+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: حول الحدث (http://www.nadyelfikr.com/forumdisplay.php?fid=64)
+--- الموضوع: خبر وصورة يحصدان غضب المصريين في دقائق (/showthread.php?tid=37490)
RE: خبر وصورة يحصدان غضب المصريين في دقائق - بسام الخوري - 07-03-2010
http://www.youtube.com/watch?v=b0mihCgReNM
what happend in syria 1968
RE: خبر وصورة يحصدان غضب المصريين في دقائق - -ليلى- - 07-03-2010
مركز النديم: حبس مخبرى (سيدى جابر) ليس النهاية ونطالب بعقاب الضباط
آخر تحديث: الجمعة 2 يوليو 2010 9:53 ص بتوقيت القاهرة
صفاء عصام الدين -
![[صورة: khaled-1(1).jpg]](http://shorouknews.com/uploadedImages/Sections/Accidents_and_Affairs/Egypt/khaled-1(1).jpg)
خالد سعيد شهيد الطوارئ
قال محمد عبدالعزيز، المحامى بمركز النديم لعلاج وتأهيل ضحايا التعذيب، إن حبس المخبر وأمين الشرطة المتهمين بتعذيب خالد سعيد واحتجازه دون وجه حق، لمدة أربعة أيام على ذمة التحقيق ليس نهاية المطاف، مشددا على إصرار المركز على محاكمة الضباط الذين يعتبرهم متورطين فى الحادث.
وأوضح عبدالعزيز فى تصريحات خاصة لـ«الشروق» أن النيابة استبعدت توجيه تهمة القتل العمد أو الضرب الذى أفضى إلى موت، واكتفت بتوجيه اتهام القبض على خالد دون وجه حق مع ممارسة التعذيب وهو ما يعاقب عليه بالسجن المشدد وفقا للمادة 280 من قانون العقوبات، وقال «إن هذه الجريمة تعتبر جناية والسجن يبدأ من 3 سنوات مع إمكانية استخدام الرأفة».
وأشار عبدالعزيز إلى توجيه النيابة تهمة استعمال القسوة التى تعاقب عليها المادة 129 من قانون العقوبات بالحبس مدة لا تزيد على سنة أو غرامة لا تزيد على 200 جنيه، بالإضافة إلى تهمة القبض على شخص دون وجه حق وعقوبتها الحبس أو الغرامة التى لا تزيد على 200 جنيه.
وقال المحامى بمركز النديم إن الباب مازال مفتوحا أمام النيابة لتعديل قيد ووصف التهم ضد المتهمين، إلا أنه فى حالة إحالة القضية للمحكمة بهذا الوصف فسيطالب الدفاع بإعادة توصيفه مرة أخرى.
وأشار إلى استعداد المركز وأسرة خالد لتقديم تقارير طبية من أطباء شرعيين استشاريين توضح كيفية مقتله، ومناظرتها بتقرير اللجنة الثلاثية الذى اعتبره عبدالعزيز ليس المحرك الوحيد فى القضية مؤكدا أهمية شهادة الشهود التى اتفقت على تورط أفراد الشرطة فى مقتل خالد.
RE: خبر وصورة يحصدان غضب المصريين في دقائق - -ليلى- - 07-03-2010
(07-03-2010, 01:24 AM)بسام الخوري كتب: http://www.youtube.com/watch?v=b0mihCgReNM
what happend in syria 1968
و بيقول دلوقتى كمان العن!!!!!!!!!!!!!!!!!!!!
RE: خبر وصورة يحصدان غضب المصريين في دقائق - -ليلى- - 07-03-2010
13 ضابط شرطة يعذبون ابا ليعترف بقتل ابنته ....... الحية
ربنا ينتقم منهم
RE: خبر وصورة يحصدان غضب المصريين في دقائق - قطقط - 07-03-2010
(07-03-2010, 12:17 AM)-ليلى- كتب: و هو فى حد قال غير كدا؟
ما انا عمالهاهااااااااااااااتى من الصبح و اقول كلنا غلط يا قطقط
و بقول كلنا سلبين
الموضوع هنا عن فساد بعض الافراد فى الشرطة
و معروف ان كل مجال فيه الكويس و الوحش
و اكيد مش هحط صور مدرس من بتوع ولاد المدارس مش شايف شغله كويس
قطقط انت بتقرا اللى بكتبه كويس؟
ما هو الناس لو عرفوا قصص السرقة بالمليارات أكيد هيغضبوا
ولو عرفوا قصص ملايين الموظفين القاعدين أكيد هيغضبوا
القصة أن التقوى غير موجودة ، والحكومة تقدم الغزاة هم المثل الأعلى يعنى شوف مصلحتك ياسيد وإتصرف .. إفتح وإغنم أى مكان تقدر عليه
RE: خبر وصورة يحصدان غضب المصريين في دقائق - -ليلى- - 07-03-2010
اقتباس:ما هو الناس لو عرفوا قصص السرقة بالمليارات أكيد هيغضبوا
ولو عرفوا قصص ملايين الموظفين القاعدين أكيد هيغضبوا
القصة أن التقوى غير موجودة ، والحكومة تقدم الغزاة هم المثل الأعلى يعنى شوف مصلحتك ياسيد وإتصرف .. إفتح وإغنم أى مكان تقدر عليه
يااااااااااااااااااا ربى هو فى كدا؟
طيب ارد اقول ايه؟
طيب هقول تانى
اقتباس:ما انا عماله اهااااااااااااااتى من الصبح و اقول كلنا غلط يا قطقط
و بقول كلنا سلبين
معنى كلامى دا ايه؟
معناه اننا لازم نتصلح علشان نعرف نصلح
عندنا ،عند الغزاه امثالى فى آيه بتقول
ان الله لا يغير ما بقوم حتى يغيروا ما بأنفسهم
يعنى علشان نصلح الغلط لازم نصلح نفسنا
ازاى بقا نصلح نفسنا؟
اولاً لازم نعترف بالغلط و ما ننكروش
تانى حاجه نشوف ايه سببه
تالت حاجه نصلح مصدر الغلط دا
اللى هو "احنا"
كل واحد فى مكانه
و اهم من كل شىء لازم نواجهة الغلط بقوة و نبطل نقول مفيش شىء هيتغير
اللى مش عايز يتعب هو اللى بيقول بس مفيش شىء هيتغير
اللى عايز كل شىء على الجاهز هو اللى هيقول مفيش فايده و مهما عملنا مش هنغير شىء
اللى عايز يفضل فى الغلط و خايف على "نفسه" هو بس اللى بيقول مش هنقدر نبقا احسن
فى" كــــــــــــــــــــــــــــــــــــل" المجالات من بس فى الشرطه
عايز انسان قوى يبقا لازم الانسان دا يعرف انه "هو" اساس المشكلة مش غيره
و انه لازم يتغير للاحسنو يبقا عنده عزيمة و إراده قويه علشان يغير الواقع المرررررررررررررررررررررررررررررررررررررررررررررررر اللى هو فيه
RE: خبر وصورة يحصدان غضب المصريين في دقائق - -ليلى- - 07-03-2010
اختطاف شرطي بالفيوم وتجريده من ثيابه وتعذيبه
الخميس, 1-07-2010 - 11:17الأربعاء, 2010-06-30 19:47 | أحمد سيف النصر
شهدت قرية المظاطلي بمركز طامية بالفيوم واقعة اختطاف شرطي يعمل بمديرية أمن الفيوم واقتياده إلي مكان مجهول وتجريده من ثيابه وتعذيبه حتي فقد الوعي.
كان اللواء «مرسي عياد» ــ مدير أمن الفيوم ــ قد تلقي إخطاراً من قسم شرطة طامية بتلقيه بلاغاً من إحدي الأسر بوجود «محمود عبدالظاهر بريك» ــ 35 سنة ــ شرطي بمديرية أمن الفيوم داخل منزلهم، انتقلت قوات الأمن إلي المكان لتجد الشرطي عارياً من ملابسه وفي حالة إعياء شديدة، تم نقله لمستشفي طامية لتلقي العلاج، وأخطرت نيابة طامية التي استمعت إلي أقوال الشرطي الذي أكد أمام النيابة أنه تلقي اتصالاً هاتفياً مساء أمس الأول وأخبره بالحاجة إليه لتخليص إجراءات رخصة تم سحبها منهم.
http://dostor.org/crime/10/june/30/20911
امبسطى يا دخليه بقا
وصلتينا للانتقام بايدينا مادام مفيش فيكى عدل يا بلد
قانون المطارق............!!
