نادي الفكر العربي
قلبي على وطني - نسخة قابلة للطباعة

+- نادي الفكر العربي (http://www.nadyelfikr.com)
+-- المنتدى: الســـــــــاحات الاختصاصيـــــة (http://www.nadyelfikr.com/forumdisplay.php?fid=5)
+--- المنتدى: لغـــــــة وأدب (http://www.nadyelfikr.com/forumdisplay.php?fid=78)
+--- الموضوع: قلبي على وطني (/showthread.php?tid=26119)

الصفحات: 1 2

قلبي على وطني - منى كريم - 08-04-2005

هذه قصيدة للشاعر العراقي الكبير ( شاعر شعبي ) إسمها قلبي على وطني و تكتب باللهجة العراقية : كَلبي اعله وطني ..


قلبي على وطني

* * *

ياوطني الموشوم بالقنابل

ياوطن الأشجار والأنهار والجداول

ياوطن الأديان والإيمان والتساهل

ياوطن الأشعار والإصرار والتفاؤل

ياوطن الأيتام والأرامل

ياوطني المقتول والمقاتل!!!

إنزف صبر ياوطن..بيٌـه الك مـٌية جرح

كــلما يهيد الألم بجروحي أذرٌ الملح

أفديك ياوطني لومية مرٌه انذبح

واشرب نخب هيبتك من المسـا للصبح

مثلك محب ما إلي ومثلك جرح ما يصح

يارمح بضمايري لا خطه ولا صابني

كـَلبي على وطنـــي

كـَلبي على وطني وي رشفة الفنجان

وبكل تحيه صبح من حايط الجيران

لو ما انت ياحيرتي ماكان كل ماكان

من غير أرض وأهل ما قيمة الانسان

بس ياخسارة الأهل

من حط رحاله الجمل

وياك علو الجبل

ولارخص علج اجنبي تتخضٌع وتنحني

كـَلبي على وطني

كــَلبي على وطني وي كل سحابة تفوت

وعن كل بطل ما بخل فوك التراب يموت

وعن كل كـَمر لو ظهر.. وبحزن روحي انتحر

والطير فوكَ الشجر

ينشد بأعذب صوت

الماي من ينغلي من لوعته ايغني

آنه انجوي ابطيبتي وكل حي طلع مني

كـَلبي على وطني




أهواك ياوطني لو جنتك ناري

وانزفلك الدم شعر واهديلك اشعاري

كل يوم نكـَعد سوه واحجيلك اسراري

تفكـَدني من ابتعد وتزورني ابداري

وابجيلك ابلا دمع واشرحلك الجاري

معذور من سرني

ومعذور من لامني

كـَلبي على وطني

كـَلبي على وطني الكل عمري جان الأهم

أسكـَيه ابمي دمعتي ويسكـَيني كاس الندم

انطيته حلم العمر ونطاني جنــٌة وهم

واني مثل هالبشر هم روح دم ولحم





للاستماع بصوت الشاعر - إلقاء رائع - :
http://www.hussamaliraq.com/Aryan%20sayed%...khalf/wa6ne.ram




ودّ
منى

قلبي على وطني - محارب النور - 08-04-2005



[CENTER]
رش الدرب تيــزاب حافي أعتـني لـَــــــــك
جا شٌـلي بالرجليـن الما تجي لــــــــــــك

لو ترِش مو تيــزاب لو تزرع ألغــــــــــام
اللحم خلـٌه إيروح أوصلــــٌك إعظــــــــام
[/CENTER]

محارب النور

(f)




قلبي على وطني - محارب النور - 08-04-2005

[CENTER]

الدنيا للتهِـواه تِركَص إمفرعــه
وآنه تجيني إبموس وتكَلي إبلعــه
[/CENTER]

اذا احبت الدنيا شخص ترقص له سافرة ,ولكن معي تاتي ومعها شفرة وتقول ابلعة

ترجمة النص

[CENTER]

الى ذوي العيون الفتاكه

سود العيـون إكبـار والحـَـلِـك محبــــــس
ويسترها رب الكون من دلع تلبــــــــــــس

هم حلو .. وهم إزغيــر .. هم أزرك عيـــــون
بس بيه طبع مو زين من يوعد إيخـــــــــــون

سبحانه من سـوٌاك نص وجهك إعيـــــــــــون
إزغيــٌر سبيــت الناس من تكبر شلــــــــــون

كل السـنون إعظـــام بس سِــنـٌه ليلــــــــو
جاكم وســيع العين عن دربه ميــــــــــــــلو

كل السِـنون إعظــام بس سِنـٌـه فضـٌــــــــــــه
زبد ويموع إهواي ومنيـــــــن أكضـٌــــــــــــه


احب ان يترجم الزملاء هذا النص ,لان في زميل قال لي ان العربية تفهم من قبل كل العرب في الوطن العربي ..؟

محارب النور

(f)






[/CENTER]

قلبي على وطني - منى كريم - 08-05-2005

رش الدرب تيــزاب حافي أعتـني لـَــــــــك
جا شٌـلي بالرجليـن الما تجي لــــــــــــك

لو ترِش مو تيــزاب لو تزرع ألغــــــــــام
اللحم خلـٌه إيروح أوصلــــٌك إعظــــــــام


أعجبتني جداً .. يامحارب .. سأترك لغير العراقي أن يترجم المقطع الذي ذكرته أنت بما أنهم يفهمونه على حد تعبير صديقك !

طبعا هذه المقاطع التي ذكرها صديقي المحارب تستخدم أسهل كلمات اللهجة العراقية ، هنالك ماهو أشد فتكاً ..


محارب : أتمنى أن تجيء بقصائد بنفس المحور - قلبي على وطني - إذا كنت تملك إحداها ؟



ودّ
منى

قلبي على وطني - شآبيبُ الروح - 08-05-2005

بسم الله أرحم الراحمين

الأحرف الفارسية تكتب هكذا :

گ = 0144 + alt

ژ = 0142 + alt

چ = 0141 + alt

پ = 0129 + alt

من هنا :


http://www.hajr.us/forum/showthread.php?t=402740974

لذا : كلبي = گلبي :)

وصلِّ اللهم على محمد وآله الطيبين الطاهرين.




قلبي على وطني - شآبيبُ الروح - 08-05-2005

بسم الله أرحم الراحمين

من أجمل ما قرأت من الشعر العراقي الشعبي الوطني ، هذه :

[SIZE=4]ويـِطعنـونـه ولا راعــو مشـــاعـرْ

وإحنــه بكـل فـرع مزروع عـدنـه ألـغـام

وإحنـه بكـل فـرع مزروع ( بعثيـيـن)

وبيــن البـاب والشـارع سـواتـرْ

[COLOR=Purple]أَثــورْ!؟ إ بْيـش أ ثــورْ ... بيــا شعـب تعبـان؟

بالـ يجـدّون !؟.. با لْبـا عـوْ جيــكَـايــرْ!

أَ ثــورْ!؟ إبْيـش أَثــور.. وإنْتــه إتـْلوم بيــه

بالّيـصفكَـون .. بالْبــا عـوْ ضِـمـايــرْ !

مــو بـس الأرض تـلكَـون بيـها كَبــور

إحفــروا إبـكل كَـلب .. تـوجـد مقـابـرْ

وإليـِكَلي عَـجَــلْ يـِـرجَـعْ إبــنْ تكريت

أحكمـــه إعْـدام رميـــاً بالــقنــادر

http://www.iraqipapers.com/kassim.htm

طبعاً ، من الشعر العراقي الشعبي ، أنصح بالابوذيات ، وهنالك شريط أبوذيات للرادود باسم الكربلائي والشاعر جابر الكاظمي وشاعر عراقي آخر راحل ، فلك أن تتخيل جمال الشريط باجتماع صوت ملا باسم وكلمات ( أبوذيات ) هذين الشاعرين المبدعين.

وصلِّ اللهم على محمدٍ وآله الطيبين الطاهرين.

قلبي على وطني - منى كريم - 08-05-2005

شآبيب الروح



روعة !

قلبي على وطني - محارب النور - 08-05-2005



منى اخذي هذة الدرة السوداء الثمنية بلون الجنوب الذي لم يعرف من الالوان سوى الاسود من مقتل الحسين الى مقتل الصدر وفهو حزن على حزن ,وعذاب فوق عذاب ,والم فوق الم فلم تعرف الناس سوى الاسود لونا وثوبا .

قصيدة الشاعر المبدع كاظم اسماعيل الكاطع

إللي إمضيٌع ذهب

* * *


بالغربه شِفتْ التَعب وإتعلٌمت معناه

وإتعلٌمت عالسهر .. والسكته .. والصفناه

ذلٌيت ذلْ النهر من ينكَطع مجراه

وإعرفت كل شي إعرفت

حتىٌ النخل ينحني الريح السفر من يجي

وجايب غريب إوياه

ألله !! يا هالوطن شمسٌوي بيٌه ألله

نيرانه مثل الثلج

كلما تدكَ عالضلع

أبرد وكَول إشٌاه

إللٌي إمضيٌع ذهب!!بسوكَ الذهب يلكَــــــاه

وإللي مفاركَ محب ...يمكن سنه وينســــــاه.

. والطاح منٌه الكَلب قلب إصطناعي

إنلكًه ويشكٌلونه إهنـــاه

بس إل مضيٌع وطــــــــــــــن

وين الوطن يلكَـــــــاه ؟ ؟ ؟





* * *آه ياوطن يا خبز يالشارتك تكتل

!!آه يا وطن يا طفل ..

هِنياله منْ صاغ إلك نبض الكَلب جنجل !!

يا وطن .. زٌفة كَمرياعراق زَفة كَمر

ونجوم إله إتهلهلْ !!

عذبٌني ما عذبٌك ..إكتلتني ما أكتلك ..

طبع اليحب ينكتل موش اليحب يكتل

***آه يا وطن يا جَذِر !!

والجذر هم بيه طبع ..

لو مات من العطش للوادي ماينزل !!

علٌمني إل فراقأعزف لحن غربتي إبقيثارة أشواقْ

أسهر وحن وأنفعل وأتمنىٌ واشتاق

مامش مثل ديرتي

لو نمشي طول العمر !!!مانلكًه مثل إعراقنا إعراق

محارب النور

(f)

قلبي على وطني - شآبيبُ الروح - 08-06-2005

بسم الله أرحم الراحمين

أختي الفاضلة ( منى كريم )

هل أنت الذي يقصدها ( عبداللطيف الحرز ) هنا :

http://www.kitabat.com/alherz_85.htm

إذا كان الامر كذلك ، فمع إني أخذت - ربما - فكرة كبيرة عنه وعن عائلته واصدقائه وأفكاره وآرائه ، إلا أنني أحبذ لو حدثتنا عنه أكثر إذا كانت هناك معرفة شخصية.

وشكراً مقدماً.

وصلِّ اللهم على محمد وىله الطيبين الطاهرين.

قلبي على وطني - منى كريم - 08-06-2005

هلو شآبيب الروح

نعم أنا المذكورة في الرابط ، والحرز أخ عزيز عليّ ، ما أعرفه عنه ينحصر بمعرفة أي قارئ لمقالاته ، فهو عراقي من الزبير عاش في إيران و درس في الحوزة هناك و حصل على دكتوراة فخرية في التصوف ، كما أصدر عدة كتب في هذا الصدد في إيران ، و هو يقيم الآن في إستراليا ، علماً بأن عمره في حدود الـ 25 عاماً ,,


ودّ
منى