+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: الإفراج عن إسراء (/showthread.php?tid=5390)
الإفراج عن إسراء - Serpico - 04-24-2008
طبعا لازم نعيش ونفضل نعيش تحت الجزم مادام احنا مش محترمين نفسنا ومش مقدرين حقوقنا ولا قيمتنا كبشر ودائما في مظهر "المعتذرين" apologist....وكان الحكومة تمن علينا انها بتعذبنا بحنية او انهم بيقبضوا علينا اسبوع وبعد كده يسيبونا فالمفروض نبوس ايدينا وش وظهر ونشكر كرمهم انهم معذوبناش ونشكر الريس بالمرة
صعب نعيش بكرامة ونفكر في انفسنا كسواسية مع السادة....لازم نفضل معقدين وحاسين اننا اقل دائما....سواء السادة العسكريين او السادة اصحاب العيون الزرق
انا حقي اطالب بيه كاملا وبعد ما اخدة اقبل اعتذار من كان مغتصب حقي او ارفضه(لكن لا اشكرة على اعطائي حقي)
انا لن استجيب لمحاولات متخلفه لتخويفنا باستخدام فزاعات وهميه(زي ما بيخوفو الامريكان بالقاعدة)
والحكومة النجسة دي موظفه عندي كمواطن مهمتها العمل على رفاهتي وليس مصلحة البلاد العليا لان مصلحة البلاد العليا هي في رفاهة الشعب مش في رفاهة السادة
اسفووو كمان مرة
حرقتوا دمي منكم لله ... منكم لله بجد
الإفراج عن إسراء - أمان - 04-24-2008
مبروك الإفراج عن إسراء
لإسراء(f)(f)
Array
فيه مقولة تقريبا منسوبة لعلي بن أبي طالب وهي "لو علمتم الغيب لاخترتم الواقع" وبالبلدي، اللي تعرفه أحسن من اللي تعرفوش.
[/quote]
صديقي ابراهيم
:97:
نحن جماعة دقيقين
:bouncy:
وبالبلدي عنّا منقول:
" النحس يلي بتعرفه أحسن من السعد يلي بتتعرف عليه"
<_<
عزيزتي ليلى
(f)
نعم..........
الحرية لها ثمن
وثمنها غالي جداً
وإذا قرر مجتمع العيش بكرامة
فيتوجب على جميع أفراده المشاركة بدفع الثمن
تحياتي ومودتي للجميع
:yes:
أمان
الإفراج عن إسراء - إبراهيم - 04-24-2008
ستنا ليلى، مساء الورد...
أولاً، صحيح أن صدام كان دكتاتور بس شعوبنا يا ليلى ما تحترمش الحرية. تصوري لو المتطرف كمثال عايز الحرية، هو عايزها ليه؟ عشان يتحكم فـ التانيين.. نحن كعرب إجمالاً لم نستوعب تماماً معنى الحرية. صحيح صدام كان دكتاتور بس الكل كان يحبه. ما لا أفهمه للآن يا ليلى هو أنه لا توجد بنت عراقية واحدة إلا وتحب صدام من كل قلبها. كمثال قريب، خدي عندك مريم. صدام حفظ للوطن وحدته وكان لازم يحافظ عليه ومش يسمح لحد بتجزأته. مريم ماركسية ولكن لأجل ما فعله جورج بوش بوطنها جعلها تتضامن مع هذا الوطن ومع أبناءه المسلمين ومن ثم أعلنت من جديد أنها "مسلمة".
مقدر تماماً رفضك للظلم وللاستعباد وأوافقك... بس تصوري لو واحد تاني جه كبديل لحسني مبارك؟ هل تضمني إنه يطلع أحسن؟ لما شالوا الملك قالوا خلاص راحت أيام الملك والفساد... أنا شخصيا عايز الملك فاروق يرجع من الطربة ويصبح ملك مصر من أول وجديد. لما الواحد بيبص على تركيبة التاريخ ماشية إزاي، بيقول، جايز احنا اتسرعنا شوية.
Arrayانت يا ابراهيم هل كان ممكن ترجع تانى عن قرارك رغم كل اللى شفته من امن الدولة؟[/quote]
قراري وتدخل الناس فيه من أطرف ما سمعت من حكاوي ألف ليلة. واحد في ترحاله.. زعلانين ليه؟ سيبوه في حاله.. لكن لا. الشعب أصلا معدنه وسخ يا ليلى. الناس لا ترحم ولا تترك رحمة ربنا تنزل. والبوليس لما تدخل مش عشان إبقائي في هذا الدين أو منعي من دخول ذلك الدين. صدقيني لا. المشكلة بالنسبة للبوليس حاجة واحدة وهي: منع حدوث الشغب الجماعي. البوليس صحيح تدخل في حالتي بس لو ما تدخلش يا ليلى، عارفة كان هايحصل إيه؟ واحد جارنا حشاش وبكل بساطة قال: يا جماعة، خلونا نخلص، لو عايزين تقتلوه اقتلوه، ولو عايزين تسيبوه سيبوه. ما شهادة قائل هذه الكلمة أو مؤهله الدراسي؟ للأسف حامل ليسانس تربية ومدرس. رجل تربوي. كان لابد أن يتدخل البوليس في حياتي ويضع هؤلاء الكلاب في مكانهم الصحيح مادام الأمر بهذه البساطة اقتل هذا واعط الحياة لذلك. أؤكد لك يا ليلى من خبرتي مع رجال البوليس في مصر أنهم عاملوني معاملة ملوكية باستثناء رجل في المخابرات وكل ما في الأمر أنه كان يحاول الحصول على المعلومة بطريقته بحسب ما دربوهم في روسيا أيام عبد الناصر... لكني تقابلت مع الشاعر منهم وناس مثقفة منهم كثيرة. البوليس في مصر هدفه ضبط حالة الغوغاء واللي هي سمة غالبة على الشعب المصري.. مجرد واحد بس يقول: الحقوا الغازية هتلاقيهم قلعوا البناطيل وجريوا وتطلع في الآخر معزة. شعب وسخ. هذا آخر ما وصلوا إليه. لابد من ضبط هؤلاء بالضبة والمفتاح، سياسة الدم والحديد هي ما ينفع معهم فقط.
Arrayلو رجع بيك الزمن هتعمل نفس اللى عملته؟
و لا كنت هتفضل مصرى مسلم مسالم بيقول حاضر و طيب و نعم [/quote]
لأني عشت فيما بعد في مكان يقدس الحرية، من داخلي شخصياً عندي المهم هو أن البني آدم يكون من الداخل نضيف ويعمل الخير للكل. حالياً، أعمل وبفرح شديد تصوير لكم رهيب من الكتب الإسماعيلية وأنا لست إسماعيلي بالمرة. هي مسألة تقديس حرية الآخر وتقديس ضميره فيما يعبد أو لا يعبد. عملوا هوجة كبيرة على الفاضي وكأن المسألة هي خروج من فريق لفريق والواحد لا حصل مسلمين ولا مسيحيين. الطرفان تنازعا أيهما يكون هذا الشخص أحق بملكيتهم له وهو في النهاية يشمئز من المسلمين والمسيحيين ويقول: هو إيه اللي حصل من البداية؟ هو كان في إيه من أساسه؟ كل إنسان بداخله ترحال في بحث عن الحقيقة وصراعه الداخلي مع أسئلة قد تؤرق مضجعه وكل همه الحقيقة ولكن الناس لا تسكت وتريد أن "تملك" الشخص ملكية كاملة.
Arrayيمكن تاخد وقت طويل لحد ما تخف من جزء من الصدمة، لكن هتتجاوز الكتير منها إن شاء الله[/quote]
مع الـ تراما trauma فيه حاجة اسمها flashback... مثلا لأن ضابط المخابرات الذي كان يستجوبني كان يقف من خلفي، للآن وقوف شخص ما خلفي يأتي لي بـ فلاشباك وأمنع أي إنسان كائناً من كان من الوقوف خلفي ولو للحظة. جروح غائرة في النفس مع أن هذا الموضوع مر عليه عشرين سنة وأكتر. ولك أن تتصوري بنت في عمر الزهور مثل هذه وستصبح يوماً أم وكيف ينعكس هذا على حياتها ولو عمل واحد من أطفالها حركة معينة وجابت لها ذكرى flashback في الرأس.
مبدأيا، موافقك تماماً في كل كلمة بتقوليها... ولك كل تقديري وتأيدي المطلق في قولك لا وبصوت عالي في مواجهة الظلم.
بستان من الورود لكِ :redrose:
الإفراج عن إسراء - سيسبان - 04-24-2008
Array
شعب وسخ. هذا آخر ما وصلوا إليه. لابد من ضبط هؤلاء بالضبة والمفتاح، سياسة الدم والحديد هي ما ينفع معهم فقط.
[/quote]
ايه كل ده يا ابراهيم
انا معك فى ان هناك جزء من الشعب لابد ضبطه بالضبه والمفتاح زى ما تفضلت سيادتك وقلت
لكن ما تعممش يا ابراهيم وبعدين انا ملاحظه انك متحامل اوى على الشعب المصرى :D:
يا ترى ايه السبب:(
الإفراج عن إسراء - إبراهيم - 04-24-2008
يا سيسبان،
فيه الشعب المصري وهو الناس الحلوة زيك وزي ليلى.. ناس من معدن نضيف ومنشأ أصيل و"أولاد ناس"
وفيه الشعب المصري وهو الشق الآخر من المجتمع ودول الأغلبية.. هؤلاء يتعاملون مع الـ "آخر" وكأنهم يملكونه. لا احترام لفردية الآخر وتفرده. وأشياء وأشياء ربما الكل يتفق عليها. هؤلاء هم سواد الشعب وبحقهم قال شيخ الأزهر مخلصا ومعه الحق كل الحق إنهم "أمة من الرعاع". أخلاقيات الرعاع هي السائدة. حتى طريقة تظاهرهم هي طريقة ناس رعاع وغوغاء. مثل هؤلاء تقريباً بحاجة للبتر من الوجود ويزرعوا تقاوي بشر من أول وجديد وتنبت الأرض بزرع جديد لناس تقدس الحرية وتقدس أحقية واحد مثلي أن يصبح عازية أو عاهرة إن هو ذاته شاء.
الإفراج عن إسراء - سيسبان - 04-24-2008
Array
فيه الشعب المصري وهو الناس الحلوة زيك وزي ليلى.. ناس من معدن نضيف ومنشأ أصيل و"أولاد ناس"
[/quote]
ماشى يا هيما عرفت تاكلنى بالكلام
بس انا لسه عند رأيى فى انك متحامل شويتين علينا
لك
:redrose:
الإفراج عن إسراء - Tamer - 04-24-2008
يا ريت يا جماعة ردود الأفعال اللي عند كل حد فينا يخليها لنفسه
إسراء دفعت تمن غالي لوحدها أعتقد إننا كنا بنطالب بحريتها مش بنطالب إنها تموت نفسها عشاننا
محدش فيكو عاش تجربة الاعتقال دي خصوصا لو بنت
محدش عارف إيه اللي حصلها
وإيه اللي اتهددت بيه
إسراء استخدموا معاها أقسى إجراء ممكن وهو الاعتقال الإداري يعني اتصرفوا برة أي قانون يعني معندهاش امل في محكمة ولا نيابة ولا أي حاجة
اتخطفت بقرار من حبيب العادلي وخرجت بقرار منه
محدش مننا خرجها
إسراء كانت معزولة عن العالم طول الوقت اللي فات لا بتدخل نت ولا حتى بتقرا جرايد ومتعرفش إيه اللي حصل ومعندهاش أي فكرة عن الجروبات والبانرات وكل الكلام اللي اتكتب عنها
إسراء مجرد بنت مصرية حرة جتلها الدعوة دي وعملت جروب كلنا اشتركنا فيه وحصل الحصل فى يوم ستة ابريل
إسراء ما طلبتش من حد تبقى زعيمة ولا قالت إنها مستعدة تضحي بحياتها عشان احنا ننبسط ونصقف
إحنا اللي صنعنا ده ومخدناش رأيها فيها
إسراء طول الوقت اللي فات عدت على جهات كتير من أول أوسخ مستوى في الداخلية لحد الأمن القومي
هما لقوا فيها كبش الفدا لفشلهم في قمع الإضراب ويظهر إن ناس فينا عايزينها برضه كبش فدا
سيبوا إسراء في حالها واحمدوا ربنا إنها رجعتلنا
محدش فيكم عارف حصلها إيه ولا خرجت بناء على إيه
يا ريت كل واحد فيكم يفكر ويحط نفسه مكان إسراء دلوقتي بعد كل اللي اتعرضتله
ويحط افتراض انها ممكن تكون خرجت بعد تهديد بالتعرض لأمها مثلا أو بتلفيق قضية آداب ليها وهي بنت في مجتمعنا اللي انتو عارفينها وده أسلوب متبع جدا عند الداخلية
أو بتهديد إنها لو اتكلمت هيتقبض عليها تاني ومش هترجع
صحيح الكلام اللي قالته كلام يضايقنا كلنا ومكنش اللي احنا عايزين نسمعه بس ده اختيارها بناء على الظروف اللي اتحطت فيها والتمن اللي دفعته لوحدها واحنا كنا قاعدين نكتب نحرر وننشر فى المواقع الحقوقية التحديثات لمجريات الاحداث وعلى المدونات وعلى الفيس بوك واحنا برضه في بيوتنا قدام التكييف
يا جماعة إحنا بنغير بلد بنحرر شعب في معركة طويلة وليها خساير
القضية مش واقفة على إسراء ولا عمر ولا حسين
القضية قضية الشعب ده اللي كلنا عارفين هو اتظلم واتنهب قد إيه
معركتنا هنكملها لأن نتيجتها هتحدد مستقبلنا ومستقبل ولادنا
انسوا أي حاجة تانية وركزوا ع الهدف
وما تساعدوش العادلي وكلابه في تحقيق خطتهم
إسراء دفعت تمن محدش فينا دفعه وأجبروها على ده وأنا متأكد إنها بتعمله غصب عنها ومفيش حاجة اتغيرت في أفكارها خصوصا بعد الوساخة الل شافتها منهم
هتبقوا إنتوا والعادلي عليها ؟
ارحموها يا رجالة بشنبات واللي عايز شهدا وضحايا للتغيير قدامه الميدان يتفضل يورينا نفسه
وبعدين محدش فيكم فهم حاجة من كلامها اللي قالته في الأخر
إنها عايزة تخرج من مصر ومترجعش محدش فهم الرسالة الضمنية في الكلام ده
هي لو كانت غيرت موقفها أو قابلة الوضع اللي حاصل كانت هتقول كدة ؟
إسراء م الاخر بتقول بعد اللي حصل من الكلاب دول ومحدش منعهم مبقاليش عيشة في البلد
حمد لله على سلامتك يا إسراء
واحنا كنا بنشتغل عشان مصر
مش عشان إسراء ولا معارضة ولا احزاب هشه نجسة واى اضراب تانى هيتم المتاجرة به هتكون دى ننتائج التغير فشل وضحايا ومتاجرة واحباط حلم اى شاب بيحلم بالحرية
يستلزم مواقف وترتيبات اكبر بكثير من هذا الغوغاء
سلامات
الإفراج عن إسراء - أبو إبراهيم - 04-25-2008
الضباع تلتهم الأسد الجريح..... ولا لوم على إسراء بعد تعرضها للسجن وإرهاب الدولة فيما قالته.
إسراء لم تقل إن السجن خمس نجوم، بل قالت إنها تعرضت لمعاملة خاصة، لذلك لا داعي للتطبيل والتزمير لجمال السجن في مصر، وإلا فلنحجز جميعاً هناك لقضاء العطلة الصيفية... ولا داعي لتهويل ما قالته ووصفه بالعمالة أو صناعة الأبطال...
وفي زلة لسان قالت بأنها كانت في فرع "أمن الدولة" لتصلح بعده كلامها بقولها فرع "الأموال العامة"..... وهذا يكفي لإثبات أنهم لقنوها ما ستقول قبل إطلاق سراحها......
حتى من قضى سنوات في أقبية سجون سياسية شهيرة لن يتفوه بكلمة عما حصل له، لسبب واحد : الخوف من العودة ثانية......
ويبقى برد السجن وظلامه كافيين لعدم الرغبة في العودة.
ويبقى مدح نوره ودفئه الوهميين ثمناً للبقاء في النور والدفء الحقيقيين...
(f)
الإفراج عن إسراء - خالد - 04-25-2008
تحية لإسراء، تحية لأمها أيضا!
من لم يدخل مدخلها فلا يسوءه ما خرجت به، ليذهب حيث كانت ويعود غير ما عادت، حينذاك ننظر في نقده لها!
كفارة يا إسراء، وأدعو الله مخلصا أن لا تتكرر تجربتك تلك، من أجل أمك ومن أجلك. يكفيك فخرا أنك ستكونين من علق الجرس.
وسيذكر التاريخ يوما، ربما في القرن الثلاثين، أن إسراء علقت الجرس، فلها الفخر بذلك مدى الدهر.
الإفراج عن إسراء - يجعله عامر - 04-25-2008
:redrose::redrose::redrose: لصرخة إسراء حديقة ورد ، فالصرخة هي الأهم
:redrose:لقائل : لا ، بوعي وإدراك في وجه أي ظلم واستبداد
(f)وردة على قبر الزميل "أنا" ولسانه الطويل هنا وفي موضوع الطالب