وانا باسرق كالعادة ، مش جوع ولا حاجة للمادة ،انما عن اقتناع وايمان بالمثل اللى بيقول ،(الايد البطالة نجسة)
طبعا كلكم مستغربين وبتسألوا مين الحرامى البجح دة؟
وآيه الكلام الغريب اللى بيقوله دة؟؟
سؤال منطقى ومحورى ولازم عشان خاطر الاخوية والشفافية ارد عليه واحكيلكم الحكاية من اولها
العمارة اللى انا ساكن فيها عبارة عن برج كبير ، وليها جنينة كلها خيرات وفيها بير
ولما رئيس مجلس ادارة العمارة اتقتل ، عينونى مكانه ،وانا طبعا ماينفعش ارفض فرصة جامدة زى دى
ما تترفضش يا بنى آدمين ، من فلاح بالسخرة لرئيس مجلس ادارة ، جاجة موز اللوز
ولان مافيش حد من السكان يعرف حاجة عن العمارة ولا حد متابع الجنينة ولا البير ،، قلت لنفسى أغرف يا كبير
الجميل كمان ودى اكتر حاجة نفعتنى ان السكان معظمهم الجبن راكبهم والخرص كمان
دة غير ان ماحدش فيهم ليه علاقة بالتانى ولا حد فيهم بيخاف على جاره
تخيلوا انتم بقى ، برج كبير وجنينة وبير ، وماحدش بيسأل فين ولا ليه ،، وانا برضو مؤمن بالمثل اللى بيقول (المال السايب يعلم السرقة) وانا باتعلم بسرعة
لما مسكت رئيس من 30سنة ،، اعضاء مجلس الادارة اللى بدأوا معايا كانوا نمكيين ، خدت قرارى وفورتهم واحد
ورا التانى ، وجمعت شوية الاضيش من اللى لا لهم ف الطور ولا ف الطحين ،وعدمانين وكحيانين ، يدوب ارميلهم الفتافيت يبقوا زى الخاتم ف صباعى ، مانا اصلى ماشى بمبدأ (اطعم الفم تستحى العين) ،وطبعا مافيش مانع امسك على كل واحد فيهم ذلة ، علشان اللى يقع منهم ، مش حاسمى عليه
طبعا بعد ما جندتهم بدأنا العمل الجاد ، واول حاجة عملنا لجنة لتفصيل القوانين ، قوانين نسرق بيها ,قوانين نصطاد بيها اللى يلت ، قوانين نهبر بيها عوايد العمارة ومحصول الجنينة والبير ، كل حد محتاج قانون فصلناله القانون اللى نصطاده بيه، وقت مانا عايز ،احنا مش بنلعب ، دة عمل ، ومافيش حد فوق القوانين اللى فصلناها
بس برضو يا جماعة (قليل البخت ف الخبيز ، تطلعله الحسنة جنب عروة الشيميز) ،وسط ال80 شقة اللى ف البرج ، طلعلى كام عيل من اللى لسانهم طويل ،العيال بتوع النت والكامبيوتر دولن ، غرقتهم مخدرات مش نافع ،عنيهم مش عايزة تدغشش عننا ، راسمين دور الشرف مش عارف على آيه ، وكل ما اهبرلى هبرة ، يسيحولى ، بس على مين ؟
اجتماع عاجل للترزية ، ضربنا الحجرين ،وفصلنا (قانون المطارق)
ونص القانون بيقول:
اللى انا او اى حد من مجلس الادارة نشك فيه بيبيع بانجو ف العمارة او متسلط من عمارة تانية عشان يخرب الاسانسير او يوسخ السلم يتكتف فورا بمجرد الشك فيه ، ويترقع علقة موت عشان يحرم ،طبعا كلنا عارفين ان لكل قانون ضحاياه ، يعنى مافيش مانع لو مات ، واهو كله علشان خاطر العمارة ، وبقول العمارة وبس , لان الجنينة اتباعت
كدة بقى الواحد يسرق وهو ضميره مرتاح
آه بالحق، نسيت اقولكم
الواد خالد اللى بلكونتهم بتطل على البحر ، رد على عوض البواب ومحمود الجناينى لما حبوا يتفردوا عليه ، نزلوا على دماغه بالمطارق
وعثمان بتاع الامن عمل ودن من طين وودن من عجين
وباكت البانجو اللى بيقولوا عليه نهى الكلام
معلش اعذرونى على اللغة الشيعبى حاكم انى أصلن فلاح من بتوع السخرة
ودمتم
RE: خبر وصورة يحصدان غضب المصريين في دقائق - -ليلى- - 07-03-2010
عم خالد سعيد: الطب الشرعي لم يشرح الجثة واكتفى بتصويرها وإصدار نفس التقرير السابق
![[صورة: khalid_m.jpg]](http://productnews.link.net/general/News/11-06-2010/khalid_m.jpg)
7/3/2010 9:47:00 AM
لندن - محرر مصراوي - صرح الدكتور علي القاسم عم خالد سعيد "شهيد الطوارئ" ان رئيس مصلحة الطب الشرعي لم يقم بتشريح الجثة ولم يأخذ أي عينات وكل ما قام به هو تصوير الجثة فقط وإصدار نفس ما تضمنه التقرير الذي أكد موت خالد بأسفكسيا الخنق بعد ابتلاعه لفافة بانجو أودت بحياته.
وأضاف: "إن تقرير الطب الشرعي لم يأت بأي جديد يثبت حقنا، وعندما ناقشناه في مضمون التقرير الثاني ذكر أن لفافة البانجو كان من الممكن أن تسقط من الفم أو كان ممكنا أن تُبتلع من شدة الضرب و"هذا كلام غير علمي وغير منطقي ومن لا يصدقنا فليجرب بنفسه".
وحول نية الأسرة تقديم تقرير آخر جديد للنيابة ذكر عم الشهيد "أن الأسرة استعانت بمجموعة من كبار خبراء الطب الشرعي تبدأ عملها السبت وأن الدكتور السباعي سيواجه هؤلاء الخبراء أمام ساحات القضاء المصري ليناقشوه في تقريره ومدى صحته، وأن الدستور المصري يمنحنا الحق في الاستعانة بخبراء أجانب في الطب الشرعي لتأييد موقفنا".
وتعليقًا على قرار النيابة بحبس المخبرين المتهمين بقتل خالد سعيد على ذمة التحقيقات وتوجيه تهمة استعمال القسوة لهما وعدم توجيه تهمة القتل ذكر أن النيابة عندما وجهت تلك التهم للمخبرين فهي تستند في ذلك إلى أوراق ومستندات وأنه من الطبيعي أن ينكر المخبران ما وجه لهما من تهم حتى لا يثبتا الجريمة على نفسيهما والقضية لا تزال مفتوحة والتحقيقات لم تحسم ولم تنته بعد وأن العقوبة المنتظر توقيعها عليهما هو 10 سنوات لكل تهمة طبقًا للقانون المصري و15 سنة لكل تهمة طبقًا للاعراف والمواثيق الدولية التي وقعت عليها مصر والخاصة بحقوق الإنسان.
وحول بيان وزراء خارجية الإتحاد الأوروبي الذى أكد تضامنهم مع قضية خالد سعيد والذي رفضته الخارجية المصرية جملة وتفصيلا وأعتبرته تدخلا في الشأن المصري، قال الدكتور علي القاسم: أن القضية لها شقان شق جنائي وهو أن الجريمة حدثت على أرض مصر وهي الآن بين يدي القضاء المصري الذي نثق فيه الثقة الكاملة ونرفض تدخل أي شخص فيه احترامًا لسلطة القضاء.
أما الشق الثاني فهو خاص بمواثيق ومعاهدات حقوق الإنسان التي وقعتها مصر والتي بموجبها تعاطف الاوروبيون مع قضية خالد لأن القضية تمس حقوق الإنسان والسادة السفراء لم يتدخلوا في الشأن المصري.
المصدر: صحيفة "القدس العربي"، مصراوي.
http://www.masrawy.com/News/Egypt/Politics/2010/july/3/khaled.aspx
______________________________________
انا اسمى خالد محمد سعيد
عاجل :
إحالة الجناه في واقعة خالد سعيد إلي محكمة الجنايات بنصوص المادتين 282 / 129ب من قانون العقوبات المصري - المصدر : محامين خالد من مركز النديم لمناهضة التعذيب
الله أكبر الله أكبر
RE: خبر وصورة يحصدان غضب المصريين في دقائق - بسام الخوري - 07-03-2010
كان من المفروض الاحتفاظ بالجثة في البراد ...أو أخذ عينات من البراز والشعر والدم والكبد والدماغ ..لست طبيب شرعي لكني أظن ذلك ..وتصوير رنيم مغناطيسي لكامل الجسد والرأس والأطراف
RE: خبر وصورة يحصدان غضب المصريين في دقائق - -ليلى- - 07-03-2010
كل النقط دى تم مواجهة الجزار اللى اسمه السباعى فى برنامج 90 دقيقة لكن طبعاً اتهرب من كل شىء و شاركه معتز الدمرداش فى السفالة و ما قدرش موقف الدكتور على قاسم عم خالد الله يرحمه
غير يمكن اخر 5 دقايق من المقابلة
بس اهم شىء ان السباعى كان لابس جوانتى اثناء التشريح التانى
دليل الخبره الفظيعة
كان يوم منيل لما اتفرجت على الحلقة دى
شىء يحرق الدم بمعنى الكلمة
Dr. Bassam check ur inbox pls