة ويفعل مايراه مناسبا - يعني يحط سكر في تانك البنزين يبوظ طرمبة الميه وفعلا أستقر الرأي علي العبث بطرمبة الميه وقد كان وفعلا طلعنا الصبح علشان ندور العربية طبعا سخنت وكانت هتولع وطبعا طفيناها وقلنا عربية الإسعاف بايظة وبالتالي هما طلعوا وسابوني في حالي وسواق الإسعاف بدأ هو الأخر في عمل رحلات مكوكية لمصر علشان الطرمبة مرة يجيب طرمبة مش بتاعة العربية مرة يجيب واحدة بايظة وهكذا
طبعا مافعلته أنا يفعله غيري كثيرين لأن الجيش معتقد إنه ممكن يشغل الناس بالعافية وبالقهر ودي بتكون النتيجة وبالنسبة لي النتيجة النهائية هي ضياع ثلاث سنوات تقريبا من عمري في الجيش ورد الفعل كان خسائر مادية للجيش ولم يستفد مني بمليم
خلاصة ماعرفته خلال خدمتي بالجيش أن السبب الوحيد لوجوده والمهمة الوحيدة القادر علي تنفيذها هي قمع أي تحرك شعبي ضد مبارك أما فيما يتعلق بإسرائيل ففي حالة حدوث مواجهة عسكرية سيمني الجيش المصري بهزيمة تفوق هزيمة 67 فالمعدات والمركبات في حالة يرثي لها ولاأستطيع أن أقول إن الروح المعنوية منخفضة لأن مفيش روح معنوية من أساسه والجيش كمؤسسة ضارب بها الفساد حتي النخاع ففي حالة تفتيش حرب أو قدوم لجنة للتفتيش علي أي وحدة يقوم قائد اللواء بشراء عدة جنيهات ذهبية من أرباح الكانتين وتوزيعها علي أعضاء اللجنة ويكون طبعا تقرير اللجنة إن كله تمام والروح المعنوية للجنود مرتفعة وجاهزين لتنفيذ أي مهمة يكلفوا بها - الله الوطن
طب عين شمس
كلما أتذكر هذا المكان أفتكر عبارة كوميدية قالتها إحدي االأساتذة في بداية دخولي الكلية وكانت تدرس لنا مادة Embryology وقالت لافض فوها إنكم لما تتخرجوا هتعرفوا قيمة حصولكم علي بكالريوس من طب عين شمس وفعلا عرفت قيمة بكالريوس طب عين شمس عندما قال لي أحد زملائي بالكلية وإحنا في أمريكا ضاحكا إن طب عين شمس بتخرج أحسن سواقين تاكسي في نيويورك :lol:لأن كان في كثيرين من خريجي هذا الصرح العلمي شغالين سواقين تاكسي هناك
ماعلينا
بداية أنا لا عمري كنت عايز أبقي دكتور ولا هباب أزرق ولو رجع بي الزمن مرة أخري لن أرتكب هذه الجريمة في حق نفسي لكنه قدر أحمق الخطي علي رأي عبد الحليم وساعتها فعلا أنا كنت نفسي أبقي مخرج سينمائي وكنت مهتم بالسينما ومشترك في المركز الكاثوليكي للسينما وبروح أحضر عروض في المركز الثقافي السوفيتي وعامل فيها واد طليعي :cool: وبعدين للأسف الشديد جبت مجموع عالي في الثانوية العامة والناس في مصر زي مايكون ماشيين علي شريط قطر جبت مجموع عالي يبقي تخش ياطب ياهندسة وبما إني كنت علمي علوم وكل أصحابي دخلوا طب رحت داخل وكان ساعتها معهد السينما ده بياخد خمسين في المية ومفيش حد بيخشه برغبته وقلت الواحد هيبقي شكله وحش وكان ساعتها اللي ميخشش طب أو هندسة يبقي مستقبله ضاع والناس تييجي تعزي أهله وقلت لنفسي دكتور مش وحش برضه ولو حبيت أدرس سينما أبقي أدرسها لما أخلص
