مناظرة بين عَازبْ و صَبيَّة على الطّريقة التونسيّة - نسخة قابلة للطباعة +- نادي الفكر العربي (http://www.nadyelfikr.com) +-- المنتدى: الســـــــــاحات الاختصاصيـــــة (http://www.nadyelfikr.com/forumdisplay.php?fid=5) +--- المنتدى: لغـــــــة وأدب (http://www.nadyelfikr.com/forumdisplay.php?fid=78) +--- الموضوع: مناظرة بين عَازبْ و صَبيَّة على الطّريقة التونسيّة (/showthread.php?tid=3005)

مناظرة بين عَازبْ و صَبيَّة على الطّريقة التونسيّة - FerjaniMonia@gmail.com - 09-28-2008 هي:أنا الخـُنـَّارْ..أنا النوَّارْ و الضّحكة بـِلاّرْ هو: أنا النظـَرْ..أنا السّمعْ أنا سَقفِ الدَّارْ هي: أنا الدّفا و الوفا نـِسْمَة تشقّ النـَّارْ هو: أنا النـّفـَسْ..مولود مِ الحِسّ مانيشْ شويَّة العزّ..المحَبَّة..والشبُوبيَّة الفجر..و الفخر..في عينيَّ في طريقك لازم تتعدَّى عليَّ مطمَانْ و سَالمْ في الوَادْ الهرْهارْ هي: صبـِيَّة.. و بْلاشْ بـِيَّ الكسَادْ عَ الدّنيَا يفرشْ زربيَّة كلّ صباحْ يشربْ من بَسْمتي الجوهر و طعمْ الأفرَاحْ هو: أنا التـَرَّاسْ..زين و عينْ القلب حبَقْ و الجَاشْ نحَاسْ بخروجي توَخـِّرْ الحْيُوطْ و البيُوتْ و الشارع و النـَّاسْ الكلمة في الحقّ ضربة فاسْ و العِشـْرَة عَ الكفّ ممدُودَة عسَلْ تضـَوِّي الثنايا و تحْيـِي الأنفاسْ هي: يا ويحِكْ ياللي تحسبْني سِلعَة و ما ترَاشْ في صدري وِسْعِ القلعَة اليوم صبيَّة.. و نصّ الدّنيا لـِيَّ و بْحُور العِـشقْ فايْضـَة عليَّ و غدْوَة وَلاّدَة .. دِيمَة حَبَّابَة الأقدَامْ شجرة حِنـَّة و عروقها باب الجنـَّة تـَرَّاسْ و لاّ صبـِيَّة خنـَّارْ و نـَوَّارْ زرِّيعَـة الخير و عَ البْلادْ فـْنـَارْ مناظرة بين عَازبْ و صَبيَّة على الطّريقة التونسيّة - lellou - 10-01-2008 بدك Glossaire لشرح الكلمات مثل خنار تراس تعرفي ولادة بنت المستكفي التي تقول اتني والله لامشي واتيه تيها وامنح قبلتي من يشتهيها اهلا بيك ولادة مانحة الحياة مناظرة بين عَازبْ و صَبيَّة على الطّريقة التونسيّة - FerjaniMonia@gmail.com - 10-01-2008 خنـَّارْ يعني الغنج و الدّلال الترَّاسْ أي الرّجل قويّ البنية الجسديّة نعم أعرف ولاّدة بني المستكفي جيّدا و أحفظ كلّ ما قال فيها ابن زيدون سعيدة بمرورك lellou