+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: حول الحدث (http://www.nadyelfikr.com/forumdisplay.php?fid=64)
+--- الموضوع: خبر وصورة يحصدان غضب المصريين في دقائق (/showthread.php?tid=37490)
RE: خبر وصورة يحصدان غضب المصريين في دقائق - -ليلى- - 08-14-2010
RE: خبر وصورة يحصدان غضب المصريين في دقائق - -ليلى- - 08-20-2010
![[صورة: 40685_122248491158357_104224996294040_11...8590_n.jpg]](http://sphotos.ak.fbcdn.net/hphotos-ak-snc4/hs287.snc4/40685_122248491158357_104224996294040_114996_3118590_n.jpg)
إن شاء الله اليوم بكره هيكون أكتر من رائع .. في اسكندرية لسه متكلم مع أحمد سعيد وقال لي ان فيه تجهيزات لإفطار لألف واحد .. تصوروا اهل خالد وجيرانه عاملين فطار لألف شخص .. يا ريت كلنا نروح ويا ريت كلنا نبقى ايد واحدة ونعرفهم اننا كلنا معاهم وهنفضل معاهم لحد ما نجيب حق الشهيد خالد من كل اللي قتلوه مخبرين وضباط وأطباء شرعين .. وأي مجرم شارك في قتل انسان كان المفروض يكون بيفطر مع أهله دلوقتي ... الله يرحمه
http://www.facebook.com/event.php?eid=153364204674236
RE: خبر وصورة يحصدان غضب المصريين في دقائق - -ليلى- - 08-21-2010
يوم التحدى..يوم العاشر من رمضان..عن ما حدث بالاسكندريه
![[صورة: 40784_148419185188108_129237763772917_34...9688_n.jpg]](http://sphotos.ak.fbcdn.net/hphotos-ak-snc4/hs289.snc4/40784_148419185188108_129237763772917_342652_5249688_n.jpg)
يوم التحدي - كتبها: محمد عبدالسلامالتحدى كان لكل من شكك فى قدرة الشباب على الاستمرار. الشباب أثبتوا ان نفسهم طويل. كان تحدى للأمن أيضا.. ليس بمعنى اننا نمسك لهم عصا أو نضربهم بهراوة (!!) ولكنه بمعنى أننا لا نخشاهم وليس لدينا ما يعرف بـ" الحسابات الأمنية" . التحدى أيضا كان لكل من يرفعون شعارات ويلتفون حول الكاميرات ولا صوت لهم ولا تأثير فى الشارع. ببساطة كان يوما غير تقليدى، مثير، ناجح جدا.
هذا اليوم بدأ النقاش حوله بعد الجلسة الأولى لمحاكمة قتلة خالد. كان الرأى السائد أن زخم القضية والتفاف الشباب حولها وتماسكهم قد ضاع والسبب " ان رمضان داخل خلاص". وكانت فكرة الافطار الشعبى والتى تطورت وتم دمجها مع الوقفة. ثم أخيرا فكرة " المحاكمة" والتى أضافت لليوم كثير من الحماس وألهبت مشاعر الشباب.
كنت محبطا كعادتى، وواضعا أسوأ الاحتمالات أمام عينى - ومش شايف غيرها-. الشباب لم يكونوا تدربوا جيدا على أدوراهم، توقعت عزوف الشباب عن المشاركة فى الوقفة، توقعت منع دخولنا لشارع الشهيد خالد سعيد. وتوقعات أخرى سلبية.
تحركنا فى تمام السادسة لنصطف على الكورنيش. المكان ملىء بأفراد الشرطة. جلسنا على الكورنيش. الشباب يتوافدون. أسر، أمهات، بنات. صور خالد سعيد تنتشر. الجميع ينظر للطريق ويحمل صورة خالد. بدا الأصدقاء فى أمن الدولة متوترين شوية. الجميع يتلو القرآن، مجموعات من الشباب توزع تمر للافطار، وأخرى توزع ورقة "أعرف حقك" والتى أعدها مجموعة من المحامين وصاغها واحد ربنا يسامحه بالعامية. بدا المشهد مثيرا لوسائل الاعلام. اهتمام بتتنيح. كله بيصور فى صمت
قرار العبور جاء قبل آذان المغرب بدقيقة. فجأة.. 2000 شاب وفتاة يقفون أمام منزل خالد سعيد ويفطرون معا. الأكل والشرب متوفر. صورة أخرى للجماعية. روح جميلة. أقسم بالله العظيم لا تقل عن روح أكتوبر. وهؤلاء الشباب أبطال كأبطال أكتوبر. بل معركتهم أصعب لأن العدو يعتقده البعض صديق فى أيامنا هذه.
الأمن أغلق المصلى والمقهى. هكذا. صلوا فى الشارع، تيمموا فلا مياه تكفى لكل هؤلاء. البنات اخترن مكانا بجوار المصلى وأقمن الصلاة. الدعاء لخالد سعيد والدعاء على الظالمين تهتز له القلوب.
ورق الجرائد والمصليات جلس عليه الشباب. الشارع تحول لمسرح. هناك ستارة بالفعل. قاضى. منصة. مشنقة. وبدأت المحاكمة
لم نكن نعرف أنها ستكون بهذا التأثير. مينفعش احكيها. ابقوا شوفوها بقى. مدير الأمن كان مستفز جدا، خاصة وهو يسمع الحكم باقالته مع تصفيق حاد من الجمهور. انتهت المحاكمة بهتاف "يحيا العدل". فأمر الرجل بجلب السيارات من شارع بورسعيد لتسير فى شارع خالد ليجبرنا على الانصراف. وكان الرد على ذلك أن بدأ الشباب يتحركون باتجاه ش بورسعيد. تم عمل اللازم. كردون من أمامنا وآخر من خلفنا. وقرر الشباب الاعتصام حتى يسمحوا لنا بالانصراف معا. وهتفوا "كلنا واحد" . كانت مشاهد رائعة.. جلسنا على الأرض، غنينا " اهو ده اللى صار" " بهية" " شيد قصورك" . الشباب نفسهم طويل قوى. كنت حريص أسأل الناس: تعبتم. لأ.
حسن مصطفى -ده اللى عمل دور القاضى واصدر الأحكام- يحاول اقناع بعض اللواءات بأن يتركونا نذهب وهم يرفضون ذلك. جاءه مدير الأمن
مدير الأمن: انا اللوا محمد ابراهيم مدير الامن
حسن مصطفى: حضرتك، احنا أقالناك من شوية فى محاكمة شعبية. انت ملكش حق تتكلم معانا لانك مبقتش مدير الأمن
انسحب مدير الأمن وهو لا يجد ردا. لم يكن استفزازا أو محاولة لاغضابه. ولكنه تعبير تلقائى بصوت الضمير. الضمير لا يعرف المجاملات. نعم، لا سلطة لك على هؤلاء الأحرار. لست أنت المسئول عن أمنهم.
استمر التضييق والتعسف. صلينا العشاء بالتيمم أيضا. الشيخ اللي صلّى بينا دعا على الظالمين. فكيف تعاملوا معه؟
سحل وضرب أثناء خروجه من الكردون لمسافة تزيد على 15 مترا ومنع أى مصور من تصوير الاعتداء عليه. ثم أقتادوه إلى مكان ما. ولا نعرف هل عاد إلى منزله أم لا؟
إن القضايا التى يقودها الضمير من الصعب أن تخفت أو يفقد المشاركون فيها حماستهم. تحية لشباب اسكندرية اللى هيكونوا مفاجأة مصر فى الأيام القادمة. انتظروا هؤلاء الشباب فى معارك أخرى. أنا مؤمن جدا بعبقريتهم واخلاصهم
RE: خبر وصورة يحصدان غضب المصريين في دقائق - -ليلى- - 08-21-2010
محاكمة شعبية لقتله خالد الله يرحمه
![[صورة: 41009_122545034462036_104224996294040_11...3290_n.jpg]](http://sphotos.ak.fbcdn.net/hphotos-ak-snc4/hs293.snc4/41009_122545034462036_104224996294040_116134_6993290_n.jpg)
هما دول المصريات اللي بيغيروا على بلدهم وبيخافوا على اخواتهم .. دول فعلا اخوات خالد
![[صورة: 46207_122471687802704_104224996294040_11...2265_n.jpg]](http://sphotos.ak.fbcdn.net/hphotos-ak-ash2/hs199.ash2/46207_122471687802704_104224996294040_115786_332265_n.jpg)
صورة من طنطا .. الأطفال دول لازم يتعلموا يكسروا كل حواجز الخوف اللي للأسف الحكومة زرعتها في جيلنا والجيل اللي قبله .. زرعوها فينا عشان نفضل خايفين جبناء بنشوف الغلط ونسكت عليه .. حتى لو كان الغلط ده قتل انسان برئ في الشارع .. حتى لو كان الغلط ده سرقة بلدنا .. حتى لو كان الغلط ده اهانة كرامتنا .. احنا مش هنسكت وهنعمل اللي نقدر عليه بكل الوسائل الممكنة .. وهنغير بلدنا
![[صورة: 44689_122508541132352_104224996294040_11...0929_n.jpg]](http://sphotos.ak.fbcdn.net/hphotos-ak-snc4/hs364.snc4/44689_122508541132352_104224996294040_116026_3380929_n.jpg)
: شكرا لكل شاب أو بنت ساهموا في رسم البسمة على وش أم اتقتل ابنها بأبشع طريقة .. بجد انتم نموذج للشباب الايجابي .. انتم الامل .. وانتم اللي هتغيروا البلد دي لو استمريتم بنفس الروح والعزيمة دي .. ورفضتم الذل والاهانة وأي محاولة لطمس كرامة المصريين
![[صورة: 45120_122457344470805_104224996294040_11...1908_n.jpg]](http://sphotos.ak.fbcdn.net/hphotos-ak-snc4/hs368.snc4/45120_122457344470805_104224996294040_115653_2231908_n.jpg)
صورة لواحد من اللي اتصابوا النهاردة في اسكندرية بعد الفطار .. يا ترى اللي ضربه على راسه ده وتسبب في جرح لمصري نازل يعبر عن رايه بايجابية .. هييروح البيت ينام عادي؟ هيشوف أهله عادي ويسلم عليهم؟ يا ترى البلطجي ده كان صايم أصلا؟
![[صورة: 45531_122516687798204_104224996294040_11...0188_n.jpg]](http://sphotos.ak.fbcdn.net/hphotos-ak-snc4/hs372.snc4/45531_122516687798204_104224996294040_116076_6630188_n.jpg)
![[صورة: 46040_122547841128422_104224996294040_11...4952_n.jpg]](http://sphotos.ak.fbcdn.net/hphotos-ak-snc4/hs397.snc4/46040_122547841128422_104224996294040_116136_7804952_n.jpg)
![[صورة: 46227_122493701133836_104224996294040_11...0606_n.jpg]](http://sphotos.ak.fbcdn.net/hphotos-ak-ash2/hs199.ash2/46227_122493701133836_104224996294040_115911_5530606_n.jpg)
ازاي حصل لك كده؟ ازاي علموك تمد ايدك على ولاد بلدك بالعصاية اللي ماسكها في ايدك دي؟ يا ريت اللي يشوف الشاب ده وانا متاكد ان ناس من قرايبه او اصحابه معانا في الجروب .. يكلمه ويقول له: يوم ١٠ رمضان من أكتر من تلاتين سنة كان اللي زيك بيحارب الصهاينة .. انت دلوقتي بقيت بتحارب ولاد بلدك أخوك واختك وقرايبك .. مش مكسوف من نفسك؟
شكرا لإبراهيم اللي صور الصورة المعبرة دي
![[صورة: 41177_122482631134943_104224996294040_11...8677_n.jpg]](http://sphotos.ak.fbcdn.net/hphotos-ak-ash2/hs157.ash2/41177_122482631134943_104224996294040_115849_6088677_n.jpg)
كلنا خالد سعيد أبو محمد سعد ترك لما سمع عن تفاعلنا في الصفحة مع قضيته .. وتواصل مع واحد من المحاميين اللي بيدعموا الصفحة .. قرر انه يحضر وقفة اسكندرية وكان معانا النهاردة .. وهنفضل نسأل الحكومة: فين محمد سعد ترك! محمد طالب كلية طب أسنان خطفوه أمن الدولة في يوليو ٢٠٠٩ ولسه مرجعش بيتهم لحد دلوقتي محدش يعرف مكانه ولا حد شافه من ساعتها و...كل جريمته انه نزل بيتهم من غير بطاقة يوم زيارة الريس وكانت دقنه طويلة شوية!
: رسالة من والد محمد سعد ترك .. طالب كلية طب أسنان اسكندرية المخطوف في أمن الدولة في جزارة الداخلية من أكتر من سنة بدون جريمة أو محاكمة: أرجوكم يا أصحاب القلوب الرحيمة ساعدوني .. أنا مشفتش إبني من من يوليو ٢٠٠٩ ومعرفش حتى هو حي ولا ميت .. أرجوكم مش عايز ابني يطلع عايز بس اشوفه واطمئن عليه وأبوسه واحضنه .. أرجوكم قدروا مشاعري كأب عايز أشوف ابني
![[صورة: 39910_122523627797510_104224996294040_11...4287_n.jpg]](http://sphotos.ak.fbcdn.net/hphotos-ak-ash2/hs131.ash2/39910_122523627797510_104224996294040_116093_2774287_n.jpg)
صورة من دمياط .. شكرا لكل اللي نزل وحضر وقرر انه يكون ايجابي
http://www.almasryalyoum.com/news/%D8%A5%D9%81%D8%B7%D8%A7%D8%B1%D8%A7%D9%8B-%D8%AA%D8%B6%D8%A7%D9%85%D9%86%D9%8A%D8%A7%D9%8B-%D9%88%D8%B5%D9%84%D8%A7%D8%A9-%D8%A3%D9%85%D8%A7%D9%85-%D9%85%D9%86%D8%B2%D9%84-%C2%AB%D8%AE%D8%A7%D9%84%D8%AF-%D8%B3%D8%B9%D9%8A%D8%AF%C2%BB-%D9%88%C2%AB%D8%A7%D9%84%D8%A3%D9%85%D9%86%C2%BB-%D9%8A%D8%B3%D8%AA%D8%AE%D8%AF%D9%85-%D8%A7%D9%84%D9%82%D9%88%D8%A9-%D9%84%D8%AA%D9%81%D8%B1%D9%8A%D9%82-%D8%A7%D9%84%D9%86%D8%B4%D8%B7%D8%A7%D8%A1
إفطار تضامني وصلاة أمام منزل «خالد سعيد» .. و«الأمن» يستخدم القوة لتفريق النشطاء
![[صورة: mhmd_rf_26.jpg]](http://media.almasryalyoum.com//sites/default/files/imagecache/highslide_zoom/photo/2010/08/20/50/mhmd_rf_26.jpg)
فرقت قوات الأمن بالقوة ما يقرب من 400 ناشط، وحقوقي، وأعضاء من حركة 6 أبريل، نظموا إفطاراً جماعياً أمام منزل «خالد سعيد» بمنطقة كليوباترا بالإسكندرية، مساء اليوم.
وأكد الناشطون أن قوات الأمن اعتدت عليهم بالضرب، و"تحرشوا ببعض الفتيات المشاركات في الإفطار"، بعد ترديدهم هتافات عدائية ضد «جمال مبارك»، ووزير الداخلية «حبيب العادلي»، وتنظيمهم لـ"مسرحية هزلية" تضمنت محاكمة للمتهمين بقتل «خالد سعيد»، انتهت بإدانتهم وترديد هتافات تطالب بالقصاص من "القتلة"، ومحاسبة المسؤولين، "وعلى رأسهم وزير الداخلية ومدير أمن الإسكندرية".
كان عشرات من الناشطين، دعوا إلى وقفة على كورنيش الإسكندرية يعقبها إفطاراً تضامنياً مع أسرة «خالد سعيد» أمام منزله، لكنهم فوجئوا بحصار قوات الأمن للمنطقة المحيطة بالمنزل، وإغلاق المقاهي، والمحال التجارية المحيطة، وقطع التيار الكهربائي عن المنطقة لإجبار النشطاء على فض تجمعهم، وعدم إقامة أية فاعليات أخرى بعد الإفطار، ثم تطور الأمر، وتدخلت قوات الأمن، محاولة تفريقهم بالقوة.
RE: خبر وصورة يحصدان غضب المصريين في دقائق - -ليلى- - 08-21-2010
![[صورة: 45096_148454248517935_129237763772917_34...2635_n.jpg]](http://sphotos.ak.fbcdn.net/hphotos-ak-ash2/hs188.ash2/45096_148454248517935_129237763772917_342807_1902635_n.jpg)
فى الاسكتش اللى عملوه الشباب النهارده..فى النهايه تم تمثيل اعدام كلاً من المخبرين محمود الفلاح ومحمد عوض ومعاهم الظابط احمد عثمان ..يا ترى نفسك مين يكون معاهم ؟
![[صورة: 40515_148444788518881_129237763772917_34...6892_n.jpg]](http://sphotos.ak.fbcdn.net/hphotos-ak-snc4/hs304.snc4/40515_148444788518881_129237763772917_342787_2356892_n.jpg)
دا جزء من السكتش اللى عملوه الشباب النهارده فى اسكندريه
" وطبقآ للمادة 230 عقوبات والتي تنص علي ان كل من قتل نفسآ عمدآ مع سبق الاصرار او الترصد يعاقب بالاعدام
فقد قررنا الاتي اولآ : اقالة كلآ من وزير الداخلية حبيب العادلي ، مدير امن الاسكندرية محمد ابراهيم"ا
وبعده الاسكتش حضر مدير امن اسكندريه و بيزعق علشان الوقفه..وبيقول...هم انه اللواء محمد ابراهيم مدير امن اسكندريه..فواحد من الشباب قال له: أيوه عارفين حضرتك .. بس حضرتك لسه معزول عن وظيفتك دلوقتي في محاكمة شعبية !ا
http://www.facebook.com/laila1#!/video/video.php?v=119803298069971&ref=mf
جزء من الاسكتش بصورة واضحة
RE: خبر وصورة يحصدان غضب المصريين في دقائق - -ليلى- - 08-21-2010
انا اسمى خالد محمد سعيد شايفين الظابط دا اللى قولنا انه هيتقدم فيه بلاغ للنائب العام..الظابط اللى رافع العصايه على اخواته ..الظابط اللى بيسىء لكل مصرى..الظابط دا اسمه مؤمن وهنعرف اسمه التانى قبل ما نقدم البلاغ ..الظابط دا ساكن فى سيدى بشر قبلى فى شارع اسمه شارع عقل..اللى يمد ايده على اخواته يبقى لازم يتفضح ويتحاكم..يلا علشان يبقى فخور بنفسه أوى وهو رافع العصايه على اخواته !ا
![[صورة: 44344_148521921844501_129237763772917_34...6369_n.jpg]](http://sphotos.ak.fbcdn.net/hphotos-ak-ash2/hs180.ash2/44344_148521921844501_129237763772917_343109_2236369_n.jpg)
RE: خبر وصورة يحصدان غضب المصريين في دقائق - -ليلى- - 08-21-2010
قوم يا مصرى قول كفايه
الطوارىء لاء كفاية
و الإهانة لاء كفاية
حسنى مبارك لاء كفاية
و ابنة جمال لاء كفاية
كل ظالم له نهاية
بس انت قول كفاية
شارك شارك عالى الصوت
اللى هيهتف مش هيموت
اللى هيسكت بكره يموت
موتونا الف مره
اضربونا الف مره
مصر غصب عنكم حره
قولوا لعوض و الفلاح
دم خالد مش مباح
دم المصرى مش مباح
دمى و دمك مش مباح
خالد خالد يا سعيد
انت شاهد و شهيد
RE: خبر وصورة يحصدان غضب المصريين في دقائق - بسام الخوري - 08-22-2010
آلاف الناشطين المصريين يفطرون جماعيا تضامنا مع مطالب إصلاحية
اشتباكات في إفطار دعت إليه أسرة خالد سعيد
الإسكندرية: أحمد صبري الإسماعيلية: يسري محمد
اشتبكت عناصر من الشرطة المصرية أمس مع نشطاء سياسيين وحقوقيين يطالبون بإصلاحات في البلاد. وقال شهود عيان في مدن القاهرة والإسكندرية والإسماعيلية إن آلافا استجابوا لدعوة أطلقها مناصرون لقضايا حقوق الإنسان بتنظيم إفطار جماعي تعبيرا عن التضامن فيما بينهم.
وفي الإسكندرية، وعقب إفطار رمضاني دعت إليه أسرة الشاب خالد سعيد الذي توفي مطلع يونيو (حزيران) الماضي، واتهمت أسرته عنصري شرطة بقتله، تظاهر أمام منزل الشاب نحو ألف ناشط مصري استجابة لدعوة أسرته إلى إفطار رمضاني بشارع بوباستس بمنطقة كليوباترا (شرق الإسكندرية). وينتمي النشطاء إلى نشطاء الفيس بوك وحركات «كفاية» و«عايز حقي» و«أبريل» وحزب الغد، وحزب الكرامة (تحت التأسيس).
واصطف الناشطون قبل أذان المغرب على كورنيش الإسكندرية لقراءة القرآن، وهي عادة يمارسها معارضون في الوقت نفسه في القاهرة حيث يقفون أمام كورنيش النيل وكذلك محافظات أخرى، للمطالبة بمحاكمة المتسببين في مقتل خالد سعيد، وإلغاء قانون الطوارئ.
وعقب إفطار الإسكندرية حاول المتظاهرون التحرك إلى شارع بورسعيد (أحد الشوارع الرئيسية بالإسكندرية)، لكن قوات الأمن تصدت لهم، واندلعت اشتباكات بين الجانبين استمرت نحو نصف الساعة.
وشهد الإفطار عرضا مسرحيا قدمه مجموعة من النشطاء اليساريين لمشهد محاكمة عنصري الشرطة المتهمين بقتل سعيد.
وفي الإسماعيلية المطلة على قناة السويس فرضت الأجهزة الأمنية حراسة مشددة على طول كورنيش شارع محمد علي بالإسماعيلية لمنع فعاليات الإفطار الجماعي الذي كان مقررا عقده تضامنا مع خالد سعيد. وتم منع الشبان من الوصول للمنطقة المتفق على التجمع بها والمواجهة لمديرية أمن الإسماعيلية وأمانة الحزب الوطني بالإسماعيلية.
http://www.aawsat.com/details.asp?section=4&article=583424&issueno=11590
RE: خبر وصورة يحصدان غضب المصريين في دقائق - -ليلى- - 08-22-2010
[align=center]10 رمضان .. لكن مش 6 أكتوبر
by منى حسن
كالعادة بدأت الاستعدادات للوقفة الصامتة اللي المرة دي ح يكون لها طعم تاني.. طعم رمضاني .. وأمي هى اللي دعتنا للفطار معها..
بدأت الوقفة على الكورنيش في اسكندرية في كليوباترا.. المرة دي كانت وجوهنا للشارع.. جلسنا نقرأ قرآن وندعو لأخي خالد وقبل المغرب بدأنا التحرك للتوجه لبيت خالد والإفطار معا كلنا مع بعض..
دخلنا الشارع بلا أى مضايقات وأمي جهزت الإفطار وفطرنا كلنا واحنا لأول مرة نتجمع بالشكل القوي ده ..الشباب صلوا المغرب في الشارع.. وأحنا البنات صلينا في مدخل بيت على جنب ..
كل شئ كان تمام.. اسكتش محاكمة شعبية لقتلة خالد.. انتهى بإقالة حبيب العادلي ومدير أمن اسكندرية وإعدام كل من المخبرين وأحمد عثمان..
وبدأت مظاهرة متحركة في الشارع.. وهنا أولا:
1.تم إطفاء أنوار الشارع وقطع الكهرباء عنه تماما..
2. سمعنا أصوات سيارات الشرطة.
3.تم تحويل المرور من شارع بور سعيد اجباريا لتدخل السيارات وسطنا لتفريقنا .. أو في محاولة لإغضابنا
4.ثم فوجئنا بالشارع يتسد بصفوف الأمن المركزي.. رجعنا للوراء فوجدناهم قد سدوا الناحية ألأخرى.
5.بدأت الهتافات تتردد للتنديد بما حدث.. ومنها (أمن الدولة برة برة.. مصر غصب عنكم حرة). الأمن أجبر المحال على الإغلاق بحجة أن أعمال شغب ستبدأ بعد قليل
اذن لصلاة العشاء.. فقام الشباب بالصلاة وسط الحصار وأمهم الشيخ عمر المصري الذي تم ضربه بعد الصلاة..
الشباب تدخلوا عند ضرب الشيخ وبدأ الأمن في الضرب بالهراوات وأصيب عدد من الشباب ومنهم واحد رأسه شجت.. وبعد ذلك بدأ الجنود في التقدم علينا من الجانبين..
هنا بدأ الرعب.. ظلام.. وضيق مكان وضرب.. الشباب رجعوا البنات وراهم وققفوا أمامنا.. لكن لم نسلم من الضرب والزق
بدأت المفاوضات لإخراجنا من الكردون الأمني خاصة .. رفضوا إخراجنا معا.. وأصروا على إخراج البنات أولا.. رفضنا طبعا لأن معنى ذلك أن يستفردوا بالشباب.. وخوفا عليهم ظللنا واقفين..
استمر الحصار أكثر من ساعة ونصف.. وكل شوية تتجدد الاشتباكات.. والمفاوضات مستمرة.. طب نخرج 3 ولاد وبنت .. لأ.. تخرجوا أربعات بنات بس.. أو 3 بنات وولد
قلنا لأ خلينا أحسن..
قعدنا نغني أغاني سيد درويش الوطنية الجميلة وأغاني نجم الحماسية.. أغاني تم غناؤها في أزمنة مختلفة لكن ما زال الناس يحفظونها وكأنها شئ مشترك في النضال الشعبي مهما اتخلفت الأزمان..
حوالي الساعة تسعة مساءا صدر أمر بتقدم الجنود علينا من الجانبين أكتر مع أننا كنا تقريبا 500 في حوالي 100 متر مربع..
بدأ الزق و(التفعيص) واتحشرنا كلنا في مساحة صغيرة جدا لا نكاد نجد فيها مكان للوقوف.. وبدأنا في الظلام وضيق المكان نشعر بالاختناق.. وهنا أصر الشباب على أن تخرج البنات
حسن مصطفي ومحمد عبد العزيز بداوا مفاوضات تانية لإخراج البنات وهو ما تم.. خرجنا من المعجنة دي كل أربع بنات مع بعض.. وتركنا خلفنا الشباب ربنا يحميهم اللي كان همهم الوحيد إخراجنا بسلام..
حاولنا نقف نستنى علشان نطمن على الباقي اللي في الكردون لكن كان ورانا ظباط ومخبرين أجبرونا على التحرك..
البعض صعد لمنزل أخونا خالد يستريح شوية .. الباقي خرج على البحر معنا أحد شباب الوقفة الجدعان اللي فضل واقف لحد ما ركبنا علشان نروح..
من المواقف الطريفة إن مدير الأمن جاء يصرخ في حسن مصطفي ويقوله أنا مدير أمن اسكندرية.. فرد عليه حسن.. أحنا أقلناك من شوية في محاكمة شعبية وليس لك الحق في الكلام لأنك لم تعد في منصبك..
طبعا بأحكي وأنا متأثرة جدا.. أول مرة أشوف المهزلة دي على الحقيقة وأول مرة أنضرب في مظاهرة.. أول مرة أحس بالرعب من ظباط أمن المفروض حمايتنا.. أليس وظيفتهم هى حماية المظاهرات كما يقولون.. فلماذا تتحول الحماية إلى حصار وضرب وبهدلة لشباب وبنات وأمهات ,اطفال..
ما هذه الألفاظ المقذعة التي نسمع.. وهذا الكبرياء الذي في غير محله..
خرج الجميع بسلام مع وجود أقوال باعتقال البعض غير مؤكدة..
RE: خبر وصورة يحصدان غضب المصريين في دقائق - بسام الخوري - 08-30-2010
http://www.youtube.com/watch?v=ChL75DvhVMQ&feature=channel
...اوراق مصرية | رمضان بلا تعذيب.. شهادات