نادي الفكر العربي
بيع الجمل يا علي .. و عمرك انشا الله ما تصير إلي - نسخة قابلة للطباعة

+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: بيع الجمل يا علي .. و عمرك انشا الله ما تصير إلي (/showthread.php?tid=20295)

الصفحات: 1 2

بيع الجمل يا علي .. و عمرك انشا الله ما تصير إلي - عودة/ليا - 02-21-2006

[RAM]http://www.sawari.com/z-sawari/song2/sameerah/camel.rm[/RAM]

بيع الجمل يا علي


ألحان : فريد الأطرش
غناء : أم الغمزة المشهورة سميرة توفيق (اللي الله وفقا خاصة بعد هالغنية)



مرحبا يا حلوات و يا حلوين [صورة: 009.gif] ..

شو رأيكن بهالغنية؟ بتجنن ماهيك؟ وبتاخد عقل العاقل لستين ألف داهية ...

حبيت شارككن بهالثروة التراثية اللي بتعطيا صورة ( إيسابية ) كتير عن المهر والزواج اللي مابيشبهوا بنوووووووب صفقات البيع والشراء ..

بصراحة أنا كل ما سمعت هالأغنية ... بقول لحالي ياترى أنا عم إفهم غلط أو فعلاً السمورة عم تضحك على دقن هالمهبول علي؟
أو أنا الهبولة بالقصة وما فهمانة شي عن الحب[صورة: 028.gif]


طيب شوفوا شو بتقول السمورة :

بيع الجمل يا علي .. واشتري مهر الإلـي
كرمي لوّح واستوى .. والعنب طاب وحِلـي
بيع .. بيع .. بيع .. بيع .. بيع الجمل يا علي


أوكي ..... لنفترض إني غلطانة وظنّي عاطل ..
طيب إنتوا فهمتوا شو بدا البنت من هالـ "هبولة" علي؟
فهمتوا شو قصدا وهدفا النهائي؟
شفتوا قديش بتحبه وبتهتم بمستقبلهم و بالعش العائلي؟

أكيد هون الحب فوق كل المصالح والاعتبارات ها [صورة: 038.gif]
.. هي بس بدا المهر اللي طالبه أبوها القنوع ....... انتوا أكيد موافقين معي انها بتحبوا وما بدا منو إلاّ الحب؟

لاء وشو؟ ......... بتقول له :

يا علي بيع الجمل .. و بيع النعجة و الحمل
أنا ما عندي أمل .. إلاّ حبّك يا علي
بيع بيع .. بيع بيع ..

ياسلالالالالالالالام على هالحب والله

بدها اياه يبيع اللي فوقه واللي تحته وتخرب بيته وبيت أجداده وبعد كل هالشي تقول انها بتحبه ... والله " حب إيه اللي انت جاي تقول عليه " ياعلي؟

لاء والأحلى من هيك .. قال ابوها طمّيع ياحلوين ..بدل ماتحاول تقنع ابوها بتخفيف الطمع جاي تقول لحبيبها الهبولة :


يا علي بويه طمّيع .. شو عندك يا حبيبي بيع
لو تتأخر أنا راح ضيع .. لا تضيّعني يا علي

إي شو عليه؟ بيع شو عندك واللي عند جيرانك ياعلي..

يعني هو معلش يضيع ويضيع عمره ويفلس ويشحد كمان..
بس هي ما بيصير تضيع ..
كأنه مو ضايعة وخالصة بهالطلبات اللي مابتعرف من وين اللله خالقن.


يا علي بيع الجِمال .. قبل ما يضيع الجَمال
واهدي بويه ذهب ومال .. واشتريني يا علي

وشوفوا انتوا شو حربوقة وذكية هالسمورة ..
عم تطلب من علي يبيع ويشتريها بأغلى االأسعار .. وهي بالمقابل عم تضحك عليه بهالموّال بأنه قلبا عالغياب دايب .. كأنه عندا قلب يعني.


علامك غايب و هاجر علامك .. وقلب ما عاش إلاّ عا كلامك
لمّا تغيب يا أغلى الحبايب .. تذكّر قلب عالهجران دايب
ومع النسمات ودّيلي سلامك
عين عين عيني .. عيني .. عيني


لاحول الله يا ربي


وتعوا شوفوا هون قمة التناقض الفكري والعاطفي والسياسي والاقتصادي يا جماعة ..
بعد كل هالإلحاح منشان بيع اللي فوقه وتحته وما ملكت يمينه وما ملكت يساره .... بتجي تعمل حالا انه الفلوس ما مهمة بالنسبة الها ...

