+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: حول الحدث (http://www.nadyelfikr.com/forumdisplay.php?fid=64)
+--- الموضوع: خبر وصورة يحصدان غضب المصريين في دقائق (/showthread.php?tid=37490)
RE: خبر وصورة يحصدان غضب المصريين في دقائق - بسام الخوري - 07-03-2010
http://newsforums.bbc.co.uk/ws/ar/thread.jspa?forumID=12089
very importent link laila
تعليقاتكم: دور الضغوط الخارجية بعد مقتل خالد سعيد بمصر
متظاهرة تحمل صورة خالدأمرت السلطات المصرية بحبس اثنين من رجال الشرطة أربعة أيام على ذمة التحقيق في قضية مقتل شاب يدعى خالد سعيد (28 عاما) في مدينة الاسكندرية.
التهمة الموجهة للشرطيين هي استعمال القسوة مع المجني عليه وليس قتله.
وتقول منظمات حقوقية إن وحشية رجلي الشرطة تسببت في الوفاة، بينما أفادت تقارير الطب الشرعي بأن الوفاة حدثت نتيجة ابتلاع خالد لفافة تحتوي على مخدر وأن الإصابات التي لحقت به لم تفض إلى موته.
في الوقت نفسه، استدعت وزارة الخارجية المصرية سفراء دول الاتحاد الأوروبي للإعراب عن رفضها لإصدارهم بيانا أعربوا فيه عن القلق بشأن ظروف حادث الوفاة.
ودعت الوزارة إلى احترام التحقيق الذي يتولاه القضاء.
ما رأيك؟ هل ترى أن حبس الشرطيين جاء نتيجة الضغط الخارجي؟
أم أن التحرك يأتي في إطار سعي جاد من قبل الحكومة المصرية للتعامل مع القضية؟
وماذا عن الضغوط الخارجية؟ هل ترى جدية في مثل البيان الأوروبي؟
وهل تعتبر ذلك تدخلا في شؤون داخلية للدولة؟
وإذا كنت غير مصري، ماذا عن تعامل حكومة بلدك مع الضغوط الخارجية؟
وهل تتعارض الضغوط الخارجية لإصلاح أمر داخل دولة ما مع مبدأ سيادة الدولة على أراضيها؟
سنناقش معكم هذا الموضوع في حلقة الأربعاء 7 يوليو/تموز من برنامج نقطة حوار الساعة 15:06 بتوقيت جرينتش
اضغط هنا للمشاركة في الحوار بالصوت والصورة
خطوط الاتصال تفتح قبل نصف ساعة من البرنامج على الرقم 00442077650211 ويمكنكم أيضاً المشاركة عن طريق الرسائل النصية sms بالعربية على رقم: 00447900040407
نُشر في: 01/07/2010 11:10 ص GMT
RE: خبر وصورة يحصدان غضب المصريين في دقائق - -ليلى- - 07-03-2010
و هو فى حد قال غير كدا؟
ما انا عمالهاهااااااااااااااتى من الصبح و اقول كلنا غلط يا قطقط
و بقول كلنا سلبين
الموضوع هنا عن فساد بعض الافراد فى الشرطة
و معروف ان كل مجال فيه الكويس و الوحش
و اكيد مش هحط صور مدرس من بتوع ولاد المدارس مش شايف شغله كويس
قطقط انت بتقرا اللى بكتبه كويس؟
RE: خبر وصورة يحصدان غضب المصريين في دقائق - بسام الخوري - 07-03-2010
من خلال تجربتي لو وضعت رقم هاتفك سيتصلون بك ويسألونك بأدب تصوير رأيك بال web cam لمدة دقيقة وإرسالها لهم وهم سيذيعونها ...
