نادي الفكر العربي
ال EMULE وبلاويه - نسخة قابلة للطباعة

+- نادي الفكر العربي (http://www.nadyelfikr.com)
+-- المنتدى: عـــــــــلــــــــــوم (http://www.nadyelfikr.com/forumdisplay.php?fid=6)
+--- المنتدى: حـاسوب و شبكـات (http://www.nadyelfikr.com/forumdisplay.php?fid=85)
+--- الموضوع: ال EMULE وبلاويه (/showthread.php?tid=31946)

الصفحات: 1 2

ال EMULE وبلاويه - maryam - 02-04-2005

قمت مؤخرآ بتحميل عدة أفلام عن طريق الEMULE ( ماحدا يروح يبلغ الحكومة الله يرضى عليكن :d: ) .. المهم لاحظت إن الأفلام التي تم تحميلها بسرعة نسبية أي إنتهى تحميلها خلال نفس اليوم وأحيانآ خلال ساعة أو إثنتين لاأستطيع فتحها بعد إنتهاء التحميل بالويندوز ميديا أو الديفكس أو الريل بلاير وهي ماأبقيته من برامج التشغيل بعد آخر فرمتة فهل لدى أحدكم نصيحة ببرنامج معين يمكنه فك النحس الذي يلاحقني مع هذه الأفلام ؟

شكرآ مقدمآ.

ال EMULE وبلاويه - سوري - 02-04-2005

عيني يا عيني ...الله يتم عليكي ...بنفس اليوم قلتيلي :what: ..عند مين اشتراكك لحتى غير بعد ما يخلص عقدي مع المامادو ...اللي حاصرتنا بال 128 montant
عم بمزح ...

ديري بالك مريم لا تكون الملفات مو مظبوطة ..حاكم بتصير تكون مضروبة أو مو ملفات أفلام أحياناً..لأنه قضية التحميل بنفس اليوم مريبة !!!

أنا شخصياً باستعمل ال Winamp بيشغل معظم الملفات ..إلا إذا كانت اللاحقة هي DAT (متل فيلم عادل إمام الجديد اللي نزلته الأسبوع الماضي :D) فعليكي بال ميديا بلاير ...

حطيلنا الextension تبعهن لنشوف ؟؟؟

أنا الحمار الدونكي (ابن عم البغل اللي عم تستعمليه:D) وقعني بمشكلة أكبر ...علق الكمبيوتر اضطريت اطفيه يدوياً ...طارت كل الملفات قيد التحميل ..بيعين الله .. (وال ADSL)

تحياتي

(f)

ال EMULE وبلاويه - maryam - 02-04-2005

والله أنا كمان شكيت بالموضوع ياسوري بس لما صاروا شي خمسة أفلام هيك قلت مش معقولة يعني كل الأفلام اللي عم إختارها تكون مضروبة أو تقعد شهر ماتخلص تحميل :mad:.. هي الملفات حجمها حجم فيلم فعلآ يعني مابين 670 وال720 ميجا وكلها بإكستنشن avi .. البرنامج اللي عطيتني أسمه حملته ولما حاولت أفتح هالأفلام بواسطته قعد ماحطش منطق :D عم يلفلي إسم الفيلم بشريط الفيلم المشغل وبس غير هيك لاقال هالفيلم صالح وألا مو صالح وألا أي مصيبة حتى ( شو من وين جايبه ؟ من عند أبو سعيد :saint:؟)بينما الميديا بلاير والريل بلاير والديفكس كانوا عم يقولوا إنهم مابقدروا يفتحوا هالفيلم بسبب نوع الملف.

شو قولك بالموضوع ؟





ال EMULE وبلاويه - سوري - 02-04-2005

طيب حملي هالبرنامج Gspotوبعدين كما في الصورة ...


[صورة: 1.bmp]

أول شي اضغطي على path (محل مو حاطط نقطة حمرا) وحطي ملف الفلم وبس ....لازم تطلع المعلومات متل مو طالعة عندي عند الأسهم 1 2 3 ...

إذا بتقدري تنسخي المعلومات أو تصوريهن متل مالي عامل بيكون أحسن ...منه بنتأكد من حجم الملف ..ومنه بنشوف إذا عندك CODECS المطلوبة للتشغيل ....

لنا عودة مساءاً ..

(f)

ال EMULE وبلاويه - maryam - 02-04-2005

شكرآ على تواصلك سوري (f).

الظاهر إنه الملفات مضروبة متل ماقلت لأنه شوف شو بيطلعلي مع البرنامج الأخير .. لك طلعوا 7 أفلام عليه العوض ومنه العوض فيهن يعني :( ؟


ال EMULE وبلاويه - maryam - 02-04-2005

ملحوظة :

مابعرف ليش الصورة مو واضحة هون مع أنها في جهازي واضحة تمامآ .. المهم الSTAT عم يكتب أنه NOT A VALID AVI FILE والنوع NON AVI FILE - UNKNOWN والحجم 697 ميجا واللي فاضل كله N.A. .

ال EMULE وبلاويه - سوري - 02-04-2005

:(

معناها أحد احتمالين ...
1-الملف مقطوع أو معطوب وغير قابل للقراءة ...
2-الملف بالأصل مو avi وبالتالي مو فيديو ..بس مغيرين اللاحقة تبعه ل avi ..

خلينا نجرب تجربة آخرة ,,, روحي عالملف ..رايت كليك ,,,حطي عالخصائص ومن الخصائص حطي تاني تبويب (ملخص) ...
صوريه وارفقيه لنشوفه ...
بالمناسبة الصورة اللي حطيتيها واضحة عندي ..بس عندك يمكن عم يصير تصغير تلقائي ...

سلام ..


ال EMULE وبلاويه - maryam - 02-04-2005

يخليلي إياك يارب ياسوري (f).

هلق طلعلي بالخصائص شغلتين مختلفتين في الأفلام ومنهما حالة تبدو ميئوس منها نهائيآ.. راح حطلك الحالتين :



ال EMULE وبلاويه - maryam - 02-04-2005

ماعرفت كيف حمل الملفين بذات الرد لذلك هذا الملف التاني :


ال EMULE وبلاويه - سوري - 02-05-2005

أنا برأيي يا مريم أنه عوضك على الله ...شو بدي قول أنا إلي حاطط ضيعة تشرين شي شهر وبالأخير راحت ...

المهم مشان المرة الجايي عندي إلك كم نصيحة حاكم أنا مقبع ضراسي مع الدونكي ..وأكيد ابن عمه الايمول ما بيفرق عنه ...

بالصورة المرفقة حطيتلك مثال عن نفس الفيلم اللي بدك تحمليه ....وفيها أعطيكي طريقة اختيار الملف الأكثر ضماناً حسب الأرقام ..

1- availability : وهو من أهم العناصر ..يفضل أن تضغطي عليه ليرتب الملفات تنازلياً بحسب توافر المصادر ...الملفات المثالية هي المتوافرة بشكل كبير وبها تضمني أمرين : سرعة التحميل وخصوصاً إذا كنتي فاتحة الابلود ..الأمر الثاني أن الملف مضمون أنه غير مضروب ...أوردت رقم 2 على الملف المتوافر بكثرة :254 ...

3 -الحجم ..طبعاً يختلف الحجم ولكن من المنطقي مثلاً لفيلم 60 دقيقة بجودة فيديو أن يكون حجمه قريب من 700 كما هو واضح في المثال ...

4-الفورمات وهو بيت القصيد هنا avi ولكن على نفس الخط وتحت codecs لا يوجد إشارة لنوعية الترميز ؟؟؟؟

5-هنا الملف المثالي الذي كنت لأنتقيه لو كنت مكانك ...التوافر ممتاز 234 ..الفورمات mpg ويفتحه الميديا بلاير بكل تأكيد ...والحجم 775 منطقي جداً ...وبالتأكيد اسم الفيلم صحيح ولا لبس فيه ....


على فكرة في نسخة الايدونكي الجديدة الموجودة عندي هناك مؤشر يظهر بعد البدء بالتحميل ...ينبهك إلى أنه هناك احتمال لسوء الفهم أو أن يكون الملف fake يعني هناك أحرف متغايرة لاسم الفيلم لدى بعض المصادر ...الذين أقوم بالتحميل منهم


أتمنى أن أكون قد وفقت بتقديم هذه اللمحة السريعة ...والله يوفقنا لما فيه خير الأمة ...

وبخاطركن رايحين نروح استروا ما شفتوا منا ...

:D



* ملاحظة على الهامش يعني ..هذا نفسه صديقي Arthur تبع a prendre ou a laisser ...صار عم يعمل أفلام :lol:
عم بمزح ..بعرف أنه فيلم وفيلم جديد جداً ..اليوم نزل DVD والله ما يدروا فيكي غير على تدمر ..هيك بدك تخسري شركات الإنتاج المعترة ..اشتريه ب 20 أورو وصلى الله وبارك ....



سلام
(f)