+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: فكـــر حــــر (http://www.nadyelfikr.com/forumdisplay.php?fid=57)
+--- الموضوع: هل المشاركة بالثورة واجب (/showthread.php?tid=44467)
الرد على: هل المشاركة بالثورة واجب - مسلم - 08-04-2011
http://www.aksalser.com/?page=view_articles&id=51780a9eba5133921b196a3569cb7b4a&ar=949565295
لازم تفهم بعد هل المقطع ليش ما ممكن شارك بهل الشي يلي مسمينو ثورة .
RE: هل المشاركة بالثورة واجب - Narina - 08-04-2011
شكراً مسلم عالموضوع
حلو نسمع إشي مختلف عن التطبيل و التزمير اللي عم بسير
الواحد بده يسأل حاله: "شو ه"الثورات" اللي استنت واحد يحرق حاله لحتى تسير؟؟؟!!!!!!" وين كانوا ه"الأبطال" زمان يا ترى؟! شو هالشرف اللي كان متخبي ورا الباب!
و بعدين عيني عينك بروحوا بقارنوا حالهم بالثورة الفرنسية! عن جد عراضات فاضية و استغلال و شعبطة ولا أبشع منهم تحت اسم "بطولات"
خير ما عملت صبري.. خليك بعيد و اتفرج .. و لما تسير ثورة متل الفرنسية منشارك فيها إن شاء اللاو
الرد على: هل المشاركة بالثورة واجب - مسلم - 08-04-2011
اهلين نارينيا
بس انتبهي انتي هلأ خاينة وجبانة بعيون ابطال الثورة .
RE: الرد على: هل المشاركة بالثورة واجب - Narina - 08-04-2011
(08-04-2011, 01:23 AM)مسلم كتب: اهلين نارينياسيدي ..
بس انتبهي انتي هلأ خاينة وجبانة بعيون ابطال الثورة .
اللي مو عاجبه لطيزي و طياز كل الأحرار الأمامير
RE: هل المشاركة بالثورة واجب - نوار الربيع - 08-04-2011
(08-03-2011, 11:11 PM)مسلم كتب: لا تثق كتير صاحبي وبعرفوا .مو مشكلة بيكون من الغالبية الصامتة المرعوبة اللي حكينا عليها . الخوف بهيك حالات مو معيب أبداً و مافي تناقض بين الموقف و السلوك لانو الإنسان بضل ضعيف شئنا أم أبينا و النظام المجرم ما براعي فينا إلا و لا ذمة .و كتير ناس بتخاف على أهلها أو أعراضها . دروس الثمانيات بالبال .
(08-03-2011, 11:11 PM)مسلم كتب: وشو دخلني يعني , أنا لما افطس وموت أو حدى يقتلني ما بدي حدى يستعمل دمي مشان يبيع اخلاقيات ووطنيات وانسانيات .أول شي بعيد الشر عنك .. بس هي حقوقك اللي لازم تدافع عنها لو بأسنانك و ما تفرط فيها بدون هالحقوق أنت ضحية محتملة لأي انتهاك, أبسط مثال; يعني لو بتشتغل بالتجارة مثلاً ممكن يطلعلك واحد مشارك ابن مسؤول ينافسك و يطفشك بالقوة من السوق و هي حصلت مع كتير عالم . يعني مشانك أنت أولاً و أخيراً مو مشان حدا تاني .. بالله عليك شوف الفرق بين المعيشة بالدول اللي بتحترم حقوق الإنسان و بين البقية فرق من السما للأرض . على علمي كان عندك مشروع تهاجر على ألمانيا بطلتو .؟
(08-03-2011, 11:11 PM)مسلم كتب: هو إنسان حر وأكيد عندو عقل وأكيد بيعرف أنو ممكن يموت برصاص الأمن , فهو مسؤول عن عملوا وهو مسؤول عن نفسوا , كل ما هنالك أنو نحن مندين هيك شي من قتل وقمع بس مو معناتها أنو لازم نطلع بمظاهرات ونموت مشان يرضى الغير عنا .لا هون في مسؤولية عالمجتمع اللي بيرضى بهيك شي أو حتى بحيد نفسو عنو .. المفروض يكون بكل بني آدم سوي و طبيعي موقف واضح و صريح .. انك تدين العمل ما بكفي مفروض تدين النظام المجرم اللي بشرعن لنفسو استباحة الدماء المعصومة في سبيل الحفاظ على الكرسي . مو تقول انا ما دخلني و راح من كيس حالو و أنا محايد .
