السوري ويانيالو - نسخة قابلة للطباعة +- نادي الفكر العربي (http://www.nadyelfikr.com) +-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3) +--- المنتدى: حول الحدث (http://www.nadyelfikr.com/forumdisplay.php?fid=64) +--- الموضوع: السوري ويانيالو (/showthread.php?tid=10484)

السوري ويانيالو - إسماعيل أحمد - 06-28-2007 أنا وبصراحة يا جماعة كتير مبسوط انو أنا سوري العين تحرسني. يعني شو مبسوط انو أنا حامل هالجواز وعليه هالنسر يللي بيرفع الراس يخزي العين لك شو بدكن أحلى منهيك؟ بس نحنا شعب نقاق وما بيعجبنا العجب ولا الصيام لا برمضان ولا برجب شو يعني انو المية مقطوعة عن مليون ونص سوري حوالين الشام؟ أي بينحكى فيها؟ أي يشربوا ببسي أو كولا شو هالشغلة؟ نحنا عنا الدولة بتحب ها الشعب، وبدا اياه يتطور ويبلش يشرب مياه معدنية وكولا، لكن كيف بدنى نشجع التطور والاستثمار؟ هلأ بكرة" مخلوف" بيخلعكن بعشر معامل كولا وميّْ معدنية ولا تهتموا ولا تهزوا هاالبدن ومنشان الحمام والغسيل أي أخي ارجعوا للتيمُمّْ شو ها الشغلة يعني؟ أصلاً لو ما انو الدولة بتحبكن (حبكن برص) كان ما عملتلكن هيك؟ التيممّْ فيه ثواب وحسنة أكتر من الغسيل بالميّْ تضربوا.. يعني شو فيها ها الدنيا يا حسرتي؟ الواحد لازم يحسب حسابو لآخرتو وهيّْ الدولة عم بتساعدكن من شان تضمنوا آخرتكن كمان شو بدكن أحلى من هيك؟ وبتضلّْوا تنقوا على وسائل المواصلات وعلى الحوادث يللي عم بيموت فيها الآلاف وعلى الزحمة وعلى شرطة المرور تضربوا.. تضربوا هي فيها ذكاء خارق، أي مافي دولة بالعالم قدرت توصل لحل انو تضرب فيه عصفورين بحجر واحد خليني اشرحلكن: هادا دليل قديش الدولة بتحبكن، شو بدى الدولة؟ بدى الدولة تعملوا تمارين رياضية وتمشوا لك تمشي معدتكن.. أي في أحلى من المشي؟ فيق من النوم (وما أطال النوم عمراً) قبل بكم ساعة واندفس على شغلك ساعتين تلاتة مشي روحة والا رجعة بينحكى فيهن؟ وبتربح صحتك تضرب. وحاجي عم بتربوها. وبالنسبة لحوادث المرور يعني حيرتونا معكن.. بتضلوا تنقوا انو في زحمة مرور وناس كتيرة طيب شو بدكن أحلى من ها الحل الحوادث مفيدة لها الشعب وللبيئة العامة.. أولاً منخفف الزحمة وتانياً يللي عم بيموت بها الحوادث عم بيموت شهيد واسألوا "حسونة" المفتي العام بيفتيلكن فيها كمان دليل آخر قديش الدولة بتحبكن (حبكن برص) وخايفة على مصلحتكن دنيا.. وآخرة. وبتضلوا تنقوا عن الجرائم وانو قديش كثرت وانو ما حدى عم ينمسك طيب بدي اسألكن سؤال هلأ هدول المجرمين مو سوريين والا الدولة عم تستوردن؟ لك دود الخل منو وفيه طبعاً سوريين.. شه.. والدولة حبيبي مو ساكتة تفكروا.. بس هدول المجرمين والله فين خير أكتر منكن كلكن أولاً هدول مواطنين فهمانين ومناضلين وبيؤمنوا بالاشتركية المزبوطة منشان هيك عم بيشاركوكن.. تانياً عم يدفعوا وعم بيساعدوا هالشرطة المساكين العين الساهرة على هادا الشعب طيب حرام خليهن يلحسوا اصبعتن شو خربت الدنيا؟ وهيك بتتوزع الثروات على هالمواطنين وبالعدل. وبعدين كل هالدول المتحضرة (متلينا) عندن جرايمن ومجرمينن فما حدا أحسن من حدا.. بالعكس الدولة عم تحضركن بهالعملية وعم ترفع مستواكن فشوفيها اذا سمحنا بشوية مجرمين.. تضربوا شو عينكن ضيقة. ودرس بكرا رح اشرحلكن عن الكهربا وعن انو عنَّا أحسن سياسة كهربائية بالعالم كله الله يخليلهن صحتن (تبعون الكهربا) يخزي العين فقعدوا وحطوا رجليكن بمي باردة واشكروا هالنعمة لأنو لو صحت لغيركن؟؟.. ولأنو.. شنُّو لأنُّو :bouncy: أخبار الشرق السوري ويانيالو - إسماعيل أحمد - 06-28-2007 أنا سوري ويا نيالي - الجزء الأول موقع أخبار الشرق – الخميس 7 حزيران/ يونيو 2007 أشرف المقداد نحن السوريون نيقة عن الخليقة. اليوم يتذكر العالم العربي الهزيمة الشنيعة التي ألحقها بنا الصهاينة بستة أيام منها اثنان فقط على الجبهة السورية الأمر الذي أدى الى سقوط القنيطرة وكامل الجولان وفرارجيشنا الباسل والعقائدي، ضباطه قبل جنوده. لقد كُتب الكثير عن هذه الهزيمة وأسبابها ولن أستعرضها هنا لكنني أريد أن أستعرض كيف أنه نحن السوريون مختلفون عن العالم كله في طريقة تعاملنا مع الهزائم والأخبار "يللي مو تمام" في أي جيش يحترم نفسه تؤسس لجنة للتحقيق بأسباب الهزيمة وعواملها واذا ما كان القادة العسكريون مسئولون عن بعض أو كل الهزيمة. واذا وجد انهم مسئولون يحالون الى محاكم عسكرية أو الى التقاعد (وهو أضعف الأيمان)اذا لم يكونوا مسئولون عن كلّْ الهزيمة. وفي الدول التي عندها قليل من الاحترام لنفسها ولمواطنيها، تقف الدولة وقفة صادقة مع شعبها وتصارحه بما حصل وأسباب ما حصل وتعرض نفسها على مجلس النواب، فاذا شاء المجلس تركها في الحكم واذا رأى المجلس أن الحكومة كانت غير كفىء أسقطها وفي كل وزارات الدفاع (تقريباً) يعرض الوزير استقالته أو يستقيل فعلاً وفي عدد كبير من هذه الدول يعتبر وزير الدفاع أو قائد الجيش نفسه مسؤولاً عن الهزيمة ويقدمون على الانتحار كما حدث في مصر وألمانيا واليابان. أما ما جرى لدينا يا اصدقاء فهو يدخل موسوعة غنيس بالتذاكي والانكار والكذب والخرط. أولاً "أي هزيمة؟!!!!!! أي بتسمي هي هزيمة؟؟؟ العمى شو طبل هي ما فيها شي. . هي نكسة.. فكشة.. عضة كوساية.. ما بتحرز، لافيها فكاهة ولا مازيِّة شو يعني راحت الجولان؟ بكرة بترجع، وبعدين شو هالجولان بدي افهم بلاها بهالوقت، محرزة نهز بدنَّا ؟ كلها ما بتطلع شخطة على الخريطة بدك أحلى الشباب يموتوا ؟ هن اليهود بكرة لحالن بيرجعوها. ثانياً "أصلاًً نحنا ً يللي انتصرنا "!!!!! شلون؟؟؟ لك شوبنا؟ بدك طعميك اياها بالملعقة؟ خليك زكي وافهام عليِّ هنَّ شو كان هدفهن من كل هالحرب؟ خليك معي، هن هدفهن من كل هالمعمعة هو اسقاط النظام!!! طبعاً حبيبي ما هنَّ غيرانين من نظامنا وبدن يسقطوه نحن عنَّا وما لك علي يمين أحلى نظام وهادا النظام مجنن كل الرأسمالية والرجعية والاستعمار والامبريالية والصهيونية والاقطاع والطابور الخامس والسادس والعاشر والملكية (طبعاً ناسي انه الأردن ملكية وانهزمت مع هذا النظام المغوار) والانبطاحية". ليس هذا فقط، وزير دفاعنا المقدام بدل أن يحاسب أو يستقيل أو ينتحر(بعيد الشر عنو) عاش ليترفع (يرفع نفسه من أجل بطولاته) الى ملك-رئيس للجمهورية ومن ثم ليورثها للولد الغالي والمحروس عن العين، الله يخليه لأمه على هالطول، يللي أفحل من أبوه بالانتصارات، ومن ثم وبجهود الدبيكة وخليعة الخصور خمس نجوم ليورث الابن لابنه قولوا آمين. السوري ويانيالي السوري ويانيالو - Awarfie - 06-28-2007 نيالي ، انا سوري ، بس ما معي هوية ، و لا جواز سوري ! يعني ، هي يمكننا ان نقول بان الاكراد ايضا ، يا نيالن ! :Asmurf: السوري ويانيالو - إسماعيل أحمد - 06-28-2007 * سوري ويانيالي (3) موقع أخبار الشرق – الخميس 28 حزيران/ يونيو 2007 سوري ويا نيالو: أشرف المقداد أي وين صرنا؟.. اه أي انه قديش انو نحنا محظوظين انو نكون سوريين وقديش النا الشرف يكون عنَّا هيك رئيس وحكومة(اسما الله حولن وحاواليهن) وانو قديش نحنا شعب نقاق وما بننعطى وش وانو شو ما عمل رئيسنا العبقري والدولة الأعبقر منو منظلّْ ما بيعجبنا العجب ولا الصيام برمضان ولا برجب. شوفوا مثلاً الكهرباء.. على ايش النق وأكل الهوى.. طيب عم تنقطع الكهرباء بشكل يومي ولساعات طويلة أي وين المشكلة؟ أي هي مثل واضح من عبقريات رئيسكن يخزي العين عنو وعن انو قديش بيحبكن (حبكن برص) يعني اذا ما قطلعكن الكهربا كل ليلة شو رح تسووا؟ يا اما رح تقعدوا قدام التلفزيون أو يا اما رح تقعدوا تتسهوروا وتعلكُوا وتعجنوا وهذا "غلط" وطبعاً منشانكن سيادة الرئيس عم يقطعلكن الكهرباء والأسباب كما تلي: 1- حرصاً على الصحة العامة التي رئيسنا الحنون بشار الأسد مؤتمن عليها القعدة قدام التلفزيون بتضِّر بعيونكن الكواحل ومنشان صحتكن وهالعيون عم يقطعها. 2-حرصاً منه على صحتكم الدماغية والنفسية. لأنو بيعرفكن انو كيف انتوا ما بتحبوا الثقافة الوطنية والقومية وما بتابعوا البرامج المهمة والممتعة جداً مثل برامج الفلاحين والشبيبة والطلائع والعمال واتحاد النساوين وعم بتحطوا على برامج غير موثوقة عم بتخربلكن دماغكن (مثل يللي على الفضائيات الغير سورية) وعم بتخليكن تتفتحوا على شغلات بتضر صحتكن متل "انتخابات"، "ديمقراطية"، "حرية"،"معارضة" ومتلها من الحكي الفاضي. 3-حرصاً على صحتكن البدنية منشان تروحوا على النوم بكير وترتاحوا وتريحوا 4-حرصاً على الانتاج الوطني (للتبزير) لكان كيف رح تخلفوا وتتكاثروا وخاصة انه ماظل عنا صاحب وعنا الف حرب وحرب منشان مصلحتكن الكبرى والتي هي الحفاظ على نظام رئيسكن أحسن رئيس بالعالم بشار الأسد. لكان حبيبي الناس كلا حاسدينكن عليه وبدن يشلحوكن اياه وهو ما بدو لعيونكن الكواحل والله. فهمتوا عليه لرئيسنا الملهم؟ بري عليكن يقبرني فهمكن ودرس بكرة رح يكون عن ما يسمى" بالفساد" وانو قديش انتوا محظوظين فيه