+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: جيش حليمه (/showthread.php?tid=2543)
جيش حليمه - سيستاني - 10-30-2008
Array
, لكن ما دمت اموت وانا اعلم انى ساموت فلابد انى مروحش فطيس زى ما انت قلت , ولازم اخد واحد ع الاقل معايا , ده لو مكنش اكتر.
[/quote]
عاشق
لو كنت ستاخذ معك أوباما فنسأل الله ان يتقبلك شهيدا شهيدا .
جيش حليمه - fares - 10-30-2008
الإعاشه -المعدات 2
أكثر ما لفت نظري للكارثه التي عشتها في جيش حليمه هو ما شاهدته في الجيش الأمريكي اثناء عملي بالعراق , شيئ يفوق الخيال وامكانيات رهيبه ( سوف اخصص لها مشاركه مستقله ) ابسطها ان كل جندي له صديريه واقيه والخوذه من الألياف وتأخذ شكل الرأس بالضبط فهي قصيره من الأمام وتحمي جانبي الرأس وخلفها , واتمعن في الجندي الأمريكي وهو عائد من المهمه خارج المعسكر واحاول ان اجد ثغره فيه فلا أجد وحتي تقتله يجب عليك ان تصوب النار بين عينيه مباشرة وجها لوجه او باستخدام عبوه ناسفه وغير ذلك فجسمه تقريبا كله عليه دروع ولم اري واقي الرصاص في الجيش المصري إلا مع الضباط والخوذه التي نرتديها متساويه من كافة جوانبها وهي عباره عن حله من الصلب وثقيله جدا ونادرا لو وجدت خوذه بأربطه سليمه من الداخل .
كنت اتحدث في يوم مع جندي امريكي , واخبرته اني كنت في الجيش المصري لمدة عامين , فقال لي هل كانت وظيفه , قلت له لا إجباري , وسألني هل كنت تتقاضي مال ولو علي كل رمزي قلت له نعم 10 دولار بالشهر فما كان منه إلا أن صرخ بـ fuck الشهيره , وانا ايضا قلتها من قبل بس مش fuck ولكن أحه
فعلا كان راتبي 56 جنيه يعني 10 دولار في الشهر , ويا ريت كانوا يسيبوهم في حالهم وتاخدهم كاملين , يوم استلام المعاش تلاقي ظابط الماليه اعطاك حاجات من الكانتين مش بتتباع أصلا , وعشان تفهم الحكايه يبقي لازم تفهم نظرية عمل الكانتين , فيه حاجه اسمه جمعية ضباط وصف ضباط القوات المسلحه , ومثلها مثل اي بقال عادي ممكن ياخد سعر مخفض لمنتج رائج , في مقابل أنه يشتري كميه من منتج غير رائج ويحاول يصرفها بمعرفته , وفعلا كانت جمعية ضباط وصف ضباط القوات المسلحه تشتري منتجات غير رائجه وتصرفها إجباري للوحدات العسكريه المختلفه ,( قائد الوحده او الكتيبه عشان يفتح كانتين داخل الوحده أو الكتيبه , يبقي لازم يشتري حصه ثابته من جمعية ضباط وصف ضباط القوات المسلحه ) ولما كنت اروح استلم راتب الشهر (56 جنيه ) يديني ظابط الماليه 46 جنيه فقط والعشره جنيه الفرق كان يديني بـ 5 جنيه لب ( ايوه لب , ومن صنف معفن ميتاكلش اصلا ) و 5 جنيه بسكويت ولبان ومصاصه :P , اقوله يا حاظابط محمد بذمتك انت خدت بجنيه واحد من الكانتين او أي حد من الظباط والصف ظباط , قالي قصدك ايه يا عسكري , قلت له يعني الرحمه حلوه ,تديني بـ 10 جنيه لب وبسكوت , طيب اديني سجاير , مفيش سجاير ولو مش عاجبك عندك رئيس العمليات ولا قائد اللواء روح قوله , وطبعا كنت اسب له هو قائد العمليات وقائد اللواء في سري وامشي .
