+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: فكـــر حــــر (http://www.nadyelfikr.com/forumdisplay.php?fid=57)
+--- الموضوع: الإقتصاد .. البعد الغائب (/showthread.php?tid=35436)
الصفحات:
1
2
الإقتصاد .. البعد الغائب - قطقط - 11-25-2009
سلام
قررت الثورة تحويل مصر من دولة زراعية لدولة حربية .. لكن كم التكلفة ؟ .. لاتهم التكلفة ، لأن الإله هو الذى أمر بالجهاد وهو متكفل بالتكلفة
قررت الثورة إعطاء خريجى المدارس مبلغ شهرى مدى الحياة مكافأة .. لكن كم تكون التكلفة ؟ التكلفة لاتهم لأن أولاد المدارس هم " المؤلفة قلوبهم " ويجب كسبهم لتأييد الثورة وتحويل المجتمع لكنانة
الدعايات مهمة ويجب إعطاء الصحفيين والإعلاميين المرتبات الدسمة وتوزيع الصحف مدعمة إلخ .. لكن كم التكلفة ؟ لاتهم التكلفة لأن الحرب الدعائية مهمة وهى جزء من الجهاد
قالوا لعبد الناصر إنسحب من اليمن ( لما تأزمت الأمور ) قالهم : كده يضيع البرستيج بتاعنا ، لكم كم يكلف البرستيج ؟ لايهم .. يجب أن نظهر بشكل جيد حربياً ومدنياً ونشترى كل الآلآت التى تظهر أننا متقدمين ولكى لايشعر المجتمع بالتأخر ..
مصاريف مصاريف مصاريف مصاريف .. إلى أين سينتهى الأمر ؟
أعتقد أن العقيدة المتحكمة هى العقلية الدينية ، فمعلمنا بولس الرسول قال " خسرت كل الأشياء وأنا أحسبها نفاية لكى أربح المسيح وأوجد فيه " ، وأعتقد أن هذا هو فكر مجتمع الثورة .. التضحية بكل شىء لكسب مجد الجهاد والمجد الحربى
RE: الإقتصاد .. البعد الغائب - طنطاوي - 11-26-2009
اقتباس: فمعلمنا بولس الرسول قال " خسرت كل الأشياء وأنا أحسبها نفاية لكى أربح المسيح وأوجد فيه " ، وأعتقد أن هذا هو فكر مجتمع الثورة .. التضحية بكل شىء لكسب مجد الجهاد والمجد الحربىيعني انت تؤيد خسارة كل شئ من اجل المسيح لكن تعارض خسارة كل شئ من اجل مجد الجهاد والمجد الحرببي؟ ده برضو اسمو كلام؟
RE: الإقتصاد .. البعد الغائب - مجدي نصر - 11-26-2009
يا سي قطقط
عبد الناصر قرر إننا لازم نبقى دولة قوية عشان نقدر ندافع عن حقوقنا في عالم الغيلان ده.
والاقتصاد كان حاضر دايماً في ذهنه، بدليل كلام الراجل دايماً عن التحرر من الاستعمار، إللي هو أساساّ إقتصاد بأغراضه وبنتايجه.
فالراجل كان عايز يحرر مصر من التبعة الاقتصادية عشان تبقى دولة قوية اقتصادياً وسياسياً وعسكرياً؛ لأنه كان فاهم كويس أوي إن الاقتصاد أساس كل شئ آخر.
بس في ظروف التبعية الاقتصادية، التحرر الاقتصادي بيمر بالضرورة من خلال السياسة، بتحقيق التحرر الوطني الشامل، اللي هو أساساً جزء منه.
والتحرر الوطني - سيادتك - متقدرش تحققه لوحدك في الزمن المهبب اللي مليان بقوى ماموثية مانتاش قدها.
فلازم تساعد الضعفا اللي زيك وهما يساعدوك، عشان تفلحوا.
عرفت ليه الحروب كانت ضرورية من ناحية، ومفروضة علينا من ناحية تانية ما دمنا قررنا نتحرر.