بما إني خريج مدارس حكومة فكانت معلوماتي في الإنجليزي محدودة جدا وكنت أتكلم مايطلق عليه إنجليزي وزارة التربية والتعليم يعني i am a pupil- i go to school by bus- i have two eggs between my legs and a :lol:banana وحاجات زي كده إنما Anatomy Physiology إيدك مني والأرض وأول يوم دخلت كانت أول محاضرة لأحمد عكاشة وكانت عبارة عن ترحيب بينا وشوية كلام خفيف وتاني محاضرة كانت لأستاذ فسيولوجي يدعي هاني أيوب ومن هنا بدأت المأساة
طبعا الأغلبية كانت زي حالاتي خريجين مدارس حكومة وعلي باب الله في الإنجليزي وكانت توجد شرذمة منحرفة خريجين مدارس خاصة أو جايين من أمريكا وإنجلترا ومستواهم كويس في الإنجليزي وبدأ عم هاني المحاضرة مقلش فيها ولاكلمة عربي وكان موضوع المحاضرة عن شئ إسمه ال homeostasis وهو عن كيفية تنظيم الجسم وحفاظه علي حالة من الثبات وطبعا أنا قاعد زي البغل مش فاهم حاجة وأضرب بعيني ألاقي ناس عمالة تكتب وراه بمنتهي الهمة والنشاط قلت معلهش بكرة تتعدل وخلصت المحاضرة بعد أن ذكر لنا المصدر الذي سنذاكر منه وكان إسمه Ganong وفعلا سمعت الكلام ورحت شاري الكتاب وقلت أخده في البيت وأحاول أفهم
الواحد كان متعود من أيام ثانوي يذاكر بسرعة يعني تقعد علي المادة يومين تخلصها وبعد ماأشتريت Ganong وتسلحت بالقواميس اللازمة أكتشفت إن بعد قضائي اليوم كله في الترجمة والمذاكرة إني خلصت ربع صفحة وكمان مش فاهمها وطبعا لو إستمريت علي هذا الشكل فسأحتاج علي الأقل عشر سنوات علشان أخلص الفسيولوجي لوحده ناهيك عن باقي المواد وباقي السنوات وطبعا بدأت أرتبك ومبقتش عارف أعمل إيه وكل يوم يزداد الإحباط وبدأت مجموعة من الطلبة تبعتله ورق إنهم مش فاهمين وياريت يشرح بالعربي شوية عقبال مانتعود وده طبعا ركبه جنون العظمة ولقيته بيقول اللي مش فاهم أحسنله يحول كلية تانية وأدركت إن الحارة سد مع الشخص ده ومفيش فايدة
طبعا بعد خروجي للعالمية أدركت إن حتي طالب الطب بأمريكا عند إلتحاقه بالكلية يدرس مادة إسمها Medical Terminology لتعريفه بالمصطلحات الطبية وفعلا إحنا أثناء أول سنتين كان توجد مادة إنجليزي ضمن المواد وكانوا منتدبين ولية قرشانة من أداب لتدريسها وكان كل مايعنيها إن الطلبة يشتروا كتابها أول كل سنة وسكاشن الإنجليزي زي فصول الإبتدائي هي قاعدة وبس ياواد بس يابت ولا Medical Terminology ولا بتنجان وهي نفسها متعرفهوش
طبعا بعد كده توالي دخول الفواتير علينا ففي Biochemistry دخل عم علي خليفة وطبعا بعد إعطاؤنا نبذة عن مغامراته في فرنسا راح قعد يوصفلنا عن مقدار شوقه لمصر وهو هناك وهوباااا راح فقعنا قصيدة مابعد حداثية تعبر عما يجيش بصدره تجاه محبوبته مصر وكانت عبارة عن شوية كلام تافه وهو معتبره إنه عمل ملحمي ـ يعني حاجة زي كده
مصر يابلدي
مصر ياوطني
مصر يا حتة من قلبي
بحبك قوي
بحبك خالص
بحبك جدا
وده طبعا بعد إضافة شوية سنونو وياسمين علشان يظبط الطبخة والحقيقة بعد تلك القصيدة أدركت إن اللي واقف قدامنا ده راجل أهبل وأستعوضت ربنا في ال Biochemistry زي ماأستعوضته في
