+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+---- المنتدى: فــن الحيــــاة (http://www.nadyelfikr.com/forumdisplay.php?fid=15)
+---- الموضوع: امثال شعبية فلسطينية في الاكل (/showthread.php?tid=33111)
امثال شعبية فلسطينية في الاكل - النورس الحزين - 11-02-2004
هاي بعض الامثال الشعبية الفلسطينية في الكل
* كل مع الكافر ولا توكل مع طويل الاظافر .
* الذبابة ما بتضر بس بتغلث على المعدة .
* لا تاكل الا وانت جوعان ، ولا تشرب الا وانت عطشان ، ول تنام الا وانت نعسان .
*الاكل ببيلاش بطنك مش ببلاش .
*اتعشى واتمشى واتغدى واتمدى او اتغدى واتمدى لو رمشتين ، واتعشى واتمشى لو فشختين .
*قلل طعامك تحمد منامك .
*اذا لذ اكلك ، كله كله .
*الثوم قتال السموم .
* الزيت مسامير المعصب ، أي المريض بالاعصاب .
*زر ولبن عافية على البدن .
* ان قل الضاني عليك بالقطاني ، أي اذا قل اللحم عليك بالبقوليات .
* الزيت ملك المعاجين .
* كل الزيت وناطح الحيط .
*كل جميز واشرب الميه وشو ما صار الك علي .
*كل الحلو واشرب عليه ، وكل الحامض واصبر عليه .
*الخبز الحاف تعرض الكتاف .
*اكله وانحسبت عليك ، كل وفتح عينيك .
*اذا وضع الزاد ، رفعت الجميلة .
*اذا ما صح حباش بصح مرقة .
*زي الجراد باكل الاخضر واليابس .
*اللي بتوكله بتكسبه .
*اطعم التم تستحي العين .
*من دهنه قليله .
* الاكل على قدر المحبة .
*الجوع ذلال والعطش قتال .
*نص البطن يغني عن ملاته .
* الخبز والزيت سبعين في البيت .
*عيار الشبعان اربعين لقمة .
*كل اكل الجمال وقوم قبل الرجال.
*اكل الرجال على قد فعالها .
*القهوة يمين ولو ابو زيد يسار .
نورس
امثال شعبية فلسطينية في الاكل - خالد - 11-02-2004
كل أكل البساس(القطط)، وقوم قبل الناس:D
امثال شعبية فلسطينية في الاكل - خالد - 03-07-2005
يللي بوكل على ضرسه بنفع نفسه
يللي بجوع، بوكل حفايته(أجلكم وأنتو أكبر قدر)