RE: خبر وصورة يحصدان غضب المصريين في دقائق - -ليلى- - 07-03-2010
اقتباس:التهمة الموجهة للشرطيين هي استعمال القسوة مع المجني عليه وليس قتله.اعتقد للسبب دا عم خالد الله يرحمه هيلجأ لحقوقه الشرعية فى الاستعانه بالمنظمات العالمية لحقوق الانسان التى يكفلها له الدستور المصرى
RE: خبر وصورة يحصدان غضب المصريين في دقائق - dan_alix - 07-03-2010
![[صورة: 71571616.png]](http://img248.imageshack.us/img248/1795/71571616.png)
RE: خبر وصورة يحصدان غضب المصريين في دقائق - بسام الخوري - 07-03-2010
http://egyprotest-defense.blogspot.com/p/blog-page_2792.html
importent link too
RE: خبر وصورة يحصدان غضب المصريين في دقائق - Blue Diamond - 07-03-2010
http://www.youm7.com/News.asp?NewsID=248878
RE: خبر وصورة يحصدان غضب المصريين في دقائق - بسام الخوري - 07-03-2010
http://www.youtube.com/watch?v=gXvUm12vP08
RE: خبر وصورة يحصدان غضب المصريين في دقائق - -ليلى- - 07-03-2010
(07-03-2010, 12:41 AM)بسام الخوري كتب: http://www.youtube.com/watch?v=gXvUm12vP08
جميل اوى الراجل دا
RE: خبر وصورة يحصدان غضب المصريين في دقائق - -ليلى- - 07-03-2010
نص اقوال المتهم الأول بقتل خالد سعيد بنيابة استئناف اسكندرية
El Nadeem نص بعض ماجاء باقوال المتهمين بقتل الشاب خالد سعيد المجنى علية فى القضية رقم 4783 لسنة 2010 ادارى سيدى جابر حصر تحقيقات 9 لسنة 2010 استئناف اسكندرية والتى ادلى بها المتهمان بمقتل خالد سعيد بنيابة استئناف اسكندرية فى 30/6/2010 وقررت النيابة حبسهما أربعة أيام على ذمة التحقيقات :-
بداية تناقضت اقوال المتهمين بنيابة الاستئناف عن اقوالهما السابقة بنيابة سيدى جابر حيث قررا بنيابة سيدى جابر انهما قاما بملاحقة خالد سعيد بسبب وجود لفافة مخدرات فى يده وقام بالجرى منهما وحاولا اللحاق به وقام بمقاومتهما ، ثم قررا مرة ثانية بنيابة الاستئناف بانهما لم يشاهدا اى مخدرات بحزة خالد سعيد وانه كان واقف بشكل طبيعى فى الشارع ولم يقم بالجرى منهما ولم يقم بمقاومتهما وانهما قام بالقبض عليه بسبب وجود كمين غيابيين عليه بالحبس .
وتناقضت اقوالهما ايضا فقد قرر محمود صبرى محمود امين الشرطة والمتهم الاول بانه راى خالد بالشارع الرئيسى شارع موباسطس بكليوباترا وهو يطوف برفقة زميله المخبر عوض اسماعيل سليمان على خلاف ما قرر به عوض اسماعيل سليمان بانه شاهد خالد سعيد بالشارع الجانبى للسايبر وهو برفقة زميله المتهم الاول .
واستشهد المخبرين بزوجة البواب فى الانكار فى حين ان زوجة البواب قد شهت بكل وقائع ضرب خالد سعيد وذلك اناء معاينة النيابة لمسرح الجريمة وكذلك بنيابة استئناف اسكندرية .
