قد إيه برتاح أنا لحظة ما أقابل بسمتك
و بكون شديد لمّا أمد الخطوة و امشي بِسكتك
يا عشقي ياللي حُبك أداني و خد مني السنين
ما بين الحلم و الخطو ه ، و بين الكلمة و الزنازين
أنا ماشي بناديلك ، ما بلقاش أغنيلك
مشيت الليل بطول الليل ، لكن الليل ما وصّلش ِ
وأتاري الفجر بعيوني خيال و الجرح مادبلش ِ
و شفت الناس طهارى تموت على قوتها
و ناس بتعلّي في بيوتها .. وناس راحت فِدا صوتها
وناس تايهين
وناس تحت التراب نولها
بتغزل فجر شوق نُلها
ومهما الغدر بِنُلها
أكيد واصلين .. أكيد واصلين
وأنا يومي اللي جاي لسه ما خضَرّش ِ
و بكره بذره حتنبت مع الطالعين
صلاة الزين .. صلاة الزين .. صلاة الزين على أولادك شُداد جامدين
صلاة الزين .. صلاة الزين
يا ست الكل يا خضره .. يا شابه ياللي كحل العين
أنا بناديلك .. و أنا اللي بغنيلك .. أنا العاشق بقرآنك أناديلك
و قوليلي أنت فين و أنا أجيلك .. أوفّي الدين .. و أناديلك
ونزرع شمسنا ضحكه على شفة وليد أخضر
تندّي الأرض و تفتح زهور أكثر