جيش حليمه - eyad 65 - 10-30-2008
رائع يا سيد فارس , حلو جداً .
ذكرتني بايام خدمتي مع فارق بسيط أنني كنت صف ضابط مو جندي يعني الوضع أحسن بشوي .أصعب شيء في الجيش هو الأيام الأولى يعني فترة التاقلم والانتقال من حياة العز والرفاه والصديقات الحقيقيات يعني من لحم ودم إلى مجتمع صور السكس والنساء العاريات التي تملأ الحيطان وكل هدا من نشفان قلب العسكري , اذكر بعد التحاقي بكام يوم سمعت اسمي ينادى عليه للزيارة وركضت من شدة فرحي لتوقعي أن يكونوا أهلي , ولكن كم كانت صدمتي عندما رأيت حبيبتي الحمصية ومعها صديقتها التي تشبه جوليا بطرس في انتظاري طبعا خوفي في محله إذ أنه عندما رأوني انخرطوا في البكاء وكأنهم يرون سجين يقضي عقوبة اشغال شاقة مؤبدة في سجن تدمر الصحراوي من تغيرمظهري ومنظري .
بعد أن ذهبوا أحاطني حرس المعسكر بود غير معهود وكلهم يحاول أن يعرض علي خدماته أملاً أن أطبق له الفتاة الأخرى .
ننتظر منك المزيد يا أخ فارس .
مع تحياتي
جيش حليمه - fares - 10-31-2008
الأعاشه والمعدات
خدمات خدمات خدمات ......... يا حبيبنا يا بلديات
خدمة ايه اللي تخليك ......... حتة شاويش يتحكم فيك
ده ان لقيت شاويش انسان ....... هتلاقي المبيت تعبان
يا شاويشنا صدق من قال ........ روح الله يجازيك
خدمات خدمات خدمات ....... يا حبيبنا يابلديات (اغنية سلامات لناديه مصطفي بعد تعديلها )
خدمات الحراسه داخل جيش حليمه تنقسم لقسمين ,خدمة خفيف الحركه , والخدمه الثابته
خدمة خفيف الحركه وهي تكون عدد من الجنود حسب قوة الوحده العسكريه كمثال في اللواء 3 كتائب وكتيبة القياده ومن كل كتيبه 5 جنود وجندي سائق مع سياره قويه ( بيجاسو عادة ) من كتيبة القياده يصبح المجموع 16 جندي ومعهم 2 صف ضابط و1 ظابط وكلهم يحملون بنادق آليه وذخيره واحد الصف ضباط يحمل RBG وكلهم متواجدين في مكان واحد بكامل تسليحهم ومستعدين للتدخل السريع والقتال في أي لحظه , ودائما هناك 3 جنود واقفين خدمه ويتبادلون مع زملائهم, والفكره في حد ذاتها جيده جدا وفعاله إلي أقصي حد , بشرط حسن أختيار العناصر , طبعا ان كل ما امر من قدامهم واشوف العساكر اللي واقفه خدمة خيف الحركه وافتكر مثلا وحدات التدخل السريع اللي بنشوفها في الأفلام , افطس علي روحي من الضحك من منظرهم , طبعا معظمهم مثلي لم يطلق رصاص طوال مدة خدمته سوي مره واحده في مركز تدريب , ناهيك عن اجادته لأي فنون قتاليه كـ الكراتيه أو الكنغ فو , وطبعا الللي موجود هما العساكر بس الظابط وال2 صف ضباط اللي مفروض يكونوا معاهم مش موجودين , وتعدي عليهم حالتهم , تقطع القلب لأن المفروض يكون فيه غرفه أو عنبر كمبيت لخيف الحركه يتواجد فيه الجنود لما يكونوا مش واقفين خدمه , وللأسف ده مكنش موجود , واللي كان بيحصل ان الجنود كانوا بيناموا علي الارض تحت السياره البيجاسو صيفا وشتاء , ولك ان تتخيل عزيزي القارئ إقامتك في العراء في جو الصحراء ونار الشمس اللافحه وزمهرير الشتاء القارس , وانت فارش بطانيه علي الارض ولا واقي سوي ظل سياره حربيه , وفي مره كنت انا واقف خدمه علي مخزن السلاح وكنا في عز الشتا والسما بترمي ثلج والواحد فينا اقدامه تجمدت داخل الحذاء وبيحتمي في مبني مخزن السلاح اللي كان عامل مربع ناقص ضلع مثل حرف U والعساكر بتوع خفيف الحركه جم (جمع جاء بالعاميه المصريه ) يناموا في مخزن السلاح , وطلع العقيد احمد زكريا في احدي نوبات جنونه في الفجر يتفقد اللواء وذهب إلي خفيف الحركه فلم يجد سوي 3 جنود واقفين خدمه وسأل عن باقي الجنود الخاليين من الخدمه واللي مفروض متواجدين بجوار زملائهم الخدمه فقالوا له انهم نايمين في مخزن السلاح من البرد وراح علي مخزن السلاح وطلع الجنود بتوع خفيف الحركه وصحاهم من النوم وقعد يكدر فيهم في الفجر وقلعهم جميع ملابسهم ما عدا اللباس الداخلي (إسكن , اسمها كده في الجيش ) واستمر يتسلي عليهم وهم عرايا في عز الشتاء من الساعه 4.30 وحتي الساعه 6.00 صباحا و6 عساكر منهم جاتلهم حمي و2 من الـ 6 جالهم التهاب رئوي وفي طابور الصبح فتح العقيد تحقيق حول الموضوع وسأل عن الظابط وصف الظباط اللي مش متواجدين في محل خدمتهم , فرد الظابط حسن ان مكان الخدمه مفيش فيه غرفة مبيت , قال له العقيد ان غرفة الإشاره فيها مكان , قاله الظابط فيها سرير واحد وكان نايم عليه صف ضابط من خدمة خفيف الحركه وهو الرقيب اول عاشور والرقيب عبدالفتاح كان موجود في في عنبر كتبة القياده وده بجوار مكان الخدمه , وانا مش هنام علي الأرض في البرد تحت السياره يا سيادة العقيد , وطبعا كلام الظابط منطقي جدا , والعقيد معرفش يعمل معاه حاجه , ولم يأكل الخري في هذه الليله سوي الجنود .
ده عن خدمة خيف الحركه ومعانتهم صيفا وشتاء , اما عن الخدمات الثابته فحدث ولا حرج بنبقي 3 جنود ( برينج , كينج , شينج ) كل واحد 8 ساعات في 24 ساعه والخدمه بتبدأ من السادسه مساء وحتي السادسه من مساء اليوم التالي وبتكون كالتالي
برينج 6---8
كينج 8---10
شينج 10 ---12
هذه ال6 ساعات الأولي
برينج 12--- 2
كينج 2 ---4
شينج 4---6
هذا عن ال6 ساعات الثانيه وبذلك تنتهي الخدمه اليليه
برينج 6 ---10
كينج 10 ---2
شينج 2 ---6
هذا عن الخدمه النهاريه وبذلك يكون اليوم قد انتهي
ولو لاحظتم ال24 ساعه مقسمه علي 3 افراد كل واحد 8 ساعات , 4 ساعات بالليل و4 ساعات بالنهار ولا مشكله في 4 ساعات النهار ولكن المشكله في 4 ساعات الليل وخاصة في الشتاء , فجنود الخدمه تنام في محل الخدمه , كنا بنفرش بطانيه علي الارض ونتغطي ببطانيتين وبطاطين الجيش خفيفه جدا ولما بنكون خدمه علي السلك الخلفي او الامامي او البوابه كنا بنام في العراء تماما , ( بتوع السلاح والذخيره كان بيلاقي حيطه ينام تحتها ) و2 مستحيل يناموا الخايف والبردان , وحتي تنام لابد لا انك تكون دفيان وعشان تدفا لازم يحدث عزل بينك وبين الجو المحيط والعازل هنا هو بطانيه بينك وبين الارض وتفضل عملية التبادل الحراري بين جسمك وبين البطانيه لحد ما تتعادل درجة حرارة جسمك وحرارة البطانيه والعمليه دي بتاخد في الشتاء في الصحراء وفي العراء ال4 ساعات اللي بين خدمتك الاولي وبين خدمتك الثانيه , يعني بعد ما تخلص خدمتك الأولي تفضل تنتفض تحت البطانيه لحد ما تيجي خدمتك الثانيه , ولو هطلت امطار يبقي تنسي انك تنام في ليلتك السوده , واللي كان هيجنني ان فيه 6000 طوبه وطن اسمنت صرفيه للوحده لأستخدامها فيما هو ضروري وتحدثنا الي قائد اللواء وطلبنا منه استخدام الطوب والاسمنت في بناء غرف صغيره تكون مأوي لأفراد الخدمه ووعد بالنظر في الأمر وفي النهايه قرر رئيس العمليات استخدام الطوب والاسمنت في تجميل ارض الطابور وعمل احواض زرع امام مكتبه ومكتب العقيد ومكاتب قادة الكتائب :D:
جيش حليمه - Free Man - 10-31-2008
متابع :roll:
جيش حليمه - neutral - 11-01-2008
Arrayكنت اتحدث في يوم مع جندي امريكي , واخبرته اني كنت في الجيش المصري لمدة عامين , فقال لي هل كانت وظيفه , قلت له لا إجباري , وسألني هل كنت تتقاضي مال ولو علي كل رمزي قلت له نعم 10 دولار بالشهر فما كان منه إلا أن صرخ بـ fuck الشهيره , وانا ايضا قلتها من قبل بس مش fuck ولكن أحه [/quote]
أنت عارف العسكرى الأمريكى بياخد كام فى الشهر?
فى حدود 1400 دولار
قد يبدو لك المبلغ كبير لكن لاتنسى إنه متطوع وليس مجند وتضع فى إعتبارك مستوى الأسعار بأمريكا وماتدفعه الوظائف الأخرى لتعرف حقيقة ال1400 دولار تلك
فى منطقة نيويورك ونيوجيرسى علشان تأجر شقة من غرفة نوم واحدة فى منطقة مقبولة فلن تجد سعر أقل من 800 إلى 900 دولار( أنا كنت مستأجر شقة فى نيوجيرسى فى مدينة تسمى فورت لى قريبة من مانهاتن ب850 دولار فى الشهر وهذا الكلام سنة 2000!) وعلشان تدفع فواتير الكهربا والغاز والتليفون والتلفزيون فعلى الأقل تحتاج من 200 إلى 300 دولار( أنا أخر فاتورة كهربا دفعتها للبيت كانت 650 دولار!) أضف لذلك تأمين السيارة وتكاليف البنزين والصيانة وهى أشياء ضرورية ستكتشف أنه لمجرد أن تعيش فى أمريكا فأنت تحتاج ل2000 دولار شهريا لكى تبقى رأسك فوق مستوى الماء ولاتغرق
الأمريكى المتطوع فى الجيش مثله مثل المصرى المتطوع به بمعنى إنه رامى بلا دين أمه على الجيش أكل وشرب ونوم ولبس والمرتب يحطه فى دكة اللباس ولو راجل طلع منه سحتوت والمصرى قد يكون له عذر أن يفعل هذا بنفسه على أساس أن فرص العمل الأخرى محدودة لكن عندما يفعل أمريكى هذا بنفسه أعرف إن فى حاجة غلط
أنت فى أمريكا لو أشتغلت فى مطعم وجبات سريعة ستحصل على ال1400 دولار شهريا بدون بهدلةالجيش ولو وقفت فى بنزينة ومن النوع الحرك هتطلع حوالى 2000 دولار فى الشهر ولو أشتغلت فى شركة ليموزن هتطلع فى حدود من 4000 إلى 5000 دولار شهرياد ه غير السرقة:lol22: ونفس الوضع بالنسبة للتاكسى ولو ضغطت على نفسك ممكن توصل إلى 7000 دولار شهريا..... أنت عارف عربية الأكل اللى فى الشارع اللى بتشوفها فى الأفلام! دى بتطلع فى حدود 200 دولار يوميا....
أنت عارف عربية الأيس كريم اللى بتشوفها برضه فى الأفلام, دى لو أشتغلت عليها صح فى الموسم بتاعها وهو شهور الصيف ممكن يوميا تطلع بحدود من 300 إلى 500 دولار ده غير أمهات الأطفال الأبرياء الذين ستتمكن من تحقيق إتصال بهم.
أنا أشتغلت مرة فى شركة الكابل وهى الشركة المسئولة عن توصيل الإرسال التلفزيونى للمنازل وكنت بعمل نص الشغل لهم ونص الشغل لحسابى الخاص بينى وبين الزبون فى الخباثة لدرجة أصبحت لاأعد الفلوس التى معى من كترها .
يامؤمن أنا كنت بعمل أوفرتايم وأنا نايم وأنا هنا لاأبالغ ولكن هذا حدث بالفعل حيث إنى قلت لنفسى بدل ماأروح أنام فى البيت أشوف شغلانة سيكيوريتى بليل أنام فيها والحسابة بتحسب وبالفعل لقيت شغلانة بتلك المواصفات فى موقع للبناء وكنت أروح أستلم الشفت الساعة 11 ليلا أكون نايم فى التريلر بتاع المهندسين 11 ودقيقة ولاأستيقظ إلا فى السادسة والنصف صباحا وخلال هذا الشفت مش هقولك لو حد جه سرق المكان والمعدات ولكن لو حد جه سرقنى أنا شخصيا لن أشعر به وكنت أقوم بهذا العمل 7 أيام فى الأسبوع بمعنى أن هناك يومين أوفر تايم حساب الساعة فيهم مرة ونصف حساب الساعة العادية بمعنى أن تمن نوم سعادتى فى أمريكا كان يكلف دافع الضرائب الأمريكى المسكين حوالى1600 دولار شهريا فما بالك وأنا مستيقظ ومنتبه وجاهز بماكينة الحلاقة لأى إنسان تسول له نفسه الإقتراب منى! وخلاصة الكلام إنك لو حبيت تعمل فلوس فى أمريكا حتى لو لم تكن مواطنا ووضعك غير قانونى وبتشتغل شغلانات أونطة هتعمل فلوس أما إنى أروح ألبس هذا الهباب بمحض إرادتى وهناك إحتمال إنى أقع تحت إيد الزرقاوى وب1400 دولار فى الشهر فدى فعلا محتاجة أحه كبيرة.
جيش حليمه - hany78 - 11-01-2008
Array
الإعاشه -المعدات 2
أكثر ما لفت نظري للكارثه التي عشتها في جيش حليمه هو ما شاهدته في الجيش الأمريكي اثناء عملي بالعراق , شيئ يفوق الخيال وامكانيات رهيبه ( سوف اخصص لها مشاركه مستقله ) ابسطها ان كل جندي له صديريه واقيه والخوذه من الألياف وتأخذ شكل الرأس بالضبط فهي قصيره من الأمام وتحمي جانبي الرأس وخلفها , واتمعن في الجندي الأمريكي وهو عائد من المهمه خارج المعسكر واحاول ان اجد ثغره فيه فلا أجد وحتي تقتله يجب عليك ان تصوب النار بين عينيه مباشرة وجها لوجه او باستخدام عبوه ناسفه وغير ذلك فجسمه تقريبا كله عليه دروع ولم اري واقي الرصاص في الجيش المصري إلا مع الضباط والخوذه التي نرتديها متساويه من كافة جوانبها وهي عباره عن حله من الصلب وثقيله جدا ونادرا لو وجدت خوذه بأربطه سليمه من الداخل .
