+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: مبارزات زجلية ... (/showthread.php?tid=26422)
مبارزات زجلية ... - ابن سوريا - 07-24-2005
هذا الموضوع إذ افتتحناه فلكي نتبارز زجلياً ولقد تم افتتاحه وتدشينه بمباركة التالية أسمائهم:
غرموش الفزيع
العربية السعيدة (بت عمي)
تروتسكي
أبو إبراهيم
وبقية رفقاء.
والبدء بمقاربة زجلية:
إلكن مني يا أخوان
هالتنتيف الحوراني
----------
يا علماني ويا "جدو"
حاجي داشر بالنادي
حامل خنجر مش قدو
وعامل جرصة وحْدادي
بدي أعرف شو بدو
هالعلماني المحتادي
غيرة طلعت لعندو
هالعصفور اللي شادي
وخبرني أنو بردو
للياس الغيرة بادي
ولا تزعل رح تستدوا
بيومٍ جاية الزوادي
عخدك رح يتندوا
بوسات الحب النادي
شفافي لعندك يمتدوا
من أفضال الحوراني
يللا بلشوا من هون دون أن نفسر قصة الزجل السابق وحيثياته.
المهم نبلش.
:h:
مبارزات زجلية ... - نزار عثمان - 07-24-2005
إلكن مني يا أخوان
هالتنتيف الحوراني
----------
الحلوة قعدت بين الناس
وقلوبن لعندا تحول
طارق لما صار محتاس
قام لعندا صار يجول
قلبي عيني إنتِ الراس
والرغبة بالبوسة ينول
هالشغلة خلت الياس
يهتز وبالقوة يقول
"العلماني خدو بينباس
ع الطلوع وع النزول"
وبين الضاحك والعباس
انلعبت لعبة ع الاصول
ع الخمرة ورنة الكاس
البوسة دارت بين فحول
وهيك صار وضاع الطاس
بين الطارق والثاني
(f)
مبارزات زجلية ... - طرفة بن العبد - 07-24-2005
طارق يا خيّي الكبير
شو بدك بالعلماني
العلماني شاعر خطير
و رب الزجل اللبناني
مضّي هالليلة عـ خير
ما بدي كاني و ماني
السكرة مني راح بتطير
و خلصوا كل القناني
شفافك مديتون كتير
طلعوا من الميلة التاني
و شمْتوا فينا بالأخير
و صاروا يقولوا الحوراني
طارق بس يشرب بيصير
بيبوّس عالعمياني
مبارزات زجلية ... - Deena - 07-24-2005
طرفة.. انشقوا شفافي ضحك
وفقَعت صوت بالملياني
طلعت شاعر مثل المسك
أحسن من الياس العلماني
انزل فيهون لحش وحشك
وماتقلي هادا زجل لبناني
وخلي شعرك يفتك فتك
وضروري يكون بالسرياني
مبارزات زجلية ... - نزار عثمان - 07-24-2005
جمال الوجه بيّن لي صفاتو
ع الصوت اللي ردد من حلاتو
رنة موسيقى سمعت ع النغم بهداتو
يسقط نسور العالية ويحيي اللي ماتوا
وعند ما التاريخ صرّح لي بعداتو
فلفش وراقو الصفر ورتب محتواتو
نظمت هالابيات من فكري وبناتو
لطارق طرفة وبشر وعلماني بغلاتو*
ولغيرهم بهالساحة اللـ علقوا وفاتوا
الشوط ابتدا ، زيدوا البيان عجلوا وهاتوا
تأجعلكم تماثيل شمع ع هامش التاريخ
وأضوي فتيلة راسكم بحجر صوان
والليل يسكر ع جماجمكم بذاتو
(f)
ــــــــــــ
* بغلاوته
مبارزات زجلية ... - ابن سوريا - 07-24-2005
إلكن مني يا أخوان
هالتنتيف الحوراني
----------
الْحمصية وخيّي الصغير
متل الأطرش بالزفة
والقصة فيها تشفير
بتعرف أسرارو الشفة
الكاسات اللي انعدوا كتير
وطارق سكران مصفي
ولما الحلوة حدي تصير
ناري ما عادت تطفي
يا طرفة حاجي تعتير
أشعارك فرط وصرفي
وبكفة بحط التعتير
والضحكة بتاني كفة
واحد كاساتو تقتير
خلصوا من أول دفة
خليت علينا الصغير
يضحك والبسمة يخفي
يا دينا الغيرانة كتير
وجاية ترغي وتتشفي
قبل هالسكرة ما تطير
رح نرجع للشيطانة
(f)
مبارزات زجلية ... - ابن سوريا - 07-24-2005
إلكن مني يا أخوان
هالـ"تنتيف" الحمصاني :D
-------------
يا دينا ويا ست الناس
ودك بِقلبي مدرار
لكن لما وقع الفاس
راسي بِأحوالك احتار
مرة علقاني بلياس
بتحكيلو حب وأشعار
ومرة خيي الما بينباس
بعتيلو بوسات كتار
لا تفتكري أنا محتاس
طارق أبداً ما بيغار
لكن تفضيلك لناس
عني وهجرك أضناني :D
(f)
مبارزات زجلية ... - نزار عثمان - 07-24-2005
مني إلكن يا أخوان
هالتفسير "الحوراني"
----------
يا طرفة واسم الله عليك
لمن تتضارب جبهات
أبعد عنها دخل إجريك
ما ترضا بهيكِ فوتات
عم بنصح واسمعني ليك
أخرج منها بلا أزمات
"تحكي مفكر حالك بيك
ولم تنطق بالنص خوات"
هاي طارق هو قلّي هيك :23:
وروح اسآل العلماني..
(f)
مبارزات زجلية ... - Arabia Felix - 07-24-2005
:D
مبارزات زجلية ... - ابن سوريا - 07-25-2005