نادي الفكر العربي
من إبراهيم: كيف أفتح هذا الملف؟ - نسخة قابلة للطباعة

+- نادي الفكر العربي (http://www.nadyelfikr.com)
+-- المنتدى: عـــــــــلــــــــــوم (http://www.nadyelfikr.com/forumdisplay.php?fid=6)
+--- المنتدى: حـاسوب و شبكـات (http://www.nadyelfikr.com/forumdisplay.php?fid=85)
+--- الموضوع: من إبراهيم: كيف أفتح هذا الملف؟ (/showthread.php?tid=19470)

من إبراهيم: كيف أفتح هذا الملف؟ - إبراهيم - 03-25-2006



تحياتي للجميع..
عندي سؤال.. من الموقع الروسي حملت كتاب اسمه

Current Medical Diagnosis & Treatment, 2006

http://www.avaxhome.ru/ebooks/current_medi...icine_2006.html

و لاحظت أن الملف موضوع بصيغة Microsoft® HTML Help Executable و لا أعرف كيف أفتحها. عندك حل؟ ياريت لو فيه طريقة حتى نتصفح هذا المرجع و لك جزيل الشكر. شكرا


هل هناك فايلات امتدادها هو Help Executable؟ هل هناك موقع أقدر أن أقرأه عن امتدادات الفايلات؟ شكرا شكرا لمن يساعدنا.

(f)


من إبراهيم: كيف أفتح هذا الملف؟ - Vangelis - 03-25-2006

شوف يا أبونا ابراهيم هقولك كده كام حاجه في السريع المستعجل عشان الحق اخش انام لان بكره الصبح عندي شغل , هفترض انك بتستخدم ويندوز xp وفي الحاله دي مفيش مشكله اساسا لانك هتفتح الملف عادي جدا وهيظهر لك بالشكل ده :

[صورة: 14ot.jpg]

بعدها هتضغط علي الزرار رقم اثنين مما سيتسبب بظهور الشكل ده :

[صورة: 22lj.jpg]

وبعد ما تضغط ontents هتخش ع الفرح الكبير

[صورة: 39py.jpg]


بعدها بقي عيش حياتك , وابقي ادعيلنا يا أبونا :saint:





اه قبل ما أنسي , في حاله ما اذا كنت بتستخدم ويندوز اخر او البرنامج مش شغال معاك لاي سبب كأن يكون حظك اسود او مش مقسوم لك قرائه الكتاب فأنصحك بتحميل قارئ مايكروزفت لهذه النوعيه من الملفات من هنا :
http://go.microsoft.com/fwlink?LinkId=14188



من إبراهيم: كيف أفتح هذا الملف؟ - إبراهيم - 03-25-2006

اقتباس:بعدها بقي عيش حياتك , وابقي ادعيلنا يا أبونا


خليني أدعي لك الأول: "عقبالك ما تبقى أب زيي و يقولوا لك برضو "يا بونا" ".

بالمناسبة، أنت غلطت في العنوان. أنا لست "أبونا".. :D لو أنا فعلا أصبحت أبونا أؤكد لك أنه لن يبقى حجر على حجر دون نقضه، كعادتي. It just goes against who I AM.
.

.

.
.

و أخيرا، ألف شكر على ردك المفصل و اللي ساعدني جدا و شاكر لك صدقا على تعبك معي.

(f)

من إبراهيم: كيف أفتح هذا الملف؟ - Vangelis - 03-25-2006

يعني انت ما طلعتش أبونا :what:





ولا حتي أمنا :10:

وبعدين ياراجل دي دعوه تدعيها لي !!
لو اعرف ما كنتش قلت لك تدعيلي و فضيتها سيره من الاول :angry:
انا عايزك تدعيلي اني اعمل مظاهرات في باريس زي نسمه عطره ولا اتعرف علي جيسيكا من بتوع نيوترال ولا حتي اتعرف علي فلبينيه من بتوع محارب النور , اي حاجه بدل قعدتنا مرميين في ارض العظا اللي حنا فيها دي .

بلاش الدعوات اللي تجيب ورا دي يا ابراهيم و ركز شويه .

اقتباس:و أخيرا، ألف شكر على ردك المفصل و اللي ساعدني جدا و شاكر لك صدقا على تعبك معي

يا سيدي ولا تعب ولا حاجه , اللي يستحق الشكر بصراحه مش انا .. لولا تحميلي لكتاب (التدريبات العسكريه للمجاهدين : كيفيه حرب المدن ) وهو الملف الوحيد عندي بنفس الصيغه , كنت هبقي زيك معرفش حاجه عن الملفات دي خالص .. و كان زمانك دلوقتي بتقول ريان يا فجل .

أدعي لابو مصعب الزرقاوي :lol:

من إبراهيم: كيف أفتح هذا الملف؟ - إبراهيم - 03-25-2006

اقتباس:أدعي لابو مصعب الزرقاوي


هو أنت منهم؟ :rolleyes:

هذا دعائي له:


اللهم اجعله يعشق الحياة و يؤثرها على الموت و يروّج للحياة لا الموت لأن من عاش الحياة فقد عاش و من انقضى أجله فخلاص راحت عليه و ودع زمانك ويا زماني و عمر اللي فات ما حايرجع تاني، آمين يا رب العالـ (آمون).


شكرا لك مرة ثانية على مساعدتي (f)



من إبراهيم: كيف أفتح هذا الملف؟ - Vangelis - 03-25-2006

اقتباس:هو أنت منهم؟

هاااااااهاهااااااااهاي


عزيزي ابراهيم , واسمحلي أدلعك واقولك يا هيما , دايما وقع كلمه "هو انت منهم" في اي وقت او اي مكان بيكون له صدي ساخر عندي وبما انك صاحب عيال فيعني اكيد بالك طويل وهتستحملني شويه كمان .

عمنا الزرقاوي مش محتاج تدعيله بالحياه ولا بالموت ولا بالكلام الفشنك ده كله , ده راجل بيشوف ملايكه في خلقته كل يوم في الرايحه وفي الجايه .. تفتكر هتأثر معاه دعوه مرتد عايش في بلاد الكفره :evil:

وبعدين ايه الكتاب الغريب ده اصلا , انت عندكم حد تعبان كفالله الشر , ولا انت ناوي تتطوع في الهلال الاحمر :rolleyes:

لو عايز تشكرني بجد : هات لي عقد عمل في قناه loveworld ولا نورسات ولا miracleTV ........ هتبقي خدمه العمر :hony:

من إبراهيم: كيف أفتح هذا الملف؟ - إبراهيم - 03-26-2006

اقتباس:لو عايز تشكرني بجد : هات لي عقد عمل في قناه loveworld ولا نورسات ولا miracleTV ........ هتبقي خدمه العمر


أولا: لا شيء ممكن أن يحل محل بلدك. الغربة لها تمن كبير. هناك أشياء لا يمكن استبدالها أو تعويضها.

ثانيا، أقترح عليك أن تقدم في فيزة اللوتري كل عام أو تفكر في السفر عن طريق فيزا طالب. لو تم قبولك في اللوتري فيشرفني أن أعمل ما بوسعي للوقوف إلى جوارك.

ثالثا، إبعد عن العمل في المحطات المسيحية و ابعد عن المؤسسات الدينية بوجه عام لأن أسوأ ما في الدين رجاله.

رابعا، عش كل يوم من حياتك بفرح و بقوة و كأنه آخر يوم في حياتك و اقتنصه و حقق ذاتك فيه لأن اليوم الذي يمضي لا يمكن تعويضه.

خامسا، سعيد أن ألقاك هنا و أتمنى أن نلتقي دوما في حوارات حلوة.

من إبراهيم: كيف أفتح هذا الملف؟ - Vangelis - 03-26-2006

اقتباس:أقترح عليك أن تقدم في فيزة اللوتري كل عام أو تفكر في السفر عن طريق فيزا طالب. لو تم قبولك في اللوتري فيشرفني أن أعمل ما بوسعي للوقوف إلى جوارك.

ربنا يخليك لينا ياعم ابراهيم , بس هو انا لو في جيبي 50 ولا 60 دولار حق اللوتري فيزا كنت هفكر اهاجر ليه اساساً :lol:

اقتباس:ثالثا، إبعد عن العمل في المحطات المسيحية و ابعد عن المؤسسات الدينية بوجه عام لأن أسوأ ما في الدين رجاله.
ايه اللي رماك ع المر .. قسمتنا ونصيبنا ياعم ابراهيم , ومفيش حلاوه منغير نار و الناس بتوع المحطات دي بيتعبوا , وبيتعبوا جدا كمان , انا والله فتحت في مره لقيت واحد فضل يصرخ لمده ساعه ونص متواصله والعرق نازل من تحت ذراعه وومغرق ملامحه وقميصه زي محمود المليجي في فيلم الارض .

صدقني ... انا نفسي افيد البشريه بس هي اللي مش عايزه :mad2: