+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: حول الحدث (http://www.nadyelfikr.com/forumdisplay.php?fid=64)
+--- الموضوع: خبر وصورة يحصدان غضب المصريين في دقائق (/showthread.php?tid=37490)
RE: خبر وصورة يحصدان غضب المصريين في دقائق - بسام الخوري - 07-04-2010
http://www.facebook.com/#!/group.php?gid=130914200274044
ضباط الشرطة المصريين
enter this group and write your openion
RE: خبر وصورة يحصدان غضب المصريين في دقائق - عاشق الكلمه - 07-05-2010
لا تغْضَبـِى من ثـَوْرَتِى.. وعتــابـــى
مازالَ حُّبــــكِ محنتى وعــــــــذابى
مازالتِ فى العين الحزينــــةِ قبلـــــة ً
للعاشقين بسحْـــركِ الخَـــــــــــلاَّبِ
أحببتُ فيكِ العمرَ طفــــلا ً باسمــــًا
جاءَ الحيــاة َ بأطهـر الأثـــــــــوابِ
أحببتُ فيكِ الليلَ حيــــن يضمنـــــــا
دفءُ القلــوبِ.. ورفـْقــَة ُ الأصحابِ
من كان أولـَى بالوفاء ؟!.. عصابة َُ
نهبتكِ بالتدليـــــس.. والإرهـــــابِ ؟
أم قلبُ طفـل ذاب فيــــك صبابـــــة ً
ورميتهِ لحمًـــا على الأبــــــــوابِ ؟!
عمر من الأحزان يمـرح بيننــــــــا..
شبحُ يطوف بوجهـــهِ المُرْتــــــــَابِ
لا النيلُ نيلـُكِ.. لا الضفافُ ضفافهُ
حتى نخيلـُك تاهَ فى الأعشـــــــابِ !
باعُوكِ فى صخبِ المزادِ.. ولم أجد
فى صدركِ المهجور غيرَ عـــذابى
قد روَّضُوا النهرَ المكابـِرَ فانحنــــــَى
للغاصبيـــــــن.. وَلاذ بالأغْــــرَابِ
تبنين للسفهــــــــاء عشـًّـــــا هادئـــــا
وأنا أموتُ على صقيع شبابــــى !
فى عتمةِ الليل ِ الطويـــل ِ يشــــــدنى
قلبى إليكِ.. أحِنُّ رغم عــــــذابى
أهفو إليك.. وفى عُيُونِكِ أحتمـــــــى
من سجن طاغيةٍ وقصفِ رقــابِ
هل كان عدلا ً أن حبَّـكِ قاتـــلـــــــى
كيف استبحتِ القتلَ للأحبــــــابِ؟!
ما بين جلادٍ.. وذئــــــــــب حاقــــــدٍ
وعصابةٍ نهبتْ بغير ِ حســــــــابِ
وقوافلٍ للبُؤس ِ ترتـــــــــعُ حولنــــــا
وأنين ِ طفلٍ غاص فى أعصــابى
الجالسونَ على العروش توحَّشُــوا
ولكل طاغيـةٍ قطيــــــــعُ ذئـــــابِ
قــد قلـــــــتُ:إن الله ربٌّ واحـــــدٌ
صاحوا:»ونحن» كفرتَ بالأرْبَابِ؟
قد مزَّقوا جسدى.. وداسُوا أعظـُمى
ورأيتُ أشلائى على الأبــــــــوابِ
لم يبق غيرُ الفقر يسْتـُر عَوْرَتـــــى
والفقرُ ملعونٌ بكـــل كِتــــــــــــــابِ
سِربُ النخيل ِعلى الشواطئ ينـْحَنى
وتسيلُ فى فــزع ٍ دِمـــــــاءُ رقاب ِ
ما كان ظنى أن تكونَ نهايتــــــــــى
فى آخر المشـــوار ِ دَمْعَ عتــــــابِ!
ويضيعُ عمرى فى دروبَ مدينتـــى
ما بين نار القهر ِ.. والإرْهـــــابِ
ويكون آخرَ ما يُطلُّ على المــــدى
شعبٌ يُهــــرْولُ فى سوادِ نقـــــابِ
وطنٌ بعَرض ِالكون ِيبـــــدو لعبـــة ً
للوارثين العرشَ بالأنســـــــــــابِ
رغْمَ انطفاءِ الحُلِم بين عيـــــــــــوننا
سيعودُ فجرُكِ بعدَ طول غيـــــــابِ
فـَلـْترحمى ضعْفِى .. وقلـَّة َ حِيلتــى
هذا عِتابُ الحُبِّ.. للأَحْبـــــــــــابِ
RE: خبر وصورة يحصدان غضب المصريين في دقائق - Blue Diamond - 07-05-2010
تغريم عبد الله كمال 250 ألف جنيه تعويض لصالح الفنانة شيرين وجدي..
عبد الله كمال لمن لا يعرف هو رئيس تحرير مجلة روزاليوسف الناطقة باسم الحكومة..
والذي لم يسلم أحد شريف من لسانه القذر وقلمه المسموم...
http://www.youm7.com/News.asp?NewsID=249749
فقط اقرأوا التعليقات تحت الخبر وسوف ترون ماهي مشاعر الناس تجاهه..
هو أحد الذين وقفوا ضد قضية خالد سعيد كما أشرت هنا من قبل..
عقبال ما كل الناس تأخذ حقها منه..
ملحوظة: اليوم السابع تمنع التعليقات التي تحمل مشاركات فيها شتيمة قبيحة
تخيلوا كم المشاركات التي وردت على هذا الخبر والتي تم منع نشرها
يعني هذه التعليقات المنشورة هي الأخف على الإطلاق في حق هذا المخلوق
RE: خبر وصورة يحصدان غضب المصريين في دقائق - بسام الخوري - 07-05-2010
(07-04-2010, 09:21 PM)Blue Diamond كتب:شاب يلقى بنفسه من قسم شرطة متهماً المخبرين بتعذيبه
http://www.youm7.com/News.asp?NewsID=249746
من جانبه انتقد مركز النديم لتأهيل ضحايا العنف والتعذيب واقعة التعدى على محمد صلاح محمود غريب، مشيرا إلى أن التقرير المبدئى تضمن إصابة الشاب بكسر فى الركبة وكسر مضاعف فى الفخذ وكسر فى الحوض واشتباه نزيف داخلى وكسر فى اليد اليمنى واشتباه ارتجاج فى المخ وشرخ فى الجمجمة، نتيجة اعتداء وقع عليه من آخرين، مشيرا إلى أن المحضر المحرر ضد المجنى عليه تضمن قيادته توك توك بدون ترخيص، مع أن قيادة التوك توك لا تحتاج إلى ترخيص!
![[صورة: %D8%A7%D8%B3%D8%B9%D8%A7%D8%B1%2B%D8%A7%...%D9%83.jpg]](http://2.bp.blogspot.com/_gYE0N8zAyDY/S4RsAQAW9BI/AAAAAAAAAwY/AJujDNGT_cQ/s1600/%D8%A7%D8%B3%D8%B9%D8%A7%D8%B1%2B%D8%A7%D9%84%D8%AA%D9%88%D9%83%D8%AA%D9%83.jpg)
RE: خبر وصورة يحصدان غضب المصريين في دقائق - عاشق الكلمه - 07-05-2010
(07-05-2010, 12:07 AM)عاشق الكلمه كتب: من كان أولـَى بالوفاء ؟!.. عصابة َُ
نهبتكِ بالتدليـــــس.. والإرهـــــابِ ؟
أم قلبُ طفـل ذاب فيــــك صبابـــــة ً
ورميتهِ لحمًـــا على الأبــــــــوابِ ؟!
تبنين للسفهــــــــاء عشـًّـــــا هادئـــــا
وأنا أموتُ على صقيع شبابــــى !
