من شفافا الخمر نقط متل الندي... شوية خمر يا كاس يمكن اهتدي - نسخة قابلة للطباعة +- نادي الفكر العربي (http://www.nadyelfikr.com) +-- المنتدى: الســـــــــاحات الاختصاصيـــــة (http://www.nadyelfikr.com/forumdisplay.php?fid=5) +--- المنتدى: لغـــــــة وأدب (http://www.nadyelfikr.com/forumdisplay.php?fid=78) +--- الموضوع: من شفافا الخمر نقط متل الندي... شوية خمر يا كاس يمكن اهتدي (/showthread.php?tid=15294)

من شفافا الخمر نقط متل الندي... شوية خمر يا كاس يمكن اهتدي - arfan - 09-01-2006 يا شالها .. يانايم على كتافا ومرتخي شو مخبى بطياتك عتم وحكي يا شال .. يا ملفح القصب بخيال عم احلم بهـ الليل يمكن يصرلي حد العنق عرزال* شو اتعمشقو* عيوني بلوليتين اتخبو تحت خيطانك متل الصور صرت يا عمر عـ حيطانك يا شال.. انزل عن كتافا ولا تستحي من شفافا الخمر نقط على طرافك متل الندي... شوية خمر يا كاس يمكن اهتدي وانسج حكاية ورا حكاية وصير الخيط فوق الخيط وصبّح على كتافا متل الورد يا شال انهدي معرق يا شال بليل ونجمتين تحتك اتخبى الصبح بوردتين وصار الحلم حلمين اقطف شفاف الحلو وعبي من المسك جرتين يمكن تجي الريح عليك وتختفي وصير العتم عـ كتافا وفيي تكتفي وقلها يا حلوة: أنا شالك فيي افرحي وانزل عن كتافا يا شال.. لا تستحي مرة بليلة شتي كنت بردان وطل الحلو متل الحلم وما كنت غفيان مديت ايدي عـ الكتف يا شال يمكن لوحك يمكن وقعك ويمكن آخد مطرحك واغفى على كتافا لا بالشتي ولا بالبرد سألان شفت الخريف بخطوتا فتّح زهر وصارت فصول السنة تمشي وراها ويعْرَق دهر متل السحر يا شال مرة انكْتِبْ مرة انمحي ومرات فِلْ من القهر بحياااااة الحلو يا شال انزل عن كتافا لا تستحي jidar.net العرزال:كوخ من القصب يبنى فوق .. سطح المنزل.. اتعمشقو: تعلقو