واللي مش عاجبه .... يطق ... ويموت ..... - نسخة قابلة للطباعة +- نادي الفكر العربي (http://www.nadyelfikr.com) +-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3) +--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60) +--- الموضوع: واللي مش عاجبه .... يطق ... ويموت ..... (/showthread.php?tid=11675)

واللي مش عاجبه .... يطق ... ويموت ..... - نسمه عطرة - 03-08-2007 من قلم : ماهر ذكي :redrose: كاتب وشاعر عربي من مصر مقيم في الصين الى .. جمال عبد الناصر عشق البكا في الفرح .. والجرح خلا البكا موصول والذكرى بعد الذكرى والود بيك موصول ياهلتري .... انت لسه فاكرنا ... ولا تلاقيك مشغول .. تعرف ؟؟.. كان نفسي أقابلك ولما وصلت .. وسألت قالولي ودعنا الأمل قالولي سلمنا الأمور قالولي ضيعنا الأمانة ولقيتني .. في عز قومتي وقعـــــت ..... كان نفسي أسيب الملعب بس الحكم مارضيش ونزلت أغازل كل اللي قابلوني وعند صورتك ياجمال وقفــــــت ... كأن شموخك المرسوم على جبينك بدر .. لم البشر حواليك لمعة عيونك تأسر المجروح ومن فينا ماهوش مجروح انت علمت الرجال كيف يصنعوا الأجيال وكيف يبقوا رجالة وانت علمت العيال كيف يلعبوا بالطين .. ويبنوا العالي ويبقوا برضه رجالة علمت طمي النيل مشيته وسط العيدان علمته يرسم خضار علمته يزرع عمار علمته كيف العمل .. يكون بلا قياله يمر النيل على يمينك في تشريفه ويغمز لك .. وتضحك له وبينكم ود عجيب وبينكم حاجة غريبة وفهمتها دلوقت أتاريكم توأمين لأب شموخ وأم عظيمة في العظمة يمكن فلت الزمام منك لأنك .. ماصدقتش ان الأعادي أكتر من حبايبينك وفي جبينك .. هل الهلال بدري ولو خطأك ده كان مقصود ... أنا مسامحك وييجي ايه الخطأ في جملة الحسابات كفاية ابويا ورفعة راسه اللي طول عمرها تحت المداس بقينا لما بنصرخ بيطلع لنا صوت هرب الخرس منا وبقينا بني ادمين تعــرف .... كان نفسي اقابلك من زمان ده عشق الجرح بيعشش في جوف جوفنا نده علينا الغول ماخوفنا .. ووقفنا وبقينا مضرب الأمثال والكل قال .. شوفوا جمال شوفوا مصر ويلا زيها نعمل وحملك كل يوم يتقل وتعمل .. ويتقل .. وتعمل .. ويتقل ياااااااه يا ضهري اللي اتحنى لما المطار ... طـــــــــــار وعشش غراب البين على بيتنا واتبحترت لمتنا واستقبلت عتبتنا كلاب الأرض بالزفة لما وقف الزمـــــن لحظه .... طاوعك ضميرك تقولها ؟!! طاوعك لسانك تقول انا مروح ؟!! إزاي وقع الكلام منك ... ده انت حبل الضهر اللي لو رخرخ ... نموت إنت كحل الصبايا في ليلة العمر إنت اللي صوتك عزم بينشف عضامنا انت اللي دايماً ورانا وانت اللي قدامنا ومن غيرك ... يقف المراكبي في عرض البحر ويضيع يجف ريق النيل على الأرض الشراقي ومش لاقي .. غيرك اشكي له ولا أحكيله .. سبب همي صدقني ... انت اللي ممكن تكون زعقة رجولة فــ ابويا ودمعة حنان لأمي ياجمال .. خليك معايا حتى لو دنيتنا مش واحده كفايا يجمعنا الهوى وعشق اللي بترفض كل عشاقها وحبها من غير حساب ومكتوب علينا حبها .. وبنحب مكتوبنا وعايشينه .. وراضيينه .. وعايزينه واللي مش عاجبه .. يطق يموت واللي مش عاجبه .... يطق ... ويموت ..... - Awarfie - 03-08-2007 انا راح اطق يا نسمة ، بس موش رح موت . :21: القصيدة بالتاكيد جميلة ! شكرا ! واللي مش عاجبه .... يطق ... ويموت ..... - نسمه عطرة - 03-08-2007 طيب يا أوارفي أنا طقيت وطفشت بعد ما هجرنا وماهر صاحب هذه القصيدة طااااااااااااااار أيضا وذلك الى بلاد الواق الواق كما ترى فهو في بكين ولم ينسى أن يدرج أنه عربي ثم مصري تحية لابن النيل ... العربي الأصيل :redrose: واللي مش عاجبه .... يطق ... ويموت ..... - Awarfie - 03-08-2007 يعجبني الشفتشي لنسمة العطرة :89: واللي مش عاجبه .... يطق ... ويموت ..... - discovery2 - 03-09-2007 Array طيب يا أوارفي أنا طقيت وطفشت بعد ما هجرنا وماهر صاحب هذه القصيدة طااااااااااااااار أيضا وذلك الى بلاد الواق الواق [/quote] عقبالنا قولوا امين:73: