+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: جيش حليمه (/showthread.php?tid=2543)
جيش حليمه - fares - 10-29-2008
شكرا فودكا (f)
ترجم يا نيوترال
جيش حليمه - lellou - 10-29-2008
مرسيه كتير كتير يا ابا الفوارس
استفدنا من يومياتك
فيه من يرى ان الابقاء على ما في المؤسسة العسكرية من بلاوي مفيد ع شان يعلّم ويصقل ويغني المجندين بالتجارب للخروج من عالم المثالية اللي تربوا عليه
يعني مشاهد الاونطجية والمخادعين والبصاصين واصحاب نزعة الاستعباد والقهر ................ كل ده بيخلي الواحد يتدرب ع مواجهة الحياة من شان التدريب في الجيوش العربية هو تدرب ع مواجهة الشرور وليس تدريب ع حمل واستعمال السلاح ، ابدا والله، التدريب المفيد هو اللي بترجع بيه لمواجهة أهلك وجيرانك وشعبك الاونطجي اللئيم وكيف بتتقن فنون الؤم وكل الشرور ,..... أمّال ، شفتو العبقرية
الشيء بالشيء يذكر
في يومية جزائرية اتابعها ع النت تنشر مذكرات مولانا القرضاوي ما وجدت أنه أدى واجب العلم ، وحياته كلها اسفار ولقاءات بالساسة والمشايخ وصبية الغفوة "الصحوة" اياها وانوم في الفناديق 6 نجوم والأكل الفاخر .............. بس ما تعرض ابدا لحياته الغرامية بالجزائر ، الأخبار الواردة من شمال أفريقيا تقول انه كان دونجوان الاخوات المحجبات ................
وفي النهاية ظفر ببنوتة يكبرها 60 سنة
تحياتي لك أبو الفوارس
جيش حليمه - fares - 10-29-2008
شكرا ليلو علي مساهمتك(f)
والحقيقه السبب اللي خلاني اكتب تجربتي في الجيش ان شباب كتير جدا بداية من عام 90 منذ ان اصبح عدد الذكور في مصر يفيض عن حاجة الجيش والشرطه وبدأ ما يسمي بالتأجيلات ( بياخد تأجيل 3 سنوات , ثم شهادة إعافاء من الخدمه العسكريه تحت بند لم يصبه الدور ) وهؤلاء الشباب مثل عاشق وغيره كان قاعد يفسي في بيتهم ويتفرج علي نشرة الساعه 6 مساء ويليها برنامج طلائع النصر ويصدق ما يقال له في الأعلام الحكومي عن جيش بلاده , وعلي فكره عدد الحاصلين علي التأجيل قد يفوق في بعض الدفعات عدد من تم تجنيدهم .
طريقة التجنيد في الجيش المصري
المفروض انك عندك وفره في الشباب في سن التجنيد وهذا يفسح المجال امام المؤسسه العسكريه لأختيار أفضل العناصر , ولكن هذا لا يحدث للأسف , كان معايا في السريه واحد زميلي اسمه (السيد .......) وكان أحول , اقسم بنفسي انه كان أحول , ( والسيد ده كان له حكايه طريفه جدا مع المطربه آمال ماهر أثناء احتفالات أكتوبر عام 2000- هبقي احكيها لكم في وقتها ) وكمان كان معانا في سرية الإشاره جندي اسمه المدثر , والمدثر ده ارفع (انحف) انسان شاهدته في حياتي , ولا يبزه سوي أطفال المجاعات في الصومال وكينيا , أما عن مستويات الذكاء , فلقد شاهدت عجائب في هذا الجانب .
