+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: هل كل الناس هتخش النار ما عدا المسلمين (/showthread.php?tid=34153)
RE: هل كل الناس هتخش النار ما عدا المسلمين - عاشق الكلمه - 07-22-2009
(07-22-2009, 06:33 PM)the special one كتب: اقترح عليك انشاء مذهب جديد ( اسلامي ) , تفسر فيه الكتب المتحفية على كيفك
وتشيل الحدود والاحكام الهمجية التي لا تعجبك , حتى ما ينطلك واحد سلفي
ويكفرك عالطالعة والنازلة . ... . تمييع المسالة بهذا الشكل لن يحل امسالة , لو كلامك صحيح وان الله يريد من البشر اعمال صالحة , فلماذا كل هذه الفتوحات والغزوات ونشر الدعوة و الدين عند الله الاسلام وحركات من قبيل ( امرت ان اقاتل الناس حتى يشهدوا ان .... ) يعني الرجل كلامه واضح واي محاولة للهروب ستزيد الطين بلة ..
الكلام ده موجه لمين يا شبيشيال ؟؟
RE: هل كل الناس هتخش النار ما عدا المسلمين - the special one - 07-22-2009
للعصفور اللي غواه التنطيط
RE: هل كل الناس هتخش النار ما عدا المسلمين - يجعله عامر - 07-23-2009
لا أفهم لماذا لا يمكن أن يقبل الله شخصاً لا يعرفه ولكنه يحبه ؟
هقولك الجد يا أخ ألبير
أنا وقفت قدام السؤال كتير بجد
وسألت نفسي هل الله فعلا لن يقبل هذا الشخص أو لا يقبل هذا الشخص أو سيعذبه طبعا من منظور تفكيري الديني
وجاوبت بسؤال! هو هو مردوده نفس مردود سؤالي أعلاه وسكت شويه ورجعت لأصل القصة عندي اللي هو :
أنا بفكّر من سنتين بعد متابعتي للقراءة عن الجنة والملكوت من منظور إسلامي ومسيحي في هذه القصة ، واستغربت جدا إن مفيش دراسات حديثة عن "الجنة" باللغة العربية اللي لفت نظري للمعلومة دي واحد زنديق كده اسمه "محمد أركون" قول مكدبتش خبر ، قعدت ادور في الكلام القديم والتراث عندنا ، وما شاء الله لقيت كلام كتير ، بل كتب مفردة للحديث عن الجنة ، تمام بس للأسف لم أجد فيها بُغيتي .
حركتني جملة كان قالها "مسيح الإسلام = الحلاج -حسب وصف ماسنيون" عن أن الأديان كلها حاجة وحدة ، والشغلانه نهايتها وحده :"يا بني ، الأديان كلها لله ، شغل بكل دين طائفة لا اختياراً فيهم بل اختياراً عليهم، فمن لام أحداً ببطلان ما هو عليه فقد حكم بذلك لنفسه، وهذا مذهب القدرية، والقدرية مجوس هذه الأمة، واعلم أن اليهودية والنصرانية وغير ذلك من الأديان هي ألقاب مختلفة وأسام متغايرة، والمقصود منها لا يتغير ولا يختلف ..."
قوم حركني هذا الكلام جدًا - طبعا طبعا أنا عارف إنه هرطقه وكلام شركي والعياذ بالله أو ترقيع وتلميع للإسلام في قول آخر أو تهييس ، بس مفيش مانع ادور اصل الحدوته إيه- وبدأت أبحث ورا الكلام ده
واسأل طيب مهو كده إنتم بتدعوا غير المسلمين ليه ؟ أنا بكلم نفسي
الله !
وكمان بلاقي شيخ زي الكيلاني/الجيلاني حد كاتب كتاب عنه بعنوان : رجل من أمة التوحيد أسلم على يديه ألف رجل ، واقرا في الأخبار إن فلان من الصوفية بمجرد ما كان بيتكلم من غير شيء يسلم من أمامه ، وتلاقي قصة زي قصة "البسطامي" والراهب "المنسوبة إليه".
الله طب ايه الحكاية
قول سألت وتناقشت مع ناس كتير ، وناس بتقرا وليل ونهار بين الكتب مش حكواتية زي اللي سردت قصتهم أعلاه فلم أجد ما يريحيني على طول الخط
قلت الله يشرح الصدر ومن بعد يا واد ربك هيرشدك للصح بس تابع واقرا ومش تقف .. قول تمام .
لفت نظري بعدها لقاء لمدة ساعتين يتحدث عن الجنة ، أشد ما أعجبني هذا المقطع .. اللي هتلاقي ألحج الحكيم الرائي اللي بيحب البوذية امبسط بسببه
القصد طرحت السؤال بين جمهور إسلامي غفير ع النت وقد كان ما توقعته لكن سعدت جدًا بترديد زميل لنفس السؤال ولخص الحدوته في سؤال عشان يفهّم الشباب ، قال إيه زميلنا العزيز
خليني احاول اصورلك مشهد يمكن يقربلك فكرتي و حاول تفكر فيها و رد عليا و من غير زعل
يوم القيامه و الله سبحانه بيحاسب ثلاثة اشخاص على سبيل المثال.....
محمد المسلم و شيمون اليهودي و كريشنا الهندوسي او البوذي او السيخي مثلا
و تم توجيه سؤال واحد للثلاثه بأي دين آمنت و لماذا؟
فقال محمد آمنت بدين محمد لأنه دينك و فيه طاعتك و عبادتك ورضاك و جنتك و بحثت في جميع الأديان الأخرى فاقتنعت بأنها كاذبه او محرفه
و قال شيمون آمنت بدين موسى لأنه دينك و فيه طاعتك و عبادتك و رضاك و جنتك و بحثت في جميع الاديان الاخرى فاقتنعت بأنها كاذبه او محرفه
و قال كرشنا آمنت بالبوذيه لأنها دينك و فيها طاعتك و عبادتك و رضاك و جنتك و بحثت في جميع الاديان الاخرى فاقتنعت بأنها كاذبه او محرفه
و علم الله عز و جل انهم صادقين فعلا ثلاثتهم فيما يقولون....
و علمنا ان ربنا ليس بظلام للعبيد و يحاسب الجميع على نياتهم و على قدراتهم العقليه و التفكيريه....
هذا السيناريو بالنسبة لوجهة نظري المتواضعه لا يسمح الا بحل واحد عادل وهو الجنه اذا شاء الله للثلاثه
ارجوا ان تقول لي اي حل آخر عادل يليق بمقام الله عز و جل لمثل هذا السيناريو ..
وطبيعي كان الرد عليه بالاستنكار والتنديد
مش عاوز اطول عليك وعلى الاخوه هنا
اقتباس:التاريخ يعيد نفسه ولكن هذه المرة بالعكس!
والنبي عندك حق يا حج حكيم .
توقيعك جميل يا " يجعله عامر "
الله يسعدك يا قطقط ويكفيك ومصر شر ولاد المدارس ويرزقك ببنت الحلال اللي تملى عليك دنيتك
أنتم أهل النور كله عزيزي ولن يصل المحب إلا إذا آمن بالنور وتخلله .
[ .. لو تفتكر يا عامر انى سألتك نفس السؤال ده قبل سابق و كان رد فعلى نفس رد فعلك .. ]
فاكر يا أخت سيسبان والله .. إيه دنيا بقى واهو كلنا بنبقى انهرده هنا وتلاقينا بكره هناك ، تماما كما تغيّر لونك المفضل في الاستماع والمشاهدة أيام وبنعيشها وأحب بالمناسبه السعيده ديه أهديك هذه الفتوى يمكن ربنا يهديك ويهدينا ويولع في كل الميكروباصات لأنه بيحصل فيها كده بالفعل .
لفت نظري كلامك عن البهائي انه كذاب ودينه عبارة عن خديعة , صدقني هكذا ينظر غير المسلم للمسلم , وغير المسيحي للمسيحي , ولو انك ولدت بهائي لما قلت ذلك , فانت مسلم بمحض الصدفة والحظ , ليس اكثر , واما نسبة من يعتنق الدين عن قناعة ويبدل دين اجداده فهي مجهرية لا تقارن بحجم من ولدوا على دين الاسلام ..
مساءك سعيد ..