(08-03-2011, 11:11 PM)مسلم كتب: أنا يعني شفتني شي استرخصت دمو للزلمة أو اي دم بشري آخر, انا عم أحكي عن شي وانتو بتلفوا وبتدورو لتوصلوا لشي تاني , أنا عم قول أني مالي مطالب بأي شي لا اخلاقيا ولا انسانيا , يعني الزلمة لو أنو بدو يموت من الجوع أو أنو مرضان أو أنو معاق فممكن الواحد يساعدوا وهون الإنسان مطالب بمساعدة اخوه الإنسان , ولكن في الثورات , الثورة اصلا هي عمل غير اخلاقي , فاستعمال السلاح هو عمل غير اخلاقي وكذلك الوصم بالخيانة والشتائم والضغط على الناس وإلى غيره من الأمور , فلماذا اشارك بعمل غير اخلاقي ؟.شو الشي التاني و ليش اللف و الدوران و ليش التشكيك بالنوايا اتفضل احكيلنا ..
بعدين مين قال أنو الثورات عمل لا أخلاقي و بمبدأ مين .. الثورة على الظلم على قمة السلم الأخلاقي بالعالم و لولاها لكنا عبيد مستعبدين . أنت ما بتقرا تاريخ .؟ عبد الرحمن الكواكبي ماكان ثورة بحد ذاتو .؟
أما استعمال السلاح فالثورة سلمية بس السلمية لا تسقط حق الدفاع عن النفس و لكل رد فعل رد فعل .. لما بيستبيح الشبيحة و من والاهم ضيعة تقتيل و تذبيح و اعتقال و تعذيب فما تتصور الناس رح ضل رافعة الورود كثيرة و ياريت تراجع كل الثورات بالعالم و شفلي شي ثورة خليت من ردود الأفعال عند أهل الضحايا .
أما الشتم و الضغط عن الناس فلو انو مبالغة بس لو حدث انت عم تتعامل مع شارع على اتساعو و ماعندك أي آلية تنفيذية للسيطرة عليه .. فينا نقول انو ثورتنا سلمية و ندين كل حمل سلاح أكتر مافينا و هالشي ما بخلينا نتخلى عن الثورة .. بعدين لازم ما نستبعد مسرحيات و تمثيليات الشبيحة .. اللي شفناهم كيف بسلحوا الجثث المرمية على الأراضي . يعني لما النظام بيلجأ لهيك أساليب يعني هي ثقافة و منهج .. بينما لما بصير ردود فعل من الثورة عليها بنفس الطريقة فهاد بيعني انو هي الشذوذ و القاعدة هي السلمية اللي بتشدد عليها كل تنسيقيات الثورة و فيك تراجع صفحاتها عالفيسبوك .
بعدين بظن استعمال السلاح و الضغط على الناس و الشتائم هي منهج النظام من بداية الأحداث .
(08-03-2011, 11:11 PM)مسلم كتب: فالثورة من صفاتها حمل السلاح , ولذلك فهي تسمى بمظاهرات وليست بثورات , وأنا هنا أرى بأن من يخرج ظانا بأنه ثائر فإن اثمه على نفسه .
ياريت تراجع شي بالسياسة اسمو الثورات البرتقالية أو المخملية .
(08-03-2011, 11:11 PM)مسلم كتب: اي صحيح أخي بالوطن , وعلى العين والراس بس في بكل وطن المسالم والشرس , فإذا الطرف التاني مو رضيان بوضعوا فهو حر يساوي الشي يلي بدو ياه مشان يوصل لأهدافوا وأنا هون مالي علاقة بشي هو بدو شي وأنا بدي شي , فبما أنو هو ما عم يسعى لتحقيق هدفوا ضاربا بعرض الحائط كلامي ونصائحي فأنا كمان من حقي أضرب كلامو بعرض الحائط والدولة الديمقراطية يلي عم تنادوا فيها بتسمح أنو يكون في رأيين فليش ما عم تتقبلوا بالرأي الآخر ؟منقبل الرأي الآخر كون أكيد ..بس لما بكون مبني على حقائق و وقائع و حجج و براهين منطقية .. أما رأي بيستند لسلسلة من البديهيات و المسلمات المغلوطة و الجهل بالتاريخ السياسي و الثقافة فعلى الأقل منوضح للقارئ المحايد أديش هالحكي بعيد كل البعد عن المنطق و الواقع و أديشو تبرير هزيل لموقف واضح بانحيازو باسم الحياد .
ولا لسا بدنا كتير لنوصل للديمقراطية .
أما مو كل واحد بيحكي أي كلام لازم نتقبلوا و نقلوا حر برأيك . هو حر بيحكيه و نحنا أحرار كمان بتفنيد هالرأي و نقدو ... بعدين تعال لهون لساك مؤمن أنو في عشرات الآلاف مخفين بالغرب الديمقراطي .؟
(08-03-2011, 11:11 PM)مسلم كتب: أعرف أن الضمان شيء تعجزيزي ولكنه الواقع يا زميلي . .حلو الاعتراف .. بس الواقع بقول عن تجارب ناجحة لثورات قامت بدون ضمان و كانت الأوضاع أحسن بعدها بكتير من قبل .. بس هلشي ما بصير طبعاً بين يوم و ليلة .
(08-03-2011, 11:11 PM)مسلم كتب: أعرف أنه لا توجد ديمقراطية كاملة , ولكن هل الحل هو القتال من أجل ديمقراطية عرجاء , نعم أنا حر بعدم الخروجهذا الواقع أيضاً .. القتال من أجل اتنزاع الحقوق المسلوبة ..و دعنا من تقييم الديمقراطية نفسها لأننا سندور بحلقة مفرغة .
(08-03-2011, 11:11 PM)مسلم كتب: نعم أنا حر بعدم الخروج ولكن دعونا لوحدنا ولا تصفونا بالكلام القبيح , فاللسان يستطيع أن يصدر القاذروات أكثر من فتحة الشرج ولكن هذا ليس تصرف العقلاء , أنا حر ولكنكم لا تتركوننا لوحدنا , بين الحين والآخر يتم وصم من لم يخرج بأنه جبان أو خائن إلى آخر الصفات .طبعاً حر بعدم خروج و حر أيضاً في خروج لتأييد النظام و نحن أحرار في توصيف هذا الخروج من عدمه .. لو صح كلامك عن الشتائم لشتمنا صاحبك الذي لا يخرج .. عملياً أنت و هو بنفس التموضع لكن في الواقع شتان شتان .. هناك من يرى بضميره و هناك من لا يرى أصلاً .. فهل يستوي الأعمى و البصير أم الظلمات و النور .
و هناك أغلبية صامتة مرعوبة لطالما تحدثنا عن موقفها المؤيد للثورة و لا أظن أن عاقل يريد استعدائها و تجييرها لمصلحة النظام . كأنك تغمز إلى ما يقال عن حلب .. طبعاً أنا ضد كل هذه السخافات و أظن من يطلقها هم مراهقون غالباً . نحن لا يمكن أن نتحرك للجم كل من لديه حساب على الفيبسبوك و يريد مناصرة الثورة بصبيانية و كيدية .. عن نفسي لما قرأت لأحد الزملاء تجاوز بحق الحلبية دخلت فوراً و وقفت بوجه هذه الإساءة .
كما أن النظام لا يقف مكتوف الأيدي و يثير الفتنة بين منطقة و أخرى.. إذا أكثر المخبرين هم يخرجون في قلب المظاهرات و بعد ذلك تجد الأمن يستعين بجهودهم في اعتقال شباب المنطقة للتمييز بين من شارك و بين لم يشارك . فهل نظن أن النظام لا يريد إثارة حساسية بين هنا و هناك .
كما ما فعلت أنت عندما فتحت موضوع طويل عريض لآزادي بلا معنى غير إثارة النعرات . و لو أننا طبقنا كلامك عن عدم تحرك العرب لمناصرة الأكراد في حراكهم بالـ 2004 لو جدنا لهم أعذار كالأعذار التي تتلطى خلفها تماماً .
(08-03-2011, 11:11 PM)مسلم كتب: إذا فقاتل من أجلها لوحدك.طيب عيف سماي و حاج تتبنى حماقات النظام ضد معارضيه و تدعي بعدها أنك محايد لانك عملياً مؤيد للنظام و بخندقه و ما تفعله هو معارضة الثورة و معارضة المعارضة لا لشيء إلا للمعارضة و تأييد النظام بطريقة غير مباشرة .. تكفي محاولتك الدائمة المساواة بين نظام و معارضيه لإدانتك .
ولا ما بترحم و لا بتخلي رحمة ربك تنزل .!
(08-03-2011, 11:11 PM)مسلم كتب: أما القتال من أجل أن يحكمني لاحقا غني برجوازي فلماذا الثورة إذا , هل من دمر هذا العالم سوى الاغنياء , اليست كل مشاكل العالم من وراء هؤلاء الاغنياء , عل إذا باعنا الغني بعضا من حقوقنا الاساسية فهل هذا يعني أنه تحول لإنسان ديمقراطي ؟لا لن يحكمك أحد .. سيكون عندها لك حقوقك المصانة و أي تجاوز أو عتداء في ظل دولة القانون سيكون محل محاسبة و سيكون لديك إعلام حر تعبر فيه عن رأيك بكل شفافية .. ثم ما مشكلتك مع برجوازي وصل إلى الحكم بصندوق الاقتراع أليست هذه الديمقراطية .؟ هل نقصي البرجوازي لانه كذلك هذا الإقصاء بعينه .
أما مشاكل العالم فلم تكن بسبب الأغنياء وحدهم بل جملة من العوامل و الأسباب و المسببات لايمكن اختذالها بهذه الطريقة لو ناقشنا بموضوعية .. لولا الرأسمالية لما ازهرت الحرية و الديمقراطية و انتشرت ثقافة حقوق الإنسان في العالم.. الحرية و الديمقراطية و حقوق الإنسان تتوق إليها شعوب الأرض قاطبة بغض النظر عن قومية أو عرقية أو ديانة .
(08-03-2011, 11:11 PM)مسلم كتب: نعم صحيح فحوق الإنسان واحدة , ولكن ليس من واجبي أن اخرج كي تنال أنت حقوقك , اخرج لوحدك ودعوا الآخرين لوحدهم .كي أنال حقوقي أنا ؟ و ماذا عنك أنت ؟ .. و لماذا لا نخرج سوياً للنيل حقوقنا معاً طالما هي واحدة .؟
وأنا لا ولم اتنازل عن حقوقي , ولكن لا أرضى أن يتأذى أي أحد من أجل أن أنال أنا حقوقي , نلت حقوقي فهذا جيد وإن لم أنلها فيجب فهذا شأني ولا علاقة للغير بها ..
بل أنت تنازلت و معظم الناس في سوريا تنازلوا عن الكثير من حقوقهم أمام بطش هذا النظام المجرم طيلة عقود .. هناك من لا يعرف حقوقه أصلاً و يظن أن حقوقه و القضية هي في الجولان أو فلسطين .. هناك من يرى في هذه الحقوق ترف عليه و يرضى بالقليل .. لكن هناك أحرار لا يقبلون إلا بانتزاع حقوقهم كما هي و مهما كلف من أمر .
أما عن الأذى فعزيزي أين تعيش أنت .؟ الصراع العربي الاسرائيلي حرب تشرين ألم يتعرض الكثير للأذى من أجل استعادة أو محاولة استعادة حقوق أمتنا العربية .؟! أحياناً يكون الأذى السبيل الوحيدج لنيل هذه الحقوق .. كل الأنظمة الديكتاتورية و القمعية تساوم شعوبها على بعض الحقوق مقابل أخرى . فالأمن ثمناً للعدالة ,و الكرامة الآدمية ثمناً للحرية ,و الإعاشات التموينية ثمناً لفساد مخلوفيهم و هكذا دواليك . ياعمي ما في بيجي ببلاش و كلشي بثمنو .
فمن يتظاهر ضد النظام يجرد من كرامته عند اعتقاله و يهان بجميع الوسائل الممكنة و تنتهك آدميته .. طبعاً من لا يتظاهر لن تهدر كرامته و لن يذل .. حافظ على القليل ثمناً للكثير و مع ذلك لا احد محصن . يمكن مشادة على خلفية إشكال مروري بين ابن مسؤول و مواطن عادي أن يتطور لإذلال هذا المواطن و إهدار كرامتها مالم يقم بفهم المطلوب و يحطها واطية لابن المسؤول .
لذلك يقولون بأن الحر يموت مرة و الذليل يموت ألف مرة .
(08-03-2011, 11:11 PM)مسلم كتب: شوف العالم مظلوم ما دام الاغنياء بحكموه وبسنوا القوانين يلي بتناسب شركاتهم واموالهم .طيب بالمنطق مفروض نحصل الحد الأدنى من حقوقنا و بعدين بئا منتفرغ لمشاكل العالم . مافي شي بالدين اسمو فقه الأولويات .
بالنسبة للثورة على الاقلية ممكن الواحد يشارك لأنو مؤمن فيها , مو يشارك بثورة ممكن تنقلوا من تحت الدلف لتحت المزراب ..
أما ثورة من تحت الدلف لتحت المزراب .. فكتير هيك بيحكوا و مع هيك انا بوقل المزراب هو الواقع الحقيقي و الدلف هو تقنين لهل الواقع أو مسكن أو مهدئ .. المفروض المريض بلحظة ما يوقف هالمهدئات ليقدر الطبيب يشخص الحالة على حقيقتها و يعالج المريض . أما المورفين و المهدئات حتفاقم من الوضع مع الزمن . و اللي عم يصير حالياً حيدفع بالمتدين للتطرف و بالمعتدل للتدين و يجي يوم تنفجر الأمور بما لا يحمد عقباه خاصة بعد هالاحتقان اللي صار بمعظم المناطق و الشحن الطائفي اللي كل ما اتأخر علاجو كل ما انفجر بقوة أكبر .
أنا كنت بداية مع اصلاحات جذرية بالنظام و تغغير تدريجي و ضد تغيير النظام (الحل المثالي) بس اللي صار انو النظام طلع مو مستعد و لا بوارد تقديم أي شي من هاد و اتحول الموضوع لمعركة حقيقة . أنا منحاز للجانب المظلوم و الضحية حتى لو ما كنت متأمل بالنصر .
(08-03-2011, 11:11 PM)مسلم كتب: ما حدا يفهم أنو أنا عم استهزأ بدماء اخوتنا يلي ماتوا وعم يموتوا في كل مناطق سوريا , انا عم ناقش اشياء مبدئية وبهيك احاديث منحكي بالعقل وبس , ومشان هيك دماء جميع السوريين ودماء أي إنسان غالية علينا .أنا بعكسك يعني ما فيني غير ما أتعاطف بكثير من المشاعر مع الضحايا و ذويهم و أحترم أهدافهم و مبادئهم النبيلة اللي قضوا في سبيلها و اللي هي نفس مبادئي بالمناسبة . بالنسبة لي الواجب أخلاقي و قيمي بالدرجة الأولى .. قد يكون عندي تحفظات على الكثير من سلوك المتظاهرين . بس هلئ مو وقتها .
قلوبنا مع من ماتوا ولكن عقولنا ليست مع الطريقة التي ماتوا بها . .
(08-03-2011, 11:11 PM)مسلم كتب: الاختلاف بالآراء لا يعني الاستهانة او الشرعنة للقتل والعنف والحصار وغيره من الامور .لابأس .
هون نحن احياء وعم نحكي وعم نحكي على الاحياء وبس وأما يلي ماتوا فالله يرحمهن ودمهن أكيد ما رح يروح هيك ببلاش . .
كمان كلمة أخيرة ..
الإنسان بيقدر يتعاطف مع الضحايا و بدون ما يشارك بالثورة و بكون معارض و بدون ما يتظاهر . و حتى بدون ما يكون منضوي تحت لواء المعارضة اللي بالخارج أو بالداخل حتى .
سلملنا على صاحبك و ياريت تعزمو عالنادي .
الرد على: هل المشاركة بالثورة واجب - مسلم - 08-04-2011
نارنيا شو طياز وما طياز ما بيصير هل الحكي؟
نوار
مالي حابب ادخل بجدل بيزنطي
كل واحد قال رأيو وعقبيل الدولة الديمقراطية يلي رح تكفللنا الاختلاف بالاراء
RE: الرد على: هل المشاركة بالثورة واجب - Rfik_kamel - 08-05-2011
(08-04-2011, 04:33 PM)مسلم كتب: نارنيا شو طياز وما طياز ما بيصير هل الحكي؟
RE: هل المشاركة بالثورة واجب - زرقاء اليمامة - 08-06-2011
(07-25-2011, 11:27 AM)مسلم كتب: هل المشاركة بالثورة واجب وضرورة دينية واخلاقية وانسانية ؟
ماذا بالنسبة لمن لا يشارك بها أو لا يؤمن بها .
ما هو حال من لم يتحرك من أجل اخوانه ؟
اسئلة أرجو الرد عليها من قبل مؤيدي الثورة .
ج1 ..كمن يسأل هل النط على زوجة الجار واجب وضرورة علمية كونية ميتافيزيقية؟
ج2..كحال من وقع فعل "النط" على زوجته!
ج3..بالناقص و نقول له :لطيز الزميلة
الرد على: هل المشاركة بالثورة واجب - الوطن العربي - 08-06-2011
هل الدفاع عن الوطن واجب؟
نـــــــــــــــــعــــــــــــــــــــــم
إذاً فالمشاركة في الثورة واجب!
الرد على: هل المشاركة بالثورة واجب - ahmed ibrahim - 08-06-2011
المشاركة فى الثورة واجب
والدفاع عن الوطن واجب
ولكنى لا أفعل كلاهما