الجالسونَ على العروش توحَّشُــوا
ولكل طاغيـةٍ قطيــــــــعُ ذئـــــابِ
قد مزَّقوا جسدى.. وداسُوا أعظـُمى
ورأيتُ أشلائى على الأبــــــــوابِ
لم يبق غيرُ الفقر يسْتـُر عَوْرَتـــــى
والفقرُ ملعونٌ بكـــل كِتــــــــــــــابِ
ويكون آخرَ ما يُطلُّ على المــــدى
شعبٌ يُهــــرْولُ فى سوادِ نقـــــابِ
وطنٌ بعَرض ِالكون ِيبـــــدو لعبـــة ً
للوارثين العرشَ بالأنســـــــــــابِ
رغْمَ انطفاءِ الحُلِم بين عيـــــــــــوننا
سيعودُ فجرُكِ بعدَ طول غيـــــــابِ
فـَلـْترحمى ضعْفِى .. وقلـَّة َ حِيلتــى
هذا عِتابُ الحُبِّ.. للأَحْبـــــــــــابِ
الأبيات دى من قصيده كتبها الشاعر المبدع فاروق جويده بعنوان " هذا عتاب الحب للأحباب " كتبها فى شهر أكتوبر 2009 على ما أذكر , وقد عبرت القصيده بمنتهى الروعه والواقعيه عن مايحدث بمصر وعن مشاعر المواطن المصرى تجاه وطنه مصر , ولقد أبدع حقيقه عندما قال " تبنين للسفهاء عشا هادئا وأنا أموت على صقيع شبابى " أو عندما قال " قد مزقوا جسدى وداسوا أعظمى ورأيت أشلائى على الابواب " او " ويكون أخر ما يطل على المدى شعب يهرول فى سواد نقاب " او " وطن بعرض الكون يبدو لعبه للوارثين العرش بالأنساب " ,,,, الخ
لقد لخصت تلك القصيده الوضع المصرى الداخلى الراهن بكل صدق وشفافيه , وخصوصا عندما قال " ويكون أخر ما يطل على المدى شعب يهرول فى سواد نقاب " فهذا هو أقصى اهتمامات هذا الشعب وتلك هى القضايا التى تشغله ,, هل النقاب فرض أم لا ,,,مباريات كره القدم الاهلى والزمالك وكاس العالم ,,,, الخ , لكن أن يخرج مائه ألف مواطن فقط فى القاهره والتى يتجاوز تعداد سكانها عشرين مليون للتنديد بمقتل خالد سعيد وبقضايا التعذيب !! أبدا ,, لكن يهرول الى استاد القاهره 120 الف مواطن لمشاهده مباراه فى كره القدم .
مش عارف ليه افتكرت الشاعر والأديب نجيب سرور
أه يا بلد .
RE: خبر وصورة يحصدان غضب المصريين في دقائق - -ليلى- - 07-05-2010
(07-04-2010, 11:23 PM)بسام الخوري كتب: http://www.facebook.com/#!/group.php?gid=130914200274044
ضباط الشرطة المصريين
enter this group and write your openion
هى خطوة حلوة من الظابط اللى عملها بس كانت صورته امبارح مستفذة بالمسدس اللى حطه
انهارده غيرها و حط صورته
لكن له نبره فى ردوده برضو تحس فيها بانه شوية متسلط
لكن بشكل عام كويس جداً ان الشرفاء في مجال الشرطة بيدافعوا عن نفسهم
من ناحية تانية كمان الفكرة اللى اعترضنا عليها جات كمان بنتيجة كويسه
كلنا خالد سعيد
Plz Like: إمبارح احنا عملنا حملة شارك فيها أكتر من ٥٠٠٠ شاب وفتاة بيحبوا مصر .. كلنا ٣٨٠ ضابط الشرطة على فيس بوك .. ضفناهم باشتراكات صورها هي صور خالد وكلمناهم بكل حزم وأدب واحترام. لازم نفكر دايما إننا نشتغل بطرق غير تقليدية .. وصدقوني الرسائل الرائعة اللي الناس بعتتها هتخلي كل محترم يبقى أقوى ويحارب الفساد أكتر وكل فاسد يحس إنه حسابه بيقرّب لأن الشعب بدأ يجري وراه
حملة شباب الفيس بوك للحوار مع ضباط الشرطة
Jul.05, 2010 "كلنا خالد سعيد" في الإعلام
خبر صحفي صفحة للتوزيع على وسائل الإعلام يرجى قراءته
نظمت صفحة كلنا خالد سعيد على الفيس بوك اليوم حملة ولمدة أربعة ساعات متواصلة تهدف إلى التواصل مع ضباط الشرطة, وفكرة الحملة بدأت حينما تم جمع أكثر من ٣٨٠ اشتراك فيس بوك لضباط الشرطة وطلاب كلية الشرطة في مصر وقام أكثر من خمسة آلاف شاب وفتاة متطوعين بإرسال رسائل لهم باشتراكات فيس بوك بها صورة خالد سعيد.
وقد كانت صفحة كلنا خالد سعيد قد نبهت على جميع المتطوعين بأهمية استخدام لغة حوار راقية لإيصال رسالة محترمة لكافة الظباط لأن كل فئة بها الصالح والطالح. وقد أكدت الصفحة على هذا المعنى بأكثر من رسالة وأن لغة السباب لن تفيد.
اجتمع الشباب منذ التاسعة مساء وحتى الواحدة صباحا وأرسلوا آلاف الرسائل عبر الإنترنت وكانت الصفحة قد سجلت اشتراكا وهميا لضابط شرطة وذلك لقياس حجم المشاركات واستقبل هذا الاشتراك والذي كان مضافا في وسط قائمة الضباط أكثر من ٣٢ طلبا للصداقة كلها تحوي صورة خالد سعيد و١٩ رسالة يعبر أصحابها عن ضيقهم مما يحدث في مصر وممارسات الشرطة بشكل مؤدب وراقي.
وللاطلاع على نماذج لبعض هذه الرسائل التي تم ارسالها من قبل المتطوعين يمكنكم الذهاب إلى هذه الصفحة:
http://www.facebook.com/album.php?aid=5017&id=104224996294040&saved
ومن الصور المشرفة تفاعل بعض ضباط الشرطة بشكل رائع مع المتطوعين وبعضهم أكد على احترامه لآدمية المواطنين ومعاملتهم بشكل إنساني وأن هناك الصالح والطالح في الشرطة مثلها مثل أي وظيفة أخرى كما أن منهم من أكد تعاطفه مع قضية خالد سعيد. وقام أحد الضباط بالدخول للصفحة ويسمى “أشرف م.” وقام بتوجيه العديد من الشتائم والألفاظ النابية للمستخدمين وهددهم بأنه سيتسبب في الإضرار بهم فما كان إلا أن أحد الضباط ويدعي “عمرو ر” قام بتوبيخه لأنه يسيء من سمعة الضباط الشرفاء.
كما أظهر هذا التفاعل جانبا إيجابيا جديدا في شباب الفيس بوك فنحن لا نكتفي فقط بالوقفات الصامتة بل ونحاور ونتحدث ونرفع صوتنا بما يعبر عن ملكيتنا لوطننا وأننا جزءا لا يتجزأ من المجتمع المصري الذي لن يسكت على أي ظلم ولن يقبل أي إساءة أو إهانة لكرامته.
للاطلاع على توثيق الحدث يمكنك زيارة هذه الصفحة:
http://www.facebook.com/album.php?aid=5017&id=104224996294040&ref=mf
![[صورة: Screen-shot-2010-07-05-at-2.49.09-AM.png]](http://elshaheeed.org/wp-content/uploads/2010/07/Screen-shot-2010-07-05-at-2.49.09-AM.png)
(كلنا خالد سعيد) تبدأ حملة لضم ضباط الشرطة على (الفيس بوك)
7/5/2010 5:47:00 AM
![[صورة: groubkha_m.jpg]](http://productnews.link.net/general/News/05-07-2010/groubkha_m.jpg)
كتب: مصطفى مخلوف - قام جروب "كلنا خالد سعيد" على الفيس بوك، الأحد، بتدشين حملة لمناهضة التعذيب حملت اسم "من شباب فيس بوك لضباط الشرطة" "، تهدف إلى توصيل رسائل إلى 400 ضابط شرطة عبر حسابهم الشخصي على الموقع، واقناعهم بضرورة فضح ممارسات بعض رجال الشرطة، الذين يستغلون مناصبهم بشكل غير قانوني.
وشددت الحملة على ضرورة اتباع الأسلوب الحسن في مراسلة ضباط الشرطة، وتوجيه النصح و الإرشاد بطريقة طيبة، والجمع بين الحزم في الكلام وبين الاحترام والأدب الشديد وتوصيل الرسالة بدون الاهانة.
وأكدت الحملة على بعض المحظورات، منها عدم مراسلة ضابط الشرطة من الإميل الأصلي، والذي يحتوي على معلومات حقيقية.
ولكن يبدو أن الحملة محددة الأهداف، وضح ذلك من خلال تأكيها على عدد من الرسائل المعينة، الموجهة للضباط، منها:
- انهم جزء من المجتمع المصري، وأن دورهم مهم في تغيير الفساد، مع التأكيد على عدم الصمت ثانية على تعذيب أي مواطن.
- أن قانون الطوارئ المفروض يطبق فقط على تجار المخدرات والارهابيين، وليس على أصحاب الآراء.
- أن شباب الفيس بوك ليس لديه أي خصومة مع الضباط الملتزمين، وخاصة إنه يوجد منهم كثرون ضموا بحياتهم في سبيل الوطن.
- إرسال الفيديوهات والملفات لضباط الشرطة، وتوجيه سؤال لهم " هل توافق أن يحدث ذلك لأخوك أو لأختك أو لوالدك أو والدتك".
وقدمت صفحة "كلنا خالد سعيد" نموذج لإحدى الرسائل التي قامت بإرسالها واحدة من أعضاء الجروب لضباط الشرطة، والرسالة تقول " أخي الضابط .. انا ما اعرفكش ولا انت تعرفني، عشان كده انا هعرفك بنفسي، انا واحده من شعب مصر اللي انت اقسمت انك تحميه وتدافع عنه، وتضحي بروحك عشانه، بافكرك بس عشان لو كنت نسيت" .
وتضيف الرسالة "اكيد انت سمعت وقريت عن خالد سعيد .. الشاب الاسكندراني اللي انا ما اعرفوش بس قررت انا وغيري اننا نعمل حاجة ايجابية ونبعت لك انت ومئات الضباط وطلبة الشرطة اللي قدرنا نوصل لعنوانهم على الفيس بوك عشان نوصل لكو رسالة مهمة، اللي حصل لخالد من ضرب وتعذيب سواء ادى لوفاته او لاشيءمايرضيش ربنا ولا يرضى اي بني ادم عنده ذرة دين او ذرة انسانية، اللي حصل لخالد واللي حصل وبيحصل كل يوم لالاف غير خالد مالوش اي مبرر ... حتى المجرمين فيه طرق كتير غير التعذيب عشان يعترفوا ، وكمان فيه طرق تانية غير الاعتراف عشان تثبتوا بيها الجرائم .. المفروض انكم اتعلمتوها في كلية الشرطة" .
وتستكمل رسالة جروي "كلنا خالد سعيد": "احنا مش ضدكم ومش بتعتبركم اعداء لينا .. كل واحد فينا له اخ او قريب او صديق ضابط وعارفين انتوا بتتعبوا اد ايه عارفين ان كتير منكم ناس محترمين ومتدينين .. بس حتى المحترمين دول للاسف فيه منهم بيستخدم العنف والتعذيب وبيبرره لنفسه بحجج كتير.. احنا مش هنخاف منكم بعد كده .. عشان احنا ما بنعملش حادة غلط عشان تهينونا وتعذبونا .. بالعكس دي مرتباتكم من فلوسنا وانتوا اصلا مهنتكم تحمونا ولا نسيتوا .. احنا مش هنخاف بعد كده .. ومش هنسكت ع الاهانه والتعذيب .. ومش هنسمح لكو .. تعاملونا وحش تاني في الشارع او في القسم او في اي ادارة او مصلحة .
