+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: كيف ستشاهد كأس العالم (/showthread.php?tid=37311)
كيف ستشاهد كأس العالم - Free Man - 05-29-2010
كيف ستشاهد كأس العالم ؟
اشتراك نظامي أم قرصنة ؟ بث حي أو مسجل على النت ؟ بمقى او مكان عام ؟ أو لن تشاهده ؟
اشتراك نظامي أم قرصنة ؟ بث حي أو مسجل على النت ؟ بمقى او مكان عام ؟ أو لن تشاهده ؟
RE: كيف ستشاهد كأس العالم - هاله - 05-29-2010
لن أشاهده لأني بطلت أهتم بالكرة لكني لا زلت أهتم بمن يفوز في الآخر
منتخب دولة معترة أم منتخب معسكر أعداء.و كما قال امرؤ القيس: كل معتر للمعتر مشجع
عودا حميدا يا حميد
RE: كيف ستشاهد كأس العالم - أندروبوف - 05-29-2010
مرحبا بعودتك حميد ..
اقتباس:كيف ستشاهد كأس العالم ؟
اشتراك نظامي أم قرصنة ؟ بث حي أو مسجل على النت ؟ بمقى او مكان عام ؟ أو لن تشاهده ؟
صرئة طبعاً .. بس لسى ما قررت الوسيلة ..
انا بفضل شوف المباراة بالبيت لانو مشتركين مع العيلة بأستديو تحليلي .. والله يستر
هات لشوف و أعترف مين بتشجع .؟
RE: كيف ستشاهد كأس العالم - Free Man - 05-29-2010
ألمانيا حتى النخاع و لا تبدأ حربك بحميد الغلبان
RE: كيف ستشاهد كأس العالم - فلسطيني كنعاني - 05-30-2010
طلع في بيننا أشياء مشتركة
ألمانيا و بس .......................................................................... لما تعلب ألمانيا بصير فلسطيني بافاري
من بعد بطولة اوروبا 1996 ما شفت غير سمة البدن و حرق الاعصاب بس بتمنى هالمرة يعملوا إشي ............................... في 98 اتخوزقوا من كرواتيا في دور ال 8 بسبب حمرنة بيرتي فوجتس، في 2002 اتخوزقوا من البرازيل في النهائي لأانه بالاك ما قدر يلعب ، و في 2006 على ارضهم يلعن ام القهر اتخوزقوا Goals 2 في اخر دقيقة في نص النهائي مع إيطاليا .
شخصيا بحب أحضر المباريات مع اصحابي في القهاوي ...... تفرج على العالم كيف بتشمت ببعض و يلعن أبو التحشيش !!
إذا بدك تحضر المباريات في البيت بشكل اخلاقي اشتري كرت الجزيرة ....
إذا بدك طريقة غير اخلاقية فيها قرصنة و شغل سرقة و حرام ، إشتري رسيفر اسمه Dream Box ، رسيفر كوري ما بده غير وصلة على الانترنت و اشتراك بسيط و بتشوف كل إشي سواء كاس العالم أو Showtime أو قنوات اللي بالي بالك.
RE: كيف ستشاهد كأس العالم - Emile - 05-30-2010
تحياتي للعائدين و مشجعي المنتخب الالماني والذي اتوقع له الخروج من البطولة في الدور الاول.
احب ان اذكر امكانية مشاهدة المباريات على الهوتبيرد في التلفزيون الالماني قنوات ARD, ZDF بدون تشفير.
www.ard.de
www.zdf.de
RE: كيف ستشاهد كأس العالم - خوليــــو - 05-30-2010
بالنسبة لي فإني أفضّل المشاهدة غالباً في "المقاهي" و"صالات المراهنات" والأماكن المزدحمة حيث يتكتّل المشجعين .. وأحاول دائماً الابتعاد عن وجود العنصر النسائي الذي يفسد دوماً متعة المتابعة بتعليقاته
.. خصوصاً في المباريات الحساسة ومباريات "إيطاليا" ..في أواخر فترة المونديال سأتواجد في "سوريا" .. وحينها لا أعلم أين سأتابعه .. خصوصاً أنّ قرار "منع التدخين" الجديد سيقلل من الخيارات المتاحة أمامي .. حيث أنّ "السيجارة" بالنسبة لي مسكّن نفسي مهم لحالات التوتر .. ومن المعروف أنّ المشجع الإيطالي يحتاج لصبر أيّوب و"بتنتفخ روحو" وهو يتابع مباريات فريقه بغض النظر عن الخصم .. فريق كبير .. أو حتى فريق هواة ..
بالنسبة لتوقّعاتي للمونديال .. فأنا دوماً أراهن على المدارس الكروية العظمى بالدرجة الأولى .. وعلى المدرّبين بالدرجة الثانية .. ولا أثق بالـ"طفرات" الكروية .. لذا أستبعد وصول "اسبانيا" و"هولندا" بعيداً في المونديال .. عكس كل التوقعات .. رغم حبي لهذين الفريقين "هولندا" خصوصاً ..
أرشّح "انكلترا" بدرجة كبيرة (مع كرهي العميق لهذا المنتخب
) .. وجود "كابيلّو" معها سيشكل توليفة مخيفة جداً .. ولست أدري من سيستطيع إيقاف منتخب كهذا ..ألمانيا أكرهها جداً .. لكن أتوقع أن تذهب بعيداً رغم الغيابات الكثيرة واختيارات المدرب الغريبة وغياب "بالاك" ..
"البرازيل" مخيفة كالعادة .. رغم عدم وجود أي أسماء بارزة فيها اللهم سوى سيزار وكاكا ..
"الأرجنتين" .. "آوت" مع مارادونا .. ستتعثر أمام أول عقبة ..
"فرنسا" .. آوت ..
"إيطاليا" ستحقق المفاجأة .. وستصل بعيداً جداً في المونديال ..
خوليو
RE: كيف ستشاهد كأس العالم - وليد غالب - 05-30-2010
بطولة سخيفة، نفخ إعلامي على الفاضي، لو أتيت بفريق برشلونة لسحق أقوى منتخب بعشرة أهداف مع الرحمة. المنتخبات مستواها ضعيف مقارنة بالأندية لأن لاعبي النادي يلعبون مع بعضهم طوال العام، أما لاعبو المنتخب فلكها كم أسبوع تحضير قبل البطولة والسلام.
كأس عالم 2006 كان من أسخف وأبيخ ما يمكن، وكذلك الذي سبقه، والذي سبقه، والذي سبقه، والذي سبقه. مجرد هالة إعلامية على شي فاضي. لسه بطولة الدوري الأوروبي أحلى بمليون مرة من هالبطولة المسخرة.
أما عن تشجيع الناس في بلاد العرب لهذه المنتخبات فهو في أحيان كثيرة مدعاة للاحتقار، تجد شاباً مسكيناً يقول عن منتخب ألمانيا مثلاً "نحن لعبنا مع كذا.. فزنا على كذا.."، يعني يتحدث عن المنتخب كنا يتحدث عن منتخب وطنه بصيغة "نا الفاعلين".. وتجد النقاشات المحتدمة وكأنها تدور عن معركة تحرير فلسطين.. إيه خراي على هيك تخلف وفراغ وفضاوة وصغر عقل.
وعاااااااااشت أسبانيا التي ستسحق الجميع بلا رحمة، لقد فزنا من عامين ببطولة أمم أوروبا، ومنتخبنا الآن يضم خيرة ما أنجبت أمهات هذا العالم من مهارات كروية، فصبرٌ جميل، وإن غداً لناظره قريب، وسترفع أيادينا الأسبانية كأس العالم قريباً جداً، وفاموس!.
ملاحظة: التشجيع هو جنون وصغر عقل، ولكنه جنون جميل ومفيد، لذلك أنا أشجع إسبانيا بكل جشع.
RE: كيف ستشاهد كأس العالم - أندروبوف - 05-30-2010
اقتباس:"الأرجنتين" .. "آوت" مع مارادونا .. ستتعثر أمام أول عقبة ..
بصراحة أنا ما بهمني يفوز الفريق اللي بشجعو بقدر ما بهمني يفشو قلبي باللعب .. و ما بشوف غير الأرجنيتن لهل المهة للأسباب التالية :
1- تاريخ الأرجنتين حافل بتكسير منافس البرازيل .. البرازيل و ما أدراك ما البرازيل .. أصلاً 50 % من العرب بشجعوها لأسباب معروفة (لانها بتربح دائماً) و أنا بصراحة وجود البرازيل بأي مباراة بحولني تلقائياً لتشجيع الفريق المنافس بالنكايا .
2-الأرجنتين عندن سرعة و لعب هجومي و تكتيك عالي بحيث ما بتشعر بالـ90 دقيقة ..
3- صحيح بتخسر الأرجنيتن على أتفه الأسباب بس مع هيك لو خسروا بحس اللاعبين عم يقاتلوا جوات الملعب .. متل حرب الفوكلاند .
4- خيبة أملي من فريقي القديم ألمانيا اللي بطل يلعب بالروح و التكتيك تبع الماكينة و تحول لعبو لمتل أي فريق أوروبي تاني ..
5- رغم تحفظي على ماردونا بس عم حاول أنظر للنصف الملآن من الكأس و أكتفي انو هو رجل محظوظ و هي ميزة كبيرة بالمدرب ,و كمان الجماهير بتعشقوا رغم كل اخطاؤ و نتائجو التعيسة (بكفي خسارتو مع بوليفيا 6-1 و هالشي لو حصل مع غيرو كانو قطعوه) و هالشي بحد ذاتو بيرفع معنويات اللاعبين طبعاً ..
ماردونا بضل الفخر و القدوة و المثل الأعلى لكل لاعب أرجنتيني .
RE: كيف ستشاهد كأس العالم - خوليــــو - 05-30-2010
(05-30-2010, 01:24 PM)أندروبوف كتب:اقتباس:"الأرجنتين" .. "آوت" مع مارادونا .. ستتعثر أمام أول عقبة ..
بصراحة أنا ما بهمني يفوز الفريق اللي بشجعو بقدر ما بهمني يفشو قلبي باللعب .. و ما بشوف غير الأرجنيتن لهل المهة للأسباب التالية :
1- تاريخ الأرجنتين حافل بتكسير منافس البرازيل .. البرازيل و ما أدراك ما البرازيل .. أصلاً 50 % من العرب بشجعوها لأسباب معروفة (لانها بتربح دائماً) و أنا بصراحة وجود البرازيل بأي مباراة بحولني تلقائياً لتشجيع الفريق المنافس بالنكايا .
2-الأرجنتين عندن سرعة و لعب هجومي و تكتيك عالي بحيث ما بتشعر بالـ90 دقيقة ..
3- صحيح بتخسر الأرجنيتن على أتفه الأسباب بس مع هيك لو خسروا بحس اللاعبين عم يقاتلوا جوات الملعب .. متل حرب الفوكلاند .
4- خيبة أملي من فريقي القديم ألمانيا اللي بطل يلعب بالروح و التكتيك تبع الماكينة و تحول لعبو لمتل أي فريق أوروبي تاني ..
5- رغم تحفظي على ماردونا بس عم حاول أنظر للنصف الملآن من الكأس و أكتفي انو هو رجل محظوظ و هي ميزة كبيرة بالمدرب ,و كمان الجماهير بتعشقوا رغم كل اخطاؤ و نتائجو التعيسة (بكفي خسارتو مع بوليفيا 6-1 و هالشي لو حصل مع غيرو كانو قطعوه) و هالشي بحد ذاتو بيرفع معنويات اللاعبين طبعاً ..
ماردونا بضل الفخر و القدوة و المثل الأعلى لكل لاعب أرجنتيني .
هلا أندروبوف ..
ما كتير بتستهويني الكرة اللاتينيّة .. ميّال للعب التكتيكي أكتر من المهاري .. ولو إني ميّال للأرجنتين أكتر من البرازيل .. وبحالة البرازيل حالتي متل حالتك .. دائماً مشجّع لخصمها .. مع إنو "يحرق حريشن شو لعّيبة"
بالنسبة للأرجنتين .. فتسليم مارادونا قيادة المنتخب برأيي هو أكبر جريمة بيعملها الاتحاد الأرجنتيني بتاريخو .. الأرجنتين حالياً من حيث اللاعبين هيّة أقوى منتخب بلا منازع (ممكن المنازع الوحيد من حيث الأسماء هو اسبانيا) .. وبرأيي لو ما أخدت هلأ الكأس راحت عليها لدهور .. وللأسف .. مع مارادونا مستحيل تاخدو .. رح يدمّر المنتخب ورح يدمّر "ميسّي" يلي ما رح يظهر بالبطولة حسب ما اتوقع ..
ما بعرف ليش "مارادونا" كمدرّب بذكرني وقت كنا صغار نلعب "طابة" بالحواري .. طجّت لعبت
خوليو