+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: فكـــر حــــر (http://www.nadyelfikr.com/forumdisplay.php?fid=57)
+--- الموضوع: إبتهال - الداعية زياد الرحباني (/showthread.php?tid=13886)
إبتهال - الداعية زياد الرحباني - Kamel - 11-20-2006
العزيزة ياريموثا (f)(f)(f)
نعم لن تنتظري طويلا فزياد كان زياد
لقد هجره ومن زمن طويل اغلب الوجوه الانسانية الفنية التي كانت تمشي معه ومنذ زمن ,بعد فيلم امريكي طويل هو قدم بضعة اعمال فنية ومن ثم ثم تفرغ للعلاك بالسياسة
تحوله لطرف غير منصف لايعني فقط بداية افلاس بل يعني انه هو نفسه مفلس قبل ان يعلن ذلك غيره ومنذ عدة سنوا ت
هذا الإفلاس هو مدعاة للحزن تماما لاننا كنا نريده فوق..فوق
كنا نريد يوما من دريد لحام ان يبقى فوق مع الماغوط والرائع نهاد.
نعم حلمنا وأملنا...وصدمنا
كان هذا مؤسف للغاية فن تنجب الأمهات كل يوم اشخاصا موهوبين كتلك الاسماء!
لكنهم هكذا يسقطون ويستهلكون...
ف زياد لم ير وسخ الشعارات الحزب الإلهية الإيرانيه فيي كل لافتة له وليته تجرأ على انتقاد اتباع "عبادة الفقيه".
زياد لم ينتقد من يلعب بمصائر اللبنانيين بقرار ايراني أو سوري..
أين صراحته...
وقبل على نفسه أن يلعق تلك الاوساخ وبأن ينبح على سواها...(هذه يستحقها رغم حبي له)
أي عمل فني وانساني يمكننا ان نتصور اذا ما استمر زياد على هذا المنوال ...
(ملحوظة: يرجع لحزب الله فضل تموين الحشيش للكفار)
إبتهال - الداعية زياد الرحباني - رحمة العاملي - 11-20-2006
والله العظيم شغلة :D
اي ما هي شغلة 80 بالمية تبع رشيد
بتعرفوا لرشيد وبتعرفوا ال 80 بالمية لي بدهم الصرفة
وال 80 بالمية لي بدهم لبنان سيد حر مستقل
يلعن اختها ملا شغلة صاروا 160 بالمية :D
اقسم بالمعلم ضومط و(صهريجه)
و برشيد ملك الساحة اللبنانية
و اقسم بزكريا ....ونجيب والاسباني لي بينطح اكثر :D وثريا
والمطعم لي بيبرم
واقسم بثورة عباس وفهد وفستان العرس ؟!!
ان زياد الرحباني لا ينتمي الى ثورة الارز تبع (جون بولتون والسفير فيلتمان )
ولا الى جماعة المعارضة تبع (الوصاية السورية )
ولا هو مشردق بالسيد حسن نصرالله لسواد عيونو
ولا كان قابض الحريري او قابض منو
زياد ينتمي الى الناس
ويتكلم عن الواقع كما هو بحلاوته ومرارته
حتى وان لم يعجبك توصيفه للواقع او لم يعجبني
زياد وغيره من اللبنانيين يعرفون تماما من كان يلعب بمصيرهم وهذه المرة مع الاسرائيلي مباشرة تحت عنوان السيادة والحرية والاستقلال
ويعرف صاحب القميص الوسخ والجسم اللبيس ومن كانت له دكاكين الادارات المدنية و(ط..ي..ز..و نقالة اثناء الاحتلال الاسرائيلي والسوري ...منيح هيك
ويعرف تماما من كان يقاوم الاسرائيلي ولم يستفد من السوري
زياد هو زياد
حشاش يمكن حسب قولك ما بعرف !!
طيب
بس مش كذاب
من يوم كنا بعدنا طيبين.... قول الله
إبتهال - الداعية زياد الرحباني - Kamel - 11-21-2006
عزيزي رحمة:
اوافق على بعض ما كتبت بحق الزعما اللي عم يستغلو الشعب
التيار الذي يقوده بعض الزعما هو تيار برجوازي لديه أخطاءه لكنه استقلالي ولديه مشروع لبناني استفاد منه حزب الله لدرجة كبيرة.
هو تيار صارع من اجل البقاء بمختلف السبل وعندما اشتد عوده بادره النظام السوري قتلا وارهابا بينما لم يفوت حزب الله فرصة الطعن في الظهر
السيد زياد لم يتطرق لحسن نصر الله الذي خربها فوق الرؤس ولا لتمويله الخارجي ولا انتقائيته في تطبيق خيار وفقوس الديقراطية ولا لتركيبته المذهبية والفاشية.
اذن هو لا يأخذ منحى موضوعيا في نقده
إبتهال - الداعية زياد الرحباني - رحمة العاملي - 11-21-2006
اخ كامل
انت لهلق مش فاهم قصدي
انا لا ادافع عن زياد لانه مدح السيد حسن نصرالله ضمنا
انا ادافع عن زياد الذي ما زالت القضايا الكبرى حية ترزق في فنه الساخر
زياد اكبر من سوليدير واكبر من الزواريب وتطلعات الزعماء
ولم يخف زياد انحيازه للمقاومة ضد اسرائيل حتى عندما كانت هذه المقاومة فلسطينية
لم يخفي انحيازه هذا حتى عندما كانت مدرسة الرحابنة في اوج عزها اللبناني وحياديتها
كان زياد متمردا وثائرا بالفطرة على كل شي غلط ومش زابط
انا اعرف زياد من قبل ان اصلي
ومن قبل ان يعرف لبنان رفيق الحريري
اعرف زياد منذ سنة 1974 و(مين قال آه يا مدام )
زياد منذ ذلك الوقت لم يتغير
الذي تغير هو الاحداث ومشاهدها وشخصياتها
زياد هو زياد الذي قال له يوما جان شمعون وهو يحاوره سنة 1975
في برنامج بعدنا طيبين ...قول الله ، انا لبناني صميم باعتباره الاكثرية
الساحر في فن زياد الساخر انه يقرأ عن وجع وحسرة المراحل الاتية ولا يتأسف على الماضي
وهذا هو النص الاذاعي الذي كتبه زياد سنة 1975 حتى تصدق ان زياد لم يغير جلده ولا طبعه
_________________________
* خَيّي, لا تحاكيني و لا تقِل لي, أنا لبناني صميم.
- أنا مش عم قِلّك شي, يللي عم قِلّك ياه إنو الوضع اليوم بلبنان متعلّق بوضع الشرق الأوسط كله, و القضية الفلسطينية بالذات عم يِنْبَت فيها كِلاّ سوا هون.
*خَيّي, أنا لبناني صميم.
- منيح, بس قصة الحل اليوم قصة حل سلمي , و في قضية تحجيم المقاومة لتخضع للحل المفروض عليها و يللي ب يتطلّب منها تنازلات كتيرة أكيد مِش لصالحها.
* يا خَيّي أنا لبناني صميم.
- طيّب بسيطة, أنا رح إنزل جيب ربطة خبز.
* أنا لبناني صميم.
- عظيم, عظيم. بتوَصّي شي؟
* يا خَيّي أنا لبناني صميم.
- ليك, بدّك تدير بالك منيح إنت, لإن مَرْتَك قِشعوها مبارح ضاهرة هيي وواحد.
* أنا لبناني صميم, ما بفهم.
ولا مبارح الجيش السوري احتل بعلبك
- بعرف إنك ما بتفهم. طيب, قِللي قديش نمرة إجرك؟!
* خَيّي أنا لبناني صميم.
- بسيطة على كُلٍ. بخاطرك.
* وين رايح؟
- بدي فِلْ.
* لوين بدك تْفِل؟
- خيي بدي فِلْ. لإن ب يتهيّأ لي إنو ما في مجال نتفاهم.
* ليش ما في مجال نتفاهم؟ منتفاهم, ليش ما بدنا نتفاهم؟؟
- منتفاهم, عال. بس خود و اعطي عْلَيّي. مش كلما قِلّك شغلة تقللي (أنا لبناني صميم)!!!
* ليش خيي؟, ما أنا لبناني صميم.
- يا الله, هلق أنا عم قِلّك إنك مش لبناني صميم؟؟ أنا يللي عم بطلبوا منك إنك حاجة تقولها هيدي (أنا لبناني صميم)!!
* بدي قول. هيدي شغلة أنا مش مستحي فِيا. أنا لبناني صميم.
- طيب ليك, شو رأيك إذا قلتلك إنو أنا كمان لبناني صميم؟؟
* إيه, و أنا لبناني صميم.
- عَ راسي و عيني يا خيي, يا حبيب قلبي, يا تسلملي, إنت لبناني صميم و أنا لبناني صميم, صرنا اتنين. بس لازم نعمل شي من شان لبنان!!
* خيي, أنا ما دَخَلْنِي بكل هالإشيا, أنا لبناني صميم و بس.
- ما دخلك بلبنان؟؟!! كيف ما دخّلّك بلبنان؟؟!! لازم تعمل شي كرمال لبنان.
* ليك حبيبي, انا ما فارقة معي لا إنت و لا لبنان, أنا لبناني صميم و مش فارقة معي الدنيا كلها.
http://almashriq.hiof.no/lebanon/700/780/z...nani-sameem.mp3
(إنتهى).
وهيدي حلوة من سنة 1976
http://almashriq.hiof.no/lebanon/700/780/z...zens-letter.m3u
إبتهال - الداعية زياد الرحباني - حسان المعري - 11-21-2006
حجي رحمة مرحبا .. كيفك .. بخير؟
أنا لا أقصد زياد بحكاية التعريص الفكري ، بل أقصد .. ولا بلاش :D
زياد الرحباني بكره بيحكي غير شكل ، وبعد بكره رح يحكي غير شكل عن الشكل الي قبله .. وهكذا .. وعني ، فأنا أحبه بكل تجلياته ..
اذا بدنا نحكي عن تكتلات وتحالفات ، فاليوم الشيوعي والشيعي في خندق واحد ضد الحكومة ..
وسبحان من جمع ووفق يا مولانا
ويسعدلي صباحك
إبتهال - الداعية زياد الرحباني - Mr.Glory - 11-21-2006
يعني رحمة منحكيك من الغرب بتحكينا من الشرق!!
كامل يقول لك بكل وضوح ان سبب الاحتجاج على زياد أنه لم يقف موقف الحيادي ولم ينتقد نصر الله كما انتقد الآخرين! "كما هي عادته"
فإن كان زياد "لبنانيا" و"يحب لبنان" و"حريصا على لبنان" لانتقد نصر الله على الخراب الذي جره لبلده ...
فما هو ردك على هذه النقطة ... يكفيك لف ودوران على الموضوع ... يعني بصراحة بكل ردودك كنت عنيفا وديماغوجيا ولم تتطرق مرة واحدة للنقطة الأساسية!! فقط تدافع عن زياد ... لأنك تحبه ... يعني شو في بينك وبينه ما بعرف!!:23:
السؤال بكل وضوح : ألم يتخل زياد عن حياديته وموضوعيته عندما نقد فئة دون فئة أخرى ؟
إبتهال - الداعية زياد الرحباني - رحمة العاملي - 11-21-2006
ببساطة لان زياد الرحباني لم يثبت لديه ما تنسبونه من خراب البلد
للسيد نصرالله
بل ثبت لديه ان رؤوس الاكثرية الاكثرية كانت متفقة مع اسرائيل في خراب البلد
كما لم يثبت لدى زياد سابقا ان المقاومة الفلسطينية هي السبب في اندلاع الحرب الاهلية
شو هي الشغلة هات ايدك والحقني
ما عم نحكي من الصبح انو الفنان الحقيقي الحر كزياد لا يمكن ان تجعله الاحداث يفقد التمييز
بترجع بتقلي شرق وغرب ولأ لازم زياد يسب ويهاجم السيد نصرالله ليكون عادل
إبتهال - الداعية زياد الرحباني - Kamel - 11-22-2006
سيد رحمة
ما تراه في نصرالله هو ما تراه بعينيك لأنك شيعي
هذه كل حكياتك للأسف فلم اراك كمثقف تقف موقفا نقدي تجاه جماعتك
ما أراه في حس نصرالله مبني على وقائع "موضوعية" بداية من حماية قرى الجنوب من الانتهاكات الاسرائيلية والفلسطينية ونهاية بكونه احد الجنود المخلصين لايران
واقع مشوه افرز حزبا فاشيا مشوها على رأسه صاحبك لذلك فزياد يبدو انه اكثر من كمية الحشيش لا أكثر
إبتهال - الداعية زياد الرحباني - رحمة العاملي - 11-22-2006
اها :D
يعني اذا ما كان عندك شيعي بكون محشش
اي شوفيها
سليم الحص محشش كمان
وجوليا بطرس محششة
وجوزيف سماحة محشش
وجان شمعون محشش
في بعد كثير محششين بس مش براسي هلق
طيب يا خيي
محشش محشش
امرنا لله
إبتهال - الداعية زياد الرحباني - journalist - 11-22-2006
سليم الحص محشش كمان}}}لا لكن تحول من سني الى شيعي لكي يورث ابنته الوحيدة ..اي تنازل عن مذهبه لاجل مصالح عقارية تستفيد منها ابنته..وهل المذهب قميص يتغير كل يوم..ثم ماذا قدم هذا الرجل الى وطنه غير التناقض في اقواله.لدي مجموعة كتب بقلم الحص وفيها تناقض واضح مع ما يصرح به امام الناس والشعب..
وجوليا بطرس محششة }}}}لا بل محسوبة على حزب تابع للاسياد في سوريا وحزبها يبيع كلام وتملق للنظام السوري يوميا"..
وجوزيف سماحة محشش }}}كاتب مأجور في الاخبار التابعة للنظام السوري
وجان شمعون محشش }}}}} مثل السابق
ملاحظة :اذا كان اختيارك لتلك المجموعة وحدها وهم قلة ولا تمثل شيء من الساحة اللبنانية فتهنتئي لك على هكذا شعبية وعلى هكذا مستويات..
ملحوظة:عندما كان زياد الرحباني ابن الشعب والناطق باسمه عشقناه وأيدناه لكن ان يصبح مبيض طناجر وملمع اجواخ لدى جزاري سوريا ووكلائهم في لبنان فهذه مصيبة لا يمكن السكوت عنها
بيت الرحباني خرج منهم عباقرة ومازال منصور الرحباني الله يطول بعمره ..لكن زياد صاحب التملق وموجة التزييف للوعي الجماهيري اسلوبه لا يطاق ومرفوض