+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: بُكره العيد ونعيّد (/showthread.php?tid=2104)
بُكره العيد ونعيّد - يجعله عامر - 12-01-2008
עֶרֶב טוֹב عيرفتوف ، ومساء الخير و السلام عليكم ورحمة الله وبركاته و hi
أما بعد
أود أن أهنئ أخوتي المسلمين بقدوم العيد الكبير ، عيد الأضحى المبارك ، وهي فرصة لتهنئة الإخوة المسيحين بعيد الشكر ، فهلاَ هنأتم أخاكم عيسى - أو كما قال أحمد مظهر في فيلم صلاح الدين ، والمسلمين بيحبوا المسيحيين
القصد : كل سنه وانتم طيبين قبل العيد ميهل مين عارف يمكن أموت قريب أصل الدكتور منعني أشيل اي حاجه تقيله وامدد في السرير ، فقلت اسبق واهو أعدي ع الساحه الاجتماعية نسلم على جميع الإخوة يهود ومسيحين ومسلمين وكفار .. على أساس بقالنا كتير مشوفناش بعض ~~~~~ مسلمناش علبعض ~~~~ متنقشناش مع بعض ..
وأهدي إخوتي المسلمين هذه الكلمات الرائعة
بكره العيد ونعيد وندبح الشيخ سيد ونحطو في الاروانه وندب عليه بالخرزانه
وتأمل أخي الكريم هذه الكلمات الرائعة التي تشير إلى تضحيتنا بالشيخ وليس بالقسيس ، فلعلها من الأغاني التي تخالف العقيدة ،
مما يحدو بي ان أعدل في الكلمات تعديلا بسيطا ليكون خروف العيد فداء للبشرية نموذجا من اثنين
وندبح الشيخ / أبو إسلام أحمد عبدالله أو ندبح الشيخ/ زكريا بطرس ، ويطلع مصطفى ثابت الأحمدي يقول رحم الله الشهيدين جناب القمص وجناب الشيخ ونغني مع الأطفال :
ماما جابتلي إيشارب حرير...و نايمتني في السرير...السرير طوح طوح....مخالاش حد يروح....آدي الجنه وآدي النار....وآدي عذابكم يا كفار ...
فلتكن هذه فرصتنا في هذا العيد ..
واللا بلاش لحسن حد يزعل
وليكن تهليلنا بالعيد
مع خروفي خروفي...لابس بدله صوفي...له قرنين...و اربع رجلين...بيقول ماااااااااااء...و ياكل برسيم..
هو في أحسن من البرسيم
![[صورة: 435552722.jpg]](http://www.aksalser.com/upload/070903/435552722.jpg)
(f)
بُكره العيد ونعيّد - إبراهيم - 12-01-2008
العواف يا يجعله عامر.. قال يا قاعدين يكفيكوا شر الجايين ... والنبي ياختي ما ني جاي على قلبي ضحك بس نعمل إيه بقة دي الضرورة البيولوجية وخلاص.
كل سنة وأنت بخير يا يجعله عامر بمناسبة عيد الأضحى المبارك أعاده الله عليك وعلى جميع المسلمين بخير.
احترس من أكل الكلية بتاع الخروف.. آخر مرة دبحت خروف هنا طبخت الكلية وحسيت بدون مبالغة بطعم غريب... وأتاريني أكلت شيء مثل البول في الكلية! تجربة لا أنساها وعملت لي عقدة. لحمة الخرفان أصلا ما أطيقهاش.. تلزق في الجسم زي المسك ومش عايزة تروح. تحس أن الواحد بقت ريحته زي لحم الخروف المدبوح.
والداكتور منعك تشيل حاجة تقيلة؟ أكيد أنت طلعت سيدة مصرية حامل! في مصر بس يمنعوا الحوامل أنها تشيل أي حاجة. تقعد متلقحة في السرير لا شغلة ولا مشغلة. حتى شوية الصحون ما بتغسلهمش.
وبعدين بتجيب في سيرة الشيخ زكريا بطرس ليه؟ الراجل بيتكلم بالدليل والبرهان. عمل لستة بجميع آيات العنف في القرآن ونسي يعمل لستة زيها عن "رعب الرب" في الكتاب المقدس؛ مش قاصد ولا حاجة لا تكونوا فاكرين يعني حاكم أنا عارفكم يا مسلمين. الراجل بيكلموا من كتابكوا يا مسلمين يا وحشين ههههههههههه.:lol2:
وبعدين تعالى هنا.. ليه حاطط صورة خروف؟ لا تكونش دي إشارة طائفية للخروف أبو سبع قرون ناعمة اللي يتكلم عليه الأخ خسام بتاع البالتوك نحسبه كذلك ولا نزكي على الله أحدًا. طب احلف أن مافيش في نيتكوا حاجة وحشة كدة ولا كدة يا خويا.. أصلي باشك من مافيش.
يوووه! أتشيعة تأطعني بئة يا بوسيد.
بُكره العيد ونعيّد - نورسي - 12-01-2008
كل سنة والكل طيبين وبالف خير
اول مرة اصوم في حياتي 10 ايام قبل العيد خوفا من النساء سوف اصومها كلها الله يقيني مكرهن وفتنتهن
بُكره العيد ونعيّد - بنى آدم - 12-01-2008
مع أننى أحتفل بالعيد يوم تعامد الشمس على الهرم الأكبر أسوة بأجدادى الفراعين ولكن مع ذلك أرد على تحيتكم العطرة بالعيد بقولى :
طيب
من عدة سنوات بدأت اشعر بتفاهة المحتفلين بالعيد .. وعلى رأي صاحب الفكر والقلم والسنان اسماعيل ياسين يقتلوا القتيل هىء هىء ويمشوا فى جنازته وتجد كل لوح ولوح يسلموا على بعض وكل سنة وانت طيب يا ابو زيكو وكل سنة وانتى طيبة يا ام جلمبو ... وولاد الكلب لهم عشر قواضى فى المحاكم ضد بعض ..
ساعات انظر الى الخلق من الشرفة ولأننى اعرف معظمهم فى مكان سكنى ولا اكاد اجد من بينهم ( إنسان ) كل بيحلق لكله والحلاقة الكبيرة يوم العيد ... بس اللى فى القلب فى القلب قلوبهم سوداء كالجحيم يعنى دى ( خير امه ) وأحوالها كدا يبقى الباقى ايه ؟؟؟!!
دول كانوا بيصلوا فى الجامع وولدين تشاجروا مع بعضهم البعض فخرجت كل عائلة للثانية من المسجد مباشرة بالسنج والمطاوى ويومها راح ضحيتها ثلاثة اربعة قتلى لأجل ولدين بيتخانقوا عشان دراجة هوائية كمان مش بخارية
اللى يضحك فى بلدنا حاجة من الإثنين يا اما مختل عقليا يا اما فى غيبوبة زيي كدا .. دا يعنى اذا ضحكت .. طيب نقول ننسى البلد واللى فيها ونعيش كالأنعام وخلاص تلاقى البهائم كل تور والتانى عاملين لك متدينين وعايزين ينطوا عليك لا واللى فاهم حاجة فى الفقه مفكر نفسة خلااااااااااص الخلاصة :
يقولون نم فى هدنة الدهر آمنا = فقلت ومن لى بأن يهادننى الدهر
آه بالمناسبة
كل سنة وانتم طيبين
بُكره العيد ونعيّد - عاشق الكلمه - 12-01-2008
كل عام والجميع بالف خير , واخص بالذكر مولانا صاحب المبادره :98:
بُكره العيد ونعيّد - الحر - 12-01-2008
كل سنة و كلكم طيبين.
:redrose:
بُكره العيد ونعيّد - نبع الحياة - 12-02-2008
سالخيييييييير يعود عليكم الايام بخير
اخص يا يجعلو بتحط الجدى على انه خروف...........!!
بُكره العيد ونعيّد - إبراهيم - 12-02-2008
Array
اخص يا يجعلو بتحط الجدى على انه خروف...........!!
[/quote]
ما هو أصلو....:emb:
أصلو...
.
.
.
يجعله عامر من المعادي :lol2:
------------------------------------
عزيزي نبع الحياة: هذا هو "يجعله عامر" اللي حدثتك عنه. حاول أن تستفيد من خبرته. شاب سابق لسنه بشكل باهر. كلمت زوجتي عنه كثيراً.
بُكره العيد ونعيّد - شهاب الدمشقي - 12-02-2008
Array
وأهدي إخوتي المسلمين هذه الكلمات الرائعة
بكره العيد ونعيد وندبح الشيخ سيد ونحطو في الاروانه وندب عليه بالخرزانه
[/quote]
من الغريب يا عزيزي يجعله عامر أن أطفال الشام يرددون في العيد اهزوجة شبيه بما ذكرت تقول كلاماتها (بكرة العيد وبنعيد وبنذبح بقرة السيد والسيد ماله بقرة بنذبح بنته هالشقرة ).
كل عام وأنتم بألف خير (f).. للأسف هذا العيد سأكون بعيداً عن دمشق .. وأجواء العيد الجميلة :(
بُكره العيد ونعيّد - eyad 65 - 12-02-2008
Array
من الغريب يا عزيزي يجعله عامر أن أطفال الشام يرددون في العيد اهزوجة شبيه بما ذكرت تقول كلاماتها (بكرة العيد وبنعيد وبنذبح بقرة السيد والسيد ماله بقرة بنذبح بنته هالشقرة ).
كل عام وأنتم بألف خير (f).. للأسف هذا العيد سأكون بعيداً عن دمشق .. وأجواء العيد الجميلة :(
[/quote]
أخطأت إذ قلت" ابنته" والصح " امرأته هالشقرة" . والعلم عند الله .
مع تحياتي(f)