التقصير في الطهي والتدبير ـ للرجال فقط - نسخة قابلة للطباعة +- نادي الفكر العربي (http://www.nadyelfikr.com) +-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3) +--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60) +---- المنتدى: فــن الحيــــاة (http://www.nadyelfikr.com/forumdisplay.php?fid=15) +---- الموضوع: التقصير في الطهي والتدبير ـ للرجال فقط (/showthread.php?tid=22349)

التقصير في الطهي والتدبير ـ للرجال فقط - neutral - 12-08-2005 أمشي أنجري من هنا يابت أنتي وهي - مش أنا قايل للرجال فقط :mad2: أخوتي في الذكورة وكروموسوم Y المقدس موضوع الطبيخ من المواضيع الشائكة والحساسة لأنه بالإضافة لتقنياته وفنه ومعاييره ومقاديره فهو أحد المواضيع الجدلية بيننا وبينهن ولاحظت إن النساوين دائما مايستغلوا هذا الموضوع لصالحهم فهم من ناحية يحاولون بشتي الطرق زرع عقدة نقص وإحساس بالدونية داخل الرجال ويتهموهم دائما بالفشل في الطهي علي الرغم من أن أشهر شيفات العالم من الرجال ويحاولن إفهامنا بإنها عملية معقدة وتفاعلات نووية تحتاج لكفاءة خاصة للقيام بها ومن ناحية أخري لايملون من الشكوي من تهميشهم وحصر وظيفتهم داخل المطبخ لزرع عقدة ذنب بداخلنا تجاههم لكن هيهات هيهات ولاحظت أن الكثير من الرجال بيذل نفسه لهم علشان صباعين ورق عنب ولا صنية بطاطس بالفرن وبناءا علي ذلك قررت وضع دليلي الخاص بالطهي زي الولية أبلة نظيرة لحل تلك المشكلة مرة واحدة وللأبد عزيزي الطاهي أعلم وفقك الله أن الطبيخ ينقسم إلي قسمين رئيسيين بالإضافة لبعض الأقسام الفرعية وهم طبيخ الحلة وطبيخ الصنية وسنتناول كل قسم بالشرح والتفصيل ليطبخ من يطبخ علي بينة ملحوظة مهمة - قبل الشروع في الطبخ يجب أن يكون الطاهي الحذر مستعدا لأسوأ الإحتمالات بعدد من علب التونة وغيرها من المعلبات وأرقام تليفونات محل بيتزا أو أكل صيني قريب ولاتهنوا ولاتحزنوا وأنتم الأعلون أولا طبيخ الحلة يتميز طبيخ الحلة بزيادة نسبة العنصر المائي عند مقارنته بطبيخ الصنية مما يجعل عملية إحتراقه أصعب كما إن وجود الحلة في مكان ظاهر فوق البوتاجاز يجعل مراقبتها أسهل عن الصنية المختبأة داخل الفرن ولذلك أنصح المبتدئين بالبدء بطبيخ الحلة خطوات طبيخ الحلة 1ـ هات الحلة 2ـ حطها علي البوتاجاز 3ـ ضع كمية من السمن وشرائح البصل والثوم المخرط والملح والفلفل داخل الحلة 4- ولع البوتاجاز ومتبقاش غبي 5 ـ ضع مكعبات اللحم داخل الحلة وقلبها مع المواد السابق وضعها 6 ـ أخرج أشرب سيجارة بره عقبال ما اللحمة تتشوح 7 - ضع كمية من الماء في الحلة علي حسب التركيز الذي تريد أن تكون عليه الطبخة 8ـ أطلع أشرب سيجارة بره عقبال ما الميه تغلي 9 - أفتح علبتين صلصة وأرميهم في الحلة 10 ـ أطلع أشرب سيجارة بره بدون سبب واضح 11 ـ طلع كيسين خضار من الفريزر وأرميهم في الحلة ـ فاصوليا بسلة بامية كوسة أو أي هباب تلاقيه ومش لازم يكونوا من نوع واحد اللي تلاقيه حطه وخلاص ومش لازم الطبخة يكون ليها إسم خليك مرن وأنت مش هتسجلها في الشهر العقاري 12 ـ أطلع أشرب سجارة بره علشان يبقي فاضل 16 سيجارة في العلبة 13 ـ غطي الحلة ووطي النار وأنتظر 45 دقيقة وبطل شرب سجاير صدرك إتحرق 14ـ تذوق الطبخة بعد النفخ جيدا في العينة المراد تذوقها علشان لسانك ميتحرقش وحاول تظبط ملوحة الطبخة علي مزاجك وكذلك كمية الماء 15 ـ عند التأكد من نضوج اللحمة أقصر الشر وأطفي البوتاجاز وأحمد ربنا إنها جت لغاية كده وبالهنا والشفا مشاكل أثناء طبيخ الحلة وكيفية التغلب عليها 1-زيادة الملوحة مش مهم ـ زود شوية ميه 2-قلة الملوحة مش مهم ـ حط شوية ملح 3- سقوط طافية سجاير داخل الحلة مش مهم ـ ولو عازم حد متقلوش 4ـ إحتراق الطبخة مش مهم ـ راجع نقطة الطاهي الحذر المذكورة أعلاه 5 ـ إحتراق البيت مش مهم - شركة التأمين هتعوضك 6ـ عدم وجود تأمين مش مشكلتي ثانيا ـ طبيخ الصنية يتميز طبيخ الصنية بزيادة نسبة المواد الصلبة ولكنه يحتاج إلي طاهي محترف حيث تكون الصنية بعيدة عن الأنظار داخل الفرن ولذلك وجب التنبيه 1ـ هات الصنية 2ـ هات شوية خضار ـ بطاطس بتنجان فاصوليا كوسة بسلة طماطم بصل فلفل أخضر وقطعهم وأرميهم في الصينية 3 - مش وقت سجاير عايزين نخلص 4ـ أرميلك كام حتة لحمة في الصنية وممكن تسلقهم قبل ماتحطهم في الصنية 5 ـ أطلع أشرب سيجارة بره علشان تهدي أعصابك 6ـ حطلك كام كباية ميه في الصنية أوالشوربة اللي أنت سلقت فيها اللحمة 7ـ أنت مش لسه شارب سيجارة من شوية قبل ماتحط الميه ـ هي شغلانة بقي 8 ـ غطي الصينية بورق فويل وحطها في الفرن وحط الحرارة عند 450 9 ـ بطل بعبصة كل شوية في الصنية وتطلعها وتدخلها - خلاص اللي حصل حصل وخلي إيمانك بالله كبير 10 ـبعد 45 دقيقة أفتح الفرن وأنت مرتديا قفاز علشان تشوف وصلت لإيه وممكن تتذوق عينة بعد عملية النفخ لتقييم الموقف وبالهنا والشفا مشاكل خاصة بطبيخ الصنية 1ـ عدم وجود صنية مش مهم ـ وماله طبيخ الحلة 2ـ عدم وجود فرن مش مهم ـ ممكن تحط الصنية علي البوتاجاز من فوق 3ـ عدم وجود بوتاجاز مش مهم شاله ماعنك كلت 4ـوجود خرم بالصينية مش مهم حطها داخل صينية أخري ثالثا الحلويات مش مهم ـ يعني خلاص مش هتقدر تعيش من غيرها ماعلينا ـ 1ـ إشتري الحلوي التي تريد صنعها ـ بسبوسة كنافة جلاش جيلي أم علي نور الله:10: عديها ياعلي- 2ـ أذهب للبيت 3 - أطلع بره أشرب سيجارة 4- أدخل البيت مرة أخري 5ـ أقرأ تعليمات التحضير الموجودة علي العبوة ونفذها حرفيا وبالهنا والشفا سنناقش في الحلقات القادمة بعض المواضيع الخاصة كالرز والمحشي والملوخية التقصير في الطهي والتدبير ـ للرجال فقط - محارب النور - 12-08-2005 نسيت الشواء فرع مهم في عالم الطبيخ,وناس تستهين بالشواء مع انه معقد بشكل ويحتاج ايدي فنان مش طباخ,احببت التنوية . موضوع جميل على فكرة . وهذة لك (f) التقصير في الطهي والتدبير ـ للرجال فقط - neutral - 12-08-2005 الزميل محارب النور(f) ياعم أنت ورايا ورايا ـ سبتلك المنتدي كله ورحت قعدت في المطبخ وبرضه مش عاتقني:mad2: مفيش أي مقولة قالها فيلسوف عن طبيخ الأكراد أو قصة عن الجرائم التي أرتكبها صدام حسين في حق المطبخ العراقي:lol: بالنسبة للشوي كله بميعاده ماتستعجلش علي رزقك تحياتي المعدية(f) التقصير في الطهي والتدبير ـ للرجال فقط - محارب النور - 12-08-2005 انا ذواق بالاكل ,وشفتك نسيت الشوي ,عامود الفقري في حياتي كلها:D. تحب اعلمك طبيخ كردي انا جاهز,اي وقت بتحب , هو في اجمل من الطبيخ ,الساعة الوحيدة الي اخلو فيها لنفسي واختراعتي في الطبخ ,المطبخ ركن البيت ,لاسف شو نعمل للحضارة الحديثة ,كل شي معلب ,وعندي حساسية من الاكل المعلب ,فين ايام الفريش. بس شهادة لله انت طباخ درجة اولى واضح من ريحة طبيخك اسف من كلامك عن مكونات الاكلة. محارب النور تحب اخلي لك حكمة انا جاهز لا خليها بعدين من يكون طحن في الشريط هذا . :97: التقصير في الطهي والتدبير ـ للرجال فقط - قناص واشنطن - 12-09-2005 Array  محارب النور   كتب/كتبت   انا ذواق بالاكل ,وشفتك نسيت الشوي ,عامود الفقري في حياتي كلها:D. تحب اعلمك طبيخ كردي انا جاهز,اي وقت بتحب , هو في اجمل من الطبيخ ,الساعة الوحيدة الي اخلو فيها لنفسي واختراعتي في الطبخ ,المطبخ ركن البيت ,لاسف شو نعمل للحضارة الحديثة ,كل شي معلب ,وعندي حساسية من الاكل المعلب ,فين ايام الفريش. بس شهادة لله انت طباخ درجة اولى واضح من ريحة طبيخك اسف من كلامك عن مكونات الاكلة. محارب النور   تحب اخلي لك حكمة انا جاهز لا خليها بعدين من يكون طحن في الشريط هذا . :97:[/quote] نيوترال عندما تهم بشرح المشاوي لا تنسى ان تعرج على الحلويات ايضا التقصير في الطهي والتدبير ـ للرجال فقط - راحيل - 02-10-2006 وانجر ليه ؟!! بلكي بطلعلي بكمن معلومة مفيدة:saint: واذا ماطلعت بمعلومة مفيدة بكون ع القليلة روحت عن حالي و ضحكت:lol2: (f)