(09-02-2011, 09:01 PM)خالد كتب:  شوفي يا إنسانة

لمن الواحد يروح عند جماعة قاعدين ببيتهم ويحاكيهم بالمليح، أكيد رح يطلعوا عقلاؤهم ويردوا عليه
ولمن الواحد يروح عند الناس هظول ويطلعلهم لسانه ويصير يبعبص ويسب من الزنار ونازل فأكيد يللي رح يرد عليه هم زعرانهم، لأن كل عالم عندها أوادمها وزعرانها

يعني أكيد المستوى الهابط بحديثك عن القرآن بده يكون جوابه من أبو شادي السلفي، هاي في حال كنتي سعيدة الحظ، وما اجا على بال من هب ودب يآجر، وأكيد يللي براسه عقل بس يشوفك عم تلقي الخطب العصماء ما رح يكلف خاطره يرد، بجوز يقول اللهم ثبت علينا نعمة العقل


ما علينا، بالنسبة لبي أسك فنحنا آسفين، عين ألف ميم ألف نون ياء عالماني، لأن النسبة للعالم مقابل الإله وليس النسبة للعلم حتى نقول علماني. فالعلم يوجد عند العالماني وغيره، لكن مصدرية النظم والأفكار والمعالجات ومقياس الأعمال وسلم القيم عند العالماني هي العالم وليس الإله بغض النظر عن وجوده. 

(09-02-2011, 11:45 PM)خالد كتب:  له ولو بتفكري سهل خالد يعصب؟ بعدين انت ريتو يللي بعصب منك الله يجعله زيك

يا بنت الناس بتحكي باسلوبك هاد ببقى حوارك عبارة عن مونولوج، اما بينك وبين نفسك، او بينك وبين نفسك برضك، ولمن تملي رح يرجع بينك وبين نفسك. مو فرقانة يعي، وعلى قولة المثل اسلمت سارة لا فادت الاسلام ولا ضرت النصارى، وبقولوا كمان اسلم مسعود لا فاد الاسلام ولا ضر اليهود، ومتل ما قال الشاعر
ما زاد حنون في الاسلام خردلة ـ ولا النصارى لهم شغل بحنون

يعني عجبك الاسلام والقرآن مليح، ما عجبك أحسن، وبدك تستعملي حكي ماسخ بالحكي عنه فينا نقول أحسن تكعيب، لان اسلوب كلامك هاد هو نفسه يللي رح يخلي العالم العامة تهرب منك، وانا شو بعملك يعني، بتصيري الوجه الاخر لعملة ابو شادي، ليكها صورته تاني موضوع على ايدك الشمين

بالنسبة للعالمانية او يقال العلمانية بفتح العين، لو ما بصير الموضوع تضليل متل ما متعودين صحابك يعملوا، شنو روح قلبهم التضليل وشغل الحواة، والا ما فارقة معي تكسير اللغة، لكن التركيز على صحيح اللفظ هو لمنع اللغوصة بين شي وشي تاني.