وهذه بعض ما جاء باتحقيقات مع المتهم الاول والتى تماثلت فى بعضها باقوال المتهم الثانى عوض اسناعيل سليمان
محمود صبرى محمود 26 سنة :-
اللى حصل إنى أول ما شفت خالد كان واقف على باب السايبر ومكانشى بيجرى وأول ما شافنى رجع 3 خطوات عشان يدارى منى ، وكان مطبق حاجة مش ظاهرة فى ايده زى ما يكون فيها حاجة ولم يكن هذا الشىء واضح وبعد كة معرفش ايه اللى مطبقه فى ايده وهوه لما رجع 3 خطوات هوه خاف الا اشوف الحاجة اللى فى ايده والمجنى عليه يعرفنى وهوه يعرفنى كويس لان انا سبق ليه قبل كدة مسكته مع الضابط فى قضية مطواة وانا بعمل فى قسم شرطة سيدى جابر منذ عام 2005 ومعرفشى اسم الضابط حال ضبطى للمذكور المجنى عليه فى قضية المطواة ، وانا مشيت ورا المجنى عليه علشان عليه حكمين واخدهم وانفذ عليه الأحكام الصادرة ضده ، والقضيتيت هما قضية مطواة صدر فيها حكم بشهر و50 جنية غرامة والثانية بشهر و50 جنية غرامة ، وبلوكامين القسم بيدينى بيان باللى عليهم احكام عشان لو قابلتهم انف عليهم وانا مشفتش المجنى عليه قبل واقعة التحقيق وانا ملتزم بالكشف اللى بيكون معايا واللى بيديهولى بلوكامين المباحث ولما نشوف حد من المطلوب التنفيذ عليهم بنمسكه على طول وده اللى حصل مع خالد سعيد .
وانا ملاحقتى له ليست بسبب ما يمسكه فى ايده وانا رحت عليه علشان انفذ الأحكام ، وانا ما اخدتش بالى من محمد حشيشة لأن زميلى هوه اللى راح عليه وانا توجهت ناحية خالد محمد سعيد لما رجع للخلف 3 خطوات كان على باب السايبر ولم يحرز محمد حشيش اى شىء ولم يجرى ومفيش علاقة بينى وبينه وانا اعرفه علشان هوه من كليوباترا وهوه عارفنى وانا ما مسكتش محمد حشيشة ومعرفشى اا كان صادر ضده احكام ولا لأ .
واول حاجة عملتها اول ما لحقته على باب السايبر رحت على طوول ماسك ايده الليمين اللى فيها الحاجة اللى هوه مخبيها حسيت انها تكون شفرة موس يعونى بيها اويعور نفسه .
ومسكت ايده علشان اخد اللى موجود فيها لحسن يعورنى او يعور نفسه وبعدين خالد نتش ايديه من ايديه ودفنها كان محمد حشيشة بيقله اديله الحاجة الللى فى ايدك متخافشى ، جه ناتش ايده ومسمعشى الكلام وراح بالع الحاجة وبعدين وشه احمر راح واقع علىالأرض وفضل يفرفر برجله وماسك زوره بايده ويحاول يطلع اللى فى بقه لكن معرفشى .
ومشفتش ايه اللى بلعه ساعتها ومعرفشى حجمه اد ايه ونا فتحت بقه لما وقع على الأرض وحطيت صبعى فى بقه واتاكدت انه بلعه وحط ايده على زوره بس مكانشى قادر وانا حطيت صباعى فى بقه علشان اشوف ايه اللى فى بقه لكن صباعى مدخلتهوش كله وكان صباعى بعد سنانه بحاجة بسية وده علشان اطلع اللى فى بقه ، وانا ملقتشى حاجة فى بقه وكان بلع الحاجة اللى فى ايده وكان بيحاول يرجع لكن معرفشى ، وانا مضربتهوش وانا ممسكتهوش غير من ايده اللمين فقط عشان اخد منه الحاجة اللى فيها لانى كنت متصور انه موس وممكن يعورنى بيه او يعور نفسه لكن هوه شد ايده وبلع الحاجة على طول ووقع بعدها على طوول على الارض وكان بيرفس برجليه وانا مضربتهوش بعد ما وقع وانا حاولت اساعده بعدها ورحت جبت من مرات البواب ميه بملح عشان اشربهاله والناس كلها اتلمت وكانت بتفوق فيه وانا مطمتهوش بحائط رخامى وهوهوقع قدام باب المحل بتع النت وهوه وقع على طول بعد ما بلع الحاجة قدام باب النت لفترة حوالى 3 او اربع ثوانى وانا معرفشى هوه بلع ايه ووقت ما كنت رايح امسك ايد خالد جه عوض زميلى كان واقف مع محمد حشيش وشال خالد انا وهوه بنفوقه من على الارض وهوه بيفرفر وبيحاول يشيله ويعدله لشان يفوقه ولم يساعدنى عوض فى الامساك بخالد وانا اللى رحت عليه لوحدى وانا ما مسكتش بعنق المجنى عليه بعد وقوعه على الارض وهوه بعد ما بلع الحاجة وفضل يرفس الناس اتلمت وكان عدد الناس كتير اكتر من 500 شخص كانوا بيحاولوا يساعدوه وانا وقتها مقدرتش اعرف حالته وصلت لاية فين وقمت بعدها بالاتصال بالرائد محمد ثابت وقلتله ان فى واحد بلع حاجة وواقع علىالارض وحددتله المكان والرائد محمد ثابت قالى انا جاى فى الطريق وقمت بعدها بالاتصال بوحدة الاسعاف ووصل الرائد محمد ثابت بعد الإسعاف ماجات وكان معاه مخبرين وانا مش فاكر اسمائهم ولما جه الرائد محمد ثابت راح شاف خالد وانا كنت واقف بعيد عنه وانا معرفشى اذا كان خالد مات ولا لأ .ووصلت سيارة الإسعاف فى مدة عشر دقائق من وقت ما اتصت بها وانا مشفتش اذاكان بتوع الاسعاف كشفوا عليه ولا لأ .
وحول سؤال وجود سيارة شرطة قبل وصول سيارة اسعاف اخدته واعادته الى محل الواقعة مرة اخرى اجاب محصلشى والناس شالوا خالد من قدام باب السايبر ودخلوه مدخل العمارة المجاورة علشان الطري وفى غير كدة هوه متشالشى ومراحشى اى مكان ومفيش حد من القسم باصطحاب المجنى عليه لأى مكان .
وحول سؤال بوجود ضباط اخرين خلاف الرائد محمد ثابت تواجدوا بعد الواقعة اجاب فيه ضباط جم لكن بعد سيارة الاسعاف ما اخدته ومشيت وانا مش عارف اسمائهم .
وحول سؤال بمكان تواجد المدعو محمد حشيش ساعة الواعة اجاب بانه كان واقف فى مكانه وكان بيفوق فى خالد مع الناس .
وحول سؤال هل سقط المجنى عليه انذاك حال نقله الى سيارة الاسعاف اجاب هوه وقع على الترولى وحول وجود اابات به اجاب انا مخدتش بالى وهو اتخبط فى باب سيارة الاسعاف وهما بيسحلوه فيها .
وحول سؤال النيابةللمتهم ماقولك فيما قرره كل من .....................................( شهود الواقعة ) بالتحقيقات من قيامك انت ومرافقك عوض اسماعيل سليمان بملاحقة وضبط المجنى عليه حال دلوفه الحانوت خاصتهما والامساك به عنوة والتعدى عليه بالضرب ورطم رأسه بقطعة الرخام المتواجدة بالبهو الخارجى وقيامكما عقب ذلك باصطحابه للعقار المجاور رأسه بالباب الحديدى للعقار وبدرجات السلم وموالاة التعدى عليه بالضرب فى مواضع متفرقةة من انحاء جسده وقيامك بخنق المجنى عليه مما أدى الى فقده لعدد من أسنانه الأمامية حيث كانت تسيل منه الدماء حتى مفارقته الحياة ؟
واجاب المتهم محصلشى
وحول سؤال النايابة للمتهم ما قولك فيما قرره سالفى الذكر بانك قمت ومرافقك باصطحاب المجنى عليه داخل سيارة الشرطة وقبل وصول سيارة الاسعاف والعودة به لا حقا بفترة زمنية وجيزة والقائه بمدخل العقار محل التعدى ؟
واجاب المتهم مصلشى
وحول سؤال النيابة للمتهم ما قولك فيما قرره سالفى الذكر بنفيهما ابتلاع المجنى عليه لثمةاشياء وان وفاته نتجت من تعدى ومرافقك عليه بالضرب ؟
واجاب المتهم محصلشى
هل هناك علاقة سابقة بينك وبين الشهود
اجاب بان بعضهم سىء السمعة
وهل هؤلاء سبق ضبطهم فى ثمه قضايا
اجاب بالنفى
ما قولك باقوال شهود الاثبات .................. وهيه مضمون ما سبق من واقعة التعدى ؟
أجاب المتهم معرفشى
س / ما قولك فيما ثبت من تقرير اللجنة الثلاثية فيما لا يتنافى من امكانية اصابته من الضرب ؟
اجاب المتهم محصلشى ومعرفشى والاصابات اللى فى خالد حصلت وقت ما كان خالد بيدخل عربية الاسعاف والناس وهما بيفوقوه كانوا بيضربوه على وشه ده غير انه وقع على الارض بعد ما بلع وقع على لارض وده اللى عمل الاصابات اللى يه وهوه مكانشى فى اى دم نازل منه .
وفى نهاية التحقيقات وجهت نيابة استئناف اسكندرية برئاسة المستشار أحمد عمر اليوم اتهامات للمتهمين بمقتل الشاب خالد سعيد
فى القضية رقم 4783 لسنة 2010 ادارى سيدى جابر حصر تحقيق 9 لسنة 2010 نيابة استئناف اسكندرية والاتهام الموجه الى
المتهم الأول :- محمود صلاح محمود 26 سنة أمين شرطة سرى
1- بصفته موظفا عموميا أمين شرطة بقسم سيدى جابر قام باستعمال القسوة مع المجنى عليه خالد محمد سعيد بأن قام وآخر ألا
وهو الرقيب عوض اسماعيل سليمان بالتعدى عليه بالضرب فى مواضع متفرقة من انحاء جسده محدثا اصابته الواردة بتقرير
الصفة التشريحية وكان ذلك اعتمادا على سلطان وظيفته
2- بصفته سالفة الذكر قام بالقبض على المجنى عليه خالد محمد سعيد دون وجه حق وتعذيبه بالتعذيبات البدنية الموصوفة بتقرير
الصفة التشريحية موضوع التهمة الأولى
http://www.facebook.com/topic.php?topic=16568&uid=7461444364#!/topic.php?uid=7461444364&topic=16568
_____________________________________________________
تعليق جروب انا اسمى خالد سعيد على النص
إثبات براءة خالد من البانجو وإنه اتقتل من التعذيب
Share
Yesterday at 8:47pm
قتلوا خالد وبعد ما قتلوه اغتالوا سمعته .. اقروا أقوال المجرم القذر محمود صبري محمود أمين الشرطة قاتل خالد عشان تعرفوا إنه كذاب وإن خالد مكانش معاه بانجو زي ما الطب الشرعي بيقول
@-@-@-@-@-@
مصدر أقوال المخبر: مركز النديم اللي منتدب للدفاع عن خالد الله يرحمه
http://www.facebook.com/topic.php?topic=16568&uid=7461444364
@-@-@-@-@-@
المخبر: خالد كان واقف على باب السايبر ومكانش بيجري وكان فيه في ايدي حاجة متطبقة .. أول ما شفته أنا جريت عليه لأني عارفه كويس وهو مطلوب في حكمين وهربان منهم قضييتين حيازة مطوة صدر فيها حكم بحبس شهر و٥٠ جنيه والتانية شهر و٢٠٠ جنيه .. فأنا مرحتش عشان أشوف ايه اللي معاه أنا رايح أنفذ الأحكام
الأدمن: لاحظوا تغيير روايته عن المرة الأولانية لأنهم طبعا فهموه إنه لو قال رايح يفتشه يبقى كده يقع في جريمة يتعاقب عليها .. وعلى فكرة هو ده اللي قاله المرة الأولانية
@-@-@-@-@-@
المخبر: لما جريت عليه بسرعة راح راجع لورا ٣ خطوات وأنا بسرعة رحت ماسك ايده اللي فيها الحاجة عشان متكونش موس يعورني أو يعور نفسه بيها
الأدمن: التقرير بيقول إن اللفافة كانت ٧ ونص سم في ٢ ونص سم .. يبقى ازاي المخبر يفتكر إنها موس؟ طبعا واضح إن مفيش لفافة ودي كلها تلفيق
@-@-@-@-@-@
المخبر: خالد نتش إيديه من ايدي وراح بسرعة بالع اللي كان في ايده وفجأة وشه احمر ووقع على الأرض وفضل يفرفر برجله وماسك زوره بايده وبيحاول يطلع اللي في بقه لكن معرفش
الأدمن: طبعا قصة ساذجة وتتنافى مع كل شهادات الشهود اللي أكدوا حدوث ضرب في السايبر لخالد
شوف مثلا الولد الصغير ده اللي كان في السايبر: http://bit.ly/d33ze5
وشهادة صاحب السايبر: http://bit.ly/cJhnAb
وشهادة الولد التاني اللي كان في السايبر: http://bit.ly/bTPvOL
@-@-@-@-@-@
المخبر: خالد لما وقع على الأرض أنا حطيت صبعي في بقه وأتاكدت إنه بلع الحاجة اللي كانت معاه .. وكان حاطط ايده على زوره .. جه زميلي عوض وساعدني في شيل خالد اللي كان عمال يفرفر وكان عوض بيحاول يفوقه .. أنا ممسكتش رقبته بعد وقعوه .. وكان عدد الناس أكتر من ٥٠٠ شخص بيحاولوا يساعدوه وأنا مقدرتش اعرف حالته وصلت لايه
الأدمن: يعني كذب في كذب .. بتحاول تنقذه؟ وبتشيله عشان تنقذه؟ وفيه ٥٠٠ واحد ازاي يتلموا في الزمن القصير ده .. إنت مخبر كذاب وغبي! .. ده غير إن لو شخص فعلا بلع حاجة بالحكم ده وبيفرفر زي ما بتقول سهل حد يلحق يطلعها من زوره لأنها كبيرة
@-@-@-@-@-@
المخبر: اتصلت بالرائد محمد ثابت وقلتله إن فيه واحد بلع حاجة وواقع على الارض والرائد قال لي انا جي في الطريق واتصلت بعديها بالاسعاف ووصل الرائد بعد ما الاسعاف جت وكان معاه ٢ مخبرين والاسعاف كانت جت بعد عشر دقائق .. ومشفتش اذا كانوا بتوع الاسعاف كشفوا عليه ولا لأ
الأدمن: طبعا التأكيد على إن الرائد وصل بعد الاسعاف كان غرضه نفي الشبهة عن الرائد بكل الأشكال .. يعني حتى لو حصل وثبت للنيابة إن المخبرين قتلوا خالد يبقى الرائد مكانش موجود لحد ما الاسعاف وصلت وده طبعا كذب لان شهادة الشهود ان الضابط كان موجود واخد خالد مع المخبرين لمدة عشر دقايق .. وعايز أسأل سؤال: هل خالد فضل يفرفر في العشر دقائق ومفيش حتى دكتور يلحق يتدخل ينقذه؟ وازاي يا مخبر متعرفش اذا الاسعاف كشفت عليه ولا لأه .. كنت فين يعني؟
@-@-@-@-@-@
المخبر: محصلش ان فيه سيارة شرطة وصلت قبل الاسعاف واخدت خالد ورجعته مرة تانية قبل الاسعاف. اصلا خالد الناس شالوه من قدام باب السايبر ودخلوه مدخل العمارة المجاورة عشان الطريق وفي غير كده هو متنقلش من مكانه
الأدمن: وتعمل ايه مع شهادة البواب اللي اكد انكم كنتم بتضربوه؟
http://bit.ly/bVEdBL
@-@-@-@-@-@
المخبر لما اتسال هل خالد وقع على الارض وهما بينقلوه للاسعاب: انا مخدتش بالي وهو اتخبط في باب العربية وهما بيدخلوه فيها
الأدمن: طبعا قصة الخبطة دي هدفها تبرير كل الاصابات اللي حاصلة في وش خالد .. وحسبنا الله ونعم الوكيل
@-@-@-@-@-@
سؤال لكل الناس: فيه حد لسه عنده شك إن قصة البانجو دي كذب من وزارة الارهاب اللي مسماه زورا باسم وزارة الداخلية؟
كل الشكر لمركز النديم:
http://www.facebook.com/elnadeem