+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: اذا لـبنـان لا يحبني, أظن أني سـوف أموت:.. (/showthread.php?tid=21810)
اذا لـبنـان لا يحبني, أظن أني سـوف أموت:.. - ياريموثا - 12-27-2005
[CENTER]اذا لـبنـان لا يحبني, أظن أني سـوف أموت:..
لا استطيع النوم ليلا, اتقلب شمالا و يمينا في مضجعي. و كل ما افكر به هو لبنان. انا مجنونة به, و لكنه لا يعرف حتى بأني عايشة.
أحيانا أتمنى فقط أن أموت.
أنا أعلم اني ادفع الجميع و من حولي إلى الجنون, لكن يجب ان اتحدث عن هذا الأمر معهم. في العمل أوقف زملائي و ألهيهم عن أعمالهم. لكني اشعر باني حساسة و على شف حفرة أو قاب قوسيين أو أدنى, و أحتاج إلى قليلا من الدعم.
'' ما عم أفهم''... قلت لصديقتي ماريا.
عندما كنا واقفتان خارج ال GYM..
'' فعلت كل شئ له''.. قلت
'' اسمعي يا بنت '' تقول ماريا.. '' يجب عليك ان تنسي و أن تنظري الى الامام, و ان تنتبهي لحياتك..''..
قلت '' لكن اسمعيني '' ..
'' خرجنا في أحد الليالي كما تعلمين?.. جنب الحدود, هونيك جنب المصنع و زحلة. كنا عم نحكي, و كنت عمأتسائل إذا كان عميستمع لي أو لأي شئ مما كنت أقوله ''!!
تابعت كلامي ل ماريا '' كان حضرته عميطلع حوله و كمان شمال و يمين, عميطلع بكل شخص عم يمر من جنبه, و انا ولا كأني هون, أقول له... هاللللو هالو. أنا هنا..?? لا حياة لمن تنادي '' ..
'' انا رح أتأخر ع التمرين '' قالت ماريا.
'' انتظري شوي بليززز ..اسمعيني شوي. '' ... '' سألته:.. شو اسم جدتنا, ما نحنا متل ما بتعرفي نحنا من نفس العيلة ''..
'' شو قال '' ماريا سألت.
'' حضرته قال..أممممممم.. أوه '' . و طبعا ما عنده فكرة بنوب. وأخيرا قال : '' فينيقية ''???
" لقد كنا نخرج مع بعض طوال الوقت و كنا نزور بعض و عشرات السنيين ,مئات بل آلاف ... و حضرته ما عنده فكرة أنه سورية الكبرى اسم جدتنا.'' ..'' بتصدقي ها الشئ يا ماريا '' ..
ماريا استهجنت هالشي و قالت :
'' طلعت مع لبنان مرة من المرات, حضرته ما عنده معرفة بشئ , لا بتاريخ و لا بجغرافية. بس بالحقيقة. هو شب ظريف , وسيم .. وااو !!!!.. كول فيري كول cool
انا أحيانا ما بقدر صدق كيف ان ماريا ما بتلتفت لغير الأ شيا ء الصغيرة والتافهة في العلاقات ..
'' طيب..طيب, انا معك هو سيكسي و هوت كمان, بس هيدا الشي ما بيعطيه الحق ليعاملني هيك?!!!''
أكملت حديثي '' متل ما قلت لك كنا قاعدين هونيك و بلحظة مرت فرنسا بجلالة قدرها.. مرت هيك من جنبنا و عيونوه وقعوا من راسه .. و بلش لعابه يسيل و يتحمس لها و كأنها صديقته مو انا '' .. ساعتها انا قلت : ''و إذا شو يعني '' ??!!.
'' طيب شو قال '' سألت ماريا .
ماريا ما بقى صار يهمها إذا كانت رح تتأخر على التمرين. صار بدها تعرف كيف انتهت القصة .
يتبع.................................................
اذا لـبنـان لا يحبني, أظن أني سـوف أموت:.. - ياريموثا - 12-28-2005
طبعا ماريا صار بدها تعرف كيف انتهت الحكاية.
