+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: حول الحدث (http://www.nadyelfikr.com/forumdisplay.php?fid=64)
+--- الموضوع: «تموت الحكومة ويحيا الشعب» (/showthread.php?tid=37505)
«تموت الحكومة ويحيا الشعب» - AhmedTarek - 06-11-2010
الدستور
الباعة طاردوا الضباط في الشوارع واستولوا علي ثلاث سيارات شرطة وحرقوا موتوسيكل مرور > مدير الأمن يرد بعشر سيارات أمن مركزي ومدرعتين وفرق لمكافحة الشغب لإعادة السيطرة علي ميدان الساعة
حرب شوارع اندلعت بين رجال الشرطة وأهالي منطقة ميدان الساعة بالإسكندرية بعد منتصف ليلة أمس -الخميس- بدأت باشتباكات بين الباعة الجائلين في ميدان الساعة وضباط شرطة المرافق، وهي المعركة التي انتصر فيها الباعة الجائلون الذين قاموا بمطاردة ضباط وعساكر شرطة المرافق في الشوارع بالمطاوي والسيوف بينما فر الضباط والعساكر يحاولون الاختباء في المحال والمنازل المجاورة بعد قذفهم بالطوب والزجاج ومطاردتهم بالأسلحة البيضاء.
وبينما نجح بعض الضباط في الهروب بعد أن أطلقوا رصاصات حية في الهواء فقد طال الباعة ضباطاً آخرين لم يهربوا في الوقت المناسب وأوسعوهم ضرباً لولا تدخل بعض أصحاب المحال الذين قاموا بتهريب الضباط وإغلاق المحال عليهم من الداخل.
ونجح الباعة الجائلون في ميدان الساعة- يساندهم المئات من شباب المناطق المجاورة- في السيطرة علي الوضع- وقاموا بالاستيلاء علي ثلاث سيارات تابعة لشرطة المرافق وحطموها تماماً بعد أن أعادوا البضائع التي كانت عليها لأصحابها. كما قاموا بالاعتداء علي ونش مرور كان متوقفاً بالصدفة في الميدان وأخرجوا الضابط والعسكري من داخله وطاردوهما في الشوارع الجانبية واستولوا علي سيارة المرور.
بينما كان المشهد الأسوأ من نصيب ضابط مرور تصادف وجوده بجانب الونش حيث اعتدي الباعة بمساندة بعض الشباب علي الضابط وجروا وراءه في الشوارع فاختبأ في أحد المنازل واستولوا علي الموتوسيكل الخاص به وأشعلوا فيه النيران في منتصف الميدان وسط التفاف الآلاف من شباب المناطق المجاورة الذين أعلنوا انتصارهم في حربهم مع الشرطة مرددين هتافات معادية للحكومة منها «تموت الحكومة ويحيا الشعب».
وأمام تلك المهزلة رد مدير أمن الإسكندرية اللواء خيري موسي بقوات هائلة من أفراد الشرطة اقتحمت ميدان الساعة في الواحدة والنصف بعد منتصف الليل بدأها بمدرعتين جابتا الشوارع. وبينما كان الأهالي يقذفون المدرعتين بالطوب فإذ بنحو عشر سيارات أمن مركزي تقتحم الميدان ترافقها قوات مكافحة الشغب الذين انتشروا في الميدان بزيهم الأسود في الوقت الذي احتشد فيه العشرات من رجال مباحث شرطة المنتزه والرمل أول وثان يطاردون الشباب والباعة في الشوارع وقاموا باعتقال العشرات بشكل عشوائي.
وقد وصل مدير أمن الإسكندرية إلي الميدان في الثانية بعد منتصف الليل بعد سيطرة رجاله علي الميدان، يرافقه مدير إدارة المرور ورئيس مباحث الإسكندرية وعدد كبير من كبار قيادات مديرية أمن الإسكندرية.
بينما اتخذت قوات الأمن المركزي أماكنها التي سدت بها مداخل جميع الشوارع وسط الأصوات القتالية لقوات مكافحة الشغب والمدرعتين اللتين ظلتا تجوبان الشوارع، ورجال المباحث الذين ظلوا يطاردون الشباب والبلطجية والباعة في الشوارع حتي بزوغ الفجر.
RE: «تموت الحكومة ويحيا الشعب» - -ليلى- - 06-15-2010
الحكومة دى اخرتها سوووووووووده
بس الظاهرانهم لسه مش واخدين بالهم
الكيل طفح خلاص
RE: «تموت الحكومة ويحيا الشعب» - عاشق الكلمه - 06-16-2010
أهو ,, خليكوا شاهدين
علشان محدش ييجى بعد كده يسأل ويقول اخخخخخخخخخخخخخخ يا بلد
خلصوا منك الرجاله ولا ايه؟
RE: «تموت الحكومة ويحيا الشعب» - مواطن مصرى - 06-16-2010
الله ينور يا رجالة
يعنى حتى ولاد الكلب مش مراعيين إن احنا فى موسم مصيف والمصيف مضروب بسبب رمضان والغلابة بيسترزقوا فى الشهرين دول.
منتهى الغباء ولا منتهى التجبر والغطرسة.
لكن فعلا ها تشعلل فى كل حتة بسهولة لو لم تجر الدولة ناعم.
RE: «تموت الحكومة ويحيا الشعب» - ATmaCA - 06-16-2010
نفس اللى حصل فى كفر الشيخ من فترة ..
http://www.youtube.com/watch?v=tVotorpXTY4
سيبها تشعلل يمكن تحصل ثورة وإنقلاب والناس تفوق !!
شكل حسنى مش عايز يمشى غير بالضرب ههههههه.
بيمارسوا العنف بكل اشكاله (كجس نبض) فإن وجدوا إنهم لن يستطيعوا السيطرة يجروا ناعم .
هى دى وظيفة الشرطة التى من المفترض أن تحمى الناس ؟ أصبحت آداة إرهاب للناس ؟
لدرجة ان من له حق آخر من يفكر اللجوء إليه هو الشرطة ؟!
RE: «تموت الحكومة ويحيا الشعب» - -ليلى- - 06-17-2010
(06-16-2010, 04:47 AM)عاشق الكلمه كتب: أهو ,, خليكوا شاهدين
علشان محدش ييجى بعد كده يسأل ويقول اخخخخخخخخخخخخخخ يا بلد
خلصوا منك الرجاله ولا ايه؟
يا عاشق الكلمه حط كلامى فى مكانه
الكلام كان عن اللى وقفوا يتفرجوا على خالد و هو بيتقتل
دول اقول عليهم ايوه
خلصت الرجاله فيكى يا مصر لو كلهم هيبقوا بالمنظر دا
لو هنشوف الناس بتتقتل قدامنا و نسكت يبقا كل المصريين خلصوا
وصلت الفكره؟
RE: «تموت الحكومة ويحيا الشعب» - عاشق الكلمه - 06-17-2010
(06-17-2010, 10:06 AM)-ليلى- كتب:(06-16-2010, 04:47 AM)عاشق الكلمه كتب: أهو ,, خليكوا شاهدين
علشان محدش ييجى بعد كده يسأل ويقول اخخخخخخخخخخخخخخ يا بلد
خلصوا منك الرجاله ولا ايه؟
يا عاشق الكلمه حط كلامى فى مكانه
طيب ماهو فى مكانه
هو مكانه مش الاسكندريه برضو ؟
(06-17-2010, 10:06 AM)-ليلى- كتب: الكلام كان عن اللى وقفوا يتفرجوا على خالد و هو بيتقتل
دول اقول عليهم ايوه
خلصت الرجاله فيكى يا مصر لو كلهم هيبقوا بالمنظر دا
لو هنشوف الناس بتتقتل قدامنا و نسكت يبقا كل المصريين خلصوا
وصلت الفكره؟
متاخديش فى بالك
كنت بهزر .
وبعدين أنتى معاكى حق , مصر فعلا مفيهاش رجالة , واللى حصل من الباعه الجائلين ده ليس دليلا على الرجوله , شويه عساكر أمنى مركزى خلصوا الحكايه وأعادوا الأمور كما كانت عليه وتم القبض على العشرات وبشكل عشوائى .
فى رومانيا وبسبب أن الشرطه حاولت اعتقال مواطن واحد التف حوله الجيران والناس وبدأت الدائره تتسع أكثر فأكثر الى أن تم الخلاص من حكم شاوشيسكو , لمانقدر نبقى يد واحده بالشكل ده نقدر ساعتها نقول ان مصر فيها رجاله , مش بالضروره أن تكون النتيجه النهائيه هى الخلاص من النظام , لكن بالضروره أن يعى النظام أنه يحكم شعبا من البشر وليس قطيعا من الخراف .
RE: «تموت الحكومة ويحيا الشعب» - -ليلى- - 06-18-2010
ايوة الاسكندريه برضو
فى سيدى جابر حضرتك
ماهو اللى حصل للباعه الجائلين كان الضرر عام علشان كدا وقفوا مع بعض
لكن خالد امره يخوف
واحد حوالى 50 واحد يقول لك وقفوا 20 دقيقة
تــــــــــــــــــــــــلت ساعه
يشوفوا الولد بيتقتل و محدش يتحرك
دا مؤشر مهبب بستين نيله
افتكر موقف تانى كمان كويس و ايجابى حصل بعد وفاه خالد الله يرحمه بايام بسيطه
الناس اتحركوا فيه فى الاسكندريه برضو بسبب موت واحد تحت عجلات اتوبيس سياحى كان بيتهرب من لجنة مرور الناس قطعوا فيه الطريق و اتهجموا على اللجنه على ما اعتقد لأنها مش اول حادثة و سببها بيكون ان اللجان دى بتطلب رشاوى من الناس علشان تسيبهم
دا موقف كمان كويس
بس برضو بعد اكتر من حادثه
هو احنا يعنى لازم نتحرك لما تحصل مصيبه او تتكرر الحوادث
بس موقف خالد يجنن
يخالى الواحد يلف حوالين نفسه من السلبيه و العنف و الرعب مش بس الخوف من الشرطه و كلابها السعرانة
ربنا يستر
على فكره نقدر و عندى احساس ان 2011 مش هتعدى على خير
تعرف ان الشرطه فى مظاهرات اول امبارح فى الاسكندريه حسب اقوال الناس لأول مره ما تحتكش بيهم و المظاهره خلصت على خير؟
مش عارفه دا من خوفهم و لا مجرد بيهدوا اللعب لحد ما الموضوع يهدى بين الناس؟
اللى عجيبنى ان الشباب كل يوم هيعملوا مظاهره لحد ما حق خالد يرجع
اعتقد الفكره دلوقتى مش بس حقه لكن حق كل واحد اتهان من البقر دول
الله يهدهم بقا