[/quote]
سمعت عن قناص بغداد؟؟؟ اتفرج على الفيديو ده وشوف ايه رأيك كانوا بيموتوا إزاي برغم كل التحصينات اللي لابسينها ومنبهر بيها, انا صدمت لما شفت الفيديو ده, دو كانوا بيتنشوا زي العصافير ببندقية الرش في مصر!!!
http://www.archive.org/details/BAGDAD--SNIPER
جيش حليمه - lellou - 11-01-2008
ابو الفوارس
تحية
احنا متابعين بتركيز .....................شكرا
بس مين حليمة يا ترى
ما قدرتش اقرا كل الشريط كلمة كلمة
جيش حليمه - ugarit - 11-01-2008
طلع السطل الدخاني تبعنا متطور جدا مقارنة مع ما عندكم و انا كنت فاكر العكس:what:
جيش حليمه - fares - 11-02-2008
Array
أنت عارف العسكرى الأمريكى بياخد كام فى الشهر?
فى حدود 1400 دولار
قد يبدو لك المبلغ كبير لكن لاتنسى إنه متطوع وليس مجند وتضع فى إعتبارك مستوى الأسعار بأمريكا وماتدفعه الوظائف الأخرى لتعرف حقيقة ال1400 دولار تلك
[/quote]
عفوا نيوترال
مين هو العسكري اللي بياخد 1400 ؟
شاب او فتاه من المكسيك او الكاريبي ولا يتقن الإنجليزيه ويرغب في تعديل وضعه القانوني في أمريكا , وهو أصلا ضاربه السلك وساكن في مزرعه نائيه في تيكساس او اوكلاهوما أولويزانا ( قصدي انه ساكن في مكان ايجاره محدود ) ومعظم من قابلتهم في العراق هو من الغرب والوسط الامريكي ونادرا ما قابلت جندي من نيويورك او كاليفورنيا , وبعدين هو بياخد 1400 دولار صافي بدون ضرائب وزي ما قلت مبيصرفش إلا للضروره , و مع مرور الوقت
راتبه بيزيد , واللي بيروح العراق او افغانستان بياخد دبل راتبه , نحن هنا لازلنا نتحدث عن شاب مهاجر , لكن المتطوعين بالجيش وخاصة الفنيين منهم لهم حساب مختلف والجيش الأمريكي ليس علي درجه واحده , فالقوات الجويه والمارينز , امتيازاتهم ورواتبهم أفضل من الجيش , وبعدين ليس الجيش الامريكي وحده , بل كل جيوش العالم معظم المتطوعين بها ضاربهم السلك وقدراتهم محدوده .
وبعدين انت عاوز تجيب عيل أمريكي كان بيروح المدرسه وبيرجع في باص وبياخد حصص موسيقي وبيشترك آخر السنه في مسرحية , لواحد شبرواي مثلك دوب (اذاب ) حديد التروماي
طيب انا قابلت شخصيات لذيذه هناك في العراق منهم قطه عندها 19 سنه من مينيسوتا ودخلت الجيش عشان توفر تكاليف دراستها الجامعيه , لو كان شافها الوليد بن طلال كان منحها نص ساعات الارسال لأحدي قنوات روتانا تغني فيها براحتها .
وعندي ليك سؤال يا نيو , ما سر جاذبية السمراوات الامريكيات , وانا في مصر عمري ما انجذبت ولا فكرت اكلم بنت سمرا (السمار الداكن ) وحتي لو حاولت هيا تفتح كلام معايا كنت بقصر معاها , لكن بصراحه انا شفت دلال وغنج من الزنجيات الأمريكيات , حاجه مش معقوله , لدرجة اننا لما كنت اقارنهم ببنت بيضاء كنت بشوفهم اكثر إثاره .