+- نادي الفكر العربي (http://www.nadyelfikr.com)
+-- المنتدى: الســـــــــاحات الاختصاصيـــــة (http://www.nadyelfikr.com/forumdisplay.php?fid=5)
+--- المنتدى: أقــلام ســاخـرة (http://www.nadyelfikr.com/forumdisplay.php?fid=82)
+--- الموضوع: أبي الحبيب حسني مبارك (/showthread.php?tid=16100)
أبي الحبيب حسني مبارك - بيلوز - 07-27-2006
أبي الحبيب حسني مبارك
مقدمــه لسيادتكــم برعــم نشــأ فى عهدكــم وتربّــى فى كنفكــم وشرب من بحــر علمكــم وحكمتكــم التى أذهلــت العــدو قبل الصديــق
تسمـحلي أقــولّك يابابا ؟
بابا أنا تعبــان أوي ....لأ مــش سنانــي دي ودانــي !!!...أيــوه ودانــي ..أصلي سمعــت كتيــر أوي عن حاجــات حلوة حتحصــل لنا وما حصلــش منها حاجــة ...حقول لك شويــة حاجــات منها واخواتي هنا يمكــن يحبــوا يزودوا عليها شــوية حاجات تانيــة جايز أكــون نسيتها ... بابا مــش عايزك تزعــل منى علشان فتحــت لك قلبــي
(1)
بابا...مصــر فى السياســة والإقتصــاد وحتى فى الرياضــة بقت في الحضيض.. بقينا في آخــر القايمــة يابابا صــدقنى
(2)
الدول اللى كان محــدش بيسمع عنــها خالــص بقت أحسن مننا بكتيــر أوي يعنــى دول زي الهند...الفلبين...حتى تايــلاند عندهم إيــدز وبرضه بيشتغلــوا وبيصدّروا كمــان....إنت نمــت يابابا؟ .....لسه صاحي... طيب أكمــل
(3)
بتشــوف قناة الجزيــرة والعربيــة ودبى يابابا....شوف همّه وصلــوا وبقوا إيه واحــنا بقيــنا إيه....الإعــلام بتاعــنا بقه زبــالة بصراحــة يابابا...تفتكــر ده من إيــه؟
(4)
المصرييــن اللى عايشيــن بره محــدش بيســأل فيهم خــالص يابابا....تصــوّر لو حــد منهم مات ...السفــارة مابترضــاش تبعت جثته إلا لــو الناس لمّــت من بعضها ودفعــت المعلــوم......ده غير إن سفــاراتنا بتعاملهم بطــريقة أخر جليطــة وقلّة حيا بصــراحة
(5)
إحنا مابنزرعــش قمــح ليه يابابا ؟؟؟....أنا عــارف إنــك بتحب الكنتلــوب علشــان طعمــه أحلــى ....مش مهــم
(6)
بابا...بيقولــوا إن إسرائيل ممكــن ترجــع تحتلّنا تانى علشــان المعاهدة اللــي عمّــو أنــور مضى عليها دي.....مينفعــش تلغيــها يابابا وندخّل جيــش مصــري في سينا
(7)
هــوه ليه عمــو عمرو خــالد وأنكــل يوســف القرضــاوى ملهمش برامــج على التليفزيــون المصــري يابابا ؟؟؟....ليه كل البــرامج بتطلــع فيها روبــي ونانســي ودينا؟؟؟....طــب عمو طنطــاوي مابيزعلــش لما بيشــوف الحاجــات دي ؟
(8)
فيه إشاعــة بتقول إن عدد الجــراد اللى هاجم مصــر 70 مليون جرادة يعنى نفــس عدد شعــب مصر وإن عمــو كمال الشاذلى هــوه اللى بعتهــم علشان يقولــوا نعم يامبارك .... صحيــح إنهم كتبــوا ليك مبايعة علــى ورق الشجــر يابابا؟
(9)
بابا ..... وزير الزراعة الجديد ده باين عليــه فقــر وقدمــه نحــس .... اوعى تفرط فيــه يابابا لأنــه بقى أملنــا الوحيد
(10)
بابا...إنــت صحيح ناوي تجــدد تاني في 2011 ؟؟؟
باباااااااا......سيب شعرررررري ياباباااا.......مين الناس دول يابابااااااااا
همّا واخدني ورايحين على فين يابابااااااااا
منقول
أبي الحبيب حسني مبارك - طنطاوي - 07-29-2006
اقتباس:منقول
منين؟
أبي الحبيب حسني مبارك - استشهادي المستقبل - 08-08-2006
حسني مبارك من اسوا ما شاهدت عيني من مخلوقات
هو يتكلم احسه كانه رجل الي
سحقا له بعدد نجوم ومجرات الكون وبعدد رمال الشواطئ
وبعدد الناس الذين يكرهونه والذين يحبونه الذين ولدوا وسيولدوا
أبي الحبيب حسني مبارك - إبراهيم - 08-09-2006
مبارك لا يمانع أن تناديه يا "بابا" لأنه خليفة السادات كبير العيلة ومن هذا المنطلق سنّ قانون "العيب" واللي يغلط في بابا يحطه في السجن. وداعاً للأبوية كنظام!
أبي الحبيب حسني مبارك - داعية السلام مع الله - 08-16-2006
لا ......هو يسحن أن نسميه ( البابا ) ... وليس بابا ... لازم نخليه معرفة مش نكرة ياجماعة احسن يزعل !
وربنا يجعل كلامنا خفيف عليه .
أبي الحبيب حسني مبارك - Kivi - 09-20-2006
اقتباس: بيلوز كتب/كتبت
(8)
فيه إشاعــة بتقول إن عدد الجــراد اللى هاجم مصــر 70 مليون جرادة يعنى نفــس عدد شعــب مصر وإن عمــو كمال الشاذلى هــوه اللى بعتهــم علشان يقولــوا نعم يامبارك .... صحيــح إنهم كتبــوا ليك مبايعة علــى ورق الشجــر يابابا؟
تحياتي ..... (f)
دي حلوة أوي ..:lol:
على فكرة كنت في القاهرة قبل البيعة (أقصد الإنتخابات) و سألت سائق تاكسي : هل سيبقى مبارك في الحكم أم سيستقيل ؟
قال : لأ ...... لأ ...... ألأحسن يبقى هو في الحكم لأنه على الأقل شبع شوية .....إذا يجي غيره فيبقى جوعان لحد 20 سنة ..... دة شبع شوي:lol:
كيفي
أبي الحبيب حسني مبارك - أمير - 11-07-2006
[SIZE=5]:devil::devil::devil:انا اعلن التبرئ من الأبويه لأي شخص ..... والحدق يفهم ( مع اعتذاري لوالدي الحقيقي فهو غير المقصود بهذا الكلاااااااااام ):devil::devil::devil: