+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: فكـــر حــــر (http://www.nadyelfikr.com/forumdisplay.php?fid=57)
+--- الموضوع: مبارك : الحل قد يأتي على يد حماس (/showthread.php?tid=20454)
مبارك : الحل قد يأتي على يد حماس - mass - 02-15-2006
دعا الرئيس المصري حسني مبارك إسرائيل إلى منح الفرصة لحركة "حماس" التي فازت بالغالبية في الانتخابات البرلمانية الأخيرة معربا عن توقعه بوجود فهم مشترك لعملية السلام بين إسرائيل و"حماس"، لافتاً إلى أن مصر لن تطلب من الحركة الاعتراف بإسرائيل لأنها تعلم أنها سترفض، غير أنه استدرك قائلا إن مصر لمست خلال محادثات مع قادة الحركة جرت مؤخراً بعض المرونة في موقف حماس، وأنها لا تستبعد أن تتوصل الحركة وإسرائيل إلى اتفاق سلام في نهاية الامر .
وفي مقابلة مع التليفزيون الإسرائيلي وصف مبارك رئيس وزراء إسرائيل بالوكالة إيهود اولمرت بأنه "متفهم للوضع ويمكن ان تتقدم عملية السلام على يديه " .
وحذر مبارك من وقف الدعم المالي للسلطة الفلسطينية إذا شكلت حماس الحكومة وقال ان هذا لن يؤدي إلا للمزيد من التطرف، ومضى قائلاً "المسألة حتبقى كلها تطرف فظيع جدا ولازم نفكر تفكيرا منطقيا... الاوروبيون تفهموا هذا الموضوع.. وبنتكلم مع الامريكان. لما حماس تشكل حكومة وتيجي حنشوف الموقف.. ونقدر نتكلم ونقول حنعمل كذا أو نعمل كذا" .
وفي ما يلي النص الكامل لحوار مبارك مع التلفزيون الإسرائيلي :
ازي الصحة ياريس ؟ ومبروك لمصر فوزها بكأس الأمم الأفريقية
كانت فترة صعبة وعلى أعصابنا خصوصا في إلىوم الاخير ،الماتش الاخير . كانت بطولة صعبة ولاول مرة انت تشوفها ، كان بالاستادفوق ال 80 الفا ، حتى السلالم كان عليها ناس .
وسيادتك انبسطت طبعا .
آه طبعا . هذا شيء طبيعي هقولك لأيبقى أضحك عليك .
البطولة كلها كانت كويسة والمباريات كلها كانت كويسة جدا احنا متغلبناش في أي مباراة الا مباراة واحدة طلعنا متعادلين لكن في جميع المباريات أحنا كنا بنكسب .
الخطوة التالية بعد الفوز بكأس افريقيا "المونديال" ؟
المونديال مش داخلين فيه
مشع هذه المرة يعني .
سيادة الرئيس ننتقل من الساحة الرياضية إلى الساحة السياسية، فوز حماس في الانتخابات البرلمانية يعود بنا 40 سنة إلى الوراء . قمة الخرطوم وثلاث
لاءات: لا اعتراف بإسرائيل ولا سلام ولا مفاوضات ؟
أنتم دائما متشائمون ليه كده ؟ إسرائيل واقع موجود. كسبت حماس، حماس مش هتغير كل حاجة بتتغير في الدنيا وبعدين أنتم شوفتوا رئيس اللجنة المركزية مشعل قال ايه : هنتعامل مع أوسلو بسبحذر رغم أن هنيه قال لآ مش هنتعامل مع حد وفيه نوع من المرونة من الجانبين . بس أنتو لازم أيضا تعطوا أملا بأنهم هياخدوا حقوقهم، مش باقول ايه الموضوع لكن لازم يبقى فيه مرونة وميبقاش فيه تشاؤم، هما بيقولوا هنهد إسرائيل، كل ده كلا مش عاوزين نؤكد عليه كثير ونعطيه اهتماما كبيرا جدا .الجانبان يجب ان يعملا في تحقيق السلام . إسرائيل أو السلطة الفلسطينية .
السيد الرئيس النهارده محمود الزهار قيادي في حماس بيقول لن نعترف بإسرائيل ولا نلتزم بالاتفاقيات التي أبرمت بين السلطة وإسرائيل ولن نأخذ أموالا
شيطانية . يعني احنا موش محتاجين مساعدات..هذه حكومة مواجهة وليس حكومة سلام؟
حقولك حاجة، خلينا نعيش الواقع، زمان وبعد الثورة كنا نقول هنرمي إسرائيل في البحر انت نسيت ده ولا ايه . مصر كانت بتقول هنرمي إسرائيل في البحر . هي مصر رمت إسرائيل في البحر.. وحصل حروب وبعدين دلوقت علاقة مصر وإسرائيل طيبة، وكلنا بنعمل على اقامة علاقات طيبة .
سيدي الرئيس .. من خلال مباحثاتكم هنا في القاهرة مع حماس تمكنت من اقناع حماس بالعدول عن الميثاق الذي يدعو إلى ازالة إسرائيل
احنا مش هنتكلم معاهم نقول لهم اعدلوا احنا لازم نتكلم معاهم على أساس يبقى فيه مرونه ومفهوم للوضع لكن موش حاجي أقول لهم قولوا نعترف بإسرائيل حيقول لا ، المسألة عايزة وقت عايزه مجهود منهم ومنكم كمان في نفس الوقت .
السيد الرئيس .. هل تصرون أنتم في مصر على اعتراف حماس بإسرائيل كشرط لقيادة الشعب الفلسطيني ؟
الاعتراف قد لايكون بكلمة "نعترف بإسرائيل"، لو اتفاق أوسلوا ده مش ... ومشعل قال احنا أوسلو نتعامل معاها ولكن بحذر
ايه معنى بحذر؟
أهو كلام اتقال أنا موش حقدر أفسر لك هو بيقول كدا ليه، ولكن هو قال احنا حنتعامل معاها بحذر شديد أو بحساب، ماتفتكرش في يوم وليلة حيقول احنا حنتعامل مع إسرائيل وخلاص.. مش ممكن عندهم شعوب اذا المسأله فيها أمل ولا يجب أن نكون متشائمين يجب أن نكون متفائلين رغم التصريحات التي تخرج يمكن اختلاف الجانبين لكن هم اجتمعوا عندنا هنا في مصر واجتمعوا عندنا 3 أيام .
كان فيه نوع من الفهم لطبيعة الامور.. أنا موش في حل ان أقول لك تفاصيل هذا الموضوع على التليفزيون لكن مره أثنين ثلاثة أعتقد، انه حبيقي فيه فهم مشترك
لعملية السلام .
سيادتك .. تتمكن ان تتفهموا موقف إسرائيل الرافض مثلا لنقل المساعدات لسلطة فلسطينية تقودها حركة حماس
دلوقتي لسه حماس ماتولتش الحكم
في خلال
لما انت ماتدنيش الفلوس دلوقتي للسلطة الفلسطينية ما الفلوس دي بتروح علشان المواطنين .. الشعب الفلسطيني الغلبان وكأنك بتقول لهم خليكوا متطرفين، يعني ياشعب يامعتدل موش حنديلك فلوس علشان تعيش حيطرفوا. المسألة حتبقي كلها تطرف فظيع جدا ولازم نفكر تفكيرا منطقيا .. دي حقوقهم من الجمارك حنديها لم عاوزين يعيشوا ... الاوروبيون تفهموا هذا الموضوع وبيدوهم وبنتكلم مع الامريكان .
لما تيجي حماس حنشوف الموقف شكله ايه .. لما حماس تشكل حكومة وتيجي حنشوف الموقف.. ونقدر نتكلم ونقول حنعمل كذا او نعمل كذا .
هل فيه حل دستوري او قانوني لاسقاط حكومة حماس واجراء انتخابات جديدة
مايمكن حكومة حماس هي اللي تحل معكم .. دا الشعب هو اللي انتخبها حتسقطها ازاي غلطانين لو فكرنا هذا التفكير .. قد تكون حماس هي اللي تساعد في عملية السلام.
ولما ينتهي موضوع حماس نسأل سيادتك هل للامريكان، دور في ظهور حركات اسلامية متشددة في المنطقة
موش عاوزين ندخل الولايات المتحدة في هذا الموضوع ، الولايات المتحدة فاهمة الموضوع كويس جدا وعارفة الموضوع .
هم في الولايات المتحدة شجعوا مشاركة حماس
شجعوهم ؟
ماافتكرش انهم شجعوا لكن هم عاوزين انتخابات حرة وديمقراطية.. طلعت حماس مش بيدوروا على انتخابات حرة وشفافة وديمقراطية طلعت حماس مانقدرش نقول لا ، لان الشعب اختارها .
وربما هم يندمون النهاردة
انا مااعرفش ده بأه يمكن انتم ادري بهم
السيد الرئيس .. رئيس الحكومة الإسرائيلية شارون داهمه مرض شديد .. ولن يعود للساحة السياسية
محدش عارف يا اخي انت حتتدخل في قدر ربنا
انا اخذ اراء الاطباء وهم على معرفة
السؤال : لسيادتك معرفة شخصية بشارون واكثر من مرة قلت انه الرجل الوحيد الذي يمكن ان يصنع السلام ، ما رأيك في الحالة
أولا شارون ده راجل دخل الحرب معانا في 73 واللي دخل الحرب وقاتل وعرف بيكون عنده الشجاعة يأخذ القرارات الصعبة وده اللي كان بيعمله شارون وبعدين اللي حصل ان نشوف القرار بتاع غزة كان قويا جدا فيه وانا كنت متفائلا جدا به، وشايف لو ان شارون استمر ممكن نوصل لحلول للقضية الفلسطينية .
والساحة السياسية الإسرائيلية بدون شارون ؟
أتمني ان يكون أولمرت من الناس اللي هما . أنا تقابلت مع نائب الرئيس أولمرت هنا مرة وأعتقد أنه شخص كويس جدا متفهم الوضع وأعتقد أنه على ايديه يمكن لعملية السلام تتقدم .
هل مثلا سيادتك ممكن تشجع حكومات إسرائيلية قادمة بانسحابات أحادية الجانب زي الانسحاب من غزة .
شوف دي مسألة تتوقف على التفاوض طبعا لازم الفلسطينيين عاوزين أرض، عاوزين كل حاجة . لكن التفاوض وتحديد الحدود حيرجع للطرفين اللي هيتفاوضوا ..أنا مقدرش أستبق الاحداث وأقولك دا حينسحبوا من كل المنطقة أو حينسحبوا من منطقة منطقة . دي متروكه للتفاوض بين الجانبين وما يرتضيه الجانبان احنا بنحترمه .
هل ممكن تحصل مواجهة بين فتح وحماس ؟
مواجهة بين من ؟
بين فتح وحماس بالنسبة .
ماأفتكرش بس أنتوا ماتولعوش الدنيا .
ممكن أبو مازن كرئيس يواجه حكومة ..ممكن أبو مازن يواجهه حكومة مواجهة بالنسبة للاداء ؟
أبو مازن لابد الحكومة الإسرائيلية تسانده أنتم لم تساندوا أبومازن في الماضي علشان كده بتضعفوه لازم يشعر بقوة وتساندوه وتلبوا له بعض الطلبات علشان يقدر يتمشي مع الموقف
وهو ممكن يعيش مع حركة سلام ؟
يعيش قوي ،ماهو ده فلسطيني وده فلسطيني أيه المشكلة
هو ينادي بالسلام وحماس تنادي
كل عاوز سلام . حماس عاوزه سلام . بس دهله شروط وده له شروط لكن ممكن يحصل " كومبرومايزيشين" بين الاثنين .
سؤال يدور في بالي، هل ممكن لحركة اسلامية مثل حماس أن تتخلى عن أقل أرض فلسطينية هي أرض وقف هل ممكن لحركة اسلامية أن تتخلى عن هذا المبدأ الأساسي .
ماأقدرش أكلمك عن حاجة مستقبلية
أنا أقول لك دلوقتي حدودهم الحدود بتاع الفلسطينيين بالتفاوض مع الإسرائيليين ، الجانبين الاثنين ما يتفق عليه من حدود حاتدوهم أرضهم كلها وهمه
يوافقوا ..حيوافقوا يأخذوا جزءا ويسيبوا الثاني ، هذا يتوقف على الفلسطينيين .. ماقدرش أسبق الاحداث واقول لك هل حيسيبوا كل الارض حياخدوا كل الارض - هم لهم شروطهم وأعتقد أن التفاوض أفضل وسيله لحل هذه المشكلة .
سيادتك هل أنتم راضين بمستوي العلاقات بين مصر وإسرائيل في مجال الامن والمجالات الاخري ؟
أظن العلاقات بيننا وبينكم ماشيه كويس وجيدة وبنتعاون في مجالات كثيرة جدا بنتعاون في مجالات الامن وبنتعاون في القضية الفلسطينية وده أهم تعاون موجود علشان الاستقرار في المنطقة ..اذا قدرنا نوصل لحل مع الفلسطينيين سيكون هناك استقرار مع الفلسطينيين واستقرار في إسرائيل ونتفادي اراقة الدماء الموجودة بين الجانبين
ولكن بعد الانسحاب من غزة كان التفكير ان عملية اطلاق الصواريخ ستتوقف ولكنها استمرت وألزمت إسرائيل برد الفعل ؟
إسرائيل انسحبت من غزة وهم بيقولوا إسرائيل تتابع قياداتنا وبيموتوهم وهم بيحبوا ينتقموا، أدي الموضوع وأنتم حتضربوا لهم واحدا حيضربوا غيره هكذا .
وكيف نوقف هذه العمليات واطلاق الصواريخ . الجهاد الاسلامي مثلا لا يقبل بهذه العملية .
أنا مش عاوز أتكلم عن الجهاد الاسلامي . ده شعب فلسطيني مع شعب إسرائيلي لازم الجانبان يوقعوا ويقعدوا على مائدة المفاوضات والتفاوض هو السبيل الوحيد لتفادي العمليات القتالية والقتل هنا وهناك .
موضع تاني يقلق إسرائيل .. بالنسبة للجبهة الشمالية في أقوال ناس في لبنان أن انسحاب إسرائيل من لبنان افقد المقاومة اللبنانية شرعيتها ؟ بمعني أنه ليس هناك داع لقيام حزب يأخذ السلاح أو ميليشيات؟
المشكلة بقولك مشكلة شبعا هي ملك لبنان ولاسوريا اذا أمكن تقسيم الحدود أعتقد أن هذه المشكلة ستحل .
السوريون مش عاوزين
حزب الله حيبقى حزب سياسي .
المصــدر: إيلاف