+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: حدى بيعرف يساوي تشيز كيك ؟ (/showthread.php?tid=14728)
الصفحات:
1
2
حدى بيعرف يساوي تشيز كيك ؟ - bassel - 09-28-2006
شباب
بدي وصفة التشيز كيك بليز اذا حدى بيعرفها
تحياتي
حدى بيعرف يساوي تشيز كيك ؟ - تيامت - 09-28-2006
اقتباس: bassel كتب/كتبت
شباب
بدي وصفة التشيز كيك بليز اذا حدى بيعرفها
تحياتي
بما انك سالت الشباب بس خليهم يجاوبوك يا شاطر :yes:
حدى بيعرف يساوي تشيز كيك ؟ - bassel - 09-28-2006
له له ..
شباب يعني جيل الشباب كلو .. شبابا ذكورا و شبابا اناثا و شبابا ما بينهما ;)
و الختايرة كمان شباب .. لأنن شباب القلب
فشباب يعني الكل يا قلبي .. فالله يخليكي لا تفوتينا بهيك باب هلأ
المهم شو الوصفة يلي عندك ؟؟
حدى بيعرف يساوي تشيز كيك ؟ - تيامت - 09-28-2006
اقتباس: bassel كتب/كتبت
له له ..
شباب يعني جيل الشباب كلو .. شبابا ذكورا و شبابا اناثا و شبابا ما بينهما ;)
و الختايرة كمان شباب .. لأنن شباب القلب
فشباب يعني الكل يا قلبي .. فالله يخليكي لا تفوتينا بهيك باب هلأ
المهم شو الوصفة يلي عندك ؟؟
ايه لا شباب مصطلح ذكوري بحت لان له تانيث بحيث تستطيع ان تقول شابات فما رح تمشي علي هاي العب غيرها بسول
وشباب القلب هاي خدعه كبيره اوعى تصدقها بعد الثلاثين كلو ختايره:lol:
وما في وصفه :P
حدى بيعرف يساوي تشيز كيك ؟ - رحمة العاملي - 09-28-2006
بدك تشيز كيك بعجينة البسكوت
او بعجينة الباي
بدك معه كريما او قشطة لبنانية بتعمل كولوسترول
بدك فواكه او بلا فواكه على الوجه
بدك شوكولا على الوجه
او جلو مع الفواكه
شو الطبخة هات ايدك والحقني :D
بدك تحدد خياراتك
:97:
نسيت شغلة مهمة
بدك تشيز كيك بالبراد او بالفرن
حدى بيعرف يساوي تشيز كيك ؟ - تيامت - 09-28-2006
شيز كيك بالقهوه
المقادير :
لعمل طبقة البسكويت
3/1 1 كوب بسكويت بنكهة الشوكولاته مطحون .
3/1 كوب زبده .
لعمل الحشوه :
3 بيضات .
3 ملاعق كبيره نسكافيه .
6 جبنة كيري .
كوب سكر .
شوكولاته سائحه .
2/1 كوب sour cream .
لعمل طبقة النسكافيه
2/1 كريما whiping cream .
ملعقه كبيره نسكافيه .
شوكولاته مبشوره .
الطريقه :
يسخن الفرن إلى درجة حرارة 350 فهرنهايت ، يخلط البسكويت مع الزبده و يرص جيداً في صينيه التشيز كيك ، يخلط البيض مع النسكافيه في وعاء صغير و يوضع جانبا ، تخلط الجبنه مع السكر في الخلاط ثم توضع خلطه البيض فوقه و تخفق إلى أن تتماسك ، تخلط الشوكولاته السائحه مع sour cream ثم تضاف إلى الخلطه السابقه ، ثم يسكب الخليط فوق البسكويت في الصينيه ، ثم توضع الصينيه بالفرن لمدة 40 - 50 دقيقه ، ثم تخرج من الفرن و تترك حتى تبرد ثم توضع في الثلاجه .
[لعمل طبقة النسكافيه :
تخلط الكريما والنسكافيه في وعاء ثم يوضع على النار ثم توضع الشوكولاته المبشوره و يترك لمدة دقيقه حتى تذوب الشوكولاته ، ثم يخلط جيداً و يوضع فوق التشيز كيك ، ثم توضع بالثلاجه و تزين بالشوكولاته المبشوره
جربتها من فتره وكثير لذيذ:D
ما تنسى تدعيلي باسل
حدى بيعرف يساوي تشيز كيك ؟ - bassel - 09-28-2006
اقتباس: رحمة العاملي كتب/كتبت
بدك تشيز كيك بعجينة البسكوت
او بعجينة الباي
بدك معه كريما او قشطة لبنانية بتعمل كولوسترول
بدك فواكه او بلا فواكه على الوجه
بدك شوكولا على الوجه
او جلو مع الفواكه
شو الطبخة هات ايدك والحقني :D
بدك تحدد خياراتك
:97:
نسيت شغلة مهمة
بدك تشيز كيك بالبراد او بالفرن
هيك وترتني ... :what:
طيب .. تشيز كيك مع بلوبيري و جيلو على الوجه ..
على فكرة شو الفرق بين تبع الفرن و تبع البراد ؟ بتفرق بالقاعدة اذا كانت خبيز أو بسكويت جاهز يعني ؟
تحياتي
حدى بيعرف يساوي تشيز كيك ؟ - رحمة العاملي - 09-28-2006
الفرق بين البارد والسخن
ان التشيز كيك البارد من عجين البسكوت وشرط ان لا تحتوي حشوة الجبنة على بيض والا بتروح فيها اسهال
يعني بس تحط بيض يعني لازم تخبزها بالفرن
مافي بيض ما في مشكلة بالبراد
المهم سجل عندك
تشيز كيك بالبلو بيري
علبتين بسكوت اقل من نصف كيلو يعني 350 غ
نصف كيلو زبدة
كباية سكر صغيرة
مربى البلو بيري خشنة
نصف كباية حليب او ملىء كباية شاي (بس مش شاي)
علبتين جبنة بوك او كبايتين حسب كيف بيعها ببلدك
مغلف جلو شفاف بلا لون
نص كباية ماء فاترة لتش البسكوت فيها اولا وبتحطها بالخلاط مع الزبدة او بتشمر عن زنودك وبتدعكها مثل الشاطر لتنعم العجينة مثل جلد النسوان
بعدين بتمدها بصينية مدورة خاصة تبع ام كعب متحرك بتلاقي منها بمحلات الصيني كعبها او قعرها متحرك بيندفش من تحت او دايرها بينفك
ثم
تخلط الجبنة بالخلاط مع السكر والحليب وتذوب مغلف الجلو بنص كباية ماء ساخن وبتقلبو فوق الجبنة مع برشة ليمونة حامضة (ما تكتر) مع عصرة صغيرة فوق المزيج و(بتشلخ) المزيج فوق العجينة بالصينية وبتحطها بالبراد شي ساعتين تلاثة اربعة (قد ما بدك انشالله يوم وليلة )
بعدين
بتطلع الصينية من البراد وبتمرغ عليها مربى البلو بيري الخشنة بسماكة نصف سنم متساوية وتزينه بكريما دريم ويب او (هاف اند هاف) وتستعمل خلاط بشريط بشكل مستمر لمدة خمس دقائق بطاسة فوق طاسة ثلج ليكمش
الافضل لصحتك ان تستعمل بسكويت (دايجستيف)
وفيك تستعمل بلو بيري حبوب وترصها على وجه الجبنة
وتحط الجيلو عليه من فوق وترجع الصينية على البراد حوالي نصف ساعة
وفيك اذا بدك تخبز العجينة بالفرن حوالي عشر دقائق لتشقر وتقرمش قبل ما تحط المزيج عليها
وصحتين
حدى بيعرف يساوي تشيز كيك ؟ - bassel - 09-28-2006
حبيب قلبي عليك يا رحمة يا عاملي ... (f)
يعني شي عظيم هيدا الحكي يلي حكيتو .. جميل و اليوم المسا شكلي لح ادعيلك كتير
يعني على شرحك تخيلت حالي عم اكل تشيز كيك بـ هالي بيري مش بلوبيري :yes:
طيب ريس مازالك هيك معلم .. شو رأيك تسفئنا هيك شي وصفة تانية على زوئك .. يعني مثلا مع كاكاو أو اي شي بس بدون فرن الله يرد عنك ..
و الف شكر يا ريس
:97:
حدى بيعرف يساوي تشيز كيك ؟ - أبو إبراهيم - 09-28-2006
لدي هذا الكتاب عن التشيزكيك.
وهو عبارة عن 300 صفحة من الوصفات الشهية والسهلة...
لمن أراده فليبعث عنوانه البريدي على الخاص...
;)