الفسيولوجي
طبعا كل طالب طب لما بيدخل الكلية بيروح شاري هيكل عظمي وينتظر اليوم الذي سيدخل فيه المشرحة حتي يعتبر نفسه فعلا طالب طب وقد كان وتم تقسيمنا لمجموعات ودخلنا المشرحة
المشرحة في طب عين شمس مكان في منتهي القذارة يسيطر عليه مجموعة من البلطجية إسمهم عمال المشرحة بالتواطؤ مع المعيدين حسب نظرية شيلني وأشيلك وكانت المشرحة مقسمة لعدة قاعات وجاء نصيبي في مكان يسمي مشرحة الطرقة وهي عبارة عن طرقة طويلة عرضها لايتجاوز ثلاثة أمتار موضوع في الوسط منها ترابيزات بالطول عليها جثث لأناس مجهولين وسيئة التهوية ويمتلأ الجو برائحة الفورمالين القاتلة
كان معيد التشريح للسكشن بتاعي دكتور إسمه عز وألتفينا حول الجثة نستمع للشرح حول إحدي الترابيزات وعددنا كان حوالي خمسين طالب أو أكثر وتحول درس التشريح لطابور جمعية يعني تلاقي واحد يديك كتف ولا كوع علشان ياخد مكانك واحد مطلع راسه من بين رجليك ولا من تحت باطك واحد وراك واقف علي كرسي وحاطط رجل علي الكرسي ورجل علي كتفك وعم عز ولا هو هنا ولاحظت فيه إهتمام خاص بالعنصر النسائي ولاممهم حواليه ومفيش في بقه غير كلمة شايفة يادكتورة فاهمة يادكتورة وياعيني واد غلبان مش هارش الدور سأله سؤال فعم عز بصله بما معناه إنشالله مافهمت وطبعا تذكرت قول الشاعر
إذا كان الرزق في الزنبور كان ذنبه إيه يارب البرئ اللي خلقته بزبر
وطبعا أستعوضت ربنا في التشريح ليلحق بأخواته الفسيولوجي والكيمياء الحيوية
طبعا مكنش فاضلي أمل غير الهستولوجي من المواد الرئيسية وقلت لازم أفهمه وكان أستاذ المادة دكتور إسمه سعيد موسي شكل طه حسين ولابس زيه نظارة شمس وبعد أول محاضرة ذكر لنا المصدر الذي سنذاكر منه وكان كتاب إسمه- هام- ورحت أسأل عليه علشان أشتريه الراجل بتاع المكتبة قالي معنديش كتاب بالإسم ده طلعت أدور في مكتبة الكلية ووجدته فعلا وهو عبارة عن شئ زي الموسوعة البريطانية ومكون من عدة أجزاء وكل جزء يحتوي علي 2000 صفحة وبصراحة أنا شفت منظره وكنت ناوي أنزل شئون الطلبة أحول من الكلية لأن كده مش هينفع ـ مفيش ولا مادة سالك فيها
بعد فترة من عدم الإتزان والإحباط قلت مفيش غير حل واحد هو إني أخد دروس وفعلا كان في واحد في مصر الجديدة إسمه يوسف جورج مرفود من الكلية وعايش علي دروس التشريح وفعلا رحت خدت عنده حصة وكان ساعتها هو أغلي واحد وعامل فيها مهم وكان كورس التشريح ب2000 جنيه وساعتها كان ممكن تشتري بالمبلغ ده عربية وبصراحة نفسنت منه ومن تناكته وعرفت إن عز كمان بيدي دروس ومهاود في السعر وكان ساعتها بياخد 500 جنيه في الكورس فتوكلت علي الله وخدت عنده درس وضربت فرق الفلوس في جيبي
الحقيقة الجميل الوحيد الذي أتذكره لعز إني بدأت أندمج مع الدراسة بالإنجليزي وبدأت أتجرأ علي فتح الكتب لأني بعد الصدمة الأولي كنت بدأت أخاف حتي أفتح الكتب وكنت بس أشتريها وأحطها في البيت ويبقي كده أنا عملت اللي عليه:lol: وبدأت المركب تمشي حتي بالنسبة للمواد الأخري بالإضافة إلي إن عز بالتفاهم مع عمال المشرحة كان بياخد أجزاء منهم يدي دروس عليها وبالتالي أصبحت غير محتاج للذهاب للمشرحة وكنا مجموعة مكونة من 15 فاتورة وكان الدرس في بيت واحد معرفهوش قاعد لوحده في شقة بمدينة نصر لكن بعد كده بقينا أصحاب جدا طوال سنين الكلية بالإضافة لشخص تالت تم ضمه للتنظيم لاحقا وبدأ ثلاثتنا يلاحظ إهتمام عز الزائد بالعنصر النسائي حتي في الدرس مع وجود إنتفاخ ظاهر ومزمن ببنطلونه وفي إحدي المرات لقيت إحدي الزميلات بتقولي إن دكتور عز ده إنسان مخلص وطيب وعند إستفساري عن السبب فوجئت بها تقول لي إنها قالت له إن في شوية حاجات مش فهماها فعرض عليها إنها تروحله الشقة ليشرح لها كل ماإستعصي عليها وطبعا هي من سذاجتها فاهمة إن هيبقي في شرح مش شلح:duh: وطبعا أفهمتها إن الموضوع مش زي ماهي فاكرة وقلتلها هل تعتقدي إني لو رحت أنا بوشي العكر لعز وقلتله مش فاهم حاجة هيقولي تعالي عندي البيت أشرحلك وهي مكنتش مصدقة كلامي وأنا كالمعتاد كبطل في التشريد والتسييح وطولة اللسان بدأت أشتغل عم عز في الدرس وسألته علنا عن موضوع دعوته لبعض الزميلات لشقته وطلبت منه إني أجي معاهم وطبعا بدأ توتر في العلاقة بيني وبين عز إلي أن فوجئت به قرب إنتهاء السنة يدخل الدرس وهو غاضب وأول ماشاف وشي لقيته بيقولي بقي كده يانيوترال تروح تتصل بمراتي وتقولها إن زبرك كبير وممكن تكيفها وتقولها إني عايز أنيك الطالبات :o وأنا والله العظيم ماعملت كده رغم تقديري للطالب الذي فعلها:9: وكل هذا الحوار أمام الزميلات المحترمات ولكن طبعا زي ماإحنا عارفين لاحياء في العلم ورغم إنكاري بشدة إلا إنه مازال مقتنع لليوم إنني من فعلها وأنتهز هذه المناسبة وأوجه نداء لدكتور عز الكائن بقسم التشريح طب عين شمس أقوله والله ماأنا اللي أتصلت بمراتك وإذا مكنتش مصدقني كس أمك علي كس أم مراتك والسلام عليكم ورحمة الله وبركاته
يرجع شك عز في إلي إني فعلا قد قمت بالإتصال بوالدة أحد الفواتير معانا في الدرس وبصراحة كان مطلع دين أمي وقارفني في حياتي وأثناء مناقشة مشكلة تلك الفاتورة مع أعضاء التنظيم السري ذكرت لهم إن الفاتورة دي بالتأكيد أمه خلفته من طيزها مش من كسها لأنه عيل خرا ولحسم الجدل حول تلك النقطة فعلا قمت بالإتصال بوالدة الفاتورة وبعد التحية والسؤال عن صحتها الغالية سألتها عن هذا الموضوع وهي في الحقيقة أنكرت بشدة ولكن بعد مواجهتها بالأدلة أنهارت وأعترفت وطبعا ولاد دين الكلب اللي معايا سيحوا وأتهرش إني أنا صاحب المكالمة الشهيرة وأصبح أي حد تحصله مصيبة يبقي نيوترال
to be cntinued later
هرتله - بسام الخوري - 07-09-2005
(f)(f)(f)
ذكرتني بأمور كثيرة خاصة المشرحة الممتلئة بالطلاب بمعدل 50 طالب للجثة وموضوع الجيش ومناوراته فقد كنت قائد سرية طبية...يوجد تشابه وتوئمة بين الجيش السوري والمصري...لكنني لم آخذ دروس تشريح فحملت المادة للسنة الخامسة ولازلت أحلم بمدرسها الاخونجي من بيت الخطيب رغم مرور 25 سنة ...
هرتله - fares - 07-10-2005
لك خالص تحياتى أيها العزيز نيوترال
لقد غابت البسمه عن النادى بغيابك
أما أنا فتجربتى فى الجيش مؤلمه
هذا ما جناه أبى علي وما جنيت على أحد بعد
حصلت على الاعداديه بمجموع كبير ولم أستطيع الألتحاق بالثانويه العامه لسببين الأول حالة الفقر التى كنا عليها والثانى حالة الرعب التى سببتها لى أجهزة الأعلام من الثانويه العامه وأنتهى بى الأمر إلى دخول مدرسه صنايع والحصول على دبلوم وعمرى 16 عام وجائنى عرض من خالى أن أسافر للعمل بالكويت شرط ان لا أعود إلا بعد أن أكمل الثلاثين حتى لا أدخل الجيش ولكنى قلت لعل وعسى أحصل على تأجيل 3 سنوات وأسافر بعدها ولكن تأتى الرياح بما لا تشتهى السفن ودخلت الجيش عسكرى وقضيت 26 شهر من أسوأ أيام حياتى ورأيت معامله لا يجرؤن أن يعاملوها لأسير أسرائيلى .
البدايه
تم توزيعى على سلاح المدرعات وعلمت أن مركز التدريب موجود بالهايكستب يضم وحدة تدريب أساسيه وهذه يقضى بها الجنود أول 45 يوم وبعد ذلك ينتقلون إلى إما وحدة المدرعات ويبقون فيها 3 شهور يخرج بعدها المجند إما رامى أو حكمدار دبابه والثانيه وحدة الجنزير وهذه يتدرب فيها الجندى على قيادة الدبابه .
قضيت فى هذا المكان 135 يوم وتخرجت منه سائق جنزير ( دبابه ) وكان ذلك فى أواخر التسعينات .
مركز التدريب
فى الجيش غالبا أسوأ الأيام هى التى تقضيها فى مركز تدريب .
- الطعام : لا يمكن وصف نوعية الطعام التى تقدم للجنود فى مراكز التدريب فهى أبشع من أن يأكلها آدمى ... فمركز التدريب يضم مثلا ما بين 3000 و5000 عسكرى وبالتالى من الذى سيهتم بالنظافه أو بالأعداد الجيد للطعام كمثال يوم الجمعه نتناول الطبخه السوده وهى كميه كبيره من البذنجان يقطع كيفما أتفق وتقطع معه بصله أو أثنين ( بقية البصل يسرقها ضباط الصف والجنود العاملين فى الميس ) مع مقدار من الصلصه لا يوضع فى الآناء ولكنه يسجل فى الدفتر فقط وقليل من الملح وكثير من الماء ويوضع الخليط السابق على النار إلى أن ينضج ولن أصف الطعم بل يكفى أن ترى اللون حتى تصوم الدهر كله .
- الأيواء : طبعا مع وجود هذا العدد الهائل من الجنود لا وجود لمبيت آدمى وهى أسوأ ما تكون فى الصيف حيث الحراره الرطوبه والناموووووس
- الماء : دخلت الجيش فى دفعة شهر يوليو لأنى من مواليد سبتمبر وقد يتفهم المرء مشكلة الطعام ومشكلة الإيواء لكن أن تكون هناك مشكله فى الماء ونحن بجوار العاصمه ؟
كانت المياه تقطع عمدا لسبيين الأول هو بيع المياه الغازيه وهى ليست بيبسى أو كوكاكولا ولكنها ماركه لن تجدها خارج القوات المسلحه على ما أذكر أسمها يوسفينا ... أم الثانى أن المياه كانت لا تأتى الينا مباشرة بل كانت تخزن فى صهايج من الحديد ثم توزع بعد ذلك وكان الصف ضباط يغلقون المياه لسببين الأستمتاع بعذاب الجنود من شدة الحر والثانى الحصول على دش مياه ساخنه وقت الظهيره .
المعامله مهما ذكرت من قصص واحداث فلن أفى هذه النقطه حقها ولكن أعتقد أن سوء المعامله مقصود حتى يقتلوا أى إراده أو كرامه لدى الجندى واوتجه اليك بالسؤال يا نيوترال هل المعامله السيئه المقصود منها سلب الإراده وجعل الجندى مجرد آله لتنفيذ الأوامر ؟
يستكمل فيما بعد
هرتله - مفكراتي حر - 07-11-2005
قسما عظما :P انك فظيع فظيه فظيع الى ما لا نهاية ولا بداية :lol:
اكمل لا فض فوك انك تذكرني بواحد اسمه الشيطان كان يكتب في طوى على انك احلى وأخف دم :9:
هرتله - neutral - 07-12-2005
الزميل فارس(f)
أوعي تكون كنت في الفرقة الرابعة المدرعة:o
بالنسبة لموضوع المعاملة في الجيش فالجيش جزء من المجتمع وزي ماكل حاجة فاسدة فيه فبالتالي الجيش فاسد أيضا
الطاعة جزء من النظام العسكري في كل دول العالم ولكن كالعادة دائما بنسئ إستخدام كل شئ وتحريفه عن الغرض الأساسي منه فعندنا برلمان كمبني ولاتوجد حياة برلمانية عندنا أحزاب ولاتوجد حياة حزبية ولاتنسي أن الجيش بيكون مدخل الشخص للحياة العملية والحكومة عن طريق الجيش بتعلم الشعب إنه يتقبل أي شئ ولايتمرد
تحياتي وسأكمل الموضوع بعد عودتي من الأجازة
هرتله - the_sniper - 08-01-2005
رغم تحفظى على بعد النقاط في هرتلة نيوترال
الا أننى لا أستطيع ان انكر انها اعجبتنى كثيرا
وبالنسبة للدكتور علي خليفة -رحمة الله-فهو شخصية طيبة جدا،(ما دام كان بيجيب امتحانات سهلة يبقى طيب)
لكن طيبته دي مبقتش موجوده تخليك تحس ان النوع بتاعة انقرض من زمان
خصوصا حبه لمصر ،والقصايد والذي منه تحسسك أنه عايش في حته تانية
بس لا ننكر اننا كنا بنحب أوقات القصايد والقصص بتاعته ،على الاقل ارحم من الميتابولزم والفورملات
فاول ما كان بيخلص البيو ويبدأ في قصايده ،كان الواحد بيصحى من النوم عشان يلعب اكس أوه مع اللي جنبه ،أو نبدأ في سرد الجديد من النكات القبيحة او غير القبيحة
كأن ذلك قبل ان أقلع عن حضور المحاضرات ،بعد أن أكتشفت الحقيقة التي تقول أن اقصر الطرق للرسوب هو المواظبة على حضور المحاضرات
وتركنا -انا وباقي اللي بيفهموا-المدرجات للعيال اللي بيحبوا التظبيط مع البنات حاملات النضارات قعر الكوز (book flea )
فتجد المدرج مقسوم قسمين بنات وولاد ،وكل واحد منهمك في الكتابة والتخطيط حتى يثبت كل واحد للبنت اللي عينه عليها أنه واد عبقرى وأحمد زويل عصره ،والبنت نفس النظام تحاول ان توهم الواد اياه أنها مدام كورى
ولا مانع أن يسئل هؤلاء (book fleas) المحاضر اسئلة تنم عن غباء متوارث ،سألها من قبيل المنظره قال يعني الواد فاهم وبيسأل كمان
المضحك المبكى ،أن الدكتور علي خليفة هو أول من انشئ وحدة لتشخيص وعلاج الأورام بجامعة عين شمس ،في الوقت الذي ماتت في أمه وشقيقة زوجته ،وزوجته ثم هو شخصيا بالسرطان
أما هانى أيوب فهو أبن ......... زي ما انت قلت بالظبط
اما المشرحة فدخلتها كام يوم كدا ،وبعدين اقتصر دخولي فيها على أيام المراجعات والامتحانات ،عشان تفضل توجع دماغك طول السنة وبعدين ييجوا ايام المراجعات يقولولك في الابر(upper) موش بيجي الا الميديان نرف والبركيال ارتري والبايسبس وموش عارف ايه ودة شبة حبل الغسيل ودي شبه المروحة ،وده شبه قرن العفريت