RE: الإقتصاد .. البعد الغائب - قطقط - 11-26-2009
لايمكن التمتع بالحضارة الغربية مع الإنفصال عن الغرب ، أنت لو عايز تتحرر ترسل بعثات ( سراً ) للدراسة ونقل مظاهر الحضارة مع الإستمرار فى العداوة للغرب ( بدوافع دينية )
عايز تتحرر .. لاترسل بعوث لسرقة العلوم الغربية ومظاهر الحضارة الغربية .. إنفصل عنهم خالص ، وشوف هتطور نفسك إزاى
RE: الإقتصاد .. البعد الغائب - مجدي نصر - 11-26-2009
(11-26-2009, 08:48 PM)قطقط كتب: لايمكن التمتع بالحضارة الغربية مع الإنفصال عن الغرب ، أنت لو عايز تتحرر ترسل بعثات ( سراً ) للدراسة ونقل مظاهر الحضارة مع الإستمرار فى العداوة للغرب ( بدوافع دينية )
عايز تتحرر .. لاترسل بعوث لسرقة العلوم الغربية ومظاهر الحضارة الغربية .. إنفصل عنهم خالص ، وشوف هتطور نفسك إزاى
يا راجل
إنتا مقتنع بالكلام ده؟؟
هوا كل قٌرب خير؟؟
مالعبد قريب من سيده؟؟
هل ده يعني إنه هيبقى في يوم من الأيام سيد زي؟؟
ولا هيفضل عبد طول عمره؟؟
أنا مبرفضش الاستفادة علمياً وتقنياً من الغرب
لأن التحرر من التبعية هو تحرر من علاقات اقتصادية جائرة، ماهواش تحلل كامل من كل العلاقات
لكن برفض إنهم يديروا ليا اقتصادي لمصالحهم هما، مش لمصلحتى
أنا اللي أحدد علاقاتي بيهم تبقى إزاي، وفي حدود إيه؟؟وهل فيه مصلحة منها ليا ولا لأ ؟
وعندك دول عرفت معنى التحرر من التبعية زي الصين، وشوف بقت فين النهاردة
ودول تابعة ومانفصلتش ومعندهاش عقد دينية، زي الأرجنتين والمكسيك ومصر، وحالتهم يُرثى لها
RE: الإقتصاد .. البعد الغائب - قطقط - 11-26-2009
المسلمين لايرغبوا فى الخضوع للغرب وهذا هو سبب العداوة
هل علاقتنا مع تركيا كانت علاقةإقتصادية سليمة أو مع الدولة العباسية والأموية ؟
البلد تأخرت والأسرة العلوية إستعانت بالغرب لتطوير مصر ، وبعد التطوير .. الضباط المصريين لقوا إن الغربيين فى مراكز مرموقة والجهاد متوقف فطردوا الغربيين وإستأنفوا الجهاد وبعد تأخر المجتمع ( تانى ) وحصول الإفلاس رجعوا للغرب تانى على أساس أن الغرب يطور ولايظهر فى المجتمع ولايكون له نفوذ إلا بواسطة الحكام ، والتطوير بيحصل إستهلاكياً فقط وهذا هو سبب الأزمة المالية الدائمة والمستفحلة بمرور الوقت
RE: الإقتصاد .. البعد الغائب - مجدي نصر - 11-26-2009
(11-26-2009, 09:19 PM)قطقط كتب: المسلمين لايرغبوا فى الخضوع للغرب وهذا هو سبب العداوة
يا عيني، كمان اللوم بقى على الضحية، مش على الظالم؟؟
(11-26-2009, 09:19 PM)قطقط كتب: هل علاقتنا مع تركيا كانت علاقةإقتصادية سليمة أو مع الدولة العباسية والأموية ؟
لا يا سيدي، مش سليمة
لكن هل ده مبرر للاستمرار في الغلط؟؟!!!
عجبي!!!!!!!!!!
(11-26-2009, 09:19 PM)قطقط كتب: البلد تأخرت والأسرة العلوية إستعانت بالغرب لتطوير مصر ، وبعد التطوير
أديك قولت إستعانت، لكن مبقتش البلد تابعة للغرب
ولما بقت قوة مهمة ضربوها، وحطموها، عشان يدخلوها ويستعمروها
عرفت بقى الفرق ما بين الاستعانة والتبعية؟؟
ولا انت بتسمي الاحتلال البريطاني من ضمن التعاون والاستعانة؟؟
(11-26-2009, 09:19 PM)قطقط كتب: وبعد تأخر المجتمع ( تانى ) وحصول الإفلاس رجعوا للغرب تانى على أساس أن الغرب يطور ولايظهر فى المجتمع ولايكون له نفوذ إلا بواسطة الحكام ، والتطوير بيحصل إستهلاكياً فقط وهذا هو سبب الأزمة المالية الدائمة والمستفحلة بمرور الوقت
آديك رديت على نفسك
مفيش تطوير من ورا الغرب، في حالة التبعية
تعاونا معاهم لازم يكون من خلال الاستقلال والقرار المنطلق من المصلحة الوطنية وبس
RE: الإقتصاد .. البعد الغائب - قطقط - 11-26-2009
العداوة هى عداوة دينية ، وبدل مايقولوا إنها عداوة دينية قالوا إن الغربيين مستغلين
RE: الإقتصاد .. البعد الغائب - مجدي نصر - 11-26-2009
(11-26-2009, 10:25 PM)قطقط كتب: العداوة هى عداوة دينية ، وبدل مايقولوا إنها عداوة دينية قالوا إن الغربيين مستغلين
يا راجل، وماركس ولينين وستالين وتروتسكي وماوتسي وتونج وهوشي منه وكل الجدعان دول مسلمين برده، وبيعادوا الغرب دينياً
RE: الإقتصاد .. البعد الغائب - قطقط - 02-28-2010
الثورة إشترت السلاح بكميات كبيرة للجهاد ولا تهم التكلفة
وإستولوا على المؤسسات الإقتصادية والإنتاجية الخاصة والجرائد إلخ ، وأهدوها لضباط الجيش لإرضائهم ، ولايهم كيف يديرون هذه المؤسسات وليست لهم الخبرة الإقتصادية فالمهم هو السياسة
وأنتجوا ملايين من أولاد المدارس وعينوهم فى وظائف صورية ولا تهم التكلفة .. لأن المهم هو السياسة وليس الإقتصاد
إذن الثورة تشترى الجهاد والسياسة وتبيع الإقتصاد
المعروف أن المال هو عصب الحياة وبدون المال الذى إستولت عليه الثورة وهو نتاج عمل الفلاح والأجانب والعمال والرأسماليين إلخ .. ما كانت الثورة قدرت على شراء السلاح أو إرضاء الظباط وأولاد المدارس
لكن لماذا تفرط الثورة فى المال ؟ .. السبب أن المال هو غنيمة ، وهم لايشعرون بقدره ، ولم يتعبوا فى كسبه ، وألا كانوا حرصوا عليه
غنيمة توزعت بين السلاح والضباط وأولاد المدارس ، ولما زاد عدد أولاد المدارس جداً قل نصيب كل واحد من الغنيمة ، وإبتدأوا يعانوا ويشتكوا