+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: حول الحدث (http://www.nadyelfikr.com/forumdisplay.php?fid=64)
+--- الموضوع: أبناء الكبار في مصر، إتفرجوا يا رجاله مصر (/showthread.php?tid=35245)
الصفحات:
1
2
أبناء الكبار في مصر، إتفرجوا يا رجاله مصر - مجدي نصر - 11-06-2009
شوفوا المسخرة
http://www.youtube.com/watch?v=WpcdC2dAU4c
قاعدين يتكلموا عن الحرية والديموقراطية، في حين المجتمع لسه بيتخبط من غير قانون غير قانون الغاب.
مقدمة تداول السلطة هى إرساء القانون في المجتمع.
وضمانة سيادة القانون في المجتمع هى الحرية والديموقراطية.
طب نبدأ بإيه؟؟
أعتقد إن تحديد سلطات الشرطة هو المقدمة الضرورية لتغيير الوضع في مصر.
ووضع قوانين وتفعيل القائم منها للتعامل مع شوية البلطجية دول، اللي بيعتبروا نفسهم فوق القانون.
RE: أبناء الكبار في مصر، إتفرجوا يا رجاله مصر - نسمه عطرة - 11-06-2009
انت رايح الحج والناس راجعة ...!!!
الموضوع طرح منذ حصول هذه الواقعة ,,,,,,,,,,,,,,,,,,,, و... أعتقد العام الماضي ...
نحن بعون " النت " وحقوق الانسان ... والجوعان ...نتابع ما يحدث أولا بأول طازجا وليس " بايتا "
بعدين تعال هنا
أيه حكاية رجالة مصر ؟؟؟
هي مالها نساء مصر ؟؟
فاقدة الذمة والا الأهلية ؟؟؟هااا
RE: أبناء الكبار في مصر، إتفرجوا يا رجاله مصر - مجدي نصر - 11-06-2009
انت رايح الحج والناس راجعة ...!!!
الموضوع طرح منذ حصول هذه الواقعة ,,,,,,,,,,,,,,,,,,,, و... أعتقد العام الماضي ...
--------------------------------------
معلش يا ستي، حقك عليا المرة دي؛ أصل أنا برده مش من المتابعين، والوقت ضيق على الموظفين في الأرض اللي زي حالاتي.
**********************
بعدين تعال هنا
أيه حكاية رجالة مصر ؟؟؟------
هي مالها نساء مصر ؟؟
فاقدة الذمة والا الأهلية ؟؟؟هااا
--------------------------------------
[color]لا طبعاً دا انتوا على دماغنا، هوا احنا نستغنى
كل الفكرة إن الوضع ده فعلاً مأساوي.
السلطة والفلوس في مصر قسمت الناس لمسنود ولضايع.
يا ريت احنا بس نوصل بالإنسانية للمستوى اللي يبقى التقسيم الوحيد فيها هو راجل وست.
من غير ظلم لأي طرف من الأطراف.
واهو على الأقل نلاقي حد يعيط علينا لما
[/color]
RE: أبناء الكبار في مصر، إتفرجوا يا رجاله مصر - إبراهيم - 11-06-2009
ما قامت به هو طبيعي جدًا ويحدث في أي بلد في العالم.
أي بنت أو أي ابن لأي رئيس في أميركا دائماً يصاحبه الـ Secret Service. هذا طبيعي جدًا. أين المشكلة؟
هل المشكلة أنها شتمت وتصرفت كرجل بوليس؟ ربما نحن لا نحب البنت أن تتصرف بثقة ونريدها تتكلم في خنوع حتى ما يرضي هذا غرورنا الذكوري.. بصراحة أنا معجب بها هذي البنت. برافو عليها.
Good for her! You go get `em girl!!
RE: أبناء الكبار في مصر، إتفرجوا يا رجاله مصر - مجدي نصر - 11-06-2009
بالله عليك يا أستاذ ابراهيم إنت فعلاً مقتنع بالكلام ده؟؟!!
أولاً : لو العملية واقفة على أبناء الرؤساء، أهو واحد ولا اتنين، وكانت تبقى العملية سهلة ومحتملة.
ثانياً : دول برده مهماش فوق القانون يعني بيتحاكموا حتى على السواقة وهما سكرانين،
وهما ماسمعنا إن حد فيهم بلطج على الناس، وإلا كان هو وابوه إتمسح بكرامتهم الأرض،
وإذا كنا احنا في مصر عندنا مشكلة مع الواد جمال اللي عايز يورث الحكم، وناوي يترشح عادي زيه زي غيره،
ففي فرنسا إبن ساركوزي نوى يترشح لمنصب محلي، مش رئاسة الدولة، قامت عليه الدنيا هوا وابوه
ثالثاً : الحالة هنا مش حالة بنت عندها شخصية وبتدافع عن نفسها
لأ، دي بنت ............ سايقة الهبل على الناس بسبب أبوها
ولو ماكنش معودها إنها هتكون فوق القانون بسببه، ماكنتش هتعمل كده
رابعاً : أنا كلامي هنا عن البلطجة اللي بيمارسها ولاد المسئولين ورجال الأعمال والشرطة وولادهم في مصر.
خامساً : لو إللي عمل كده راجل، كان إيه هيبقى رأيك، عشان يبقى كلامنا في الموضوع؟؟
سادساً : ولو حصل معاك شخصياً؟؟
تحيــــاتي،،
الموضوع طرح منذ حصول هذه الواقعة ,,,,,,,,,,,,,,,,,,,, و... أعتقد العام الماضي ...
---------------------------------------------------------------------------
يا ريت يا جماعة حد يجيبلنا الرابط اللي اتناقش عليه الموضوع ده قبل كده، عايزيين نشوف آراء الناس إيه، وإيه الحل للبلاوي اللي احنا فيها دي
RE: أبناء الكبار في مصر، إتفرجوا يا رجاله مصر - إبراهيم - 11-06-2009
أخي مجدي نصر:
طبعًا لا أحد يريد لأي إنسان أن يكون فوق القانون... ولكن كيف حكمت من خلال هذا "الفيديو" أنها تريد أن تكون فوق القانون؟ في الفيديو رأيت بنت مصرية جميلة سبور آخر شياكة وسيارتها في منتصف الطريق... ربما تعطلت السيارة... ربما اضطرت للتوقف لسبب أو لآخر... ولنقل انها توقفت في منتصف الطريق ما المشكلة؟ عندي هنا البوليس يركن وسط الشارع واحنا نسوق ونلف حوالين منه وهو لا يتزحزح عن مكانه.
صراحة لم أر أن البنت فعلا شيء ردي تستحق عليه كل هذا السخط. الفيديو لا يكشف لنا أي شيء بالمرة سوى بنت جميلة والناس تتعاطى معها بطريقة ...... من إياهم وطبعًا دون تقدير أو احترام لها.
رجاء أن لا نتسرع ونحكم من خلال هذا الفيديو على المسكينة.. هي في وسط الطريقة وربما اضطرت للتوقف لسبب أو لاخر. الفيديو لا يخبرنا بأي تفاصيل.
تسألني: ماذا لو حصل هذا معي شخصيًا؟ وجوابي هو أني تعلمت أولاً أن أقول للنساء دومًا وخاصة في أي محفل عام Yes, Ma`am. يس مام. ذات مرة جاءت شابة أنيقة وشتمتني في موقف السيارات in the parking lot ورغم أني لم أسيء إليها ولكن بسبب طريقة ركنة السيارة انفجرت غاضبة شاتمة. هي شتمت وأنا اعتذرت. وانتهينا. لازم تعديها. من يدري؟ فلربما هي يومها كان عسير ولديها مشاكل وظروف لا نعلم نحن بها.
جمال مبارك ليس سيء وهو أفضل من "الإخوان" لو حكموا مصر. إما جمال مبارك أو الإخوان. لا أرى بوجود بدائل أخرى أفضل... الإخوان المسلمين هما اللي متربعين على الساحة دلوقتي وبالتالي يلزمهم وجود قيادة من نوعية معينة تخليهم في مكانهم.
RE: أبناء الكبار في مصر، إتفرجوا يا رجاله مصر - مجدي نصر - 11-06-2009
كيف حكمت من خلال هذا "الفيديو" أنها تريد أن تكون فوق القانون؟ في الفيديو رأيت بنت مصرية جميلة سبور آخر شياكة وسيارتها في منتصف الطريق... ربما تعطلت السيارة... ربما اضطرت للتوقف لسبب أو لآخر... ولنقل انها توقفت في منتصف الطريق ما المشكلة؟ عندي هنا البوليس يركن وسط الشارع واحنا نسوق ونلف حوالين منه وهو لا يتزحزح عن مكانه.
صراحة لم أر أن البنت فعلا شيء ردي تستحق عليه كل هذا السخط. الفيديو لا يكشف لنا أي شيء بالمرة سوى بنت جميلة والناس تتعاطى معها بطريقة ...... من إياهم وطبعًا دون تقدير أو احترام لها.
رجاء أن لا نتسرع ونحكم من خلال هذا الفيديو على المسكينة.. هي في وسط الطريقة وربما اضطرت للتوقف لسبب أو لاخر. الفيديو لا يخبرنا بأي تفاصيل.
-------------------------------------
والله يا أستاذ ابراهيم خليتني أشك في نفسي، وارجع ادقق في الفيديو عشان اسمع كل كلمة، مع إني شايفه فوق الخمس مرات قبل ما أحط الرابط بتاعه هنا
العربية مش عطلانة ولا حاجة، الموضوع انها خبطت عربية الواد اللي قدامها وبتقول ادته فلوس ومش عارف إيه؟؟
وانا طبعا لا يمكن اسخط عليها لو كان الموضوع مجرد انها عطلت بها السيارة او عندها مشكلة، لأننا لازم نتحمل بعض، وهنا ميبقاش فيه كلام، لو كانت سلكت بأسلوب محترم
لكن انا بتكلم على اللي حصل بعد كده، على واحدة طالعة ماسكة عصاية كهربا في الشارع وبتهدد بسلطة ابوها العميد، وبتقوله ابعتلي ضابط، كأنها بتطلب واحد سحلب
لما هى بتاعة قانون قوى كدة، ماسكة العصاية دي ليه
دا غير ان أسلوبها في التعامل بتعرفنا العالم دي بتفكر ازاي
ومن ناحية جميلة وسبور، فمتزعلش مني إنتا طلع زوقك في الحتة دي
*************************************************************************************
تسألني: ماذا لو حصل هذا معي شخصيًا؟ وجوابي هو أني تعلمت أولاً أن أقول للنساء دومًا وخاصة في أي محفل عام Yes, Ma`am. يس مام. ذات مرة جاءت شابة أنيقة وشتمتني في موقف السيارات in the parking lot ورغم أني لم أسيء إليها ولكن بسبب طريقة ركنة السيارة انفجرت غاضبة شاتمة. هي شتمت وأنا اعتذرت. وانتهينا. لازم تعديها. من يدري؟ فلربما هي يومها كان عسير ولديها مشاكل وظروف لا نعلم نحن بها.
---------------------------------------------
يا عزيزي انا اتكلم لو هى أسأت لك فعلاً بنفس ما فعلت في هذا الفيديو، وليس أنك ستتجاوز الموقف.
ماذا سيكون رأيك عندها بما حدث، وهل ستعتبره طبيعياً جداً، ويحدث في كل العالم؟؟
************************************************************************************
جمال مبارك ليس سيء وهو أفضل من "الإخوان" لو حكموا مصر. إما جمال مبارك أو الإخوان. لا أرى بوجود بدائل أخرى أفضل... الإخوان المسلمين هما اللي متربعين على الساحة دلوقتي وبالتالي يلزمهم وجود قيادة من نوعية معينة تخليهم في مكانهم.
----------------------------------------------
جمال او الإخوان، هى دي المعادلة اللي عايزيين يفروضوها علينا
طبعا، في الغالب هنقول جمال!!!!!
الحقيقة يا أستاذ ابراهيم إن مبارك والإخوان دول يعتبروا نقيض متحد
الوضع الحالي هو وحدة النقيضين بتاعة الشيخ هيجل والعزيزة على قلب الحاج ماركس
باختصار مبارك وقبله السادات هوا اللي قوى الإخوان، ووجوده داخلياً وخارجيا معتمد عليهم
داخلياً بقتل المعارضة المدنية مادياً ومعنوياً، وتشتيتها في معارك وهمية، وضربها ساعة اللزوم إذا فلتت من هذا وذلك
وخارجيا بإرهاب امريكا وإسرائيل وإسكاتها عن كل ما يرتكبه في الداخل من فظائع الفساد والنهب والتوحش البوليسي
يعني يا أستاذ ابراهيم متبقاش قاعد في أمريكا مرتاح نسبياً، وتقولنا سيبوا جمال اهو احسن من غيره،
لأن دا أولاً يعني استمرار الوضع المأساوي اللي الناس هنا عايشاه، لأنه على وشك يبقى كارثي فعلاً
ثانياً بذمتك شكلنا هيبقى إيه لما تبقى مصر جمهورية ملكية تاني؟؟؟؟!!!!
تحياتي يا أستاذ ابراهيم
RE: أبناء الكبار في مصر، إتفرجوا يا رجاله مصر - Guru - 11-06-2009
البت دي أبوها دكتور وهي شغالة في فندق...وأبوها باس أيد الولد اللي كانت بتشوحله بالإليكتريك شوك عشان يتنازل عن المحضر...
لا أبوها ظابط ولا ليها حد في عيلتها كلها ليه علاقة بالداخلية...هي مجرد واحدة عايشة الدور بسبب أفلام انجلينا جولي بتاعت لارا كروفت وخدت على دماغها. لكن طبعا الشعوب إياها و إخوانا إياهم عملو من الموضوع حوار وقعدة كبيرة و فيلم هندي
اللهم أهدي قومي فهم لا يعلمون
RE: أبناء الكبار في مصر، إتفرجوا يا رجاله مصر - إبراهيم - 11-06-2009
اقتباس:يا عزيزي انا اتكلم لو هى أسأت لك فعلاً بنفس ما فعلت في هذا الفيديو، وليس أنك ستتجاوز الموقف.
ماذا سيكون رأيك عندها بما حدث، وهل ستعتبره طبيعياً جداً، ويحدث في كل العالم؟؟
دخلت مطار كندا وفي هذا الوقت كان معي كارت الإقامة الدائمة وتمت معاملتي معاملة سيئة جدًا لا تختلف عن معاملة الشحاتين. شخط ونتر وكل اللي يختر على بالك.
غصبن عني وعن اللي خلفوني تجاوزت الموقف والحياة بها مواقف لازم تتجاوز الموقف.
ذات مرة قلت لسيدة زنجية في مطار الولاية حيث أعيش في مرة من المرات وذات سفر.. ما قصتكم معي؟ كل مرة يتم حجزي على جنب وتفتيشي.. أليس من العار أنك من الأقلية وأنا أقلية ونحن نعامل بعض هكذا؟
بكل سكوت قامت باستدعاء قوة من قوات الشرطة لي ووجدت البنادق الضخمة تحيط من هنا وهناك وسألوني: فيه حاجة؟ قلت: لا مافيش أبدًا حاجة واصطنعت ابتسامة البلاهة.
عزيزي.. الدنيا كدة. لا تحلم بعالم وردي. الواقع كدة. اقبلوا زي ما هو. مش هانغير الكون.
السادات هو فعلا اللي قوى الإخوان لأنه أصلا واحد منهم. في وقت من الأوقات كان عضو فيهم وقريت كتب زي كدة وخاصة أيام طه حسين. حسني مبارك مش زيه. مش تربيته دينية من البداية زي السادات.
ومصر هي جمهورية ملكية منذ أيام مولانا الملك فاروق وعبورًا بعساكر ٢٣ يوليو واللي عملوا نفسهم ملوك مصر الجدد.. ده الكلام اللي قاله الريس محمد نجيب في كتابه "كنت رئيسًا لمصر"... قال شلنا ملك وجبنا بداله مش عارف كام ملك. بعد انقضاء فترة الملك فؤاد وفاروق جاء زمن الرعاع وصار كل واحد باشا.. صارت كلمة باشا تُقال لأي واحد نقيب في الشرطة متطوع... يقولوا له "يا باشا". الناس اختلطت عليها المعايير ويا حرام... بقى الكل بشوات والكل رعاع في وقت واحد.
أنا من رأيي أنها ملكية من البداية وإلى يومنا وكل ما في الأمر سيخلف ملك جديد.. فكرة الديموقراطية غريبة تمامًا على محافل السياسة العربية. كل من يحكمون البلاد العربية هم في حقيقة الأمر ملوك وتحكمهم الذهنية الملكية الارستقراطية الاستبدادية.
وأحلى تحية لك أستاذي العزيز مجدي نصر.
RE: أبناء الكبار في مصر، إتفرجوا يا رجاله مصر - مجدي نصر - 11-07-2009
عزيزي.. الدنيا كدة. لا تحلم بعالم وردي. الواقع كدة. اقبلوا زي ما هو. مش هانغير الكون.
-----------------------
التاريخ بيأكد إن فيه تقدم
الدنيا كده حالياً، وكانت أسوأ من كده زمان، يبقى أكيد ممكن تكون أحسن من كده مستقبلاً، المهم الناس يكون عندها أمل، وتسعى في تحقيقه.
*********************************
أنا من رأيي أنها ملكية من البداية وإلى يومنا وكل ما في الأمر سيخلف ملك جديد.. فكرة الديموقراطية غريبة تمامًا على محافل السياسة العربية. كل من يحكمون البلاد العربية هم في حقيقة الأمر ملوك وتحكمهم الذهنية الملكية الارستقراطية الاستبدادية.
---------------------------
في مقولة بتقول، إذا لغينا التفاصيل؛ هنلاقي كل شي متشابه
وده بينطبق على مقولتك الأولانية في إنك بتعتبر اللي بيحصل عندك هوا نفسه اللي بيحصل عندنا احنا في العالم المتخلف
وبينطبق هنا كمان، الجمهورية مُؤكد نقظة متقدمة بالنسبة للملكية، كون فيه استبداد فديه نقطة تانية، ومع الوقت هينتهي زي محصل في الغرب.
وكلامك صح كل اللي بيحكموا عندنا بيحكموا بذهنية ملكية إستبدادية، فدا ناتج عن طبيعة المرحلة اللي احنا لسه فيها، واللي يفترض أننا هنتجاوزها كغيرنا