لا تحدث أي اختبارات ذكاء أو قدرات عند الفرز في مناطق التجنيد وانما هناك قواعد عامه في الأختيارات تطبق بلا تمييز
-- طولك أكثر من 190 سم وبناين قوي هتروح الشرطه العسكريه (البوليس الحربي )
-- طولك أكثر من 185 سم وبنيان قوي هتروح الحرس الجمهوري ( والأولويه للشرطه العسكريه )
-- عندك واسطه هتروح المخابرات
--دبلومات التجاره والمعاهد التجاريه بتروح سكرتاريه عسكريه ( طبعا اسم بلا معني , وغالبا ينتهي به الأمر في اسلحة مثل المشاه أو المدرعات أو المدفعيه أو المركبات أو المهندسين
-- دبلومات الصنايع (الأقسام الميكانيكيه) بتروح المدرعات وبيتخصص سائق جنزير
-- دبلومات الصنايع (اقسام المعمار) بتروح المدرعات لكن طاقم دبابه
-- دبلومات الزراعه بتروح غالبا مركبات ومدفعيه وخدمات زراعيه ومشاه
-- دبلومات الصنايع اقسام الالكترونيات والتبريد والتكييف بتروح حرب الكترونيه ودفاع جوي وقوات جويه ودور الجنود هناك محدود وغالبا يكون للخدمات الاداريه والحراسه , وعصب هذه القوات هو ضباط الصف والمطوعين وليس التجنيد الاجباري
-- دبلومات الصنايع قسم بناء سفن بيروح قوات بحريه
المؤهلات العليا نادرا ما يعتمد عليهم كجنود وعادة ما يكونوا ضباط احتياط , وكل هؤلاء لهم هدف واحد انهاء مدة خدمته بخير وسلام , ولا يوجد حافز عند أي جندي في الجيش المصري انه يتعلم شيئ وانما هو يؤدي ما يطلب منه مكرها , وطبعا لا مجال للحديث عن الابتكار والأبداع , وعلي سبيل المثال شخص ذكي مثلي طوال مدة وجودي في الجيش كنت واقف خدمه ( حراسه ) علي السلك الخلفي للوحده , ولم اعرف ما هو القتال ولا كيف يكون .
جيش حليمه - عاشق الكلمه - 10-30-2008
Array
وهؤلاء الشباب مثل عاشق وغيره كان قاعد يفسي في بيتهم ويتفرج علي نشرة الساعه 6 مساء ويليها برنامج طلائع النصر ويصدق ما يقال له في الأعلام الحكومي عن جيش بلاده
[/quote]
عاشق مبيفسيش :D
وعارف اللى انت متعرفوش ...
لكنى غير مطالب بالبوح به هنا وعلى الملا .
انا ربنا بيحبنى انى مدخلتش الجيش , وده بس علشان ليا عمر , لانى من النوع اللى زاهد فى الدنيا دى , وشايف ان الواحد مننا ميت ميت مهما طال عمره ومفيش خيارات , يبقى اما العيش بكرامه او الموت فى سبيل الحصول عليها , واقسم لك لو انى مكانك وابن اللبوه بيضربنى على قفايا علشان الطلقه الاولى طاشت , لكانت الطلقه الثانيه ستسكن صدره لا محاله , ولن انتظر للطلقه الرابعه .
جيش حليمه - fares - 10-30-2008
الأعاشه - و-المعدات
الأعاشه داخل الجيش المصري , حاجه تكسف , ولا الشحاتين حتي , أهانه وامتهان لكرامة الجندي اللي بيفقد ما بين 26 -- إلي 40 شهر (وربما أكثر إذا فقد دفعه - يعني 6 شهور كمان ) من عمره بلا مقابل , وحتي أبسط ظروف الأعاشه , من طعام ومسكن لائق لا يتم توفيرها , وإذا تبرمت من الوضع وصرحت بالشكوي يبقي انت عيل فرفور من بتوع مامي ودادي , والجميع بياكل بالجزمه وهو ساكت , والكلام عن نظافة الطعام وكيف يتم طبخه , بيصيبني بالأشمئزاز وبقرف من نفسي كل ما افتكر اني كنت آكل هذا الطعام لمدة عامين , وهناك صنفين من الطعام وكانوا متواجدين بصفه مستمره علي قائمة الطعام الاسبوعيه وهما الملوخيه والبذنجان , وطريقة طهوهم كالتالي
-- الملوخيه , تفرغ من الأكياس المجمده وتوضع في حله ضخمه ويوضع عليها ماء وملح وقليل جدا من السمن (النباتي طبعا ) وعدد 2 بصله متوسطة الحجم , ولو حظنا كويس يبقي فيه لحمه تتعمل علي الشوربه بتاعتها , لو حظنا هباب يبقي هتاكلها بمرقة دجاج مجففه ( احذر انك تفكر انها ماجي ) من انتاج القوات المسلحه ولما شفتها ايقنت انها مش مرقة دجاج وانما مسحوق الصراصير مجفف .
-- البذنجان (الطبخه السوده) البذنجان يقطع كيفما اتفق , ويوضع مع الماء والملح علي النار وقليل من السمن و2 بصله متوسطة الحجم وبدون لحم او دجاج او حتي شوربة صراصير , وهذا الخليط جربناه مع كلب رفض أن يأكله
بالنسبه لـ اللواء (##) مدفعيه كان الأمر أكثر من مأساوي
-- لا يوجد في الوحده ماء سواء للشرب أو النظافه , علي الرغم من اننا نبعد عن مدينة الاسماعيليه 40كم فقط , ويتم تزويد الوحده بالماء عن طريق سيارة فنطاس مياه وهي سيارة روسيه (زيل130) من بقايا صفقة الأسلحة التشيكيه التي ابرمها عبدالناصر عام 1956 , وطبعا كانت دائمة الأعطال وفي حالة تعطلها كل واحد يروح واخد جركن ويطلع علي كتيبة دفاع جوي تبعد عنا 500 متر يملاه من هناك عشان يستحمي ويشرب
--لا توجد ايضا كهرباء , وانما ماكينة توليد كهرباء تعمل 6 ساعات فقط من بعد مغيب الشمس
--عنابر الإيواء يحتلها ضباط الصف وكذلك الخزانات (جمع دولاب) الشخصيه ويضعون فيها حلل واوني طبخ ويأخذون حصتهم من الطعام ناشف ويطبخوه بمعرفتهم وبالتالي يستأثرون بكل المحسنات التي يصرفها الجيش للطعام كالصلصه والسمن والطاطم والبصل والثوم وكل ما يجعل الطعام صالحا للأكل , ويتعمدون سياسه خبيثه في ابعاد الجنود عن العنبر , فإذا حظيت بساعتين راحه في اليوم من الخدمات والطوابير والعمل وحاولت ترتاح في العنبر , تلاقي صف ظابط قام وقعد يشتغل فيك اجمع يا عسكري قدام العنبر , اجمع اعقاب السجاير (مع اني مبشربش سجاير ) بعد ما أخلص جمع اعقاب السجاير , ينادي لي ويبعتني انضف دورة المياه , وبعد ما اخلصها , روح املأ جراكن المياه من الفنطاس واسقي الزرع( شوية صبار علي نباتات متسلقه ) المهم بدل ما انا جاي ارتاح ساعتين في العنبر , اقلاقي نفسي برضه شغال ,وقد حقق اسلوبهم الخبيث هذا نجاحا باهرا , فأصبحت الجنود لا تقترب من العنبر مما يمنحهم الفرصه للجلوس براحتهم واعداد الطعام بمزاج واللي عنده ساعتين راحه من بعد الغدا وحتي طابور الهتاف (طابور توزيع الخدمه ) تلاقيه راح تحت دبابه ونام علي الأرض , أو دخل جوه برميل في محطة الوقود ,أو طلع علي سطح مخزن , بأختصار كان حالنا اسوأ من حال سكان مخيمات الكوارث , علي الأقل اللي قاعد في مخيم عارف له خيمه تقيه شمس الصيف وبرد الشتاء , بينما في اللواء (##) ممكن ترفع صخره تلاقي عسكري نايم تحتها مثل السحليه , او داخل جحر ثعلب , والموضوع ده كان بياخد في كتيبه 208 بعد فانتازي , باختصار , هذه الكتيبه كانت في حالة طوارئ طوال العام وطوال اليوم في شغل والجندي الخالي من الخدمه لابد ان يتواجد في ارض الكتيبه ومن هناك تخرج افكار غاية في الغرابه , يعني في مره معدي من هناك ساعة القايلة في عز الصيف لقيتهم جامعين العساكر وبيعموا كنرات , ايوه كنرات ( متعرفوش كنرات) دي يا سيدي اشكال هندسيه ( دائره , مثلث , شبه منحرف , متوزي اضلاع ... الخ) تنفذ باستخدام الرمال وذلك بجمع الرمال من اليمين اليسار وعمل ساتر ترابي بارتفاع 25 سم في المتوسط ويأخذ هذا الساتر شكل هندسي ثم يجمع بعد ذلك الظلط ويرص علي اعلي الساتر من فوق وكل ذلك يقوم بعمله الجنود وهم جالسين علي الأرض الملتهبه ومستخدمين قطع صغيرة من الخشب لأزاحة الرمال وتجميعها :roll:
, وفي الصباح وبعد طابور اللياقه , يذهب الجنود بالكامل لتناول الأفطار ما عدا جنود الكتيبه 208 يقومون بجوله في ارض المعسكر لجمع فضلات الكلاب الضاله قبل تناول الأفطار ( فتح شهيه):lol: , هذا غير تنظيف الدبابات والمركبات من التراب يوميا , يعني دبابه أو سيارة بيجاسو حربيه واقفه في الصحراء يتم يوميا مسح التراب عنها ولكم ان تتخيلوا كمية العبث في هكذا عمل , وفي يوم كان فيه عسكري اسمه وليد وعشان كان بدين جدا كنا بنقول له عبود ( عبود علي الحدود) ومحدش كان يعرف اسم وليد إلا زملائه في الكتيبه , المهم عبود او وليد كان قاعد في الكتيبه 207 بيشتكي همه لواحد بلدياته
وااااااه يا محمه (محمد) يا ود عمي , انا شكلي مش هنطلع من الجيش حي حاسس اننا هندفن هنا , وااااااااه يا محمه ( اصله صعيدي من اسيوط) من وسط الديش (الجيش) وقعنا في الديش التاني ومن وسط الديش التاني وقعنا في لواء اسماعين ياسين ومن وسط اللوا التايه ابن الكلب ده وقعت يا محمه في كتيبة يهود , يهود يا محمه من يهود خيبر اللي عيقولوا عليهم .
واثناء بوحه بمكنون صدره سمعه احد ضباط الصف ونقل ما قاله لقائد كتيبه 208 الرائد هاني ( كان في الصاعقه ونقل منها الي المدفعيه وعزل من رتبة مقدم إلي رتبة رائد بسبب اعتدائه بالضرب كاد أن يؤدي إلي قتل احد الجنود) ولم يقم الرائد هاني بمعالجة الأمر داخل الكتيبه بل اراد أن يعاقب الجندي عبود علي ما قاله في طابور الصباح امام كل جنود المعسكر , ووقف نافخا اوداجه ومزهوا بنفسه ونادي صفا وانتباه علي الكتيبه بعد ان أخذ التمام , ثم غدا وراح متطوسا امام الكتيبه واخذ يلقي خطابا عن أن الكتيبه 208 افضل كتيبة مدفعيه في الجيش الثاني , الرجاله .. الوحوش (صارخا) ولف وادار حول نفسه ثم قال , لكن فيه في وسطكم خاين , ميستحقش انه يكون جندي في الكتيبه 208 , ميستحقش انه يكون مصري , هو عار علينا , ثم صرخ جندي عبود , اطلع قدام الكتيبه , الولد طلع مذهول ومش عارف يتلم علي بعضه , فقال له انت قلت علي الكتيبه 208 كتيبة يهود .
عبود اتلجلج وخاف وبقي مش عارف يرد , فكرر علي السؤال مرة تانيه وبنغمة اكثر بطء وإصرار , فقال عبود , والله العظيم ما قلت يا فندم وحياة اخواتي ما قلت , مش انا اللي قلت , فسأله مين اللي قال , قولي يا عبود متخافش مين اللي قال , فرد عبود اللواء كله بيقول عليها كتيبة يهود , ( واراد ان يلمع نفسه أكثر ويشي بما يعرفه ) فقال وعارف كمان اللواء كله بيقول عليك يا فندم ايهود باراك , طبعا بعد الإجابه دي الناس كلها سخسخت علي روحها من الضحك ووش الرائد هاني بقي زي وش دراكولا وقعد يصرخ ويسب وشد عبود من هدومه وضربه وقعه علي الأرض وقعد يرفس فيه لغاية لما ضمه علي طابور السجن .
وطبعا الترفيه الوحيد في الوحده العسكريه هو تليفزيون الكانتين وطاولة بنج بونج , واياك ان تحدثك نفسك بالسوء وتظن ان هناك قنوات فضائيه , مكنش فيه غير القنوات المحليه 1,2,4 وطاولة البنج بونج عليك ان تنتظر في طابور طويل من اجل ان تلعب جيم واذا حضر ضباط الصف فسيأخذون المضارب ويلعبون بمفردهم ولا يسمح لأي جندي بالأقتراب من الطاول والأشتراك في اللعب
جيش حليمه - fares - 10-30-2008
Array
عاشق مبيفسيش :D
[/quote]
آه هو انت بقي اللي مبتفسيش :what:
آه يبقي علي كده انت اللي بتطلع من مناخيرك :regan:
Array
وعارف اللى انت متعرفوش ...
لكنى غير مطالب بالبوح به هنا وعلى الملا .
[/quote]
ليه ايه اللي مانعك
Array
انا ربنا بيحبنى انى مدخلتش الجيش , وده بس علشان ليا عمر , لانى من النوع اللى زاهد فى الدنيا دى , وشايف ان الواحد مننا ميت ميت مهما طال عمره ومفيش خيارات , يبقى اما العيش بكرامه او الموت فى سبيل الحصول عليها , واقسم لك لو انى مكانك وابن اللبوه بيضربنى على قفايا علشان الطلقه الاولى طاشت , لكانت الطلقه الثانيه ستسكن صدره لا محاله , ولن انتظر للطلقه الرابعه .
[/quote]
كنت قاعد بتفسي وبتتكلم في الوسع , انا حياتي غاليه عندي لأني عارف قيمة نفسي ومش هروح فطيس عشان عيل ابن قحبه زي ده
جيش حليمه - the special one - 10-30-2008
عزيزي فارس هل الوضع لهذه الدرجة من السوء , اظن ان اللذي حكيته لنا يصح ان يكون احد افلام ستيف مارتن ولا وودي الين ...
عندنا في سوريا , الوضع ليس افضل بكثير لكن , لكنه لا ينسحب على كل الفرق العسكرية حسبما سمعت من اللذين ادوا الخدمة ..
يعني هناك بعض الكتائب اللتي تحضى بتدريب خاص وعناية خاصة كفرق الحرس الجمهوري و الدفاع الجوي ...
اظن ان المشكلة العويصة في مصر هي الكثرة في اعداد العسكر , وبالتالي صعوبة التنظيم و الاشراف ..
ان يكون في دولة ما جيش صغير منظم , يمتلك تكنولوجيا متطورة احسن من قطيع لا يعرف اين المسير ..
لاتتوقف واحكي لنا كل مافي جعبتك
تحية لك ولكل المتابعين لهذا الموضوع الشيق
جيش حليمه - عاشق الكلمه - 10-30-2008
Array
كنت قاعد بتفسي وبتتكلم في الوسع , انا حياتي غاليه عندي لأني عارف قيمة نفسي ومش هروح فطيس عشان عيل ابن قحبه زي ده
[/quote]
عموما الحياه دى كلها على بعضها وجهه نظر , وكل واحد بيعيشها من خلال وجهه نظره .
انا وجهه نظرى ان الحياه دى متسواش نفس هواء يدخل ميخرجش او العكس , "وهى دى قيمه نفسك" , واذا كنت مش عارف هموت امتى فمفيش مانع اموت حالا وخصوصا لو ان الموت ده علشان كرامتى , لكن ما دمت اموت وانا اعلم انى ساموت فلابد انى مروحش فطيس زى ما انت قلت , ولازم اخد واحد ع الاقل معايا , ده لو مكنش اكتر.
جيش حليمه - سيستاني - 10-30-2008
Array
لكن ما دمت اموت وانا اعلم انى ساموت فلابد انى مروحش فطيس زى ما انت قلت , ولازم اخد واحد ع الاقل معايا , ده لو مكنش اكتر.
[/quote]
ٍإلحق مشروع انتحاري :what:
وديني لأبلغ عنك فرع الاف بي آي في ساحة اللقاءات لصاحبه زياد وخم.
جيش حليمه - عاشق الكلمه - 10-30-2008
Array
ٍإلحق مشروع انتحاري :what:
وديني لأبلغ عنك فرع الاف بي آي في ساحة اللقاءات لصاحبه زياد وخم.
[/quote]
اخس عليك ...
تبلغ عنى زياد علشان يبقى مصيرى جوانتانامو؟؟
وتفرق ايه انت بعملتك دى عن الناظر المغربى اللى بلغ عن ياسين بلعسل؟؟ :D
اه ياعرب اه
كده تبيع صاحبك وتدلقه فى اقرب محطه؟؟ :D