+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: وين "الحمصيه القبضاي" يا جماعة؟ (/showthread.php?tid=10327)
الصفحات:
1
2
وين "الحمصيه القبضاي" يا جماعة؟ - العلماني - 07-06-2007
دينا يا حمصيه ... وين هالغيبه ؟
"البعد جفا" يا سندي ... وبيقولوا: "بعيد عن العين، بعيد عن القلب" ... عشان هيك : "خليك هنا خليك .. وبلاش تفارق" ...
(f)
واسلمي لي
العلماني
وين "الحمصيه القبضاي" يا جماعة؟ - Deena - 07-06-2007
ماقدرش على بعد...
أنا لي مين.. !!
والله أنك غير ياعلماني ياابن أم العلماني
غير وبتفهم
إيه من حوالي ال4 شهور ونص... :what: جربت أعمل حالي حردانة
قال بركي حدا بينتبه إني مختفية
بس ماحدا انتبه
بعدين نسيت الموضوع:)
حمصية شو أعمل
بس أنا هون على طول
وهل يمكنني أن أبعد
أنا يوميا أزور النادي وأتصفح بسرعة أخباره ومواضيعه
خصوصا مواضيعك
لكنه الوقت... إيه الوقت الله يلعن اللي اخترعه
مازلت أذكر صراعي مع الوقت... والزمن... والحركة
حتى أني في صغري كرهت الفيزياء
لطالما كرهتها
لكني الآن أحبها:what:
وعندما أسأل نفسي لماذا كنت أكرهها
أجيب "لأني كرهت التاريخ"
فالشاطر شاطر بكل المواد
والكسلان كسلان بكل المواد
يعني حسب سياسة"الحفاظ على مسار الأمور بالشكل الصحيح"
كما يفعل العرب في سياساتهم... في عدم كسر القاعدة
أو الشذ عن المألوف
أو تحطيم القيود والثوابت والمقدسات
هيك شي
المهم
من غير المعقول أن أكون مبدعة بالفيزياء ولاأحب التاريخ
أو أفهم العلوم ولاأستوعب الجغرافية
يعني مش معقول
رغم أني أحببت المدرسة
لكني لم أكن بماهرة كل المهارة
يعني كنت متوسطة المستوى
بتعرف ليش حبيت المدرسة ياعلماني!!
لأني كنت حب الأصدقاء واللعب والتسالي
وليس لأني كتير طالبة للعلم
أحيانا ألوم النظم المدرسية المتخلفة
كنا 50 بني آدم صغير في كل صف
لا حصص رياضة ولا رسم ولا موسيقى
قال شو... كانوا يأخذوها لكي ينهوا المنهاج لباقي المواد
ياأخي أنا كنت حب الموسيقى كتير
وأموووووت بالرسم
ولاأحد أمهر مني بالرياضة
والله
كنت أسرع بنت بالجري
وأفضل دفاع كرة سلة... لأني شاطرة بالنط
وسباحة ماهرة
فلماذا الحرمان من هذه المادة المهمة التي تطيل العمر؟؟؟
أما الموسيقى
ياعيني على الموسيقى والسلم الموسيقى والمقامات
إيه الأنسان قال "أه" قبل أن يقول ماما أو بابا
كان في عنا أستاذ موسيقى مشهور في حمص العدية (تموز بيعرفه كتير منيح)
توفى هذه السنة بعد معاناته من سرطان .. أظن المعدة
علمنا أيام معدودات ثم هرب... أو بالأصح هربوه
لأنه لم يوجد تلميذة واحدة راغبة بالاستماع له
بالموسيقى بالنسبة لهم أو لنقلها بهذه الطريقة
تعلم العزف على آلة ما هو أمر يحدث خارج المدرسة
يعني لإتمام المظاهر الاجتماعية
كما تشتري السيارة... تتعلم الموسيقى
أما الرسم
فكان ضد عقل مدراء المدرسة أن يتركوا معلم أو معلمة رسم في الصفوف
أصلا
هؤلاء كانوا يفهموا بالألوان وأنواعها؟؟... والظلال ودرجاتها!!... وأنواع فن الرسم وأسماء الرسماين كما فهمت "إجري" اللغة الصينية
لك ياأخي في برغشة عم توقف على شاشة الكمبيوتر
شو أعمل فيها
على كل
كنت مشغولة جدا ومازلت وسأبقى ياعلماني
يعني من لما تجوزت وتحول النهار إلى وحدات زمنية بالنسبة للحمصية
يبدأ التقسيم الساعة 6 صباحا
أحتاج عشر دقائق في الحمام... تعرف... فالجسم يعمل عمله في الليل والنتيجه تطرح الساعة السادسة وعشر دقائق
بعدها أبدا ببعض التمارين الرياضية لتلين ظهري العجوز
ثم تبدأ عملية انتقاء ماأريد أن أرتديه
العمى على هالبرغشة
مابدي أفعصها بإيدي لأنه أولا بوسخ إيدي
تانيا
مش المفروض تموت على إيدي طالما أنها لاتؤذيني
بس متل مابيقول المثل
الدبانة مابتنجس إيه بس بتعكر منافس
المهم
مكياجي يأخذ حوالي العشر دقائق
لأن رموشي قصيرة جدا.... يعني الله شو زعجه أنه يعطيني رموش طويلة متل أمي؟؟؟
راح عاطيها لأخي
وعشر دقائق أخرى لإنهاء ماتبقى لأصبح جاهزة ليوم عمل طوييييييييل
أركب سيارتي وأتسمع على فيروز يوميا وهي تغني
الدوالي دوالينا
والأغاني أغانينا
أصل المكتب بنصف ساعة وهنا يبدأ الحرث
إلى أن تصبح الساعة الخامسة بعد الظهر... علما أن الدوام ينتهي قبل ذلك بساعة ونصف (أحسبها انت بقى)
أعود أدراجي بنصف ساعة:)تخيل المسافة!! وتخيل لو أني أمشيها (كل يوم أتخيل هذا الأمر وكأني حمصية)
وتخيل درجة الحرارة في الإمارات ... حتى أني دائمة النعاس بسبب ذلك
أعود للمنزل لأرتاح نصف ساعة بالتمام والكمال
أقوم بعدها لأمارس باقي نشاطات اليوم من طبخ (إذا كان جاي على بالي)
ثم نفخ (تنفيخ على خلق الله... لأن الطبخ لاشك بعده نفخ.... أظن أنه زمان كانوا ينفخوا على النار)
ثم إرضاء أمي التي يجب أن تراني كل يوم
وبلا طول سيرة:)
مابتصير الساعة 10 إلا محسوبتك بتكون انطفئت
وإلى النوم سر
وين بدك لاقي وقت لحتى أكتبلك بنادي متل نادي الفكر
وهاي كتبت عن شهر
:)
كيفك أنت
وكيف حماتك!!
آه صحيح
بعدها عايشة؟
أوف... حكيت كتير
:wr: خسة لك
وين "الحمصيه القبضاي" يا جماعة؟ - Arabia Felix - 07-06-2007
:23:
تستاهل ياعلماني..
هههههههه
جيت تسأل وين الحمصية، ردت عليك بمنشووووور..
حبيبتي دينا.. تسلميلي ويسلملي تدفقك الدافىء.. دومي أبدا بالجوار.. :loveya:
وين "الحمصيه القبضاي" يا جماعة؟ - بسام الخوري - 07-06-2007
أهلين دينا .(f)...بعد قراءة ردك هناك فجوة ما في حياتك ...ايمتى عم تلعبي طاولة زهر مع زوجك ..:97_old::97_old::97_old:..
وين "الحمصيه القبضاي" يا جماعة؟ - كمبيوترجي - 07-06-2007
إييييييييييييه يا دينا
والله زمان عن حكياتك:23:بس ما شاء الله يخزي العين حولك كتبتي عن شهر فعلا:10:
ويلكم باك:97:
وين "الحمصيه القبضاي" يا جماعة؟ - إسماعيل أحمد - 07-06-2007
حدا جاب سيرة السوريين شي؟
حدا بيقول أنهم بيحبوا الرغي شي!!
منور يا قبضاي
ع راسي حارتك و شارعك و باب بيتك والزكردية اللي معك كلياتهن
بعد زمان
وين "الحمصيه القبضاي" يا جماعة؟ - ابن سوريا - 07-06-2007
لا تفاولوا عليها، بعدين شو حكت عن شهر وحكت كتير هاي؟
ما حكت شي، يعني ناقص كثير معلومات لازم نعرفها، يعني بعد الطبخ مو أكلتوه للطبخ؟ وكيف كان طيب؟ وبشو أكلتوا عربي ولا بالشوكة والسكينة، ووين وعلى شو عالطاولة ولا عالأرض، بالمطبخ ولا بالصالون؟
بعدين بفترة الغدا شو أكلتي ووين ومع مين وأي ساعة وشو كان الأكل، لذيذ؟
يبدو أني جوعان، تروح اتغدى أكسبلي حسنة :)
(f)
وين "الحمصيه القبضاي" يا جماعة؟ - Deena - 07-07-2007
شكرا على الترحيب
بس أنا أصلا لم أكن غائبة ياجماعة
على كل
أنا أكتر شي ابنسطت على ترحيب اسماعيل أحمد..
بسام وطارق مارح رد عليكون
رح أترك العنان لمخيلتكم .. ياأما منلعب دق طاولة أو مامنلعب...
وياأما مناكل بالشوكة ياأما بالإيد (على طريقة الهنود تبعوت الهند:))
شكرا وميض وكمبيوترجي
بس عنجد عنجد ماعندي وقت
أنتوا عندكون وقت؟؟؟
مش عارفة شو رح أعمل لما يصير في أولاد
قال وأنا كنت أتفالح وأقول "بدي جيب عشر ولاد"
سياسة "الدق على الصدر" الي كان عرفات يحبها كتير
أصلا كل العرب بيستخدموا هالسياسة
آل عشر ولاد آل
سمعتلكون أنه القطط بدأوا بحملة تحديد النسل بسبب سوء الأوضاع الاقتصادية (ماعم يلاقوا ياكلوا)
والفيران تدرس الموضوع
إيه والله هيك سمعت
:Asmurf:
وين "الحمصيه القبضاي" يا جماعة؟ - غالي - 07-08-2007
سؤال مهم للأبضاي دينا
هل أنت سعيدة؟؟؟
سلام
وين "الحمصيه القبضاي" يا جماعة؟ - العلماني - 07-09-2007
واااااااااااااو ...
لو عارف يا "دينا" يا بنت "أم دينا" أنو السؤال عنك رح يجيب هذه "المعلقة الجميلة البديعة" لسألت عنك كل يوم.
راجع المسا ... لحتى خلّي "البساط أحمدي" و"أقعد أعوج واحكي صحيح" ...
:redrose:
واسلمي لي
العلماني