+- نادي الفكر العربي (http://www.nadyelfikr.com)
+-- المنتدى: الســـــــــاحات الاختصاصيـــــة (http://www.nadyelfikr.com/forumdisplay.php?fid=5)
+--- المنتدى: الحوار الديني (http://www.nadyelfikr.com/forumdisplay.php?fid=58)
+--- الموضوع: قصة جميلة (رحلتي من الايمان للشك للايمان (/showthread.php?tid=32314)
قصة جميلة (رحلتي من الايمان للشك للايمان - مسلمة للأبد - 01-23-2005
قصة جميلة (رحلتي من الايمان للشك للايمان)
--------------------------------------------------------------------------------
بسم الله الرحمن الرحيم
القصة اللي بقدمهالكم دي قصة حقيقية لشاب عنده 22 سنة كتبها في احد المنتديات (فعلا شخصية تستحق الاحترام
القصة انا هنقلهالكم بكل أمانة زي ما كتبها صاحبها بالظبط. على حلقات.. وهي في الاصل برضه كانت مقسمة علي صورة حلقات...
عشان كده
* أي واحد يحس انه مش قادر يتابع معايا القصة... ممكن يسأل (مع العلم انها قصة طويلة والافضل انها تتقرأ علي كذا مرة)
* القصة هتكون كل يوم
نبدأ بقي عشان ما نطولش في المقدمات
مع العلم ان دي اول مشاركة لي في هذا الركن الرائع... وارجو انها تعجبكم
ملحوظه : انا ناقلة لكم القصه بمنتهى الامانه و ليست من تأليفى
___________________
منقووول وأرحب بأي نقاش
![[صورة: salammmsu323.gif]](http://www.maknoon.com/mon/userfiles/salammmsu323.gif)
قصة جميلة (رحلتي من الايمان للشك للايمان - ضيف - 01-23-2005
فين القصة؟
قصة جميلة (رحلتي من الايمان للشك للايمان - مسلمة للأبد - 01-23-2005
نبدأ
بسم الله الرحمن الرحيم
الحلقة الأولى(وانا كان مالى)؟
-----------------------------
الأول الايمان كان شديد جدا..وخاصة فى مرحلة الثانوية العامة..كالعادة صلاة في الجامع
مش عارف ليه كنت فاكر ان الصلاة ماكنش ليها علاقة بالثانوية؟؟أو كنت باحاول أقنع نفسي بكده
بس مع الأسف مع أول سنة فى الكلية..بطلت صلاة فى الجامع..مش بس كده..بطلت صلاة خالص
بس ماقدرتش..كنت فعلا تعبان من غير صلاة..وفى السنة الثانية عدت بقوة للصلاه والحمد لله
وعدت لقراتى في الدين مرة أخرى بعد أن كنت قد تركتها منذ الصف لأول الثانوى
واستمررت هكذا حتى السنة الرابعة
اذن..أستطيع أن أقول أن الأصل فى كان مؤمنا جدا..ولكن ما حدث بعد ذلك كان مرعبا
مرعبا الى أقصى درجة..ربنا يغفرلي ويسامحنى
كنت زي أى مسلم في الدنيا..مؤمن بالفطرة ان أى حاجة تانية غير الاسلام غلط
وماينفعش غير الاسلام..ولفيت لفيت ورجعت لنفس النقطة..واتأكدت وبصمت بالعشرة ان ماينفعش غير الآسلام
البداية كانت فى سنة رابعة..ساعتها أول مرة أشوف مناظرة دينية بين واحد مسلم (الشيخ أحمد ديدات رحمه الله) وآخر
مسيحى أمريكى..المناظرة عجبتنى أوى..ولتفوق أحمد ديدات الواضح..واعشقى لدينى
شوفتها اكتر من 4 مرات رغم طولها..وكل مرة يزيد ايمانى أكتر
بصراحة الشيخ ديدات ده متمكن جدا فعلا..بس فيه حاجة....!؟
على أد ما انجذبت لهذه النوعيه من الموضوعات..على أد مابدأت افكر فى الأديان
الأخرى...وأسال نفسى..أنا مسلم ليه؟؟عشان أهلى مسلمين؟؟طب ماهوا لو كانوا حاجة
تانية كنت بقيت زيهم!!!وبدأت أسأل نفسى..ليه المسيحين مسيحين؟؟ليه ميفكروش فى الاسلام؟؟
رد عليا واحد انجليزي على النت(مانا أصلى بقيت أكلم الأجانب في الموضوع ده كتير) قال لى
اشمعنا؟؟ماتفكر انت فى حاجة تانية غير الاسلام!!بينى وبينكم اكتشفت انها انانيه انى اقول لواحد فكر في ديني
من غير ما أفكر انا كمان!!(عايز أعرف رأيكم في الجزء ده خاصة)؟
وبدأت بالفعل تنظيم أفكارى..وأثناء هذا التنظيم..حدثت مفاجأة!!
ما هو التنظيم..وما هى المفاجأة؟؟ الحلقة القادمة ان شاء الله
لا اله الا الله
قصة جميلة (رحلتي من الايمان للشك للايمان - ضيف - 01-23-2005
كلام سليم.الوضع الطبيعي ان يفكر الانسان.لكن هل كل فكر تجرد؟
قصة جميلة (رحلتي من الايمان للشك للايمان - مسلمة للأبد - 01-23-2005
أشكرك أخ عقاب لمتابعتك ،
![[صورة: 36_1_32v.gif]](http://www.redstaing.net/softs/images/smilies/2/36_1_32v.gif)
قصة جميلة (رحلتي من الايمان للشك للايمان - قوة الصليب - 01-23-2005
[CENTER]يبدو ان عرض القصة بالبطئ [/CENTER]
:lol2::emb::emb::emb::emb::emb:
قصة جميلة (رحلتي من الايمان للشك للايمان - عبد الرحمن ويصا - 01-24-2005
اكملى اختى اعزك الله وثبتك واسئل الله ان يشفى شيخنا احمد ديديات فهو مريض باحد مستشفيات العاصمة ( كيب تاون) واكملى اختى القصة لعلها تذكرة لنا ولغيرنا وشكرا
اخيكم عبد الرحمن ويصا
قصة جميلة (رحلتي من الايمان للشك للايمان - مسلمة للأبد - 01-24-2005
السلام على من اتبع الهدى
الزميل قوة ؟
نعم عرض القصة بطئ لأنها قصة طويلة ويهمني قراءتها بعين القلب وليس بعين الرأس ، هداني الله وإياك
الأخ عبد الرحمن ويصا
بارك الله فيك أخي لمتابعتك وتشجيعك ، نسأل الله تعالى أن يثبتنا وإياكم على الدين الذي
أكرمنا بأن كنا من أبنائه وأن يميتنا على الإسلام والسنة واللهم آآآآآآمين
وإن كان الشيخ ديدات مريض أو حتى ميت ، فلقد ترك تراثا من الحق والحقيقةأسأل الله تعالى أن يجعله ذخرا له يوم لا ينفع مال ولا بنون ، فماذا فعل وماذا قدم الأصحاء ، أو الذين يعتقدون أنهم أصحاء
؟؟؟؟؟؟؟؟؟؟؟؟؟؟؟؟؟؟؟؟
نبدأ إكمال القصة بحول الله وقوته
«»«»«»«»«»«» oOoOoOoOoOoO «»«»«»«»«»«»«»
وقد يلبس الديباج قردا ولعبة ***** وتلوى بأعناق الرجال السلاسل
فلا ترهب الخطب الجليل لهوله ***** فطعم المنايا كيف ما ذقت واحد
قصة جميلة (رحلتي من الايمان للشك للايمان - مسلمة للأبد - 01-24-2005
بسم الله الرحمن الرحيم
«»«»«»«»«»«» oOoOoOoOoOoO «»«»«»«»«»«»«»
الحلقة الثانية(الموضوع خرج من ايدى)؟
------------------------------------
زى ما اتفقنا..بدأت أرتب أفكارى..و قابلتنى مفاجأة..ّ
بالنسبة لترتيب الأفكار..كان كالتالى:ّ
1-انا مسلم ليه؟؟عشان أهلى مسلمين....اجابة غير مقنعة
2-هل فى احتمال ولو بنسبة واحد فى المليون انى أعيش مسلم وأراعى ربنا فى كل حاجة ويوم القيامة افاجأ ان اليهود أو النصارى على حق و بالسلامة على جهنم؟؟
3-الشيطان صورلي ساعتها ان ممكن
4-اذن لابد من اجابة سريعة على اسئلتى عشان لو الموت خطفنى دلوقتى..مش حاحصل اى حاجة..لامسلم ولا مسيحى ولا يهودى..يمكن يئرفوا منى يوم القيامة!!..مين ده؟؟د اللى ماكانش عارفلوا دين..ياعععع!!
ّ
5-حال المسلمين اليومين دول زى مانتوا شايفين..والمسيحين برده زى مانتوا شايفين..هل هذا يدل علي شئ؟؟
6-العالم المتقدم مسيحى..بس مش مسيحى بس..ده يهودى كمان..لأ..مش بس كده..البوذيين والهندوس وغيرها من ديانات شرق آسيا أكثر تقدما..هل يدل هذا على شئ؟؟آه طبعا..ان مش ده النقطة اللى أحكم بيها على صحة العقيدة
7-طب وبقيت الديانات؟؟الناس اللى هناك ده(اليابانيين و الصينيين و خلافهم) أكثر اهل الأرض تقدما واحتراما وجدية متدينين بالديانات الغريبة ده مش ده ممكن يكون نابع من صدق عقيدتهم؟؟ وخاصة انى معرفش اى حاجة عنها؟؟ليه ياتري مافكرش فيها؟؟
(خلوا بالكم ان الشيطان دلوقتى بعتنى لمكان بعيد جدا)
8-بس بالنسبة للديانات ده الأمر بسيط..أنا مش ممكن أسجد لبقرة!!!ولا لتمثال الحاج بوذا!!!ّده فى حد ذاته قمة التخلف..طب ليه الناس ده متقدمة؟؟أكيد فيه عوامل تانية..عرفتها بعدين..وحاقولهلكم ان شاء الله فى آخر حلقة..بس حد يفكرنى
9-اذن الموضوع تم حصره فى ثلاث أديان..يا بلاش..كده أسهل بكتير
10- نتوكل علي الله ونبدأ ..حاتبقى رحلة شاقة
آه صحيح ماقلتش المفاجأة اللى قابلتنى..الحلقة الجاية ان شاء الله..هي ترتيبها بعد تنظيم الأفكار
ادعولى
لا اله الا الله
«»«»«»«»«»«» oOoOoOoOoOoO «»«»«»«»«»«»«»
كانت هذه الحلقة الثانية من قصة صاحبنا أسأل الله تعالى لي وله ولكل من أكرمه الله بنعمة الإسلام الثبات حتى الممات على دين الحق <<<>>> دين الإسلام
قصة جميلة (رحلتي من الايمان للشك للايمان - عبد الرحمن ويصا - 01-24-2005
اللهـــــــــــــم امين اختى اكملى قصة رائعة واتشوق لقرائتها
اخيكى عبد الرحمن ويصا