مساؤك سكر يا حج سبيشل
خصيمك النبي بإذن الله
والسيدة في ضهرك مين قالك بس اني مسلم بمحض الصدفة (الآن) منا بردوه بني آدم وبفكر وعندي عقل بس ما علينا صحيح أنا قلت كده طب عيني في عينك عمري مقول كده ابدا
أنا قلت بالنص :
((البهائيين والقاديين والأشكال دي كلها نصابين خاصة اللي قابلتهم في مصر ، والبهائية يا ابني مش ديانة زي منتا متخيل دي حدوته كده هبقى اشرحهالك بعدين )) ومش تقلق حبيب القلب سبيشل فيه واحد بهائي مصدق خد العبارة والموضوع كله وحطّه في مدونته على أساس مبيصدقوا اي شيء ، نعم سبيشل البهائية بالنسبة لي مجرد نصبايه وحدوته ماسخه ما لها اي معنى ، لكن البهائيين فيه منهم ناس محترمة على سبيل المثال فيه راجل كبير بيقعد في مكان هنا في مصر تنويري أو تهييصي اسمه امين بيه الحق يتقال راجل بمجرد الحديث معه ترتاح وكم حدثني عن علي ابن ابي طالب اكثر من حديثه عن الباب والبهاء وتعالى ننورز ، والمسلم بالنسبة للبهائية مش زي منتا فاهم كده لأ يا سبيشل زعلتني منك البهائيين أوسع صدرا شايفين ان المسلمين حلوين وزي العسل .
_________
المهم صباح الجميع فردًا فردًا زي العسل .
RE: هل كل الناس هتخش النار ما عدا المسلمين - سيسبان - 07-23-2009
(07-23-2009, 04:48 AM)يجعله عامر كتب: [color=#0000CD]لا والله يا اخ يجعله عامر, لونى المفضل فى الاستماع و المشاهده زى ماهو
فاكر يا أخت سيسبان والله .. إيه دنيا بقى واهو كلنا بنبقى انهرده هنا وتلاقينا بكره هناك ، تماما كما تغيّر لونك المفضل في الاستماع والمشاهدة
ما تغيرش ولا حاجه
(07-23-2009, 04:48 AM)يجعله عامر كتب: [color=#0000CD]هعهعهعهعهعهعهع (ضحكه صعيدى) تسلم يا امير, يهدينا واياك.
بالمناسبه السعيده ديه أهديك هذه الفتوى يمكن ربنا يهديك ويهدينا ويولع في كل الميكروباصات لأنه بيحصل فيها كده بالفعل
(07-23-2009, 04:48 AM)يجعله عامر كتب: [color=#0000CD]
المهم صباح الجميع فردًا فردًا زي العسل .
same to you
RE: هل كل الناس هتخش النار ما عدا المسلمين - يجعله عامر - 07-23-2009
لونى المفضل فى الاستماع و المشاهده زى ماهو
ما تغيرش ولا حاجه
_____________
بجد
طيب طمنتيني same to you
_________
دي شتيمة مثلا واللا ايه - ع العموم ربنا يسامحك
RE: هل كل الناس هتخش النار ما عدا المسلمين - إبراهيم - 07-23-2009
يجعله عامر:
هل فعلا ترى محمد عبده محسوب على الحداثة في مصر؟ هناك كتاب بعنوان
Islam and modernism in Egypt;
a study of the modern reform movement inaugurated by Muhammad `Abduh.
Charles C Adams
وتفضل هذا الرابط أيضاً: http://www.muslimphilosophy.com/ip/rep/H049
ومثله كثير وكثير. في الأوساط الأكاديمية الأوروبية محمد عبده رجل الحداثة. هل كان حقاً رجل الحداثة؟
طبعاً أنت لك باع في كتاب الحداثة المعاصرين. إذا قابلنا مدرسة الحداثة المعاصرة حالياً بالشيخ الأستاذ محمد عبده فهل هما معاً ينشدون الحداثة والإصلاح بنفس القدر؟
أنا متشكك بسبب ما قرأته من محاورات الشيخ محمد عبده مع فرح أنطون. محمد عبده هو السبب في تسكير مجلة الجامعة لفرح أنطون واتهمه بالحقد على الإسلام و و و إلخ. صديق لي هنا من مصر على علم واسع يرى أن محمد عبده رجل "ملحمي" ابن *&^. وأنه سلفي.
صراحة لقراءتي للحوار الذي درا مع فرح أنطون أقدر بأريحية أن أستشعر أن الأستاذ محمد عبده يفكر بطريقة سلفية.
ما رأيك؟ في انتظار إفادتك الجميلة كعهدي بك.
ودم بخير في حفظ الباريء.
RE: هل كل الناس هتخش النار ما عدا المسلمين - سيسبان - 07-23-2009
(07-23-2009, 03:41 PM)يجعله عامر كتب: بجد
اى خدمه
(07-23-2009, 03:41 PM)يجعله عامر كتب: دي شتيمة مثلا واللا ايه - ع العموم ربنا يسامحك
آه شتيمه
RE: هل كل الناس هتخش النار ما عدا المسلمين - إبراهيم - 07-24-2009
http://www.youtube.com/watch?v=OPuETJppBtg
sheikh Diya' al-Musawi from Bahrein