+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: أين حكومة مصر ومشاريعها التنموية من مدينة الزبالين؟ (/showthread.php?tid=35691)
أين حكومة مصر ومشاريعها التنموية من مدينة الزبالين؟ - إبراهيم - 12-17-2009
لم أصدق ولم أكن لأصدق أن مصر بلدي ومسقط رأسي بها مدينة كاملة بهذا الوصف!
http://vodpod.com/watch/546711-unreported-world-egypts-rubbish-people
RE: أين حكومة مصر ومشاريعها التنموية من مدينة الزبالين؟ - fares - 12-18-2009
لأ صدق يا ابراهيم واليومين دول بالذات يا ريت بلاش المواضيع اللي زي دي
وخاصة اننا بنستعد لموقعة أنجولا
ويا ريت الأخوه المصريين اللي موش عجباه البلد واللي منفسن من مبارك (واخد بالك يا مجدي) يصبر له قد شهرين تلاته وبعد كده يعمل زي ما هو عاوز
RE: أين حكومة مصر ومشاريعها التنموية من مدينة الزبالين؟ - THE OCEAN - 12-18-2009
يا إبراهيم التقرير متحيز جداً .. ويبدو أن الرجل مدفوع له! ... لما لم يذكر التقرير كم نسبة رؤوس الأموال المصرية بيد المسيحيين؟!
عدا أن هناك مبالغات واضحه .. يعني المخطفه! ... عندما تسميها الشرطة مفقوده .. فهي تسمية حقيقة حتى لو كانت الدولة مسيحية .. لأنه لايوجد دليل على الأختطاف فهم لايدرون أين إبنتهم؟! ... 2- الصورة المعروضة لها قديمة لإضفاء نكهه على البرنامج! .. البنت عمرها 17 سنه .. ولو تبغى ترجع لأهلها ماأحد كان يقدر يردها! .. فكر فيها؟!!
RE: أين حكومة مصر ومشاريعها التنموية من مدينة الزبالين؟ - مجدي نصر - 12-18-2009
(12-18-2009, 01:32 AM)fares كتب: لأ صدق يا ابراهيم واليومين دول بالذات يا ريت بلاش المواضيع اللي زي دي
وخاصة اننا بنستعد لموقعة أنجولا
ويا ريت الأخوه المصريين اللي موش عجباه البلد واللي منفسن من مبارك (واخد بالك يا مجدي) يصبر له قد شهرين تلاته وبعد كده يعمل زي ما هو عاوز
أعتقد إن انا المقصود؛ لأني مشفتش مجدي تاني هنا غيري
المهم
الاختلاف بيني وبينك هنا يا فارس - وانا أقصد طبعاً بخصوص موضوع الجزاير وبس، عشان منوسعش الموضوع - إن انت بتبص للخناقة والناس اللس إتضربت، وكرامتنا بالتالي تترد بخناقة زيها، وللآسف بتقف لغاية هنا
أنا بخلافك بص لما وراء الخناقة - حتة كده لزوم السقافة - وما قبلها - ودا بقى لزوم التجديد بتاع الحاج سيتاموني -، بمعني إن الموضوع اللي شاغلني أكتر هو مسألة الهوان المصري، لأن المشكلة مش في الجزائريين بس، ده فيه بهدلة كتير لنا في دول عربية تانية، واحترام الإنسان دايماً هو اللي بيفرضه على الناس
باختصار سبب بهدلتنا هوا اننا أصبحنا مالناش لازمة وفقرانيين، فطبيعي الناس يركبونا، والسبب في كده هو طبعاً أصحاب السياسات اللس وصلتنا للوضع ده
وانا شايف إن مبارك هو الأساس في كده، وتمسكه بالسلطة
يعني مبارك معندناش مانع يفضل ماسك الحكم لغاية ما يتكل، لكن مايوصلش الموضوع إنه كمان عايز يجيب ابنه، يعني كفاية هوا علينا
وانا مش منفسن منه، لأني معنديش مشكلة شخصية معاه، ولو هوا صلح سياساته، أحلفلك بالغالي والمقدس يا عمي إني أول من يشيد بسياساته، وأحط صورته على البورفيل واعمله موقع، واجبله اللي يعمله عجين الفلاحة لو يحب
النقطة اللي بقى بتثيرها بخصوص وحدة الصف - مش ده اللي انت تقصده؟؟ - فاحنا مش في معركة حربية، اللي بينا وبين الجزاير حاجة شبه خناقات الحواري، ومسيرنا ناخد حقنا، فمتبالغوش في الموضوع، ومينفعش بسبب الموضوع ده نسيب مبارك وأعوانه يعيثوا في الأرض فساداً، لأنه هما كمان مش ساكتين الشهرين تلاتة اللي انتا بتطلبهم
أما بقى لو عندك معلومات خاصة فقولي عليها على الخاص، وساعتها ممكن نشوف
تحيــــــــــاتي
RE: أين حكومة مصر ومشاريعها التنموية من مدينة الزبالين؟ - إبراهيم - 12-19-2009
(12-18-2009, 05:07 AM)THE OCEAN كتب: يا إبراهيم التقرير متحيز جداً .. ويبدو أن الرجل مدفوع له! ... لما لم يذكر التقرير كم نسبة رؤوس الأموال المصرية بيد المسيحيين؟!
عدا أن هناك مبالغات واضحه .. يعني المخطفه! ... عندما تسميها الشرطة مفقوده .. فهي تسمية حقيقة حتى لو كانت الدولة مسيحية .. لأنه لايوجد دليل على الأختطاف فهم لايدرون أين إبنتهم؟! ... 2- الصورة المعروضة لها قديمة لإضفاء نكهه على البرنامج! .. البنت عمرها 17 سنه .. ولو تبغى ترجع لأهلها ماأحد كان يقدر يردها! .. فكر فيها؟!!
مدفوع له إيه بس؟ مدينة الزبالين دي مش واقع؟ وأثرياء الأقباط فين من كل ده؟ ساويرس وأشباهه؟ شاطرين بس يعملوا قنوات تلفزيونية ورقص وكلام فاضي والناس مش لاقية تاكل وتقتات من الزبالة؟ لو أن ساويرس وأمثاله من الأقباط كانوا عملوا حاجة في مشاريع التنمية لزاد احترامهم في البلد ولكن هؤلاء الناس يكدسون المال وكل همهم هو القناطير المقنطرة من الذهب والفضة. شيء يبعث تمامًا على الكآبة.
من جهة أحداث الاختطاف فهي فعلا تحدث ولكن في معظم الأحوال البنت القبطية تلاغي الواد المسلم وترمي له الطعم وتعطيه الضوء الأخضر ولا يتم خطفها من الباب للطاق. حاولت من قبل أن أقوم بمساعدة بنات قيل لي إنهن اختطفن والبنات في الحالات دي بتكون هي اللي عايزة تبقى في الإسلام ومع حبيبها المسلم. تعرضت لموقفين من النوعية دي. لا أقدر أن ألوم أحد تحديدًا بالاختطاف وكأن هناك جماعة من قطاع طرق ولكن هناك مشاعر رومانسية وتتجاوز حواجز الدين وتنمو على مر فترة من الوقت (حيث الحب ليس فيه مسلم أو مسيحي أو حتى مكان للديانة!) و لايتم خطف البنت من الباب للشباك مرة واحدة كدة.
المناخ العام في مصر للأسف سيء ومحزن وليس فقط على صعيد الأقباط والمسلمين.. لما واحد يكتب كتاب ويفكروا هل هو مسلم او كافر فبصراحة دي مهزلة. ولكن ربنا يرحم الجميع.