+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: الإفراج عن إسراء (/showthread.php?tid=5390)
الإفراج عن إسراء - -ليلى- - 04-24-2008
Array
قصة مؤثرة جداً وعيني دمعت لمشاهدة اللقاء بينها وبين أمها. ما أسهل على الناس أن يقوموا بشحن الآخرين عاطفياً والزج بهم في السجن ودون تفكير وتدبير.. كانت خطوة مندفعة من إسراء ولم تجدي بشيء سوى فترة سيئة في السجن.. بطولات انترنتية زائفة لا تسمن ولا تغني من جوع.
[/quote]
يا ابراهيم محدش شحن إسراء عاطفياً، لكن هى بس تجربة ما كانتش هى نفسها متوقعة إستجابتنا لها بالقوة دى، و هى الإضراب
الكل فاض بيه
فترة و هتنسى اللى حصل لها بمساعدة اللى حواليها
للاسف مازال البعض بيخاف من اول صدمة بسبب دفاعه عن حقوقه
و مازال البعض عايز ياخد حقوقة من غير ما يدفع الثمن
الحرية من الديكتاتور حكمنا لأكتر من ربع قرن لها ثمن
بلال قال كلمته و وقف وقفة شجاعة و الكل سقف له و الكل دافع عنه
و محدش قدر يقرب منه و لا يلمس شعرة واحده
النظام المصرى اصبح عقيم و بيخاف من الفضيحة العلنية
ربى يزيد و يبارك من الشباب الشجعان
لازم يبقى فيه تضحيات
إسراء معزورة فى كل شىء هتعمله ، لكن قدرت تخالى الكل يتكلم
و هيفضل اسمها علامة فى التغير اللى هيحصل فى مصر
اتمنى إسراء تعدى مرحلة السجن و تأثيرها النفسى بسلام
لإسراء(f)
الإفراج عن إسراء - Guru - 04-24-2008
بص يا عم سيستاني أنا أتحداك لو في واحدة تم إغتصابها في أي سجن مصري و أنا قد كلامي.
هناك نوع من الإهانات حقير يحدث في الأقسام..وليس السجون.. وهي حالات فردية " هتقولو دا كلام الحكومة صح" :10: " لكنه واقع علينا تقبله، وهو أن المعارضة تريد "تسخين" الأمور بأي شكل.
إسراء قالت هذا الكلام لأن بعض مواقع المعارضة قالت بأنها تعرضت للإغتصاب و البنت سمعة من الأخر و خشيت الفتاة على سمعتها جداً بعد ترويج الإشاعات، بل أنها كتمت غيظها ولم تقل بأنها كانت تقول هذا الكلام بسبب المعارضة الحقيرة التي كل هدفها إشعال الأمور دون النظر إلى ماسيحدث للآخرين.
Array
قصة مؤثرة جداً وعيني دمعت لمشاهدة اللقاء بينها وبين أمها. ما أسهل على الناس أن يقوموا بشحن الآخرين عاطفياً والزج بهم في السجن ودون تفكير وتدبير.. كانت خطوة مندفعة من إسراء ولم تجدي بشيء سوى فترة سيئة في السجن.. بطولات انترنتية زائفة لا تسمن ولا تغني من جوع.[/quote]
:thumbup:
بس على فكرة يا إبراهيم..كلنا نعرف بأن ما حدث لإسراء ليس فيه أي نوع من العطف أو الطيبة السياسية..فهذه الفتاة أعتقلت دون توجيه أي إتهام لها و معاملتها الحسنة بداخل السجن لن تشفع للحكومة في خطأ إعتقالها.
ليلى؛ يلزمك أن تحضري إجتماعاً للمعارضة أو نقاش جدي بينهم.. لتكتشفي أن الحكومة هي ملاك الرحمة لمصر والمصريين و بأنها الأم الحانية فعلاً.
:redrose:
الإفراج عن إسراء - -ليلى- - 04-24-2008
جورو كلهم عينة واحده ، عارفه.
علشان كدا ما بحبش اى احزاب.
لكن كمان كنت افضل الحكومة تاخد موقف تحسن فيه نفسها بشكل جاد ، بدل اللى بتعمله فينا.
(f)
الإفراج عن إسراء - -ليلى- - 04-24-2008
و بعدين الإفراج عن إسراء بالذات قبل الإضراب القادم يوم 4 مايو ، ما هو غير لعبه من الحكومة مش اكتر
و حتى بلال لو عايزين يعتقلوه هيعملوها
لكن مش من مصلحتهم
اعتقد دا السبب الوحيد اللى مكتف حكومتنا، لا أكثر و لا أقل
الناس طفح بيها الكيل
السجون مليانه بالمظلومين اللى قالوا "لأ" للحكومة
الإفراج عن إسراء - حسام يوسف - 04-24-2008
بصراحة
شايف انها عيلة هبلة
وعيب قوى ان ناس من هذه العينة وليس هى فقط بل ايضا زملائها فى الغد يوضعوا بالواجهة وكانهم قادة وهم عرائس لقياداتهم بالحزب
فيه ناس بتلعب بغضب الشباب و مشاكله و بحثه عن دور
وده شئ خطير و مدمر و محبط بالنهاية
اسراء وزملائها شباب غير واعى سياسيا و مواقفهم سطحية و عشوائية ووقت الجد بيتراجعوا
مش دول ابدا من يقود و ينظم
يعنى طول عمر الكفاح الشعبى قدم مناضلات تعرضن لاسوا التعذيب وصمدن لانهم جادين وواعين للقضية
اما هؤلاء فاعتقد انهم يعتقدونها رحلة او مغامرة تلفزيونية
وعندما نقارن الهذل هذا و التجمعات الهذيلة
مع مواجهات المحلة و صلابتها رغم من قتل و اصيب و قمع نعلم جيدا و بوضوح الفارق بين الجدية و الهذل
الإفراج عن إسراء - -ليلى- - 04-24-2008
دلوقتى بقيت إسراء هبله؟:huh:
بسبب فكرة إسراء ، سواء كانت تتوقع اللى حصل أو لأ
قدرت تخالى المصريين يفوقوا شوية ، دا ظنى و رأيى الشخصى
صحيح العمال لهم دور كبير ، لكن كان محصور فى دائرتهم فقط.
و فى الأخر برضوا ما اخدوش حقوقهم ، غير اللهم شوية وعود و شوية فكة
يا اهل الخير المشوار لسه طويل جداً، بس لو هيبتدى بمين افضل و مين اهبل و مين اصلع و مين اعور ، يبقى قولوا على مصر يا رحمن يا رحيم
الإفراج عن إسراء - إبراهيم - 04-24-2008
Array الحرية من الديكتاتور حكمنا لأكتر من ربع قرن لها ثمن
بلال قال كلمته و وقف وقفة شجاعة و الكل سقف له و الكل دافع عنه
و محدش قدر يقرب منه و لا يلمس شعرة واحده
النظام المصرى اصبح عقيم و بيخاف من الفضيحة العلنية[/quote]
إزايك يا ليلى؟ تحياتي..
فيه مقولة تقريبا منسوبة لعلي بن أبي طالب وهي "لو علمتم الغيب لاخترتم الواقع" وبالبلدي، اللي تعرفه أحسن من اللي تعرفوش. في العراق قعدوا يقولوا دكتاتور دكتاتور والوقتي بيقولوا كلهم بمن فيهم أميركا: فين أيام الدكتاتور.. هاتوا لنا الدكتاتور من جديد.. صدام الدكتاتور كان أفضل خيار للعراق وجعل منها جنة ولم يمس أحد الأقليات بشعرة. الآن تم تهجير جميع المسيحيين من الموصل تقريبا وتشريدهم في سوريا ومحافظات عراقية أخرى.. نفس الشيء مع اليزيدية والأديان والجماعات العرقية. كان ظابط الموضوع تمام وماسكهم بالضبة والمفتاح. مين عارف؟ ما يمكن لو راح مبارك الدكتاتور ييجي واحد أتعس منه مليون مرة؟ وممكن جدا. في رأيي مبارك ليس دكتاتور ولكنه لا بيهش ولا بينش. ثم هو أصلا من جماعة ناصر والسادات.. ناس بدأت بالحكم العسكري ومش بسهولة كدة هايتعتعوا.....
لم أمر بواحد على ألف مما مرت به إسراء يا ليلى ولكن على فكرة تجارب التحقيق معي والرعب اللي شربته نفسياً إلى الآن له انعكاسات على شخصيتي.. للأٍسف إسراء لن تكون كما كانت... تم تشويه جزء كبير في سيكولوجيتها للأبد ولن ينفعها في هذا شحن الشاحنين. ما حدث لها بيسموه trauma والـ تراما مالهاش علاج ولا كلام يخفف.. دي مش جروح عادية وإنما هي جروح غائرة في النفس.
من جهة بلال، أؤكد لك أنهم هايقرفوه. دي بلد مخابرات. في كل مصيبة هتلاقي يطلع له ظابط يقول له: مش أنت بلال وده أصلك وفصلك.. ويجيب له تاريخ حياته بالكامل. من تجربة عارف نظامهم. مصر وسوريا والأردن والبلاد دي تنفق على المخابرات أكثر مما تنفق على رغيف العيش. واتعمل له ملف.. في أي عمل يروحه هايكون ملفه وراه وراه.. أنا مثلا معمول لي ملف في مباحث أمن الدولة والمخابرات العامة على الأقل ولما رحت الكلية لقيت لي ملف هناك. دي ناس فاضية ومش وراها حاجة غير القرف. حماسة شبابية ويتبعها نكد و......عموماً، نتعشم خير. كلنا نريد الخير. نريد أن يكون أقل القليل موجود للمواطن العادي. مجرد خواطر.
تحياتي لك وأتمنى لك يوم جميل.
الإفراج عن إسراء - -ليلى- - 04-24-2008
أنا بخير يا إبراهيم الحمد لله:)
Arrayاللي تعرفه أحسن من اللي تعرفوش[/quote]
لو قلت لك الجملة دى اد ايه بتحرقنى مش هتصدق
شخصياً ضاع من عمرى اكتر من 15 سنة بسبب الجملة دى
"اللى نعرفه احسن من اللى ما نعرفوش"
لو اللى اعرفه بيدبحنى كل يوم ، يبقى "لأ" مايلزمنيش
الى حصل فى العراق للاسف مأساة بمعنى الكلمة، و سببها صدام ، لأنه عاملهم بالحديد و النار زى ما بيعمل مبارك فينا
لأنه شربهم الخوف و اكلهم الرعب من المخابارات و من نفسهم
بلال يوم ما وقف وقال كلمته كان عارف مصيره و عارف انه مش هيقدر يرجع تانى زى ما كان
و انهم هيطاردوه و انه و انه و انه
لكن أمن بفكرة و نفذها ، لأنه بيدافع عن حق
و الحق و الحرية تمنهم غالى جداً
انت يا ابراهيم هل كان ممكن ترجع تانى عن قرارك رغم كل اللى شفته من امن الدولة؟
بالعكس صممت على موقفك و فكرك وكملت المشوار اللى انت اختارته لنفسك
اكيد قبل ما تاخد اى خطوة كنت عارف ايه اللى هيحصل لك ، لكن رغم كل شىء امنت بفكرة و نفذتها.
لو رجع بيك الزمن هتعمل نفس اللى عملته؟
و لا كنت هتفضل مصرى مسلم مسالم بيقول حاضر و طيب و نعم ؟
إسراء تم اغتصابها نفسياً مش جسمانياً
و دا احقر نوع من انواع الإغتصاب، جرحه ما بيروحش لحد ما الواحد يتوفى ، حتى لو اندمل
يمكن تاخد وقت طويل لحد ما تخف من جزء من الصدمة، لكن هتتجاوز الكتير منها إن شاء الله
و بسبب حقارة اللى اتعمل فى إسراء و بيتعمل ابشع منه فى السجون يومياً عندنا، لازم كل شىء يتغير
هياخد وقت و جهد و دم و عرق
لكن لو ما أمناش بانه لازم يتغير باى شكل من الاشكال
هنفضل نقول دايماً حاضر و نعم و ايوة و ناخد على دماغنا لحد ما نموت
مش عايزة اظهر بمظهر المعارضة و خلاص
لكن شخصياً اكتويت بنار ال"حاضر" و "نعم" و "تحت أمرك سيدى"
بنقولها فى كل مكان زى العبيد
و ما نابناش غير قلة القيمة :)
(f)
الإفراج عن إسراء - محارب النور - 04-24-2008
ليلى.
(f)
محارب النور
:redrose:
الإفراج عن إسراء - Guru - 04-24-2008
Array
دلوقتى بقيت إسراء هبله؟:huh:
بسبب فكرة إسراء ، سواء كانت تتوقع اللى حصل أو لأ
قدرت تخالى المصريين يفوقوا شوية ، دا ظنى و رأيى الشخصى
صحيح العمال لهم دور كبير ، لكن كان محصور فى دائرتهم فقط.
و فى الأخر برضوا ما اخدوش حقوقهم ، غير اللهم شوية وعود و شوية فكة
يا اهل الخير المشوار لسه طويل جداً، بس لو هيبتدى بمين افضل و مين اهبل و مين اصلع و مين اعور ، يبقى قولوا على مصر يا رحمن يا رحيم
[/quote]
هذا ما كنت أتحدث عنه في الصباح، المعارضة لا يعنيها إسراء ولا أي شيء.. هم عقول كل الخلايا التي بها تقول : لا لا و يسقط يسقط. لا تعرف أي شيء آخر. مش قلتلك محتاجة تقعدي معاهم ولو مرة واحدة عشان تعرفي إن الحكومة دي قمة النعيم؟ :10:
مش إسراء إمبارح كانت فتاة مصر الأولى؟ دلوقت بقت أي كلام خلاص.. و تحيا المعارضة الشريفة!! و الحمد لله على نعمة مبارك و اللهم أدمها نعمة من الزوال.
و بعدين أيه الكلام الكبير دا؟ هو أيه اللي إغتصاب نفسي؟ محدش لمسها ولا داسلها على طرف.. و دا بإعترافها و شكلها وحالتها بيقولو كدا.. كل ما في الموضوع إن زمايلها في المعارضة كانو بيقولو لها هتخشي جوة تتهاني و تتهزقي و تغتصبي.. ودي مش مشكلة الحكومة يعني إن هي معمولها رعب من اللي كانت هتشوفه ومشافتهوش...عاملة زي اللي مات من الخضة من حاجة مش موجودة أساسا!
و بعدين الناس بتتكلم عن الحكومة كأنها من كوكب تاني.. مش كأن الضابط إسلام نبيه دا مثلا يقرب لفلان الفلاني اللي مسجل معانا هنا في المنتدى و اللي الإنسانية بتخر منه و كأن محدش هنا في المنتدى له قرايب في الداخلية مثلا و بيروحو لهم زيارات و بيتعشو و يتغدو معاهم أحياناً....حاجات غريبة.