+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: مبارزات زجلية ... (/showthread.php?tid=26422)
مبارزات زجلية ... - Emile - 07-29-2005
انعشتوا الذاكرة,
كنت عاشقا للزجل اللبناني في ايام عزه
واذكر بعض الابيات الذي سمعتها اثناء طفولتي في احدى الملاحم الزجلية بالسبعينات على بطولة لبنان و اسأل الزملاء الكرام, من يعرفها, يذكرها أو يستطيع اكمالها
عندها و قبل الجولة الاخيرة توفى رئيس احدى الفرق المتنازعة و أسمه
ابو روكوز وجاء ندبه بأحدى المقتطعات كالتالي
وهلق يا ابو روكوز الغالي
على التطمين ببعتلك رسالي
ما تفزع تا يروح التاج منا
بطانة تاجنا نجوم الليالي
نام بفسحة الوادي تهنا
ع احلام البطولة و البسالة
.......
و هنا تتوقف ذاكرتي عن التذكر
بالمناسبة, بطولات الزجل بلبنان بايامها كانت تاخذ ضجة عالية, وتشغل الصغير و الكبير, و تكنس الشوارع من الناس!
الرجاء العذر للاطالة
من يستطيع الاكمال؟؟
مبارزات زجلية ... - رحمة العاملي - 07-30-2005
المنقعد سمرا حدو
بينسى الدنيا ومافيها
ولما الكاسات انعدّوا
طارق قرّب حديها
_____________
لا تزيد عليّ من اللوم
ولا يكون حكيي عليك تقيل
تشرب برميل بهاليوم
وتفضي تنعشر( 12 ) برميل
سكر بعيونك النوم
ونازل بالسمرا تنكيل
شو بتعمل بوقت الصوم
نحطو شقرا ملياني
مبارزات زجلية ... - ابن سوريا - 07-31-2005
طرفة ويا زغير الحارة
وجايي معايّ تتبارى
لما تشنهق الحمارا
ما بتغش الفرساني
مر قبلك فرسان وخيل
ركعتن بسيوف وويل
لكن حرفك مالو حيل
مايل غصنو ومنهاني
أشعارك صوتا تشخير
ورح خلي هالسر ببير
مفكرها شدو عصافير
وهي رخوة وتعباني
شي تسكر مرة تاني
ابقى اسخى يا ضاني
واتركلي الكاني ماني
وتحامى بالعلماني
(f)
مبارزات زجلية ... - EBLA - 07-31-2005
يا طارق شِعرك مشعور
وعـم يتلطّى بين الدور
فكـري: ولّعلك بخّـور
ورقّيك ، من العلمـانـــــــي
بدّك ؟ بعملّك حـجـاب
يتعـلق عَ درفـة با ب
بيخلّي شِــعرك جذاب
وزجـــلياتك حـــرزانــــة
---------------------------------------------------
وطرفـة جايي يبيع المي
بحارة نبع المي ، خطـيّ
مفكِّر حالو " شاعر طيّ "
بس وزانـــو، فــلتانـــــة
شِـعرك يا طـرفة تِحفة
شـي يشعل، وشي يطفي
عبّيلك "طشت" ونـطّ فيه
برِّد نار الحميانـــــــــــة
---------------------------------------------------
وانت يا غرموش سـكوت
لمـا الشُـعَرا هون تفوت
شِعرك أطرى من البسكوت
هرهر مـن بين ســنـــانــي
---------------------------------------------------
ومعــلمنا العلـمانـي
زجّــال ومالـو تانـي
قرِّب صــوبي تَ خلّيك
تصـيـر تغــني عَ الــــماني
---------------------------------------------------
أشـعار الشـاعر إيبلا
ما فـي بعدا ولا قـبلا
لك تسـلملي وما تبلى
هالقـــوافي الحــليانــــة
شِه ... وين أيقونة applause ؟
مبارزات زجلية ... - ابن سوريا - 07-31-2005
قبل ما نرجع لإيبلا وشعارو المطعوجة :P تنشوف قصة العاملي :D
اقتباس: رحمة العاملي كتب/كتبت
شو بتعمل بوقت الصوم
نحطو شقرا ملياني
السمرا يا الصايم رمُضان
ضفرا بالإنس وبالجان
زت الشقرا بلا ألوان
معتة وسقمة وعدماني
كاساتك من عرق الشوف
خلوكن عالزوق ضيوف
خدلك مني كاسي وشوف
استبدلهن بالرياني :D
مبارزات زجلية ... - طرفة بن العبد - 07-31-2005
يا غرامشي و يا بخش القلب
مين قلّك تسلك هالدرب
لما بدّك تعلن حرب
فيها بتنسبّ و بتسب
وْ بتضرب و بتاكل ضرب
نار بتخمد نار تهب
و مرة بتهجم مرة تطب
و مرة بتعلق بلساني
بتجرب توقف حدّي
و مفكر حالك قدّي
خليتك واقف مدّة
و ما عاملتك بالشدّة
لْأني بطبعي انساني
طبعي انساني و حنون
و قلبي بيوسع كل الكون
وْ بلحظة بصفّي مجنون
بكسّر روس ببّكي عيون
وْ بشرب دمّو للملعون
الْـ بيسترجي يتحداني
و أمّا طارق راح قلّو
مع شعري ما بيطلعلو
و الكُبْرة ما بتلبقلو
الكبير كبير بعقلو
و عقلي تعّبني بْتقلو
و عقلو خفّ الدبّاني
دباني و معها دبور
و برغوتين و في صرصور
و دودة و الكلب المسعور
و نملة و نحلة عمبتدور
و ديك و نعجة جرباني
مبارزات زجلية ... - ابن سوريا - 07-31-2008
حنيت لهالأيام، لذا يُرفع:D
مبارزات زجلية ... - Narina - 07-31-2008
بدي أعمل موضوع أويهات :D
مبارزات زجلية ... - أبو إبراهيم - 08-03-2008
سقى الله تلك الأيام فعلاً يا طارق.... هناك مواضيع من تلك الفترة تستحق أن توضع وساماً على صدر النادي....
(f)