+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: عيد بأي حال عدت يا عيد (/showthread.php?tid=2102)
عيد بأي حال عدت يا عيد - eyad 65 - 12-02-2008
يقول الشاعر المتنبي مرحباً بالعيد ولائماً :
عيد باي حال عدت ياعيد .................. بما مضى أم لأمر فيك تجديد
اشرح هذا البيت حسب ما تحفظه من مفردات القهر و أكل ...... الهوا .
الشرح حسب المواطن العربي بعد التشذيب و التهذيب و التشفير واستبدال الكلمات الفاحشة حسب الإمكان:
يخاطب المواطن العربي أخو الشر.... العيد ويقول له , كيف رجعت يا ابن الحرام بها السرعة ,إي أنا لحقت سدد ديون ومصاريف العيد السابق اللي ماصارلو شهرين رايح عن قلبنا !! يعني يا أخو الحفيانة ضاقوا التناعشر شهربالسنة حتى دحشتوا حالكن دحش بشهرين !! يعني أنا من طيزي بجيب مصاري حق تياب للولاد وحلو والذي منو !!
يعني برجعتك شو متصور تغير عليي , يعني زاد راتبي مثلاً ولا ربحت نمرة يانصيب و ولا طلعت لي شي ورثة من غامض علم الله !!
إي ما الخازوق هوي هوي , نفس التبشيمة نفس الطول مازاد سم ولا نقص سم , يعني مدوزن الله وكيلك .
يعود المواطن ويخطاب العيد قائلاً : يا أخو الهيك و هيك , لاء لسا مو المصيبة بس رجعتك المرسيدسية , بل مناظر الناس المحتفلة بالعيد وهم لابسين لباس العيد الجديد اللي جابوها بالدين الله وكيلك , ولا مناظر الطفال اللذين لايفهمون من العيد إلا شراء الفرود ( المسدسات ) وباقي الترسانة الحربية , واصوات الفتيش ( المفرقعات ) التي تجعلك تنط ماتحط من القفطة وكأنك أكلت بعصة طائشة .
ياعيد طيب ع الأقل ارحمني من المعايدة و لقاء الأهل و القرباء حتى لا اسمع كلمة " ينعاد عليك " طيب يا جماعة انتم بتحبوني ولا بتكرهوني ؟؟
لأن اللي بيحب شخص ما بيتمنى له هذه الأمنية القاتمة " بنعاد عليك" طيب كيف بدو بنعاد!! مو بنفس البهدلة وبنفس التعتير وبنفس الطفر و بنفس المذلة وبنفس المثقفين وبنفس البرامج الحوارية وبنفس جماعة اربطعش اذار , وبنفس المناضلين .
يعني شو مفكر رح افتح علبة محارم وتطلعلي" أنجيلينا جولي "هدية !!
يا جماعة منشان الله ذا بتحبوني بلاها هي " ينعاد عليك " إي والله كانها مدحلة عم تنعاد عليي ز
إي ينعاد عليكم إذن:lol22:
مع تحياتي(f)