+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: الأمثال الشعبية (/showthread.php?tid=4279)
الأمثال الشعبية - قطقط - 07-06-2008
- كله لعب عيال لغاية لما تيجى العيال
- الكترة تغلب الشجاعة
- ربنا بتاع الغلابة
- العيال أحباب الله
- خذوا فالكم من عيالكم
- اللى تجمعه النملة فى سنة يأخذه الجمل فى خفه
- الشبعان يدوس العسل
- اللى مايجيش من حاله سواقه تعبان
- الكحكة فى إيد اليتيم عجبة
- الراجل مايعيبوش إلا جيبه
- عقلك فى راسك تعرف خلاصك
- ماحدش بيكتب نفسه شقى
- مايذل الإنسان إلا المرض
- الغرض مرض
- فى التانى السلامة وفى العجلة الندامة
- الهوا ماجاش سوا
- إذا كنتو إخوات إتحاسبوا
- بايضالك فى القفص
- يدى الحلق للى بلا ودان
- الإيد البطالة نجسة
- الأرزاق على الله
- من بص لعيشة غيره تحرم عليه عيشته
- يسوق الهبل على الشيطنة
- اللهم إخزيك ياشيطان
- العجلة من الشيطان
- اللى تجيبه الريح تأخذه الزوابع
- كله يطيب فى بطن الشباب
- من شب على شىء شاب عليه
- مطرح مايسرى يمرى
- إضرب المربوط يخاف السايب
- إذا وقعت البقرة تكتر سكاكينها
- إقطع العرق يسيح دمه
- وجع ساعة ولا كل ساعة
- نصيبك يصيبك
- كيل ما هو لك ماتحضر كيله تتغبر دقنك وتتعب فى شيله
الأمثال الشعبية - قطقط - 07-06-2008
المذيعة بسنت ترسل نغمات
تعتبر كأنها جناحات
تحمل الإنسان للسماء
ويطير بنعومة وسلاسة
عن حكايات القلب والنبضات
ويظل طاير لساعات
وبعد 3 ساعات
يشبع المخ من النغمات
ويرجع الإنسان تدريجياً من السموات
وينزل إلى أرض الماديات
------------------------
- نرى طحناً ولانرى طحيناً
- الطشاش ولا العمى
- الأعور ملك فى مملكة العميان
- العارف لايُعرَف
- اللى مايعرفك يجهلك
- يموت الزمار وصوابعه بتلعب
- الطبع غلب التطبع
- السكوت علامة الرضى
- قالوا للحرامى إحلف ، قال : جالك الفرج
- القرد فى عين أمه غزال
- مسّكوا القرد مفتاح الكرار
- هبلة ومسكوها طبلة
- يامستنى السمن من بطن النمل
- جاى فى القرد ويشم
- إضحك تضحك لك الدنيا
- إيه يفيد الندم بعد العدم
- اللى يتكسف من بنت عمه مايجبش منها عيال
- إتلم المتعوس على خايب الرجا
- ياخبر النهارد بفلوس بكره يبقى ببلاش
- الكفن مالوش جيوب
- مش هتأخد من الدنيا حاجة إلا قطنة
- زى الأطرش فى الزفة
- زغرتى ياللى مش غرمانة
- فرح عديلة هد هد بلا نيلة
- السر إذا جاوز إتنين فشا
- صاحب بالين كداب وصاحب تلاتة منافق
- الكبر عبر
- الوحايد نامت والإنصاص قامت
- الكبير كبير
- إذا خرب بيت ابوك خدلك منه قالب
- إحذر من ابو راس سودا ( الإنسان )
- كل شىء تزرعه تقلعه إلا الإنسان تزرعه يقلعك
- ربك رب العطا يدى البرد على قد الغطا
- كلب حى أحسن من أسد ميت
- خَلى رقبتنا زى السمسمة
- الدى على الودان أقوى من السحر
- إسأل مجرب ولاتسأل طبيب
- التالتة تابتة
الأمثال الشعبية - قطقط - 07-07-2008
- المال السايب يعلم السرقة
- عملك ياعبد الباقى فى بناتك باقى
- حرّص ولاتخوّن
- المتعوس متعوس ولو علقوا فى رقبته فانوس
- السلف تلف والرد خسارة
- لكل مجتهد نصيب
- دلع الفقارى يفقع المرارة
- خدوهم فقارى يغنيكم الله من فضله
- الواد لخالته والبنت لعمتها
- المخوزق يشتم السلطان
- قليل الأدب يشتم الباشا
- لك يوم ياظالم
- بيت المهمل يخرب قبل بيت الظالم
- مال لحمتك مشغتة ، قال : أصل الجزار معرفة
- أكل الهدية وكسر الزبدية
- يحط إيده فى الزبدية ويفكر فى الأذية
- اللى يتلسع من التعبان يخاف من الحبل
- اللى يتلسع من الشوربة ينفخ فى الزبادى
- بيتى يابتاتى ياساتر عيباتى
- يعطيك من طرف اللسان حلاوة ويروغ منك كما يروغ الثعلب
- جحر ديب يكفى ألف حبيب
- العيش الحاف يربى الأكتاف
- أكلة هنية تكفى مية
- حًط عيشة على أم الخير
- اللى يتجوز إتنين يا قادر يا فاجر
- أنا واخويا على إبن عمى وانا وإبن عمى على الغريب
- المنطقة اللى مايعرفك حد فيها شلح وأمشى فيها
- رايح رايح كتر من الفضايح
- حسنة وانا سيدك
- العرق يمد لسابع جد
- أهلك لاتُهلك
- يعمل من الفسيخ شربات
- الميه تكذب الغطاس
- خليك مع الكذاب لباب الدار
- فولة وإتقسمت نصين
- اللى يشيل قربة مخرومة تخر عليه
- كُـل مايعجبك وإلبس مايعجب الناس
- إمشى قدام عدوك معرش ولاتمشى قدامه مكرش
- خنفسة شافت بنتها على الحيط قالت دى لولية فى خيط
- زى أم العروسة فاضية ومشغولة
- إتغدى وإتمدى وإتعشى وإتمشى
- الحركة بركة
- أكل العيش عاوز الخفة
- أكل العيش مر
- بعد العيد مايتفّتش كعك
- خيبة الناس السبت والأحد وأنا خيبتى مش على حد
الأمثال الشعبية - -ليلى- - 07-07-2008
Array
- من عاشر القوم 40 يوم يا فر منهم يا بقى منهم
[/quote]
من عاشر القوم 40 يوم يا صار منهم يا صاروا منه
الأمثال الشعبية - قطقط - 07-08-2008
- آخر خدمة الغز علقة
- أول الرقص حنجلة
- رضا الناس غاية لاتدرك
- لولا إختلاف الأذواق لبارت السلع
- سيب الملك للمالك
- من جاور السعيد يسعد ، ومن جاور الحداد ينكوى بناره
- عامل زى ليمونة فى بلد قرفانة
- العدد فى الليمون ، والتخن على الجميز
- زى الوز حنية بلا بز
- ياخبر النهارده بفلوس بكره يبقى ببلاش
- القرد فى عين أمه غزال
- علّم فى المتبلم يصبح ناسى
- كتر التكرار يعلم الشطار
- اللى ما تأخذه القرعة تأخذه أم شعر
- اللى مايرضى بالخوخ يرضى بشرابه
- تور الله فى برسيمه
- الديك الفصيح من البيضة يصيح
- أسد علىّ وفى الحرب نعامة
- القرش الأبيض ينفع فى اليوم الإسود
- يلعب بالبيضة والحجر
- إذا كنت إنت أمير وأنا أمير مين هيسوق الحمير
- صافى يالبن حليب ياقشطة
- دود المش منه فيه
- خذ من قرنه وإدهنله
- شعرة من دقن الخنزير
- العيل العفش يجيب لأهله النعيلة
- الواد طالع لابوه
- من شابه أباه فما ظلم
- جه نقبه على شونة
- يعمل من الحبة قبة
- زى القرع يمد لبره
- زى السمك الكبير يأكل الصغير
- الفرخة إن مانكشتش ماتأكلش
- إبعد عن الشر وغنيله
- بيت النتاش مايعلاش
- الجار قبل الدار
- اللى يأكل وحده يزّور
- اللى يبص بعينه يعور
- القناعة كنز لايفنى
- غنى للقرد فى دولته
- اللى مايعرفش يقول عدس
- قاله خطك مثل خطى ، قاله : حظك مثل حظى
- الفلوس مع التيوس
- زى حمار الصراف شايل دهب
- الكلب نقوله : جر
- الغجرية ست جيرانها
- ماقدروش على الحمار قدروا على البردعة
- إذا كلمت الست الشريرة تبليك واللى فيها تجيبه فيك
- الباب يفوت جمل
- اللى مامعهوش مايلزموش
- يزيد الطين بلة
- إبن بطنى يفهم رطنى
- اللى يقدم السبت يلاقى الحد
الأمثال الشعبية - قطقط - 07-08-2008
الأستاذة بسنت
لها دور مشكور
وفضل غير منكور
ربنا يديها قلب معمور
ويحفظها من الشرور
وبأدعيلها من قلبى
أنا : عبد المامور
-------------------
- اللى معاه مال ومحيره يجيب حمام ويطيره
- أولاد الحرام ماخلوش لأولاد الحلال حاجة
- إذا كان الحلال مش نافع .. الحرام هينفع !؟
- الأيام دول
- على الباغى تدور الدوائر
- اللى تعرفه احسن من اللى ماتعرفوش
- تعرف فلان ؟ أعرفه ، عاملته ؟ لا ، يبقى ماتعرفوش
- دارى على شمعتك تقيد
- المتعوس متعوس ولو علقوا فى رقبته فانوس
- إن كنتم نسيتوا اللى جرا هاتوا الدفاتر تنقرا
- من حمده زاده
- كل واحد ينام على الجنب اللى يريحه
- كنت مرتاحة وبعدين جاتلى حاحة
- كلام الحما عمى
- إتلم المتعوس على خايب الرجا
- أساس المرافقة الموافقة
- ياقلبى ياكتاكت باآما إنت شايل وساكت
- لو جابوا للمجنون 100 عقل على عقله مايعجبوش إلا عقله
- ربنا لما وزع الأرزاق ماحدش عجبه رزقه ، ولما وزع العقول كل واحد عجبه عقله
- اللى مالوش فى الغنم يدبح العشار
- ما حك جلدك سوى ظفرك فتولى بنفسك كل أمرك
- الغالى يرخصلك
- شغل المعلم لإبنه
- القرعة تتعاجب بشعر بنت أختها
- الحديد لايفله إلا الحديد
- إضرب الحديد وهو ساخن
- السعد وعد
- الكلام مايكسرش عضم
- المسامح كريم
- الباب يفوّت جمل
- وجعك يابطنى ولا كب الطبيخ
- الطريق لقلب الرجل يمر عبر معدته
الأمثال الشعبية - قطقط - 07-08-2008
الأستاذة بسنت بقالها يومين غايبة
مخنا تعب ورُكُبنا* بقت سايبة
وربنا يديها السعادة الدايمة
وتكون فى السماء مرتاحة وهايمة
وإنشاء الله ماتغيبش مرة تانية
* جمع ركبة
--------------------------
- دخول الحمام مش زى خروجه
- مكتوب على ورق الحلاوة : ما محبة إلا بعد عداوة
- كل فتاة بأبيها معجبة
- ياناس يافل الخير للكل
- البحر يحب الزيادة
- يابخت مين زار وخفف
- حديد على حديد يفعل الله مايريد
- عامل ليمونة فى بلد قرفانة
- ماتبصليش بعين ردية بص للى إندفع فىَ
- قالوا لجحا : عد موج البحر، قال : الجايات اكتر من الرايحات
- يحرت فى البحر
- الأكل نتانة
- اللى يتجوز أمى أقوله : ياعمى
- التاجر المفلس يدوّر فى دفاتره القديمة
- إصبر على جار السوء .. يا يرحل .. يا تجيله نايبة
- ضربوا الأعور على عينه ، قال : خسرانة خسرانة
- خف تعوم
- ربنا مايخلناش من قطاعى الأرزاق
- الطمع قلّ ما جمع
- البايرة على بيت ابوها
- ناس لها حظ وناس مالهاش
- سبع سواقى بتنعى على اللى حظه قليل
- مافيش حلاوة من غير نار
- المؤمن منصاب
- النار ماتحرقش مؤمن
- قالوا أبوك مات من الجوع ، قال : هوه حد إداله يأكل وماكلش
الأمثال الشعبية - قطقط - 07-09-2008
الأستاذة بسنت المذيعة
ناس بتقول عنها : فازيعة
وناس بيقولوا إنها برتبة عقيدة
والكل بيعتبرها صديقة
الله لايرميها فى ضيقة
والله دايماً يحرسها وينجيها
------------------
- تحت السواهى دواهى
- إقعد معووج وإتكلم عدل
- العبد يضرب بالعصا والحر تكفيه المقالة
- يآكلها والعة
- يفهمها وهى طايرة
- الطوبة تيجى فى المعطوبة
- قيراط حظ ولا فدان شطارة
- الطبع يغلب التطبع
- نصحناه ما إتنصح والطبع فيه غالب وديل الكلب ماينعدل ولو علقوا فيه قالب
- باب النجار مخلع
- الرجل تدب مطرح ماتحب
- غاب عن بيت أبوه يومين ، قال : بابه يفتح منين
- مين فات قديمه تاه
- تغيير العوايد فال
- على ماتتسرح التعيسة تكون خرجت الكنيسة
- قالوا للكنيسة إسلمى ، قالت : اللى فى القلب فى القلب
- المكتوب على الجبين لازم تشوفه العين
- قال : حّبنى وخدلك زعبوط ، قال : هيه المحبة بالنبوت
- حبيبك يبلعلك الزلط ، وعدوك يتمنالك الغلط
- تبات نار تصبح رماد ليها رب يدبرها
- الكلام مايكسرش عضم
- إمشى سنة ولاتعدى قنا
- اللى يأّكل إبنى لقمة حلاوتها تنزل فى بطنى
- القاتل يقتل ولو بعد حين
- العدد فى الليمون والتخن على الجميز
- قالوا الجمل طلع النخلة ، قالوا : آدى الجمل وآدى النخلة
- نقول تور ، يقولوا : إحلبوه
الأمثال الشعبية - بهاء - 07-10-2008
مثل مصرى عتيد :
التعريص مقام وشرف , والنيك شبرقة
وسورى على اللغة
الأمثال الشعبية - fancyhoney - 07-10-2008
كان فيه مثل مصري صعيدي قريته للابنودي ف ( ايامنا الحلوة ) رحمها الله
فيه ان الصعايدة بيتمنوا لعرايسهم ( جيزة النصارى ) او جواز النصارى الدائم يعني
حد فاكر المثل ده ؟
و فيه اي امثال مضادة بتذم ( جيزة النصارى ) ؟