فأنا كنت بجيب من الأخر واحضر المراجعات
سمعت اخبار صحيح -من احد العمال اللي ضربت معاهم صحوبية حتى الآن و اللي كان بياخد خمسة جنيه مقابل تاجير البارت لمدة ساعتين- انهم عملوا اصلاحات في المشرحة ،وتم تبليطها بالسراميك ،وهناك اتجاهات لتكييفها بمكيف هواء مركزى
وذلك لأستقبال بنت أحمد نظيف رئيس الوزراء
الذي يدهشنى هو ما الذي يجبر بنت احمد نظيف على دخول المشرحة ،أو دخول الكلية من الاصل؟؟
أذكر ايضا تجمع الطلبة حول الجثة بشكل يماثل تجمع طلاب الثانوي حول جريدة النبأ ،وفي النص تلاقي واحد ماسك الجثة عمال يفعص ويشرح فيها ، وبعد أن ينتهي من تشويه الجثة يبدأ في الشرح للطلبة ،وعندما تسأله عن ارتري معين او نرف قام هو بتشويهه ،يرد عليك بكل ثقة وبطريقة تشعرك انك غبى ،يابنى يا حبيبي الارتري دة (May be absent)
أما متاحف التشريح والباثولوجي والشرعي فهي ليست أحسن حالا
فأحدث (jar) هناك كان لكبد احد افراد الحملة الفرنسية ،وذلك لاثبات أن من يدخل مصر لا يأخذ الجنسية الا بعد اصابتة بالاميبا والبلهارسيا وسرطان الكبد بالاضافة الي سرطان المثانة والرئة
وأن كنت تعتقد أنك سترى ال(lesion) فأنت واهم لامحاله ،فتلك الجارات الاثرية لا ترى فيها غير شئ داكن يسبح في سائل من الفورمالين ،وكل ما عليك هو أنت تدعو ربك أملا ان تتعرف على ال(organ) اللي ادامك ،ومادام عرفت ال(organ)،تبوس ايد وش وضهر وتبدأ تاخد الليشن بالشبة بقى،ولو فقدت الامل في التفريق بين الجارات ،فكل ما عليك فعله هو كسر الكام جار دول عشان مينزلوش في الامتحانات ،فعقبال ما تيجي لجنة تحدد مقدار ال(damage) بتاع ال(Jars) ولجنة تانية تصرفلهم جارات جديدة يحطوا فيها العينات تكون السنة خلصت
وبالنسبة للجيش فبالرغم من تلك المعاناة التي ذكرتها فإن خريجي الطب تعتبر الفئة المرفهة عن باقى الفئات التى تقف في الطوابير والخدمة
أما الطبيب فهو نائم طوال النهار في الوحدة
ولا أحد يستطيع ان يغضب ذلك الطبيب الذي يصرف له قبل كل اجازة كام قرص لحفظ ماء الوجه امام الجماعة بتاعته
سلام بقى دلوقت
هرتله - بسام الخوري - 08-13-2005
[SIZE=6]
اقتباس:تحياتي وسأكمل الموضوع بعد عودتي من الأجازة
i wait
:cry::cry::cry:
هرتله - المقاتل الاحمر - 08-17-2005
اهلا نيوترال ليك وحشه يا راجل
على فكرة انا برضو كنت احتياط فى الجيش التالت بوحدة اشارة ملحقه بكتيبه صاعقه :o ........ مع انى واخد شهادات رياضيه عاليه عشان السريه الرياضيه واصلا انا مزدوج الجنسيه :lol:
الخلاصه برضو هابئا اسجل يومياتى بالجيش زيك ......... وانت مبعدتش كتير عن اللى حصلى .. باستثناء انى اتحاكمت فعلا لانى ضربت المقدم رئيس وحدة العمليات :lol:
على فكرة انت خريج طب عين شمس ودا يعنى ان عمى كان بيدرسلك غالبا
هو اسمه : احمد عباس الخطيب ......... تعرفه ؟؟؟
منتظرك (f)
تحيه حمراء
هرتله - مفكراتي حر - 08-23-2005
يرفع لنظر عراب الفرح نيوترال لاكمال اللازم :)
هرتله - عوليس - 08-30-2005
طبعتُها على ورق
وقضيتُ معها وقتا ممتعاً ولحظات ظريفة
بنتظار التتمة نيوترال...
:97: