+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: ليلة رومانسية طكع عالطريكة الفلسطينية.. (كاسم وشفيكة) (/showthread.php?tid=37049)
ليلة رومانسية طكع عالطريكة الفلسطينية.. (كاسم وشفيكة) - ليلاء - 05-04-2010
كاسم و شفيكة
كاسم: ولك يا كردة شكلك ناسية انو مثل هاظ اليوم كبل سنتين كان اول مرة بشوف سحنـتك وبنحب بعض, يعدمني جدوكك(خدودك) شو ناسية؟!
شفيكة: والله جد ولك تفو عليك شو بحبك , بعدك متذكر يا مكلعط؟
كاسم : هووووه , هو الي بشوف هالشكل الي بكطع الرزكة بكدر بنساه؟
شفيكة: هاهاهاهاهاهاهاها يلعن ابوك شو حكياتك حلوين وهاظ الي معلكني فيك , تتذكر اول مرة تلكينا شو جرى بينا؟
كاسم: هههههههه هو انا بنسى؟ يوم ما حطتلك رجل وانتي ماشية مع امك وكلبتي على بوزك كلب؟
شفيكة: ولك الله يكطعك شو رومانسي , كيف هيك تجرأت واتخذت هاي الخطوة الجريئة؟
جد انا بحب الشب المبادر والكلبو كوي كثير..يكبر كلبي كبر
كاسم: يالله عاد هسه بدك تشبري راسي وتظلج تمدحي فيني؟ انتي كمان بزكتي علي يومها تتذشري؟
والله ما بنسى بزكتك وهي بتتدلى على وجهي وبتنزل شوي شوي , يومها عنجد عرفت انك
بتحبيني ...
شفيكة: آه والله يا كسومتي انا ما بزكت عليك الا لأني بحبك. وطابزة طبز فيك يا كلبي يا عكلي
كاسم: يا كلبي انتي
شفيكة: ههههههههههه ما بنساه, يلعن عمري ، لو كنت بحبك مرة صرت أحبك ألف مرة بعد هظاك اليوم, يوم ما اكترحت علي انو نتباطح والي ببطح الثاني 3 مرات هو اللي بنام عالارض والفايز بنام عالتخت .
كاسم: يالله يومها شو انبسطت , بس صحيت ثاني يوم مكسره عظامي من النومه عالارض ..
يا حريكة الحرسة
شفيكة: ماهو يا كاسم انا بطحتك 5 مرات ..
كاسم: لا والله بس بطحتيني عالارض 4 مرات , آخر وحدة مش محسوبة.
تكعديش تكصي علي وتتخوثي
شفيكة: كيف مش محسوبة بطحتك المرة الخامسة لما دعست على ركبتك، ناسي؟
كاسم: هووو هووو علينا ، خلص مو مشكلة يا ستي بطحتيني خمس مرات, هسه ما تظيعي علينا الاحتفال بهاي الليلة الي ما بتتعوض
شفيكة: والله معك حق , خلص شو رأيك انا اليوم رح اخليها ليلة رومانسية بشكل ما بتصدك..؟
كاسم: شو رح تعملي؟
شفيكة: انت ما عليك بس هيني جاي ..
وما هي الا لحظات وخرجت شفيكة من المطبخ حاملة صحن كبييييييير مجدرة, رغرغت عيون كاسم وإنغمرت بالدموع فرحاً, حمد ربه ووعد شفيكة بأن يبقى مخلصاً لها
فما كان من شفكية الا ان طلبت منه بوسه, فلما لفلها خده عضت أذانه فضحك كاسم وضحكت شفيكة
وبكيو على الطاولة يأكلون المجدرة لأخر الليل, ويقال انهم الى الان بياكلو بالمجدرة !!!!
ليلاء
بذرة لا زالت تنمو..
RE: ليلة رومانسية طكع عالطريكة الفلسطينية.. (كاسم وشفيكة) - مواطن مصرى - 05-05-2010
ألا يوجد ترجمة يا ليلاء ؟
وإن كنت لا اعرف ما هى المجدرة ولكن من اجمل لحظات الرومانسية التى جربتها فى حياتى ان يكون هناك نوع محبب من الطعام ويكون اقل من المطلوب ونظل انا وزوجتى وابنائى ندفع الطعام لبعضنا بدعوى ان كل منا قد اكتفى ولا يرغب فيه... وكلنا يكرر نفس الجملة (والله ها ازعل لو ما خدتش دى .. اصل انا شبعت).
RE: ليلة رومانسية طكع عالطريكة الفلسطينية.. (كاسم وشفيكة) - ليلاء - 05-05-2010
مواطن
ترجمه ؟
ما هي دي اللهجة الفلسطينية الجميلة الريفية
و لو ترجمناها ما رح تضل فلسطينية بتصير لهجة تانية؟
المجدرة يا مصري
برغل وعدس حب وبصل وزيت زيتون كتير لزيزة بالعادة بالشتاء بكتر طبخها واكلها
مع بصل اخضر وفجل
وجنبها يا اما بكون في لبن زبادي او سلطة خضرا
بس تيجي الاردن او تروح فلسطين انا عازمتك انت والعيلة عليها
صحتين
RE: ليلة رومانسية طكع عالطريكة الفلسطينية.. (كاسم وشفيكة) - مواطن مصرى - 05-05-2010
(05-05-2010, 01:42 PM)ليلاء كتب: بس تيجي الاردن او تروح فلسطين انا عازمتك انت والعيلة عليها
صحتين
صحتين وعافية وألف هناء وشفاء
وردا على دعوتك الكريمة ، فإن زرت مصر مع العائلة فإنى ادعوكم الى ثلاث نزهات
- يوم كامل بالقاهرة الاسلامية بنت المعز مع سهرة فى اشهر المقاهى بها.
- رحلة نيلية
- يوم كامل بالفيوم على شاطئ بحيرة قارون.
ودامت لك وعليك الصحة والهناء.
RE: ليلة رومانسية طكع عالطريكة الفلسطينية.. (كاسم وشفيكة) - ليلاء - 05-05-2010
اهل مصر
اجدع ناس..
ربنا يبارك فيك ويديم المودة...
حلوة ام الدنيا ..بناسها واثارها وبساطة اهلها..
ليلاء
بذرة لا زالت تنمو
RE: ليلة رومانسية طكع عالطريكة الفلسطينية.. (كاسم وشفيكة) - مواطن مصرى - 05-05-2010
لا اجد ما اقوله إلا الله يديم المحبة والاخوة
مع خالص تحياتى
RE: ليلة رومانسية طكع عالطريكة الفلسطينية.. (كاسم وشفيكة) - العلماني - 05-06-2010
"يسلمو هالإيدين" يا ليلاء على هذه التحفة الفنية و"المناغشة" الفلاحية.
ولي بعض الملاحظات التي سوف أتركها لمداخلة أخرى (نظراً لضيق وقتي الآن).
واسلمي لي
العلماني
RE: ليلة رومانسية طكع عالطريكة الفلسطينية.. (كاسم وشفيكة) - ليلاء - 05-06-2010
the floor is yours
Mr. Elmani