إذا أردت أن تتزوج بمتحف أوقلعة أو مدرج أثري فأهلا وسهلا بك بدمشق قلب العروبة النابض - نسخة قابلة للطباعة +- نادي الفكر العربي (http://www.nadyelfikr.com) +-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3) +--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60) +--- الموضوع: إذا أردت أن تتزوج بمتحف أوقلعة أو مدرج أثري فأهلا وسهلا بك بدمشق قلب العروبة النابض (/showthread.php?tid=36965)

إذا أردت أن تتزوج بمتحف أوقلعة أو مدرج أثري فأهلا وسهلا بك بدمشق قلب العروبة النابض - بسام الخوري - 04-25-2010 بموافقة وزير الثقافة .. تأجير المتاحف والخانات الأثرية لحفلات الأعراس تحقيقات مدير المتحف: إقامة الاعراس في المتحف أمر مخجل ولا يليق بمكان أثري مديرية الآثار: تعليمات حماية المكان الأثري كفيلة بالحفاظ عليه في سابقة لتأجير الأماكن أثرية لإقامة الأعراس، فإنه ليس على الراغب إقامة حفل زفافه في إحدى المباني الأثرية بدمشق سوى تقديم طلب للحصول على موافقة السيد وزير الثقافة حصراً وذلك بحسب ما كشفت عنه مديرية آثار ومتاحف دمشق. builddex وينتظر متحف دمشق التاريخي في الـ24 من الشهر التاسع انطلاق أول حفل-من نوعه- زفاف لابن المحامي (ج.ح) بعد ان تم الحصول على موافقة الوزير رياض نعسان آغا بإقامة الحفل في المتحف مستوفياً الرسوم التي بلغت قيمتها مئتا ألف ليرة . هذا ما استنكره مدير المتحف متقدما باعتراض لمنع إقامة الحفل واعتبر اعتراضه كفيل بعدم إقامة حفل الزفاف، كون "المتحف مكان غير ملائم لهكذا مناسبات ويمس ذلك بمكانته التاريخية". مفاجأة واستنكار مدير متحف دمشق التاريخي الدكتور ابراهيم خلاليلي عبر رفضه للخطوة بالقول " انا أول المستغربين والمندهشين من منح هكذا تراخيص فهذا أمر مخجل ولا يليق بمكان أثري ، فمهمة المتحف محددة بالمرسوم بعرض القطع الأثرية والمحافظة عليها وليس إقامة حفلات الزفاف". وتناول خلاليلي الإجراءات التي سبقت الحصول على الموافقة فقال"من المفترض عندما يكون هناك إجراء من هذا النوع أن يتم إرسال طلب لإدارة المتحف لأخذ رأيها في الموضوع، وبدوري سأوجه كتاب لمديرية الآثار والمتاحف بالرفض، ولكن ما حدث جاءني القرار بأن أقوم بالإشراف على حفل الزفاف دون أخذ رأيي، فهل ينبغي علي أن أشرف على ندوة علمية أم على توزيع أجهزة الصوت وأكاليل الورد وأدوات الطعام". واعتبر خلاليلي أن كتاب الاعتراض الذي أرسله في الأسبوع الأول من نيسان لمديرية الآثار والمتاحف كفيل بعدم إقامة حفل الزفاف كونه لم يتلق إلى الآن ما يخالف مضمون كتاب الاعتراض مبدياً تخوفه من أن هذا القرار سيفتح الباب أمام استخدم متاحف دمشق كصالات أفراح كون الفكرة جديدة ومغرية . واختتم حديثه بالقول" نرجو ألا يقام الحفل لأن ذلك سيكون مخالفاً للوحة التي تعلو باب المكان وتصفه بمتحف دمشق التاريخي". تعليمات ومساءلة بالمقابل فان مديرية الآثار والمتاحف اعتبرت الرخصة الممنوحة لإقامة حفل الزفاف بالمتحف قرار وزاري يجب تنفيذه كونه لن يصيب المكان بأي ضرر. وبين أحمد زيتون(من المديرية) أن "إقامة الحفل في المتحف لا يشكل أي انتهاك لحرمته كون العروسان سيزفان في البهو وستكون القاعات مغلقة ولن يدخلها أحد، وسيتم الحفل ضمن التعليمات الناظمة بدخول عناصر محددة لمكان الزفاف، وعدم إشعال النار، ومنع استخدام الأجهزة المكبرات الصوتية ذات الاهتزاز العالي التي ستؤثر على الحجر وغيرها من جملة التعليمات الناظمة لاستخدام المكان الأثري، وهناك القانون رقم 19 الذي يحمل الجهة التي ستقوم بالفعالية مسؤولية الحفاظ على المكان وأي مخالفة للتعليمات يوقف النشاط على الفور". وفيما يخص إجراءات تقديم الطلبات للموافقة على إقامة الأعراس في المناطق الأثرية أوضح زيتون"يستطيع أي مواطن أن يتقدم بطلب للسيد وزير الثقافة حصراً، وبموافقته يقوم المواطن بدفع الرسوم التي تبلغ قيمتها حوالي مئتا ألف ليرة، ومن ثم نلزم المواطن بالالتزام بالتعليمات و المحافظة على المكان وعدم الإساءة له فحينها سيتعرض للمساءلة والمحاسبة". إبراز للموقع الأثري بدورها اعتبرت الموظفة المسؤولة في مديرية الاثار فتاة جديد أن "إقامة النشاطات في المواقع الأثرية يسهم في إبرازها والتعريف بها من ناحية، ويعود على خزينة الدولة بالنفع المادي" وتابعت موضحة " كثيرون لم يكونوا يعرفون مدرج بصرى بمحافظة درعا ولكن بعد أن تم تصوير كليب هيفاء وهبة حصل على شهرة، بنفس الوقت لما لا نسهم في التعريف عن المعالم الموجودة لدينا؟ طالما أن ذلك يسهم في إبرازها ويعود على خزينة الدولة بالنفع المادي" وكشفت الموظفة جديد "في الفترة الماضية تم الموافقة على ما يقارب 6 طلبات لإقامة أعراس في خان أسعد باشا الأثري، ودخلت على خزينة الدولة ما يزيد على مليون ليرة". وبزيارة لسيريانيوز لخان أسعد باشا أوضح أحد الموجودين في الخان"الخان عبارة عن بهو وفي الطابق العلوي يوجد مجموعة من الغرف المغلقة، فإن كانت كل تلك الأعراس تعود بالنفع المادي وتجلب النقود لخزينة الدولة ، لما لا نراها تنعكس إيجاباً على الخان فلا شئ فيه سوى غرف مغلقة، فإن تم استثمارها سينشط ذلك السياحة وسيجلب أرباحاً ". وفي إشارة أيضاً لمدير متحف دمشق بين فيها أنه تقدم بالعديد من الكتب الرسمية لتحسين واقع المتحف والنهوض به ولكنها لم تلق تجاوباً من قبل مديرية الآثار والمتاحف، فلو تم تأهيل المكان عليماً سيدر أرباح على خزينة الدولة أكثر مما لو استثمرته في الأعراس. يذكر أن متحف دمشق التاريخي هو بيت دمشقي مسجل أثرياً، وهناك مرسوم جمهوري يحدد مهامه ووظائفه كمتحف لمدينة دمشق مخصص لعرض وحفظ القطع الأثرية والفنية والمعمارية من مدينة دمشق من كل العصور التاريخية، وكان بيت لرئيس الوزراء السوري الأسبق خالد العظم. نور عكة ـ سيريانيوز متحف دمشق التاريخي خان أسعد باشا 2010-04-24 23:41:02 طباعة المقال ارسل الموضوع الى صديق شارك بالتعليق سيريانيوز آدز (اعلانك المبوب المجاني ) ضع اعلانك >> عقارات للآجـار مكتب مؤلف من ثلاث غرف ومنتفعات مكسي اكساء جديد .... محركات موستينغ لتاجيرالسيارات*شركةمرخصة*تقدم اقوى العروض وباسعارمنافسة*تامين شامل*خدمةتجوال ساعية*للحجزاوالاستفسارالاتصال على*963112722200*963956666001 .... فرص عمل مدرس لغة فرنسية يعطي دروس باللغة الفرنسية لكافة المستويات و .... النشرة اليومية للاعلانات المبوبة 2010-04-25 17:27:16 مغتربه قالولي جن ونا رايح جن بلدي يما يايماااااااا على علمي ان سوريا حققت دخل وارباح طائلة من السياحة ولا كانت مزحة؟ هل الوزارة مفلسة لدرجة تأجير المتاحف لهون وصلت ياعالم ممكن انو الدولة تستثمر موقع اثري لتأجيره ولكن مو متحف ومن يقول ان الدول الغربيه تفعل شئ من هذا طبعا ولكن الذي يؤجرونه هو صالات في قصور مهيئه لهذه الامورخصيصا, وليست متحفا وهذا لشخصيات شهيره جدا كما حدث مرةفي قصر فرساي وطبعا الصالات المؤجرة خالية من اي شئ اثري وبلغت تكلفةهذا العرس 52مليون يورو والله محرزة لميزانية فرساي مو 200الف ليره لمتحف كمان عجبي . سوريا - 2010-04-25 1745 mediq@web.de قمة التناقضات استضافت مكتبة الكونغرس المهيبة في أميركا في 23 نيسان احتفالاً بمناسبة العيد الوطني لسورية عبر أمسية ثقافية موسيقية متنوعة. واجتذب الاحتفال أكثر من 400 من الضيوف من ضمنهم أعضاء في الكونغرس الاميركي، دبلوماسيين، أكاديميين صحفيين فضلاً عن أعضاء في الجمعية السورية الأميركية وحشد من الضيوف. وفي سوريا يستضيف المتحف الوطني عرس الاعراس زفاف ميمون لشاب مهم اكثر من العيد الوطني لسوريا على ارض سوريا سوريا - 2010-04-25 16:59:23 رورو عم يتحفونا!!! الحقيقة بعض الوزراء يتحفوننا كل يوم بقرارتهم العشوائية الغير مدروسة ...بالأمس وزير التربية وقرارته ومن بعده وزير الزراعة واليوم وزير الثقافة، يا سيادة الوزيرألا تكفي كل الفنادق والنوادي والصالات والمطاعم في دمشق لاحياء حفلات الأعراس حتى توافق على أن تتم حفلة زفاف في متحف دمشق كرمال 200 ألف ليرة...أين مجلس الشعب ورئيس مجلس الوزراء من هذه المهازل الذي نسمع بها كل يوم على لسان بعض المسؤولين...نرجو التراجع عن هذا القرار. شكرا سيريا نيوز سوريا - 2010-04-25 16:33:20 كرت احمر كرت احمر ايمتى رح نعطيهن الكرت الأحمر؟؟؟ .. روحو عملو كم بروشور للسياحة ببلدنا . بدل اصدار موافقات اعراس بالمناطق الاثرية سوريا - 2010-04-25 16:22:07 zorba رشرش حبك يا جميل رشرش حبك يا جميل الدراهم مراهم و مسؤولينا بيموووتو بالمراهم روح قلبن المراهم لسه انتظرو لتصير ملاعبنا مرعى للغنم و اثارنا كبريهات و دوائر الدولة بورصة للصفقات .عوووووووووووودددي متل ما بيقول جود ابو خميس سوريا astourias@gmail.com 2010-04-25 16:04:35 observer آه يا سوريا إنها لمهزلة و إهانة كبيرة لسورية و تاريخها و حضارتها. ليس فقط من قبل المسؤولين عن القرار المذكور بل من قبل هكذا بل من قبل السيدة "جديد". فقمة المهازل أن تعتبر موظفية مسؤولة عن تراث وطننا أن سبب شهرة معلم عظيم كمدرج بصرى هو كليب مغنية هابطة بل و جريمة أن يسمح اصلا لكليب هابط أن يمثل في معلم يرتبط بتاريخ سوريا العظيم. و إذا كان مدرج بصرى مجلولا للبعض قبل أن يعرفهم به كليب هيفا فالخطأ خطأ صاحبة التصريح التي لم تعرف هي و فريق مديريات الآثار كيف يروجوا لآثار الوطن سوريا - 2010-04-25 15:57:31 fadi بدهون مصاري يرممو مبنى الوزارة اللي انحرق شكلو الوزارة ما معهون مخصصات لترميم مبنى وزارة السياحة اللي احترق من فترة فأخترعو هالطريقة بس والله عيب على فكرة الترددات الصوتية الناتجة عن الأعراس و الحفلات و الأصوات العالية بتأثر على بنية الخانات القديمة و بتأثر على تماسك و بنية القطع الأثرية القديمة وهاد اذا ما أشتغلت السرقة كمان والله عيييييييييييييييييييييب سوريا fadi@hotmai.com 2010-04-25 15:58:06 سامح هيئته ح.ح شي واصل كتير الهيئة خطيبة ابنه اقترحت هالاقتراح المذهل وعمها المحامي الواصل ما رضي يخجلها .. وطالما مسؤولينا مفكرين كلشي ملكهم فوصلت الأمور لهون ... أخي هون يلي الو صولة وجولة بعمل يلي بدو ياه .. بقى لا تستغربوا شي .. شبنا .. أنت في ســـــوريا مهد الحضارات .. سوريا dr_siko@hotmail.com 2010-04-25 15:53:22 khaled safwan الرجوع الى الحق خير من التمادي في الباطل متى يفهم المسؤولون أن البلد ليست ملك أبيهم ليعطوا موافقات بالتصرف بها. أين مجلس الشعب من هذه المهزلة. اذهبوا الى اللوفر وانظروا كيف يعاملون الأثار كبؤبؤ العين ووالله اكثر. اتخيل الراقصين على انغام الشخلعة في اللوفر مثلا شيء مضحك ومبكي. الى وزير الثقافة الرجوع الى الحق خير من التمادي في الباطل فرنسا - 2010-04-25 1529 medi@web.de 200 الف ليرة للخزنة وكم للشباب الطيبة يعني ال 200 الف ليرة ستذهب لخزينة الدولة ولكن كم تم الدفع للشباب الطيبة لأستخراج مثل هكذا قرار وغير ذلك فالدكتور جاك رجل قانون ويعرف من اين تأكل الكتف واكيد وجد للسيد الوزير مخرج قانوني مناسب سوريا - 2010-04-25 15:39:24 مغترب مساءلة السيد الوزير اكن لك كل الاحترام و التقدير الشخصي لكن اسمح لي ان اطالب مجلس الشعب بمسائلتك عن طبيعة هذا القرار الغريب. اعتقد ان للموضوع ابعاد اخطر من رغبة شخص ما للاحتفال في متحف سوريا الوطني فارجو التوضيح, اشكر كل المعلقين المعترضين على قرارك و اشعر بان سوريا لازالت بخير و لايزال الانسان السوري يؤكد اصالته يوما بعد يوم رغم جميع اشكال الضغوطات التي يتعرض لها. احبتي سوريا الله حاميها و حامي شعبها الاصيل و الله يعزك يا شام ويعز هالشعب العظيم. سوريا made_in_gemany@hot.com 2010-04-25 15:26:44 زاهر تحية لوزير الثقافة أنا بشكر وزير الثقافة على قرارو الجريء عنجد سوريا بحاجة لأشخاص مبدعين وأصحاب فكر متجددلأن النمطية والتحجر والتصلب قتلتناوقتلت البلد ، وهالبلد بحاجة لهيك أشخاص منفتحين وغير تقليديين سوريا ZAHERKASSAM@YAHOO.COM 2010-04-25 15:07:53 أبو شاكر شلون ما كان هادا دليل فقر الدولة و زيادة الفرق بين الطبقات بالمجتمع و زيادة المظاهر.الدولة صار بدا مصاري شلون ما كان و الناس بدا تتمنظر شلون ما كان. فرنسا - 2010-04-25 14:53:50 مازن ن التصريحات الصحفية يجب على وزاراتنا و مديرياتنا أن لا تسمح لكل موظف بإعطاء تصريحات للصحافة وذلك للحفاظ على ماء الوجه! فتصريح "مدرج بصرى و هيفاء وهبي" يكشف مستوى مخزياً من الثقافة و منطقاً أقل ما يقال عنه أنه أعوج. كن لم يسمع ببصرى إلا عن طريق هيفا فهو شخص لن يأتي لزيارة بصرى بكل الأحوال. الصوت العالي و الذبذبال تؤثر على المحفوظات التاريخية و التحفو هذه حقيقة علمية. هذه التحف و المتحف نفسه ملك للشعب السوري كله و للأجيال القادمة وليست إرثاً شخصياً لأي وزير أو مدير عام ليسمح بتعرضها للضرر. هذه مهزلة فعلاً! سوريا - 2010-04-25 14:43:44 aslan ليل المتاحف تشجيع إرتياد المتاحف - في كثير من دول العالم ، هناك طريقة لتشجيع الناس لزيارة المتاحف بتخصيص ليلة واحدة في السنه ،حيث تفتح المتاحف ليلاً ، الدخول مجاني. تسمى هذه الظاهرة ب ( ليل المتاحف ). سوريا aslantatouz@gmail.com 2010-04-25 14:21:53 غريب الحاج صـابـر يا سيادة وزير الثقافة متى سيؤجر سيادة وزير الثقافة أرصفة المدن (إن تبقت فيها أرصفة) إلى باعة البسطات, وشوارع السير العام إلى الراقصات والطبالين لإقامة حفلات دبكة عامة مدفوعة, وشواطئ الساحل إلى مصطافين (ميسورين طبعا) بسعر 100 دولار النصف متر مربع. ولماذا لا يبيع المتاحف وما فيها إلى تجار الأنتيكات؟؟؟ هذه القصة مضحكة مبكية.غريبة. لا أجرؤ روايتها لأولادي أو لأصدقائي في المهجر أو في أي مكان. يا سيادة الوزير, اسمح لي بالتوجه إليك وبكل احترام, أن الوزراء يأتون ويذهبون. ولكن التاريخ لا ينسى أبدا ما فعلوا. سوريا letranger618@hotmail.com 2010-04-25 14:18:50 مغترب هل للصفاقة من حدود؟ شكله الوزير كان عنده طموح أنه يصير عنده صالة افراح، فقلك المتحف موجود وموجود ليش لأ، قال وزير ثقافة لازم يحطوه وزير الافراح والليالي الملاح، هل للصفاقة من حدود؟ يبدو لا حدود فرنسا - 2010-04-25 1431 عاقل يسمع بس شو الجوازة بالمتحف والطلاق بملعب العباسيين سوريا abbasieen@ymail.com 2010-04-25 1430 مغتربة وا اسفاه على حالنا اذا كان الهدف الربح المادي على حساب اثارنا ليش ما تكون ملاهي ليلية و يا ترى عن جد خزينة الدولة المستفيد الوحيد ولا خزينة حدا تاني ! سوريا - 2010-04-25 13:44:33 مواطن سوري يرثى بلده كل شي قابل للبيع من الفرد حتى الشرف في العالم الثا سلام لأرض السلام. سابقا كتبت عن قيمة الفرد في دول العالم الثالث و موضوع الأمان عند تنفيذ الورشات في بلدان العالم المتخلف, و هاهنا نحن اليوم أمام بيع للتراث التاريخي و استغلاله في غير وجهه. سابقا لا قيمة للمواطن و اليوم لا قيمة للتراث. كل شي قابل للبيع من النفس حتى الشرف في هذه البلدان. لنتخيل مثلا متحف اللوفر أو قصر باكنغهام يباع و يشترا على قارعة أبواب الوزراء. كان من الأحرى مثلا فتح قصر الضيافة أو قصر الشعب للشعب لزيارته كما هي حال قصر الإليزيه و البيت الأبيض في كل أسبوع. للأسف سوريا - 2010-04-25 13:39:25 مواطن شريف من هذا البلد مشمئز قرار بيسم البدن ولك عيب على هيك وزارة يللي هييه المفروض انها حضارة البلد سوريا - 2010-04-25 13:37:57 سوري معتر ضايعة الصاسة...؟ يعني الواح إذا ما حكا بيئولو عنو سلبي لا مبالي ,إذا حكا متل ألتو وإذا أحـ.... بروح لبـ.... خالـ.. حلوا إذا بتحلوا وحاجى حرء إعصاب سوريا - 2010-04-25 13:28:42 سمسم فكرة جيدة تاجير الاماكن القديمة والتاريخية بهدف الحصول على مردود مادي للحفاظ عليها هو شيء عادي ومتبع جدا في بريطانيا وامريكا ولا ارى مشكلة طالما الشروط كانت واضحة وكان هناك اشراف من قبل الوزارة على هذه المناسبات. الولايات المتحدة - 2010-04-25 1305 انا السورية والله مهزلة لك شو هالحكي معقول ؟؟؟ يا عيب الشوم من هيك قرار , عنجد شي معيب. معناتو مو بعيد ينزل قرار اقامة حفلات للمطربة الاصيلة الراقية هيفا وهبي بالمتاحف لابرازهاااااا سوريا - 2010-04-25 1306 حنانون ابداع سوري ان تاجير تاريخ امة لاقامة حفلات زفاف بالطبل والزمر لهي اهانة لالاف السنين من الحضارة وهذا اخر ما تفتق به الابداع السوري. سوريا walat77@yahoo.com 2010-04-25 1301 شبه مواطن شبه عادي نداء عاجل اطالب ادارة الاثار والمتاحف باقالة الموظفة فتاة جديد التي تروج لفكرة ان هيفاء وهبي تساهم في شهرة مدرج بصرى و بامكان السيدة اياها ان تتابع هذه الدعاية و غيرها من سوالف النسوان في جلسات اللت و العجن الصباحية المنتشرة في كل مكان لكن لايمكنها نشر هذه الافكار من منبر مديرية الاثار و المتاحف و لكم الشكر سوريا waw@waw.com 2010-04-25 13:03:48 شادي من خلال هيفا وهبي هل يعقل أن نتعرف على مدرج بصرى من خلال هيفا وهبي ... يعني لوقالت من خلال فيروز كان الأمر أكثر قبولا سوريا - 2010-04-25 12:50:24 أودين استغراب من المعلقين يعني مرور خط المجارير تحت آاثارات تدمر شو؟؟ولا المدن الميتة المهملة كليا شمال حلب شو؟؟ولا مزبلة قلعة الحصن شو؟؟يلي بيسمع الاخوة بيقول هالاعراس هي اللي رح تدمر تراث البلد...انا مع هالخطوة اللي بدو يعمل جمال بدو يعلي باب دارو ويدفع مصاري للدولة..عالقليلة ما بيكون في عذر لصيانة هالمحلات باعتبار صار الا دخل مرتب مستقل...المهم بكل هالقرار هو هالمصاري وين بدا تروح..اذا رح تروح لصيانة الآثارات فيا اهلا بهيك قرار ويا ريت يتعمم عكل المحلات كمان... السويد - 2010-04-25 12:48:44 مغتربة قلة الحكي أحسن والللللللللللللللله عيب والنعم من هيك قرار سوريا - 2010-04-25 12:39:29 Firas يا سلام يعني والله شي مخجل أول شي الإستاذ زيتون بشكرو إنو نبهنا على القوانين الناظمة لاستخدام المكان الأثري يعني بكرا بيطلع إنو في قوانين لحفلات الديسكو بالقلعة وحفلات الخطبة بسوق الحميدية وتانس الشي الآنسة فتاة كمان منشكر الله على نعمتو إنو بعتلنا هيفا حتى تعرف العالمبمدرج بصرى يعني الرومان كانوا ناطرين على مر التاريخ إنو تجي هيفا لتعرف العالم بمدرج بصرى بدل ما تقوم الوزارة وتعمل برامج تعريفية بالمدرج وغيرو إذا بدكن مصاري لخزينة الدولة استثمروا صالة أفراح ودخلوا مصاري لخزينة الدولة سوريا - 2010-04-25 12:34:08 رحمة بنا أن نضيع ماجمعناه لضيق ذات اليد مزري كالفاقة وقلة ا شرالبلية مايضحك,دعوة للأغنياءللرقص على تاريخنا،طيب بعدتكسير محتويات المتحف بعركة سكرمن أين سيتم شراء قطع تبديل للآثارالمكسورة؟النفط والأحجار ليست أغلى من البشر .أن نصبح فقراء وبلاتاريخ ولاهوية.تلك هي المشكلة. سوريا - 2010-04-25 12:32:48 إلى جمال اطلب العلم و لو في فرساي لا والله ما بتذكر ، ذكرنا فيها زكاة عينك. سوريا TAMRA@YAHOO.COM 2010-04-25 1240 تحسين الشـام وهل بقي شيء في سوريا لا يبيعونه أو يؤجرونه؟؟؟؟؟؟؟؟؟. كل واحد يبيع ما يقدر عليه!!!. وا ســـورياه!!!! سوريا - 2010-04-25 1226 مراسل كوكب المريخ في الأرض خبر من المريخ يا عيني !! إيه هاه يا هيك الأعراس يا أما بلا ..... إيه من زمان .. خلونا نتميز شوي لسا صالات و مطاعم ..... أنا قررت أعمل عرسي بمحطة تشرين الحرارية و شهر العسل بمعمل الاسمنت بحمص و حصراً بقسم البيتون المجبول خلي كل الكون يحكي عني طالما راح إدفع كل الرسوم ............. سوريا j-falcon@hotmail.com 2010-04-25 12:08:14 شوووو هاد ! دهشة بس لااا هي عنجد سمعة ! يلي كل هاد قتلان يعمل حفلة بمحل أثري يروح على شي مطعم بيت عربي من يلي معبين الدنيا و اذا بدها الحكومة تستربح من الموضوع تحط ضريبة مناسبة على العرس بهيك مطاعم ، بس إنو نفتح المتاحف مشان عراس متل ما قال احد المعلقين - لناس ما معها غير مصاري - فعنجد شي مستهجن و غير معقول و غير مقبول بالمرة ! بعدين شو هي موافقة حصرية من السيد الوزير ؟؟ معناها رأسا اشتغل موضوع الناس الذوات يلي بيحسنو يوصلوله .. بصراحة أنا عاجز عن التعبير عن استغرابي و انزعاجي و يجب ايقاف هالمهزلة فورا سوريا - 2010-04-25 12:04:39 باسل بلا مسخرة بس ما عرفنا مين هالمحامي ج ح يعني قلة اماكن لاقامة الاعراس ما رح قول شوفو المتاحف برا رح قول بس حافظوا عليها متل ما هيي والله هذه ثروه لا ثمن لها اللي بدو يجي انا بعطي سطح بيتي يعمل عرسو فيه مكيف وكلو ورد وببلاش سوريا - 2010-04-25 12:04:12 المخرز السوري مخجل أمر مخجل يا سيادة الوزير رجاء أعيدوا النظر سوريا - 2010-04-25 11:49:34 أبو عبدو الدشلي أنا رأيي ... أنا رأيي هالفكرة فيها اهانة للمواقع التاريخية. المفروض المحافظة ع هيك اماكن مش فتحها للهشك بشك سوريا - 2010-04-25 11:48:40 إبن الياسمين الدمشقي خطوة جيدة .. خطوة جيدة وجميلة لندخل ( للمرة الأولى في حياتنا ) إلى المتاحف والبيوت الدمشقية القديمة .. ورغم الاشكالات حول القضيّة إلا أنها خطوة جميلة وجيدة جداً .. سوريا - 2010-04-25 11:44:41 Liverbird على قد بساطك مد رجليك الى الاخ زكوان الله يجوز و يبسطك, ما حدا جابرك تتجوز بالمتحف و تدفع اللي فوقك و اللي تحتك, و تروح و تجي لعند الوزير. ببساطة اللي معو مصاري, و اللي الاه عاطيه من خير هالبلد بروح بيعمل عرس و ين ما بدو, يعني مانهن فارضين عليك تتجوز بالمتحف. بس انا براي مبلغ ال 200 الف قليل, لازم اقل شي 500 الف=10.000 دولار , حتى تستفيد المديرية. معطم الافلام الاجنبية تصور داخل كنائس و متاحف بمبالغ خيالية’ لماذا لا نستثمر متاحفنا بالشكل الامثل و نرفع من 200 الى 500 الف؟ سوريا alna@gov.sy 2010-04-25 11:44:35 زين الدين عيارة فعلاً قرار غريب!! يا جماعة انا مو مصدق أنو السيد الوزير بذات نفسه مقتنع بهالفكرة..!! أنو معقول كل هالبلد ما وسعت لشخص بدو يعمل عرسو ؟؟ وصلت معو إلى أن يستخدم متحف هو أرشيف أجيال ويملكه الشعب مشان حفلة عرس خاصة ؟؟ بعدين الخزينة كتير بحاجة لمئتي ألف ليرة يلي بدها تصلها من آجار المتحف؟؟؟ والله عيب .. عيب هادا بدل ما تعملو شي مشروع يدعم هالمتاحف ويطورها ويخليها وجهة للسياحة ؟؟!! بدكون تهروها وتخربوها أكتر ما هي خربانة ؟؟؟ شو هالأفكار يا سعادة الوزير!! بما أنني من الشعب ولي حصة فيه .. فأنا أرفض سوريا - 2010-04-25 11:38:21 Marwa شو المانع؟ يعني لامتى بدها تخلد هالأماكن كلنا ميتين بقا خلي يلي بدو يعمل حفلة عرسو وين ما بدو ، قال متحف تاريخي وصرح حضاري سوريا - 2010-04-25 11:33:49 مهاجر مرسوم جمهوري هناك مرسوم جمهوري يحدد مهامه كمتحف لمدينة دمشق مخصص لعرض القطع الأثريه من مدينة دمشق وبعون السيد وزير الثقافه سيتحول الى صالة أفراح ورقص وغناء من أجل حفنه من الليرات,أما السيده التي تدعي زورآ أن مدرج بصرى اشتهر من وراء هيفاء وهبي,هذه وسماجه ودعايه كاذبه وفي غير مكانها,مدرج بصرى مشهور حتى قبل ولادتك وولادة أجداد وهبي,حقيقة كمواطن سوري شعرت بالاهانه من كلامك ولو كنت في مركز المسؤوليه لأنزلت فيك أشد العقاب ميشان تعرفي المره القادمه تحفظي لسانك. سوريا chamyacham@web.de 2010-04-25 11:07:32 أبو هادي السوري عيب يلي عم يصير يعني والله عيب يلي عم يصير،أنا بدي أحكي كطالب دكتواه بالآثار ،بالنسبة للموظفة فتاة جديد بحب جاوبها أن مدرج بصرى مفتوح ومابيأثر الصوت والأضاءة عليه على عكس المتاحف ،بس موظفيين المديرية بيهمون بس يحكوا , وبالنسبة مديرية الآثار صارت كل قراراتها فاشلة بعد مااستلم ادارتها بسام جاموس ،ولازم يتغير حتى تظبط الأمور،لأنه مابيخجل على حاله يوافق على إقامة الأعراس بالمتاحف بس يبدو أنه خايف على المنصب مايطير اذا اعترض. الرجاء النشر سوريا - 2010-04-25 10:34:54 Said Good Idea It is good idea to encourage our people to visit the mesuem and at the same time to get finance for the ministry. We have in Syria ten thousands archeological sites that need money to excavat and to protect . Concerning the objection of the miseum director he should learn that many mesuem and historical site in France lent their spaces for private activitie. I have attended a reception of a private company in the IMA , Indtitut du Monde Arab in Paris. سوريا - 2010-04-25 10:35:04 ميرا آخر زمن عن جد ما بقي شي.. لما ننطر هيفا وهبة تعرف العالم بمدرج بصرى.. نعمل أعراس بالمتاحف حتى الناس تزورها.. وإذا كان عالمنفعة المادية لو تهد الوزارة المتحف وتعمل فندق بها المكان المميز فهاد بصراحة أنفع بكتييير.. بس يا عيب الشوم.. التاريخ ما لح ينسى .. سوريا - 2010-04-25 10:22:22 مهتم بالاثار شهر عسل فكرة حلوة انا بدي قدم طلب لقضاء شهر العسل في احد متاحف القطر هههههههههههه سوريا - 2010-04-25 10:21:53 معلم شاورما بأديشا الحفلة ملعون مدرج بصرى من اساسو لراسو اذا هيفا وهبي بدها تشهرو لعما شو هالكلام ولووو معقول معقول و الله رح ابكي, بعدين سؤال بأديش حفلة العرس بالله ؟؟ التبولة و الحمص عا مين علينا ولا على ادارة المتحف ؟؟ بدنا خصم محرز اذا بتسمحو لان عروستي بتموت موت بالمتاحف و حابة تعمل حالها زنوبيا وتروح على روما و تقنع القيصر بعظمة فتة الكوارع اللي تعلمتها من خالتها ام صطوف وحابة تعلم نسوان الرومان كيف بيطبخوا الشاكرية و اليالانجي و كيف يعملوا شاورما الجاج المسأسأ عالحطب. لعما اي و الله شي بيجنن سوريا shawerma@jaja.com 2010-04-25 10:08:24 dr bassam khouri يخافون على الآثار من ضوء كاميرا دخلت متحف بيرغامون الأثري في برلين وكان هناك 20 موظف للمراقبة ولمنع التصوير مع ضوء الفلاش بينما مسموح بدون ضوء ...يخافون على الآثار من ضوء كاميرا ...مبلغ 4000 دولار مبلغ سخيف وأي خدش بحجر واحد من الآثار في الدول المتقدمة يساوي مليون دولار ... سوريا - 2010-04-25 10:03:12 ماهر امر مخجل شو هادا .. الاوربي عندو كم حجرة اثرية بقدسهم تقديس نحنا عنا اوابد اثرية وكنوز الله مولاها وعم نأجرها للاعراس ؟؟!!! شو هالمساخر سوريا - 2010-04-25 09:58:01 أكشن فكرة حلوة يعني هو الواحد بسوريا كتير فاضي و رايق يروح متاحف خلي يلاقي شغل مثل بقية عباد الله يوفر قرشين احسنله. هي على الاقل فرصة للناس لتروح المتحف ببلاش + زبدية محلاية). و دمتهم و دامت المزز سوريا - 2010-04-25 09:39:24 ابو نواس شآآآم انت المجد لم يغب شو هالحكي الفاضي ما حبيتها منك يا سيادة الوزير قيمة المتاحف اهم بكثير من مردود مادي سخيف لحفل بالاساس يجب ان يكون متواضع. اين دور الدولة في محاولة تعويد الناس على العادات السليمة و الصحيحة اين دور الثقافة في ابراز المعالم الحضارية المهمة لسوريا و حمايتها و التمسك بها احتراما للتاريخ العظيم الذي عرفته المنطقة و احتراما لقامات عالية جدا جدا جدا عبرت هذه المتاحف ذات يوم بكل خشوع و احترام. سيادة الوزير الاعتراف بالخطأ فضيلة فافعلها اليوم و لك ثواب واحد سوريا abonoas@hotmail.com 2010-04-25 09:38:24 زكوان تركونا بحالنا لك المواطن السوري ببيتو ما عم يقدر يساوي حفلة حتى يساوي بمنطقة سياحية ويدفع اللي فوقوا واللي تحتو وبدها موافقة الوزير كمان لك نحنا لمعلم الشغل تبعنا ما لنا واصلين حتى نوصل للوزير تركونا بحالنا مشان الله منساوي العرس وين ما كان نشالله بالخيمة بس يتجوز الواحد وينستر ويشتغل وياكل لقمتو بالحلال وهو مبسوط سوريا - 2010-04-25 09:36:03 متابعة لوين رايحين يعني لوين بدنا نوصل نحنا بعدين و شو يلي ممكن لسا يصير عنا اكتر من هيك ... قلتولي هيفا وهبي لكن ؟؟؟؟؟؟؟؟؟؟؟؟؟؟ سوريا - 2010-04-25 09:27:38 محمد الأماكن السياحيه اقامه حفلات موسيقيه و تراثيه خاصه هو أمر معقول .أما الأعراس فالكل يعرف أنه لا يمكن السيطره عليها خاصه أن الغير مثقفين هم أكثر من يمتلكون الأموال لذلك أظن المتاحف لا تخضع لأمر وزاري و يجب أن تناقش بشكل أوسع في المجالس النيابيه و مجلس الشعب لأنها تمثل تاريخ أمة .. سوريا - 2010-04-25 09:21:21 أرادوس حلوة حلوة كتير فكرة إقامة الأعراس بهيك أماكن مميزة ورائعة ويا ريت تتعمم هالفكرة على باقي المحافظات. سوريا - 2010-04-25 0933 جمال ما المانع تعودنا ان نجد لكل شيء علة ، ماالمشكلة اذا اقيم عرس في احد المتاحف وأمن دخل لتحسين المعالم الأثرية، ما دام ليس هناك ضرر ؟ هل تذكرون ان فرنسا اجرت قصر فرساي لأحد الأثرياء الهنود لاقامة عرس لأبنته !!! يعني الفرنساويين ما بيفهموا ونحنا اللي بنفهم ؟ سوريا - 2010-04-25 0940 ابو العز حرام سلام صحيح انه سيتم التعريف اكثر عن هذه الصروح الاثرية و لكن اقامة الاعراس فيها كفيلة بزيادة التاثيرات السلبية وانا واثق من ذلك كوني اعمل في مجال هندسة الصوت يا اخي هناك حسب تصريحات وزير الثقافة عشرات الفنادق في دمشق القديمة و اللتي تحمل طابعا اثريا و المعدة خصيصا لاستقبال النزلاء و خدمتهم و اقامة الحفلات و الاعراس ارجوكم ارفعوا ايديكم عن المتاحف اتمنى ان لا افاجئ يوما ما بقرار وزاري يقضي باقامة عرس احدهم في بهو منزلي سوريا - 2010-04-25 08:31:11 أبو سامر خان أسعد باشا المهمل خان أسعد باشا تحفة معمارية ولكنه الأن مهمل فالجدران متسخة وأبواب الغرف مقفلة ولايوجد أي شيء مكتوب عن هذا الصرح في مدخله من أجل تعريف الزوار به. وأيضاً ماذا عن التكية السليمانية فمنذ أكثر من سنبة بدأت ورشة عمل بمساعدة تركية لإعادة إحياء هذا المكان الجميل والأثري ولكن الأمور تبدو الآن مكانك راوح . سوريا jassaf@aec.org.sy 2010-04-25 08:34:17 *.* معقوووووول!!!!!!!!! يعني الفكرة معقول تكون مجدية لغير أماكن بس المتحف ؟!!!!! لااااااااا تخنتوها كتييرررررر هزللللتتتتتت سوريا - 2010-04-25 08:30:27 أبو عصام بن عصام الغاية ويعود على خزينة الدولة بالنفع المادي ويعود على خزينة الدولة بالنفع المادي ويعود على خزينة الدولة بالنفع المادي ويعود على خزينة الدولة بالنفع المادي سوريا - 2010-04-25 0856 غيور على تاريخ بلدي شي مشرف يعني ما ضل بكل سوريا غير المتخف التاريخي للاعراس لك شو صاير للمسؤلين ما فيهم احساس بموقع المسؤولية و الله اذا حدا سمع متحف تاريخي صار مكان للاعراس رح نصير مسخرة فوق ما نحنا عليه و بكرة هالاماكن بتتعرض للنهب و التخريب بعدين حضارة مدرج بصرى ما حدا تعرف عليها الا بعد ما هيفاء ساوت فيه حفلة هاد بدل على التقصير الشديد للمسؤلين للي عم يتخذوا قرارات وما عرفانين يقوموا بواجبهم سوريا - 2010-04-25 07:42:40 محمد / مواطن متشائم يا حرام السيد وزير الثقافة المحترم , أنا مواطن سوري ولي الحق كما لكل المواطنين السوريين بالدفاع ومعارضة هذا الاجراء , الأثار والمتاحف هي إرث سوري و يجب الحفاظ عليه ولا يجوز استخدامه بهذه الطريقة .. أن نقول بأن هناك قوانين تحدد طريقة الاستخدام أو تمنع أمورا معينة من الحدوث , أقولها لك بكل صراحة ستجد الرشاوي والاكراميات طريقا لها فيصبح الممنوع جائزا ( حسب المبلغ المدفوع ) ... والنتيجة خسارة شيء لا يمكن تعويضه أو إصلاحه . ليس الحصول على المال مبررا لإنتهاك حرمة هذه الأماكن التي لا تقدر بثمن . سوريا - 2010-04-25 07:47:08 ابو احمد يا امة ضحكت من جهلها الامم يا جماعة نحنا سباقيين هي سبقنا كل العالم ورح نعمل اول عرس بمتحف. لأ فعلا شي حضاري و بيرفع الراس .. لك و الله عيب لك شو بدو الواحد يحكي ليحكي ** سوريا - 2010-04-25 0743 ابن الوطن قرار غير منطقي القرار غير منطقي من عدة نواحي فمن ناحية هناك الازعاج الذي ستسببه هذا الأعراس حيث الصوت برن رن هنيك, ثانيآ كيف سيصل الحضور حيث لاطرق ولامواقف للسيارات, اما ولا ننسى احتمال حصول تخريب أو سرقات واردة جدآ في ظل الفوضى الذي سيعيشه المكان, نرجو ان تتركوا دمشق القديمة تنام بسلام هذه هي سوريا الواسعة مفتوحة بين ايديكم وفي مئة مشروع ومشروع مبتكر ممكن يجذب السياح وقفت عند الفائدة عند دمشق القديمة لاحول ولا قوة الا بالله سوريا - 2010-04-25 06:52:42 سليم يا سلام ... كمان شوي منعمل العرس بالمكتبة الظاهرية ...عرس مثقفين طبعاً .. سوريا - 2010-04-25 03:22:28 مندهش تاريخنا وا اسفاه على التاريخ .. هل اصبحنا نتعامل مع التاريخ بهذا الشكل .. هذا آخر الزمان سوريا http://www.syria-news.com/readnews.php?sy_seq=113671 RE: إذا أردت أن تتزوج بمتحف أوقلعة أو مدرج أثري فأهلا وسهلا بك بدمشق قلب العروبة النابض - vodka - 04-25-2010 يقال ان اسم العروس تحفة وهي من اصرت ان يعمل الفرح بالمتحف