فقلت لها: '' قال لي : (فرنسا معها مصاري كتير) و انا ماني مصدقة اللي عم اسمعه .. و كمل كلامه : ( هي بنت عيلة و بنت ناس ) و كمان قال ( و هي صديقة مقربة مني جدا ).. هيك قال يا ماريا ..الله وكيلك ..و انا اللي رح اقطع تيابي من الحرقة .. و نسي انه انا اللي كنت جنبه من البداية و خطوة بخطوة و هلق ما كأني ماني موجودة بنوب ..فسألته إذا كان بيتذ كر و بيعرف انه مين اللي كانت جنبه و ساعدته و كانت شريكته, و كمان حاولت ذكره ايام ما كانت مقطوعة عنده الكهربا ء مين اللي مد له خط كهربا ء و مين كانت تجيب الهدايا و مين اللي كانت تتقاتل مع اهل بيتها كرماله و غيره و غيره ..
فطلع فيني هيك نظرة, كأنه ما بقى انا من مستواه .. و كان جوابه : ( بدون شك انها السعوديه ) ..
'' عمتمزحي '' قالت ماريا ..
'' لأ, بنوب و الله , انا قلت له انه غلطان .. لكن حضرته ما عاطاني اي انتباه لانه كان مشغول بكتابة بطاقات شكر ل الجميع اللي كانوا وقفوا جنبه و ساندوه و حضروا حفلته هيدي ب 14 آذار, و حضره جنابه ما فكر يكتب لي واحدة. كنت راح انفجر يا ماريا ''
'' لازم تنسي و تتخلي عنه, هو ماضي إنسيه يا بنت انسيههههههههه '' ... و اضافت ماريا '' هو دوما راح يكون هيك, مو شي جديد عليه, ما فينك تغيريه ''
فأكملت ..'' و بلشت الأمور تفتر, متل ما بتعرفي ?! و مرت لحظات و لا واحد فينا عم يحكي كلمه مع الآخر. و بلشت اشعر بالملل و الضجر و عدم راحة و صرت دندن مشان يمر الوقت.. فسألني( شو عمبتغني ..!!) ..فقلت له : نشيد العروبه ' بلاد العرب اوطاني ....' و الله يا ماريا و لا كأنه مسيو لبنان هون ..''
''هيدا شي كبير, و هيدا الشب و لا كأنه شايللي اي اعتبار, و كمان بيعاملني ب أحتقار و خشونه. انا بحبه و باحترمه و بدي عيش معه ع الحلوه و المره.. و افكر فيه كل الوقت '' ....'' طيب انا ما عمأطلب شي كتير.. بس اذا .. بس يحبني ??!! ''
اخدتني ماريا من ايدي و دخلتني ال GYM و قعدتني على احد المقاعد : '' اظن انك تعانين من مشكلة ثقة بالنفس عويصة, لازم تعرفي بقلبك انه انك شئ مهم و انه لك قيمة. و ما تنتظري من هيدا اللي اسمه لبنان اي اطرا ء أو تأييد حتى تشعري بثقة تجاه نفسك و تجاه اهل بيتك '' ..
انا أعلم ان ما تقوله ماريا , لكن يا أخي لا أسطيع ان اساعد نفسي.
الليلة, رح ألحقه على بيته و شوف مع مين رح يكون سهران ..
:wr:لسوريه
اذا لـبنـان لا يحبني, أظن أني سـوف أموت:.. - ياريموثا - 12-28-2005
اذا لـبنـان لا يحبني, أظن أني سـوف أموت:.. - طرفة بن العبد - 12-29-2005
و الله مشكلتك مشكلة ... لكن لست أنت أول و لا آخر امرأة يحدث معها ما حدث معك , المفارقة أنه بقدر ما يكون الحل بديهي و واضح و لكنه صعب و مؤلم ...
في البداية يبدو أن كلام صديقتك ماريا صحيح و لديك مشكلة بالثقة بالنفس , يعني المثل بيقلك اللي ببيعك بيعيه , و شو بدك بواحد ما بيعرف قيمتك ؟!
و مع ذلك برأيي أن جزء من المشكلة فيك إنت - مع احترامي يعني - , ربما كان عليك أن تعرفي ماذا لدى فرنسا و ليس لديك ! و لماذا السيد لبنان معجب فيها و زابلك .. !
برأيي الشخصي - و اعذري صراحتي - الزلمة معو حق , يعني لو كنت محلو بساوي نفس الشي , إنت اتطلعي بحالك بالمراية بالأول , يعني بذمتك مو فرنسا أحلى و أرق و أنعم !!!
عليك أن تبعدي قليلاً , روحي عملي make over بشي برنامج من هالبرامج الجديدة , نحفي حالك شوي , زبطي شعرك و مكياجك , تعلمي شي لغتين تلاتة , زبطي حالك يعني , و بعدين شوفي شلون بيصير هو لحالو يركض وراك ’ و يمكن يركضو وراك الشباب الحلوين كلون , و يمكن السيد لبنان بجلالة قدرو ما عاد يعجبك كمان ...
بعدين في شغلة ثانية كتير مهمة , أنا و من خلال مداخلتين بس استطعت أن أستنتج إنو إنت وحدة حكيك كتير , و ما بتعطي مجال للواحد يحكي و لا يعبر عن رأيو , كاتمة على أنفاسو للزلمة , و نازلة في محاضرات مملة و تمننيه بالكهربا و مدري شو , شو هالحكي , في حدا بيحب التاني و بيحكي معو هيك ؟!!
برأيي إنو- على القليلة- نص المشكلة فيك إنت , و الشب عمبتقولي حليوة و جغل يعني إذا راح تضلي هيك شو الله جابرو يضل معاك , خصوصاً بهالزمن , يعني بهالأيام ما عاد في حب و رومانسية متل أيام زمان , الحب مصالح متبادلة , و الزواج صفقة , الحب الرومانسي تبع ست ستك سورية الكبرى انقرض من زمان , روحي دوري عليه بكتب التاريخ .
لا تزعلي مني يعني ... بس هادا رايي الصريح و انشالله بتتصالحوا إنت و لبنان و بترجعو متل زمان بل أفضل من زمان , بس الشغلة بدها شوية مجهود منك و منو ... و على خير ...
و الله يوفق لنصفق ..
اذا لـبنـان لا يحبني, أظن أني سـوف أموت:.. - ابن سوريا - 12-29-2005
ياريموتا وطرفة
فرطتوني ضحك، تابعا ريجاءاً
طرفة، رح عينك مستشار الأمبراطور بحوران. "إيتز أوكيه؟"
اذا لـبنـان لا يحبني, أظن أني سـوف أموت:.. - روزا لوكسمبرج - 12-29-2005
الأكثر طرافة من كل ماقرأت عن العلاقة بين الست سوريا والسيد لبنان :)
أقترح على كل من الخارجية اللبنانية والسورية إعتماد هذه اللغة في مناقشة "المعضلة" السورية اللبنانية :rolleyes:
(f)
أو تعرفوا.. يكون أجمل لو كانت العلاقة بين الأنثى سوريا والأنثى لبنان.. أعتقد أن العلاقة في هذه الحالة ستعبر عن عمق الحالة, إستثنائيتها, وتعقيداتها المتشابكة من الداخل :10:
اذا لـبنـان لا يحبني, أظن أني سـوف أموت:.. - طرفة بن العبد - 12-30-2005
اقتباس: طارق القدّاح كتب/كتبت
طرفة، رح عينك مستشار الأمبراطور بحوران. "إيتز أوكيه؟"
بس مستشار لشو ؟:?:
يللا راح أقبل , "إيتز أوكيه" , ماشي الحال . :cool:
اذا لـبنـان لا يحبني, أظن أني سـوف أموت:.. - ياريموثا - 12-31-2005
اقتباس: طرفة بن العبد كتب/كتبت
اقتباس: طارق القدّاح كتب/كتبت
طرفة، رح عينك مستشار الأمبراطور بحوران. "إيتز أوكيه؟"
بس مستشار لشو ؟:?:
يللا راح أقبل , "إيتز أوكيه" , ماشي الحال . :cool:
قرار تعيينك قادم ... انتظر البيان قريبا ...يعني شلفه حجر و بتصير واحد مهم ... جدا..:23:
:bye::9: