+- نادي الفكر العربي (http://www.nadyelfikr.com)
+-- المنتدى: الســـــــــاحات الاختصاصيـــــة (http://www.nadyelfikr.com/forumdisplay.php?fid=5)
+--- المنتدى: لغـــــــة وأدب (http://www.nadyelfikr.com/forumdisplay.php?fid=78)
+--- الموضوع: قصة (/showthread.php?tid=4697)
قصة - قطقط - 07-17-2008
سلام
فيه آية فى سفر أيوب بتقول إن الرب مؤتى الأغانى فى الليل ، وكنت مش فاهم معناها إيه ؟
فلما حصلت القصة بتاعتى دى ، وكنت حاسس إنى فى ألم وظلام فكنت أجد نفسى أرتل ، وكان الترتيل يخفف الألم
وقرأت فى موضوع الأمثال لمحمد القداح مثل بيقول : الفقر يخلق المجرم والحب يخلق الشاعر
ولو هذه القصة لن أستفد شيئاً منها ، فقد جعلتنى أنتج شعراً
وهذا الشعر كان فى مرحلة الظلام والألم
حالياً أشعر أن الألم خف ، والظلام إنقشع ، والنفس هدأت ، والحمد لله
قصة - قطقط - 07-18-2008
- 358
حبيبى طيب قوى
ومعاه نهر الهوى
حبيبى حبه دوا
وحبه فى القلب إستوى
آمـــين
--------------------
- 359
حبيبتى ياملاك السما
وهدية الرب
شوفت فيكى
كمال نعمة الحب
وشوفت فيكى
الورد والزهر
وشوفت فيكى
الأمانة والطهر
طلبى من الله
إن حبى يكون جهر
وإن الموضوع يكتمل
وأشترى الشبكة وأدفع المهر
وأعيش معاكى العمر كله
فى محبة وسهر
وإخلاص وشوق لمدى الدهر
وأسيب الموضوع كله
لمن بيده الأمر
آميــــــن
قصة - قطقط - 07-21-2008
- 360
ستى ياعالية ونور الكون
وأحلى من الورد والفل والزيتون
قلبى مولع نار .. كانون
فى حب ست الكل الطاهرة المصون
وأتمنى أعرف أقول كلمة حلوة تخش الجون
وترفع عنى الحزن والشجون
ذِكرك شاغل بالى
ولله فى خلقه شئون
--------------------
- 361
ياستى ياعالية المقام
وممتلئة بالفرح والسلام
سيادة سيادتك تمام التمام
وقلبى من سيادتك كله غرام
وعقلى من حب ستى لهاليب وهيام
أتمنى ربنا يسمح وأشوفك قوام
وأسمع صوتك الغالى وكفاية صيام
حبك يزلزل كل مكان حتى الدمام
والبعد عن سيادتك حرام حرام
----------------------
- 362
ياستى الغالية نورك جميل
وننى عينى من نورك كليل
أتمنى أشوف جمالك الجليل
وقلبى يكون تحت رجليك ذليل
وعمرى فى شرف خدمتك قليل
وأكون فى حب ستى من البهاليل
آمــين
-----------------------
- 363
حبيبتى يامارد الحب
يانار وشعلة القلب
حبك عالى وصعب
وتمنه غالى يجيب الرعب
حبك جد ومافهوش لعب
وحبك مش قط ده سبع
آمــين
---------------------
- 364
حبيبتى وفيها كل الجمال
وفيها الخير ، وفيها ماء الزلال
وفيها الرضى والحب والجلال
وفيها السعادة والسحر الحلال
وتملك الأرض والمال
وتهتز لحبها الجبال
وعليها تحقيق الآمال
آمــين
--------------------
- 365
ياأميرة الحب
وحبيبة الرب
إنت للحب منبع
وأنت للحب مصب
وأنت للمرض دواء
وأنت للمريض شفاء
وأنت تسعدى الجو والهواء
وتبعثى الفرح والهناء
وتقضى على الفراغ والخواء
آمــين
----------------------
- 366
ياوردة ومصباح الحب
يافلة ومعشوقة القلب
نحبك بعمرنا كله
ولو حتى كسبنا غلب
آخد الغلب كله ، وآخد التعب كله
بس حبيبى يرضى عنى
ويجىء يبقى حتة منى
آمــين
----------------------
- 367
الشكر للإله المتعال
على عطيته عطية الحب والجمال
وعلى إنسانة تملك أحلى خلال
خلال أحلى من الدنيا وم المال
وخلال تريّح القلب والمخ والحال
إنسانة تحتاج نتجه للرب بالسؤال
يوهبنا حبنا الرب ذو الجلال
ويريح القلوب ويحقق الآمال
آمــين
قصة - قطقط - 07-21-2008
سلام
عندى مهمة سفر 15 يوم ولن أستطيع المشاركة فى تلك الفترة
سلامى وتحياتى لكم جميعاً