+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: انا رايح الجيــــــش ... نشوفكم بقى على خير (/showthread.php?tid=414)
انا رايح الجيــــــش ... نشوفكم بقى على خير - الحكيم الرائى - 04-13-2009
استرجل يااااد الجيش للرجالة انا مدين بكل الشكر لفترة الخدمة العسكرية اقول هذا صدقا ..
استرجل يااد انت ادها وقدود
انا رايح الجيــــــش ... نشوفكم بقى على خير - شهاب الدمشقي - 04-13-2009
Array
العسكرية من اسوء الاماكن واللي يقول غير هالكلام بيضحك على نفسه.
[/quote]
من قال هذا الكلام !؟ .. ارجح ان كلامك مجرد استنتاج شخصي (فكونك خليجي يدعوني الى الترجيح بانك لم تخض تجربة الخدمة العسكرية الالزامية) .. اما انا ومن واقع تجربتي الشخصية ( سنتين خدمة عسكرية الزامية .. وستة اشهر عقوبات :97_old: .. ناهيك عن بدعة المعسكرات الجامعية) فاقول لك بمنتهى الثقة والصراحة بأن تجربة الخدمة العسكرية كانت مفيدة لي كثيرا .. وكما قال الصديق الحكيم الرائي انا مدين لها بالكثير ..
لا خلاف في انها تجربة قاسية .. وصعبة .. ولكني تعلمت منها امورا كثيرة .. واليوم عندما اتذكر ايام العسكرية ابتسم في سري لتلك الأيام ..
عزيزي بهاء لا تأبه لتجربة العسكرية .. وخذها مني نصيحة: اقض فترة خدمتك طناااااااش .. وخذ كل الأمور بروح رياضية .. وحاول ان تكسب صدقات في وسط الضباط والعساكر :)! ..
انا رايح الجيــــــش ... نشوفكم بقى على خير - discovery2 - 04-13-2009
خلاص هتروح الجهاديه يا عتريس :25:
فليكن سلنتوحه معك بالذات في حكايه حقن زيت الخروع :lol:
واول ٤٥ يوم كل الناس بتحلف بجمالهم وحنيتهم وطعمتهم ونعومتهم
شد حيلك (f)
ايه رائيك في جو الصدمه والرعب ده:lol22:
انا رايح الجيــــــش ... نشوفكم بقى على خير - قارع الأجراس - 04-13-2009
فترة العكسرية تعتمد بشكل كبير على الشلة الي حتتعرف عليها ،اما ان تزيدها سوءا ، او تنسيك منغصاتها
انا رايح الجيــــــش ... نشوفكم بقى على خير - Serpico - 04-13-2009
بص حتعدي حتعدي ... حاول متعدش الايام لكن صعب مش حتقدر برضه حتقعد تعد الايام
متنكدش على نفسك وحاول متفكرش كتير
خد معاك اكل في كل فرصه
الراديو صديقك الوحيد
ابحث عن الواسطه من الان ولو مفيش دور على صول وزبطه عشان يزبطك ... الجيش علاقات والصولات دول ليهم سلطه مش سهله
خد معاك البتاع ده بتاع الشفايف ومتستكبرش ... انا مخدتوش وكانت النتيجه اني كنت كل ما بفتح بقي في الجيش كان بينزف
حط كرامتك مؤقتا في الدولاب وابقى ارجع خدها بعد ما تخلص...عشان تهون على نفسك المشقه
خد طبعا هدوم داخليه ومتعتمدش على هلاهيل الجيش ... دي بيدوهالك عشان تتفرج عليها وتضحك
ابره وخيط ضروري عشان المموه (زي الجيش المنقط ده) ده حيتقطع اول ما حتلبسه اصلا واول ما حتقعد حتلاقيه سلم نمر وقرب يتقسم نصين... كل مساء اقعد خيط بقى
الاكل اللي تاخده يبقى مما قل وزنه وزادت قيمته عشان يقضيك اطول فتره ممكنه
البتاع اللي بيتحط على الجلد عشان يبعد الناموس هو اهم سلاح ليك في اصعب معارك الجيش وهي معركتك الطاحنه مع الناموس ... سيبك من السلاح الألي ده مش حتضربه الا مرتين تلاته ... خليك في بتاع الناموس عشان هما دول الصهاينه بجد
ابعد عن الضباط اللي شايفين نفسهم وحاول مترسمش نفسك قدامهم عشان ده بيخليك عباره عن هدف متحرك ليهم ومش طالبه حته ضابط نصف امي يخليك تزحف قدام اللي يسوى وميسواش
ححاول افتكر نصائح اخرى بس مؤقتا خليك في دول ... حطهم حلقة في ودنك بجد...سلام
انا رايح الجيــــــش ... نشوفكم بقى على خير - Serpico - 04-13-2009
Array
من قال هذا الكلام !؟ .. ارجح ان كلامك مجرد استنتاج شخصي (فكونك خليجي يدعوني الى الترجيح بانك لم تخض تجربة الخدمة العسكرية الالزامية) .. اما انا ومن واقع تجربتي الشخصية ( سنتين خدمة عسكرية الزامية .. وستة اشهر عقوبات :97_old: .. ناهيك عن بدعة المعسكرات الجامعية) فاقول لك بمنتهى الثقة والصراحة بأن تجربة الخدمة العسكرية كانت مفيدة لي كثيرا .. وكما قال الصديق الحكيم الرائي انا مدين لها بالكثير ..
لا خلاف في انها تجربة قاسية .. وصعبة .. ولكني تعلمت منها امورا كثيرة .. واليوم عندما اتذكر ايام العسكرية ابتسم في سري لتلك الأيام ..
عزيزي بهاء لا تأبه لتجربة العسكرية .. وخذها مني نصيحة: اقض فترة خدمتك طناااااااش .. وخذ كل الأمور بروح رياضية .. وحاول ان تكسب صدقات في وسط الضباط والعساكر :)! ..
[/quote]
والله يا اخ شهاب كان بودي اقول كلامك صحيح دائما ... لكن في الحقيقة انا مش فاهم ازاي في ناس بتقول انها استفادت من الجيش؟ انا قعدت المده بالكامل بحاول ادور على اي ايجابيات مش لاقي وكل اللي في عقلي كان السلبيات المهوله
هو ايه المفيد في ان نفوس معقدة تقعد تزحفك (فعل المقصود بيه اجبارك على الزحف بدون استعمال اليدين) كل ربع ساعه؟ ولا انك تعيش بدون حمام باستثناء ربع ساعه كل يوم الصبح وانك تقسم شوية المايه اللي بتطلع بيها ما بين الشرب وسائر الاحتياجات الاخرى؟ هو انا حطلع من الجيش حعيش في الادغال؟
بجد نفسي اعرف ايه فايدة مهارات التعايش في الصحراء دي؟ المهارة الاخرى اللي اكتسبتها هي مهارة التعامل مع المنحطين....طيب المشكلة اني ولله الحمد بعد الجيش مفيش منحطيين حوالي ... طب اعمل ايه عشان استفيد من المهارة دي؟
يعني تضييع وقت وتضييع عمر وبهدلة وتهزيق وشتيمه وفقدان الامل في النظام واحساس بالعدمية وانه لا يوجد فائدة لاي شئ وان العالم ليس سوى باسكت زبالة كبير ويمكن اكتئاب وتقلي مفيد ... حرام عليك يا شيخ
وشكرا .. وياريت ابوس ايديك متردش تقلي الاسلاميين المرائيين يسخرون من الخدمه العسكريه وهم ينادون بالجهاد الخ الخ
انا رايح الجيــــــش ... نشوفكم بقى على خير - العلماني - 04-13-2009
Array
البتاع اللي بيتحط على الجلد عشان يبعد الناموس هو اهم سلاح ليك في اصعب معارك الجيش وهي معركتك الطاحنه مع الناموس ... سيبك من السلاح الألي ده مش حتضربه الا مرتين تلاته ... خليك في بتاع الناموس عشان هما دول الصهاينه بجد
[/quote]
هاهاهاهاهاهااااااه ... روعة
بالتوفيق يا "بهاء"، وابقى خد معك صورة "الملك فاروق الأول":)
لا .. بجد ...
أعتقد بأن كل تجربة في الحياة، مهما كانت سلبية، فيها إيجابيات. فتش عن هذه "الإيجابيات" - ولسوف تجدها - وتعلم أن تقدّرها وتستفيد منها. فالجيش مثلاً سوف يعلمك بالضرورة "الانضباط" و"النظام" والتغلب على أهوائك الشخصية و"الصبر" و"كيفية التعامل مع شرائح مختلفة من الناس أصحاب ثقافات متنوعة" إلخ (هذا عدا عن احترافك في التخلص من الناموس كما يقول "أحمد":)).
بالتوفيق يا "بهاء"، وأعتقد أن النادي أيضاً استفاد منك مثلما استفدت منه. (f)
واسلم لي
العلماني
انا رايح الجيــــــش ... نشوفكم بقى على خير - حمزة الصمادي - 04-13-2009
تروح وترجع بالسلامة
ولو كان حديثنا هذا قبل 40 عاما لودعناك بالزغاريد اما الان فانت ذاهب لتقضي مدة اشبه بالسجن لا فائدة من ورائها.....
انا رايح الجيــــــش ... نشوفكم بقى على خير - إبراهيم - 04-13-2009
Array
طاغور، بتاع إبراهيم ده، بيقولك: إما أن تعيش الحياة أو أن تكتب عنها..
أما أنا فأقول لكم : عش الحياة وأكتب عنها..
خد معاك كشكول وقلم واستغل أي فرصة في إنك تدون ملاحظاتك.....هتطلع بكنز...وهيساعدك إنت تنظر لما يحدث حولك من منظور المشاهد المحايد وسيريحك ذلك كثيراً..
متجطعش المراسيل وإنت في الجهادية يا ولد,,,,
[/quote]
نصيحتك ممكن تضره يا أحمد.
لو هو خد معه كشكول وكتب عما يراه في الجيش وحد متضادي منه ممكن يقولوا بكل بساطة بيطلع أسرار المخابرات العسكرية. لو عايز يكتب خواطره الشخصية بما لا يمت بالواقع العسكري فهو حر وحتى هذه لا أشجعها لأنه ممكن واحد يسرقها ويستخدمها ضده وهذا ما حدث معي شخصياً بمصر.
مرتب العسكري كام دلوقتي؟ أعتقد كانوا يعطوننا ستة جنيهات... ستة أو تلاتة ... مش فاكر. كام دلوقتي؟
انا رايح الجيــــــش ... نشوفكم بقى على خير - eyad 65 - 04-13-2009
تبقى اذكرنا , بس ماتشتهينا نكون معك لأننا قد سبقناك , إنه كاس على كل الناس , من عدا النسوان .
بالتوفيق والسلامة
مع تحياتي