أنا وانتَ بيكفينا . بيت صغير يدفّينا
ويطعمينا ويسقينا رب السما يا علي

ورب السما هالبنت داهية يا شباب
بس عن جد .... يا هيك الحب يا بلاش

شو رأيكم؟ كام عانس رح يصير ببلادنا باتباع السمورة وأفكارا التحررية قدوة لكل الحلوات؟

طوّلت عليكن الشرح ... لا مؤاخذة
بس عن جد كل ما شفت أو سمعت اسم علي بشي محل .. بقول لسة المسكين ماباع ولا اشترى ولا مات؟

لاحول ولا قوّة إلاّ بالله العلي العظيم



بيع الجمل يا علي .. و عمرك انشا الله ما تصير إلي - مجنون - 02-21-2006

صحيح إنه حب برجوازي :D


عودة/ليا لكِ صديقتي (f)

بيع الجمل يا علي .. و عمرك انشا الله ما تصير إلي - ابن سوريا - 02-22-2006

روعة يا ليا .. نص رائع مع أني قرأته سابقاً بموقع "سمر".
ولكن يبقى لنصوصك دوماً ألق عظيم ورائع. يعني بالعامية أو بالفصحى بتجنني.

يعني لا أستطيع إلا قراءة ما تكتبين للنهاية.. فعلاً مبدعة.

:kiss:

بيع الجمل يا علي .. و عمرك انشا الله ما تصير إلي - جادمون - 02-22-2006

السلام للجميع :


بالله شو :what:

يعنى بدها تبيعوا الجمل ,,,


بدها تبيعوا اللى فوقوا واللى تحتوا :lol:

و منشان شو ؟؟


منشان مهر للسنيورة :rolleyes:


صفقة خسرانة ..



و


بكرة تندم يا علي :23:





تحياتي (f)


والى لقاء قريب....



بيع الجمل يا علي .. و عمرك انشا الله ما تصير إلي - عودة/ليا - 02-22-2006

اقتباس:  (HUMAN)   كتب/كتبت  
صحيح إنه حب برجوازي :D


عودة/ليا لكِ صديقتي (f)

عم قول أنا ليش البرجوازية مفلّسة والله [صورة: cunning.gif]


شكراً لجمال حضورك HUMAN (جمال بفتح الجيم مو بكسرتا ها ) [صورة: nono.gif]


و هذه لك :97:




بيع الجمل يا علي .. و عمرك انشا الله ما تصير إلي - تيامت - 02-22-2006

مسكين يا علي :no:











حلوه يا ليا :97:

بيع الجمل يا علي .. و عمرك انشا الله ما تصير إلي - العلماني - 02-22-2006

أنت أدرى يا "ام السوس"
الجمل غالي وحقو فلوس
ما ببيعو كرمال عروس
شو بدي بهالبهدلي

ما بدي بيع الجمل
ولا النعجه وْلا الحمل
أصلاً ما فيكي أمل
حلّي .. وْعن ظهري انزلي

كرمك محروس ومنصان
وكوازو أحلى رمان
لكن أبوكي جربان
ويلعن حظك يا علي

:)

-----

موضوع طريف ورائع يا "عودةليا" (f) ...


واسلموا لي
العلماني


بيع الجمل يا علي .. و عمرك انشا الله ما تصير إلي - جادمون - 02-22-2006

السلام للجميع :


:lol::lol::lol:

مدهش يا علماني (f)


رائع :9:


تحياتي (f)




والى لقاء قريب....



بيع الجمل يا علي .. و عمرك انشا الله ما تصير إلي - تيامت - 02-22-2006

رائع يا علماني :lol:

بيع الجمل يا علي .. و عمرك انشا الله ما تصير إلي - جقل - 02-22-2006

تحية....

خيل لي أن الموضوع يقول "بيع الجقل يا علي"...و عندما عرفت أن الأمر يتعلق بمجرد جمل أنشدت مزهوا....

بعيونك عندي أمل
وبحبك قلبي أكتمل
ناوي بيعو للجمل
و جبلك روب المخملي

بالجيبي مافي متليك
ولا في حنطة ولا في فريك
رح بيع الجاجه و الديك
و أنهي كل المسألي

فلست ولوني مخطوف
و بحترت فلوس الخاروف
عليكي تأمين المصروف
و عليي كل الجلي

مودتي