وتنتهي الرسالة بـ "احنا مش بنطالب بحاجة كبيرة .. كل اللي بنطلبه انكم تعاملونا كبني ادمين من حقنا .. نعيش بكرامة .. بطلب منكم ان ضمايركم تصحي وتحاربوا الفساد اللي جواكم وبينكم .. ساعتها كلنا هنبقى كلنا معاكم وبنحبكم وبنساعدكم ..بس .. ماعنديش حاجة تانيه اقولها .. لو انت عندك ياريت تقول لي .. السلام عليكم".
http://www.masrawy.com/News/Egypt/Politics/2010/july/5/khaled_facebook.aspx?ref=rss
RE: خبر وصورة يحصدان غضب المصريين في دقائق - -ليلى- - 07-05-2010
كلنا خالد سعيد
للي بيتكلم عن إننا بنسيء لسمعة مصر .. الإساءة لسمعة مصر هي اللي بيحصل في أقسام الشرطة .. لازم تقرا خبر ضرب سيدة إيطالية بتشتغل في الأمم المتحدة في قسم شرطة المقطم .. لازم تقرا إن الضباط وأمناء الشرطة ضربوها .. وإن السفارة الايطالية هي اللي أنقذتها .. معلش يا شعب مصر .. مفيش سفارة مصرية تنقذك من ضابط أو أمين معدوم الضمير
http://www.ahram.org.eg/218/2010/07/05/38/28055.aspx
التحقيق في بلاغ دبلوماسية إيطالية بتعرضها للضرب والاحتجاز داخل قسم المقطم
كتبت ـ فاطمة الدسوقي: تحقق نيابة حوادث جنوب القاهرة في بلاغ سيدة دبلوماسية ايطالية الجنسية ضد عدد من ضباط وأمناء الشرطة بقسم المقطم لاعتدائهم عليها بالضرب واحتجازها بدون وجه حق داخل القسم وذلك عندما توجهت للقسم لتحرير محضر ضد مقاول حاول نقل أمتعته بالقوة داخل فيلا المجني عليها مستغلا سفر زوجها الدبلوماسي للخارج
وأثناء تحرير المحضر اتهمها ضابط الاستيفاء بسرقة لاب توب صديقة المقاول ثم انهال عليها ضربا بمساعدة امناء الشرطة وبرغم ان النيابة أمرت بإخلاء سبيلها الا أن الضابط أصر علي احتجازها داخل القسم حتي أطلقت سفارة دولتها بمصر سراحها وتم اخطار المستشار محمد غراب المحامي العام الأول لنيابات جنوب القاهرة وأمر باحالة المجني عليها الي الطب الشرعي لتوقيع الكشف عليها وبسؤال الشهود من داخل القسم واستدعاء الضباط وأمناء الشرطة المشكو في حقهم لسؤالهم.
كشفت التحقيقات, التي باشرها كريم بربري مدير نيابة حوادث جنوب القاهرة عن أن المجني عليها ناشطة دبلوماسية في هيئة الأمم المتحدة وتحمل الجنسية الايطالية ومتزوجة من دكتور مصري يعمل بهيئة الأمم المتحدة وتقيم معه داخل فيلا بمنطقة المقطم ومنذ عامين اتفق زوجها مع أحد المقاولين ببناء دورين في الفيلا وطلب منه المقاول شراء دور لنفسه ودفع له مقدما واتفقا علي أن يكون باقي ثمن الدور30 أقساطا شهرية الا أن المقاول امتنع عن سداد الأقساط وأقام صاحب الفيلا دعوي ضد المقاول أمام المحكمة وحصل علي حكم قضائي بفسخ عقد البيع وفي اليوم التالي لتنفيذ الحكم اكتشف المقاول سفر الدبلوماسي صاحب الفيلا في مهمه عمل للخارج وتيقن أن زوجته وابنه الشاب يقيمان بمفردهما داخل الفيلا وحاول وضع امتعته بالقوة داخل الفيلا الساعة الرابعة فجرا واستغاثت السيدة الايطالية بالنجدة وبعد أن حضروا اليها طلبوا منها التوجه لقسم شرطة المقطم لعمل محضر اثبات حالة ضد المقاول وعندما طلبت الاتصال بسفارة دولتها انهالوا عليها ضربا وركلا ثم احتجزوها داخل حجز القسم هي ونجلهما.
نصيحة الاب فى الاخر مهمة جداً
محدش يسكت على حقه
http://www.alnadeem.org/ar
RE: خبر وصورة يحصدان غضب المصريين في دقائق - -ليلى- - 07-05-2010
مشاركة ليا فى جروب ظباط الشرطة انهارده الصبح
اجمل شىء سمعته و اقوى كلام كان كلام الشيخ الشعرواى فى اخر ايامه
نصيحة للكل شعب و حكومة
http://www.youtube.com/watch?v=aT1OgjqkGCo
كلمات تتوزن بالدهب
RE: خبر وصورة يحصدان غضب المصريين في دقائق - -ليلى- - 07-05-2010
كلنا خالد سعيد
بجد المخرج عمرو سلامة ده شخص محترم وهو قال فعلا اللي بيعبر عننا .. الاساءة لسمعة مصر هي انك تضرب وتعذب الناس في اقسام الشرطة وهي انك تشوف الغلط وتسكت عليه .. يا ريت كلنا نقرا المقال ده
المخرج عمرو سلامة: من فضلك سيء لسمعة مصر
Jul.05, 2010 آراء وتحليلات
![[صورة: Amr-Salama-2.jpg]](http://elshaheeed.org/wp-content/uploads/2010/07/Amr-Salama-2.jpg)
الفترة اللي فاتت أنا مصدوم من كل هؤلاء الذين ينادون بمعاقبة من يسيء لسمعة مصر، و خصوصا أن المتهم دائما ما يكون مصري، فمتى و كيف وكلتك مصر ضدي أن تدافع عنها؟
و بعدين في معظم الأوقات دي، المتهم بيكون واحد بيعري أو بيفضح الفساد أو المصايب اللي بتحصل كل يوم قدام عنينا، يعني هو لو بيسيء بيسيء للناس الفاسدة أو للخلل اللي موجود مش لكيان مصر نفسه.
و بعدين إيه الفرق ما بين مصر و المصريين؟ يعني إيه أصلا مصر؟ هل هي الحدود الجغرافية يعني اللي بتفصلنا عن السودان و ليبيا و فلسطين؟ و لا هي ناسها؟ و لا هو ترابها؟ و لا هي الأهرامات و الفراعنة و الأثار؟ و لا هي كلام الأغاني الساذج اللي معمول للي ماكملوش تعليمهم؟
و إحنا دلوقتي لما نغمض عينينا، و نقول إن مافيش تحرش جنسي، و مافيش توزيع ظالم للثروات، و مافيش كوسة و محسوبية، و مافيش رشاوي، و مافيش سلطة مطلقة لرجال الأعمال فوق القانون أو تنفيذه، ساعتها مصر هتتبسط و تنشكح قوي؟
هتقولنا “كفائة كده يا رجالة” خليكوا ساكتين بقى و صهينوا و خليكوا مش سامعين مش شايفين مش قايلين؟
و إيه اللي هيحصل لو كل أمة “صهينت” على مشاكلها؟ إزاي مشاكلها هتتحل؟ هنبدأ منين؟ يعني لو واحد راح للدكتور و إتكسف يقوله عنده إيه، و مارضاش يتعمله تحاليل، الدكتور هيعرف يعالجه؟
و لا قصدهم نعالجها في الخباثة؟ و لو ده قصدهم يبقى قبل ما يحاسبونا على الإسائة لسمعة مصر لازم إحنا نرميهم في أوسخ عنابر السرايا الصفرا، لإن كلامهم مايخشش دماغ حد.
و هل ده دور الرقابة الصارمة اللي بتقص كل يوم كل ما هو مقروء و مسموع و مرئي، عشان يـ….وا على الولعة، و يكفوا ع الخبر مجور و يحاولوا يقنعونا و يقنعوا العالم إن كله فل و كله ألسطة؟
لو النهاردة حاولت تعمل فيلم مثلا بيقول إن عندنا مشكلة ما، هيقف قدامك أمة لا إله إلا الله، و أولهم الرقابة، هتقولك بتسيء لسمعة مصر، ما ينفعش، لحسن يحصلنا زي ما حصل للرقابة لما إترفد كل موظفينها بعد فيلم المذنبون – اللي المفروض إنه أساء برضه لسمعة مصر – حتى لو اللي في الفيلم بيحصل كل يوم قدام عينيهم و بيعانوا منه، يقولولك لأ، مش هننشر غسيلنا الوسخ، و لو أقنعتهم إنك اللي بتعمله إنك بتحاول تغسله ثاني، و حصلت معجزة كونية و وافقوا، هيطلعلك شوية ذباب بيدعي حب مصر أكثر منك، و إنه خايف على مصلحتها أكثر منك، و يقولك “كلا البتة” إنت بتسيء لسمعة مصر.
أول خطوة في حل أي مشكلة، هي الإعتراف بيها، و معرفة حجمها، و إحنا عندنا في مصر مشاكل لا حصر لها، مصرة الحكومة، أو الصحافة التابعة لها، أو التليفزيون القومي إنه يعتبرها مش موجودة، حتى لو كل الناس اللي شغالة في الأماكن ديه بيعانوا منها كل يوم.
إمتى هنعترف إننا عندنا مشكلة عنصرية؟ إحنا عنصريين أكثر من الأمريكان البيض في القرن اللي قبل اللي فات مع الزنوج، و لولا إننا كسالى و سلبيين كنا قتلنا كل من هو لا يوافقنا الرأي مليون المية، شعبنا بيمارس العنصرية يوميا، مقتنع إن الخليجي غبي و مسرف، و الشامي نصاب، و الجزايري بربري، و أخيرا الجملة الشهيرة “هو مسيحي بس كويس”
إمتى هنعترف إننا شعب نصه بيعاني من التحرش الجنسي و النص الثاني من الكبت الجنسي، بما فيهم المتزوجين اللي مايعرفوش الألف من كوز الدرة و الذكي يفهم قصدي.
إمتى هنعترف إننا جبناء، و كسلانين، و سلبيين، و مش بناخد خطوة في إننا نغير أي حاجة مش عاجبانا؟ و بنشتكي ع الفاضي و المليان، و حرامية، و و مرتشين، و فاكرين نفسنا حاجة جامدة بدون أي دليل على كده، و عايزين ناخد فلوس كثير و نشتغل أقل، و تافهين إلخ إلخ..
و على فكرة بقى، مهما حاولنا نستر نفسنا، العالم شايفنا عريانين، لا شايفنا أحفاد الفراعنة، و لا شرب من نيلها و لا فكر يغنيلها، و إحنا فاكرين إن في شوية أثار و بطولات كاس قارات مداريين على الأرقام اللي موجودة في كل إحصائيات العالم، اللي بتسيء لسمعة مصر بجد، أو بمعنى أصح بتحطها في نصابها الصحيح.
المقالة ديه كده ممكن تتحول لشكوى برضه بلا هدف، لو بعد ما قريتها ماحاولتش إنك تغير، تغير نفسك قبل ما تغير اللي حوليك، و تحاول تاخد خطوة لقدام في محاربة كل المشاكل ديه، لإنك مصري، و كل فعل يومي ليك بيأثر في سمعة مصر، مسؤليتك إنت إنك تشتغل، و تبطل عنصرية، و تبطل شكوى مع سواق التاكس، و برضة مسؤوليتك إنك تغير السياسة، و تغير التعليم، و تغير الصحة و تغير كل حاجة مسوسة في مجتمعنا، مهما كنت نكرة، و مالكش سلطة، تقدر تغير بمليون ألف طريقة أولها إنك تقول “أي” و ماتسكتش لحقك، بس عشان ده يحصل، لازم نعرف إيه هي المشاكل أصلا، و نعلنها، و نتدايق من وجودها، و نصرخ و نقول بدل “الأي” عشرة و ألف.
و لو مصر مش عايزة حد يسيئ لسمعتها، يبقى تمشي عدل الأول، و تبطل المشي البطال.
RE: خبر وصورة يحصدان غضب المصريين في دقائق - Blue Diamond - 07-05-2010
http://www.facebook.com/pages/shan-tml-hajt-fy-hyatk-lazm-tsafr-bra-msr/140141049331743